سوائی مصرعی مدحِ رسول ﷺ

سرکارمحمدؐ کا ہر اک حکم اٹل ہے

کاہے کا دہل ہے
وہ مہرو عطا ، دہر کے آلام کا حل ہے

کاہے کا دہل ہے

اوہام کو ، آلام کو ہر سر سے ہٹائے

اللہ سے ملائے
مملوک کا مولا ہے مرادوں کا عسل ہے

کاہے کا دہل ہے

وہ موردِ لولاک ہے ، گہوارہء ادراک

اور مالکِ اِملاک
ہر اسوہ اُسی کا ہے وہ کردار و عمل ہے

کاہے کا دہل ہے

وہ عالمِ عالم ہے علوموں کا ہے ماہر

اطہار کا طاہر
معمورہ محمدؐ کا علوموں کا محل ہے

کاہے کا دہل ہے

وہ عمد و اعلیٰ ہے وہی حکمِ الٰہی

اللہ کی گواہی
وہ حال کا مالک ہے وہی مالکِ کل ہے

کاہے کا دہل ہے

صدموں سے رہائی کو وہی مہرِ مسلسل

وہ کامل و اکمل
عالم کی اماں ہے وہی مدعس ہے ، امل ہے

کاہے کا دہل ہے

محکوموں کا حامی ہے مددگار وہی ہے

سردار وہی ہے
سائلؔ کے مسائل کا، مہمّوں کا وہ حل ہے

کاہے کا دہل ہے