ساڈی اَکھیاں تُوں مکھ نہ لکاؤ جانڑیاں اِیویں گھڑی پل ہس کے وَکھاؤ جانڑیاں
او کہڑی غلطی اِے ساڈی ساتھوں دور رہندے او بڑے غصے وچ تسیں بھرپور رہندے او
کرو رحم کُچھ ترس وِی کھاؤ جانڑیاں ساڈی اَکھیاں تُوں مکھ نہ لکاؤ جانڑیاں
اِیویں زورا زوری ہاسیاں نوں ڈکی جاندی او سانوں اوپری ن گاواں نال تکی جاندے او
ساڈے حا ل اُتے کرم کماؤ جانڑیاں ساڈی اَکھیاں تُوں مکھ نہ لکاؤ جانڑیاں
او سوہنڑاں ہر ویلے سوچاں وچ پنیڑیاں چنگا نئیں ایوں ہر ویلے چُپ چُپ رہنڑاں چنگا نئیں
جام نظراں دے ہنس کے پلاؤ جانڑیاں ساڈی اَکھیاں تُوں مکھ نہ لکاؤ جانڑیاں
ہر حال وچ تیرا تابعدار راہواں گا جگ ویکھے گا غلام سرکار راواں گا
ساری عمر آ سانوں آزماؤ جانڑیاں ساڈی اَکھیاں تُوں مکھ نہ لکاؤ جانڑیاں
تیرے حسن دا اے سوہنڑی ایں غلام جگ سارا پیا کردا اے تعریفاں سرعام جگ سارا
کر سکدے او جو تساں چاہو جانڑیاں ساڈی اَکھیاں تُوں مکھ نہ لکاؤ جانڑیاں
او رَج نخرے جوانی تے اَداواں توبہ توبہ گورا مکھڑا نشیلیاں نگاہواں توبہ توبہ
ساڈے دِل اُتے تیر نہ چلاؤ جانڑیاں ساڈی اَکھیاں تُوں مکھ نہ لکاؤ جانڑیاں
