رقص

”کیا۔۔۔۔“؟یہ کیا کہہ رہی ہو تم۔۔۔“؟
وہ بے یقینی سے بولا تھا۔۔۔۔۔
”ہاں یہی سچ ہے اور یہی حقیقت یہی وہ حقیقت ہی جس کی وجہ سے اماں جان کا انتقال ہوا۔۔۔۔۔۔۔یہی وہ حقیقت ہے جو آخری وقت پہ وہ تمہیں بتانا چاہ رہی تھی۔۔۔۔۔۔“
بات کرتے کرتے اس کا سانس پھول گیا تھا
ایک سیکنڈ میں اس کے ذہن میں وہ بات کلک ہوٸی تھی کہ جس دن جہاں آراء کا انتقال ہوا تھا اس دن۔۔۔۔وہ شہباز خان کے ساتھ ہی تو تھا۔۔۔۔۔
”یہی سوچ کے اس کے چہرے کا رنگ فق ہوا تھا۔۔۔۔۔
”ایسا کیسے ممکن ہے تم چچا جان کی بیٹی کیسی ہو سکتی ہو۔۔۔۔۔“
وہ ابھی تک یہ بات ماننے سے انکاری تھا۔۔۔۔
زرپاش نے تاسف سے اسے دیکھا تھا۔۔۔
یہ وہ بندہ تھا جو آنکھ بند کرکے اس کی ہر بات پہ یقین کر لیتا تھا۔۔۔۔۔لیکن آج وہ کچھ بھی ماننے پہ تیار نہیں تھا۔۔۔۔
”اس بات کا جواب تو تمھیں تمہارے چچا جان ہی دے سکتے ہیں۔۔۔۔“
وہ سلگتے ہوۓ لہجے میں بولی تھی۔۔۔۔۔
تو وہ ہتھے سے ہی اکھڑ گیا تھا کچھ دیر وہ زرپاش کے سپاٹ چہرے کو دیکھ کے۔۔۔۔۔کچھ سوچتا رہا
پھر اس کا ہاتھ پکڑ کے اسے۔۔۔۔۔کمرے سے باہر لے گیا۔۔۔۔
ایک ہاتھ میں۔۔۔۔۔وہ تصویر تھی۔۔۔۔
”کدھر لے کے جا رہے ہیں۔۔۔۔۔“؟
اس نے اپنا ہاتھ چھڑانے کی کوشش کی۔۔۔۔۔
”چلو میرے ساتھ۔۔۔۔۔۔“
جو بھی حقیقت ہے وہ سامنے آجاۓ گی۔۔۔۔۔
اس کی گرفت اس کے ہاتھ پہ اور مضبوط ہو گٸ تھی
”مانتا ہوں۔۔۔۔۔۔زری تم میری بیوی ہو۔۔۔۔لیکن میں رشتوں میں توازن رکھنے کا قاٸل ہوں۔۔۔۔۔“اگر تمہاری یہ بات الزام ہوٸی تو میں تمہیں چھوڑ دوں گا۔۔۔۔۔۔“
اس نے چھبتے ہوۓ لہجے میں کہا
تو زری اس کے الفاظوں پہ غور کر کے رہ گٸ
کتنی جلدی یہ انسان چھوڑنے کی بات کر دیتا تھا۔۔۔۔
”اور اگر میں سچی نکلی تو۔۔۔۔۔“؟
اس نے۔۔۔۔۔۔بظاہر پرسکون لہجے میں پوچھا تھا۔۔۔۔
پھر پلٹا تھا۔۔۔۔
”تو یہاں موجود ہر ایک انسان اور خود وہ شخص تم سے معافی مانگے گا۔۔۔۔۔۔“
اس نے پراعتماد لہجے میں کہا تھا
پھر اس نے خود کو کسی بے جان چیز کی طرح۔۔۔۔خود کو وہاج کے سپرد کر دیا تھا۔۔۔۔
اس نے سیڑھیا اترتے ہی سب کو آوازیں دینا شروع کر دیا تھا
تھوڑی ہی دیر بعد تقریباً سب لوگوں کے ہی جھنجھلاۓ ہوۓ چہرے نمودار ہوۓ تھے۔۔۔۔
سب سے آخر میں شہباز خان ستے ہوۓ چہرے کے ساتھ۔۔۔۔۔کمرے سے باہر نکلے تھے۔۔۔۔
زرپاش کا ہاتھ یوں پکڑے دیکھ کے ان کے چہروں پہ جھنجھلاہٹ کی جگہ اب۔۔۔۔۔سوالوں کے جال نے لے لی تھی ۔۔۔۔۔
لیکن وہاج جارحانہ نظروں سے۔۔۔۔۔۔شہباز خان کو دیکھ رہا تھا
جو خود معاملہ سمجھنے کی کوشش کر رہے تھے۔۔۔۔
”لگتا ہے بہت جلدی آپ کو اپنی غلطی کا احساس ہو گیا ہے۔۔۔۔۔“
انہوں نے زرپاش کا یوں ہاتھ پکڑے دیکھ کے۔۔۔۔۔۔استہزاٸیہ ہنسی کے ساتھ کہا تھا۔۔۔۔۔
اس کے تاثرات سخت ہوۓ تھے۔۔۔۔۔
”مرد ہاتھ چھوڑنے کے لیے نہیں تھاما کرتے۔۔۔۔۔”مگر لفظ مرد قابلِ غور ہے دادا جان
اس نے کاٹ دار لہجے میں انہیں جتایا تھا۔۔۔۔
”اور دادا جان آپ نے کیا تمام عمر۔۔۔۔۔لوگوں کے بچوں پہ ہی نظر رکھی ہے۔۔۔۔۔۔یا اپنے بچوں کی رنگین مزاجیوں کو بھی پرکھا ہے۔۔۔۔“
اس نے بھی شہباز خان کی طرف دیکھ کے طنزیہ مسکراہٹ کے ساتھ کہا تھا۔۔۔۔
”شہباز خان نا سمجھی سے اس کا طنز سمجھنے کی کوشش کر رہے تھے
مہرالنساء اور رضیہ کے تاثرات بھی کچھ ایسے ہی تھے۔۔۔۔
جب کے ”ہانیہ ثانیہ “ اکتا کے یہ منظر دیکھ رہی تھی۔۔۔۔
صرف رجب خان کے تاثرات سخت تھے۔۔۔۔۔
”کیا کہنا چاہ رہے ہو۔۔۔۔۔“؟کھل کے بولو۔۔۔۔۔“
میرداد مدعے پہ آۓ تھے۔۔۔۔۔
”یہ اپنے بیٹے سے۔۔۔۔۔پوچھیۓ نا۔۔۔۔“؟
اس نے شہباز خان کی طرف اشارہ کر کے۔۔۔۔۔سپاٹ لہجے میں کہا تھا۔۔۔۔۔
”میں کیا بتاٶں۔۔۔۔۔“
وہ ناسمجھی سے بولے تھے۔۔۔۔۔
”کیا رشتہ ہے آپ کا زرپاش سے۔۔۔۔۔۔“؟
اس نے۔۔۔۔۔۔پرسکون لہجے میں سب کے ہوش اڑا دیۓ تھے
سب نے ایک ساتھ سر اٹھا کے زرپاش کی طرف دیکھا تھا۔۔۔۔۔
شہباز۔۔۔۔۔خان۔۔۔۔کے ذہن میں کچھ کلک ہوا تھا
وہ جھٹلانا چاہتے تھے۔۔۔۔کہ اسی لمحے ہوا میں اچھالی گٸ تصویر نے ان کی خوش فہمی ہوا کی تھی
وہ لڑکھڑاۓ تھے۔۔۔۔۔وہ اپنا توازن برقرار نہیں رکھ پاۓ تھے۔۔۔۔۔
انہوں نے بے یقین نگاہیں اٹھا کے اپنے سامنے کھڑی لڑکی کو دیکھا۔۔۔۔۔
جو زخمی نگاہوں سے ۔۔۔۔۔ان کی طرف ہی دکھ رہی تھی
یہ وہ حقیقت تھی۔۔۔۔۔جسے وہ کٸ سال پہلے ایک ویرانے میں چھوڑ آۓ تھے۔۔۔۔۔۔پھر پلٹ کے ان کے ہی سامنے کھڑی تھی۔۔۔۔۔۔
لیکن فرق صرف اتنا تھا کہ۔۔۔۔۔وہ۔۔۔۔۔۔اس وقت اپنے باپ کا گریبان پکڑ کے۔۔۔۔۔اسے روک نہیں سکتی تھی اور آج وہ گریبان پکڑ کے سوال کر سکتی تھی گزرے دنوں کا حساب مانگ سکتی تھی۔۔۔۔
میرداد۔۔۔۔۔۔کے سر پہ جیسے پوری حویلی ہی آن گری تھی۔۔۔۔
”رجب خان کی بھی کچھ ایسی ہی حالت تھی۔۔۔۔
”مہرالنساء نے کچھ گھبراٸی ہوٸی نظروں سے اپنے شوھر کو دیکھا تھا
یہ وہ لڑکی تھی۔۔۔۔۔جسے انہوں نے یہ سوچ کے قبول نہیں کیا تھا۔۔۔۔۔کہ یہ کانٹا ہمیشہ کے لیے ان کی ذندگی سے نکل جاۓ لیکن یہ۔۔۔۔حقیقت آج۔۔۔۔ان کے سامنے کھڑی تھی تو انہیں لگا۔۔۔۔۔۔وہ گزرے باٸیس سال محض دھوکہ تھا۔۔۔۔۔
”ہانیہ اور ثانیہ “ فق رنگت کے ساتھ اپنے باپ کی جانب دیکھ رہی تھی۔۔۔۔
”وہاج سمیت سب اعتراف کے۔۔۔۔۔۔۔منتظر تھے
”سواۓ ان تین لوگوں کے جو اس حقیقت کو جانتے تھے۔۔۔۔۔۔“
”میرداد خان۔۔۔۔۔۔رجب خان۔۔۔۔مہرالنساء۔۔۔“
رضیہ الجھی ہوٸی نظروں سے سب کو دیکھ رہی تھی اسے اس حقیقت سے دور رکھا گیا تھا۔۔۔۔۔
”بتاٸیۓ چچا جان۔۔۔۔۔“؟کیا اس بات میں حقیقت ہے۔۔۔۔۔“؟
وہاج خود بھی بہت تکلیف میں تھا اس لیے نا چاہتے ہوۓ بھی وہ قدرے اونچی آواز میں دھاڑا۔۔۔۔
مہرالنساء نے کچھ اس امید سے اپنے شوہر کی طرف دیکھا جیسے وہ نہ کر دیں گے
پھر وہ لڑکی ان کی آنکھوں کے سامنے سے دفعہ ہو جاۓ گی۔۔۔۔۔
اور شہباز خان کو بے ساختہ وہ دن یاد آیا تھا۔۔۔۔۔
جس دن سفینہ نے پہلی بار۔۔۔۔۔۔شہباز خان کی گود میں ننھی سی بچی کو ڈالا تھا
کتنی ہی دیر تو وہ اسے دیکھتے ہی رہ گۓ تھے۔۔۔۔۔
انہوں نے اس سے خوبصورت بچی اپنی ذندگی میں پہلے کبھی نہیں دیکھی تھی۔۔۔۔۔۔
”ماہ جبین اسے مجھے دینے پہ کیسے رضامند ہو گٸ ۔۔۔۔۔۔“؟
انہوں نے کچھ ہچکچاتے ھوۓ نظر چرا کے پوچھا تھا۔۔۔۔۔
”جو دنیا میں۔۔۔۔۔ہے ہی نہیں وہ رضامند کیسے ہوتی۔۔۔۔۔“
اس نے دوپٹے کے پلو سے آنکھیں صاف کرتے ہوۓ جیسے ان کی سماعتوں پر بم پھوڑا تھا۔۔۔۔۔
”کیا کیسے۔۔۔۔۔“؟
ان کے منہ سے بے ربط جملے نکلے تھے۔۔۔۔
”آپ بھی پوچھ رہے ہیں کیسے۔۔۔۔“؟
وہ اپنا طنز نہ چھپا سکی۔۔۔۔۔۔جو بھی تھا وہ اپنی سہیلی کا قاتل سمجھتی تھی۔۔۔۔۔
”ایسے مت کہیں میری بیوی تھی وہ۔۔۔۔۔“؟
انہوں نے التجاٸیہ لہجے میں کہا۔۔۔۔۔
”بہت جلدی نہیں یاد آگیا ہے آپ کو۔۔۔۔۔“؟
وہ طنز سے بولی تھی۔۔۔۔۔
”میں بہت شرمندہ ہوں۔۔۔۔۔۔“
اس نے ندامت سے سر جھکا دیا تھا۔۔۔۔
”آپ کی اس ندامت کا کوٸی فاٸدہ نہیں۔۔۔۔۔آپ کی محبت کے ناسور کو بلڈ کینسر کا نام دے کے وہ۔۔۔۔۔آپ کی ذندگی سے چلی گٸ وہ۔۔۔۔“
وہ روہانسی ہوٸی۔۔۔۔۔
اعلی ظرف عورت تھی اور صابر بھی۔۔۔۔۔“تب ہی اپنی بیٹی آپ کو سونپ گٸ۔۔۔۔۔۔“
اس نے ایک گہرا سانس لیا
”آج صبح ہی سفینہ کی فون کال کے بعد وہ بھاگے بھاگے۔۔۔۔مری پہنچے تھے۔۔۔۔اس آس پہ کہ شاید ماہ جبین انہیں مل جاۓ
لیکن اس خبر نے ان کا چین و سکون غارت کر دیا تھا
وہ بجھے دل کے ساتھ اپنی بیٹی کو لے کے اس گھر سے نکلے تھے
اس دن انہوں نے تہیہہ کر لیا تھا کہ۔۔۔۔وہ اپنے گناہوں کا مداوا اس بچی کی اچھی پرورش کر کے کریں گے۔۔۔۔
”لیکن۔۔۔۔۔۔وہ اس فیصلے پہ بھی قاٸم نہیں رہ پاۓ تھے۔۔۔۔
وہ اپنے باپ بھاٸی اور بیوی کے سامنے کمزور پڑ گۓ تھے
وہ پھر ایک دفعہ اس بچی کی حق تلفی کر گۓ تھے۔۔۔۔
پتہ نہیں وہ ان کی اولاد تھا یا ان کا ظلم تھا جو ان کے سامنے کھڑا تھا۔۔۔۔
ہوش انہیں تب آیا جب وہاج کی چنگاڑتی ہوٸی آواز ان کی سماعتوں سے ٹکراٸی
انہوں نے ایک نظر نیچے پڑی تصویر پہ ڈالی۔۔۔۔
پھر تڑپ کے زرپاش کی طرف بڑھے۔۔۔۔
مہرالنساء کے دل کو کچھ ہوا۔۔۔۔۔
”میری بچی۔۔۔۔۔۔“
انہوں نے اسے گلے لگانا چاہا تو وہ کرنٹ کھا کے پیچھے ہٹی ۔۔۔۔۔
اب اور کوٸی اعتراف نہیں چاہیۓ تھا وہاج کو۔۔۔۔
وہ ایک ٹھنڈی سانس لے کے رہ گیا۔۔۔۔
اس کب کیسے کا نھیں پتہ تھا وہ اتنا جان گیا تھا کہ جو لڑکی اس کی بیوی ہے وہ اسی کا خون ہے۔۔۔۔۔
زرپاش اس کے پیچھے چھپ گٸ تھی۔۔۔۔۔
میرداد کے چہرے پہ سختی واضح تھی وہ جو اس لڑکی سے جان چھڑانے کے چکروں میں تھے اب یہ بلا ان کے سر پہ ہی مسلط ہونے لگے تھی تو ان کے ہاتھ پاٶں پھول گۓ تھے۔۔۔۔
”پہلے تو پھر کوٸی گنجاٸش بچتی تھی اب تو اس عورت کو ایک سیکنڈ بھی اس گھر میں برداشت نہیں کروں گا۔۔۔۔۔“طلاق دو اسے۔۔۔۔۔“
انہوں نے رعب دار لہجے میں کہا تھا
”مت بھولیۓ بابا جان یہ آپ کی بھی پوتی ہے۔۔۔۔۔“
اس دفعہ یاد دہانی کروانے والے شہباز خان تھے۔۔۔۔
”میرداد نے ایک ابرو اٹھا کے طنزیہ نظروں سے انہیں گھورا
جیسے کہہ رہے ہو ”بڑی جلدی خیال نہیں آگیا تمہیں۔۔۔۔
وہاج کے تاثرات بھی کچھ ایسے ہی تھے
مہرالنساء ناگواری سے یہ منظر دیکھ رہی تھی۔۔۔۔
”مجھے اپنی بیٹی کو دیکھنے تو دو۔۔۔۔۔“
انہوں نے تڑپ کے التجا کی تھی۔۔۔۔
”آپ جیسے باپ کو بیٹی کو دیکھنے کا کوٸی حق نہیں ہوتا آپ کس منہ سے مجھے بیٹی کہہ رہے ہیں وہی بیٹی جسے۔۔۔۔۔۔آپ بے آسرا سڑک کے کنارے پھینک آۓ تھے۔۔۔۔۔“
وہ وہاج کو پیچھے کرتی زخمی شیرنی کی طرح ان کے مقابل آکھڑی ہوٸی تھی۔۔۔۔
میں مجبور تھا اس وقت۔۔۔۔۔“
انہوں نے کمزور سی صفاٸی دی تھی۔۔۔۔۔
”مجبوری کوٸی نہیں ہوتی شہباز خان۔۔۔۔۔۔“اگر رشتہ بنانے کی چاہ ہو تو مجبوری کچھ نہیں ہوتی۔۔۔۔“
وہ زخمی لہجے میں بول کے ان کو ندامت کی اتھاہ گہراٸیوں میں دھکیل رہی تھی۔۔۔۔
”ایسے مت کرو۔۔۔۔۔۔میں نے اتنے عرصے بہت سزا بھگتی ہے۔۔۔۔۔“
وہ مسلسل التجا کر رہے تھے۔۔۔۔۔
”آپ نے سزا بھگتی ہے میں نے سزا بھگتی ہے۔۔۔۔۔آپ کی دھتکاری ہوٸی بیٹی ایک کوٹھے میں پلی بڑھی ایک طواٸف کے ہاتھوں آپ جیسے مردوں اور آپ جیسے لوگوں سے تو ہزار درجہ بہتر۔۔۔۔۔۔۔“ایسی طواٸفیں ہوتی ہیں جو آپ جیسے لوگوں کے گناہوں کو چھپا لیتی ہیں۔۔۔۔۔“
وہ ایک ایک لفظ پہ ذور دیتے ہوۓ انہیں آٸینہ دیکھا رہی تھی
جس کا اثر سواۓ شہباز خان کے اور کسی پر نہیں ہو رہی تھی۔۔۔
”مجھے معاف کر دو۔۔۔۔۔“میں انسان ہوں غلطی ہو گٸ مجھ سے۔۔۔۔۔
انہوں نے اس کا ہاتھ پکڑ کے التجا کرنے کی کوشش کی جو اس نے سختی سے چھڑا لیا
”مر کے بھی نہیں۔۔۔۔۔“کروں گی معاف۔۔۔۔
پتہ نہیں دوسروں کے ساتھ۔۔۔۔۔ظلم کرتے وقت ہم۔۔۔۔۔یہ کیوں بھول جاتے ہیں کہ سامنے والا بھی انسان ہے اور جب خود پہ ظلم ہوتا ہے تو فٹ سے یاد آجاتا ہے کہ ہم انسان ہیں۔۔۔۔۔
وہ سخت مگر ٹھہرے ہوۓ لہجے میں کہہ کے۔۔۔۔۔۔وہاج کی طرف مڑی
اس کی نظروں میں ایسا کچھ تھا کہ وہاج کو کچھ غلط ہونے کا اندازہ ہوا۔۔۔۔
لیکن تب تک وہ سیڑھیاں چڑھ چکی تھی۔۔۔۔
باقی سب لوگ خاموش تماشاٸی تھی
وہاج بھی اس کے پیچھے بھاگا تھا۔۔۔۔۔

خوبصورت اونچی بلڈنگ میں رات کے اس پہر اچھی خاصی رش تھی۔۔۔۔۔۔اس ہوٹل کا شمار دنیا کے بہت بڑے اور مہنگے ہوٹلز میں ہوتا تھا۔۔۔۔۔۔اس وقت شہر کے امیر کبیر لوگ۔۔۔۔۔۔یہاں اپنا دل بھلانے آتے تھے۔۔۔۔۔۔اس وقت ۔۔۔۔۔کاٶنٹر پہ بہت سے سفید گلاس پڑے تھے۔۔۔۔۔۔اور پاس مختلف بوتلیں جس میں۔۔۔۔۔عجیب رنگ کا کوٸی مشروب چھلک رہا تھا۔۔۔۔۔
مدہم روشنی میں مختلف ٹیبلز پہ لوگ خاموشی سے کھانے پینے میں اور خوش گپیوں میں مصروف تھے۔۔۔۔
”ایسے میں۔۔۔۔۔۔۔وہ لال رنگ کی پاٶں کو چھوتی میکسی ذیب تن کیے۔۔۔۔۔۔بالوں کا اونچا جوڑے بناۓ تنی ہوٸی گردن کے ساتھ۔۔۔۔۔۔کسی ملکہ کی طرح بیٹھی تھی۔۔۔۔۔۔“
آنکھوں میں عجیب سا تفاخر تھا۔۔۔۔
اس نے ایک ادا سے۔۔۔۔۔۔۔سامنے بیٹھے اس شخص کو دیکھا تھا۔۔۔۔
جو کالے رنگ کے تھری پیس سوٹ میں۔۔۔۔۔۔کرسی کے ساتھ ٹیک لگا کے بیٹھے ہوۓ تھے۔۔۔۔۔
سفید بالوں کو کنگی کے ساتھ پیشے کی طرف سیٹ کر رکھا تھا۔۔۔۔۔۔
”مجھے یہاں دعوت دینے کی کوٸی خاص وجہ ۔۔۔۔۔“اس نے کانوں میں لٹکتے ٹاپس کو چھوتے ہوۓ ۔۔۔۔۔۔۔ذرا مغرور لہجے میں کہا تھا۔۔۔۔۔۔“
”اچھا اب ہمیں بھی۔۔۔۔۔آپ سے ملنے کے لیے ٹاٸم لینا پڑے گا۔۔۔۔۔۔“
انہوں نے مصنوعی خفکی سے کہا تھا۔۔۔۔
”وقت کی بات تو نہیں۔۔۔۔۔۔خیر جو بھی ہوں جہاں بھی ہوں آپ کی ہی وجہ سے ہوں۔۔۔۔۔۔“آپ نے ہی مجھے کوٹھے سے اٹھا کے ایک ابھرتی ہوٸی اداکارہ بنایا ۔۔۔۔۔میرا سارا وقت آپ کا ہی تو ہے۔۔۔۔۔“
اس نے تشکرانہ لہجہ اپنایا۔۔۔۔۔۔
”دیکھ لیں آپ کی وجہ سے ہی میں نے وہاج جیسے بندے کے ساتھ بھی بگاڑ دی۔۔۔۔۔“
انہوں نے گلاس لبوں کے ساتھ لگاتے ہوۓ احسان جتایا تھا۔۔۔۔
”نوازش جناب آپ کی۔۔۔۔۔۔“لیکن۔۔۔۔۔۔یہ بھی تو دیکھیۓ کہ آپ کی لڑاٸی میں ہمارا بھلا ہوا ہے کون سا ہماری وجہ سے بگاڑی ہے۔۔۔۔۔۔“؟
اس نے نظروں میں تپش لے کے۔۔۔۔۔۔جتا کے کہا تھا
تو وہ ہنس دیۓ تھے۔۔۔۔
”اور اگر ہم کہیں کہ۔۔۔۔۔آپ کی وجہ سے بگاڑی ہے ہم نے۔۔۔۔۔؟
انہوں نے اس کی طرف دیکھتے ہوۓ ذومعنی لہجے میں کہا۔۔۔۔۔
اس نے نظر اٹھا کہ۔۔۔۔۔ایک نظر ستاٸشی نظروں سے اپنے سامنے بیٹھے خوبرو شخص کو دیکھا
جس کی آنکھوں میں محبت کا سمندر ٹھاٹھیں مار رہا تھا۔۔۔۔
”شادی کریں گی مجھ سے۔۔۔۔“؟
انہوں نے ایک مخملی ڈبیہ اس کی طرف بڑھاٸی تو۔۔۔۔۔۔وہ شاکڈ ہو گٸ ۔۔۔۔۔۔

وہ سڑھیاں چڑھ کے سیدھا اپنے کمرے کی طرف بڑھا تھا۔۔۔۔۔۔۔
سامنے وہ غصے سے الماری کھول کے۔۔۔۔۔۔اپنے سارے کپڑے نکال رہی تھی۔۔۔۔۔اور بیگ میں ٹھونس رہی تھی۔۔۔۔
”کہاں جا رہی ہو تم۔۔۔۔۔۔“؟
وہ تیزی سے اس کی طرف بڑھا تھا۔۔۔۔
اس نے کوٸی جواب نہیں دیا تھا۔۔۔۔۔
”تم سے پوچھ رہا ہوں۔۔۔۔۔“کدھر جا رہی ہو۔۔۔۔“؟
اس نے اس کی کلاٸی پکڑ کے اس کا رخ اپنی طرف موڑا تھا۔۔۔۔۔
”چھوڑیں مجھے۔۔۔۔۔۔میں آپ جیسے شخص کے ساتھ نہیں رہنا چاہتی اس گھر میں ہی نہیں رہنا چاہتی۔۔۔۔“
اس نے تیزی سے اپنی کلاٸی اس کی گرفت سے آذاد کرواٸی تھی
”آپ بھی نکلے نا اپنے چچا جیسے۔۔۔۔۔۔”کتنی آسانی سے کہہ دیا ۔۔۔۔۔۔کہ میں تمھیں طلاق دے دوں گا یعنی آپ کے وہ سارے دعوے وہ وعدے جھوٹے تھے۔۔۔۔۔“کبھی سوچا ہے جس وقت آپ چھوڑنے کی بات کرتے ہیں میرے دل پہ کیا گزرتی ہے۔۔۔۔۔۔“
وہ زخمی لہجے میں بولتے ہوۓ استہزاٸیہ ہنسی۔۔۔۔
وہ سپاٹ نظروں سے اسے دیکھ رہا تھا
اس نے اپنا آخری سوٹ جو ۔۔۔۔۔۔۔وہاج نے ہی اسے دلایا تھا ڈالا تھا۔۔۔۔۔اور بیگ گھسیٹتی ہوٸی باہر نکلنے لگی تھی۔۔۔۔۔وہ اس کے پیچھے بھاگا تھا
سڑھیوں کے بالکل قریب پہنچ کے اس نے اسے بازو سے پکڑ کے اپنے قریب کیا تھا۔۔۔۔
”تم میرے ساتھ ایسا نہیں کر سکتی تم مجھے چھوڑ کے نہیں جاسکتی ہو۔۔۔۔۔۔ادھر میری آنکھوں میں دیکھوں کیا تمہیں یہ نظر نہیں آتا تم نے اپنے سامنے کھڑے شخص کا غرور ایک نظر میں پاش پاش کر دیا ہے۔۔۔۔۔کیا کہیں بھی تمہیں محبت کی رمک دیکھاٸی نہیں دیتی۔۔۔۔کیا کہیں بھی تمہیں یہ دیکھاٸی نہیں دیتا کہ تم چھوڑ کے جاٶ گی تو مر جاٶں گا میں۔۔۔۔۔۔“؟
اس نے اس کی آنکھوں میں دیکھتے ہوۓ۔۔۔۔۔۔شکست خور لہجے میں کہا تھا۔۔۔۔۔
زرپاش کی دھڑکنیں بے ترتیب ہوٸی تھی
دل ایک بار پھر بغاوت پہ اتر آیا تھا۔۔۔۔
اس نے خود کو آذاد کروایا تھا۔۔۔۔۔
”مجھے۔۔۔۔۔۔آپ میں اس وقت ۔۔۔۔صرف ایک بے اعتبار انسان نظر آرہا ہے۔۔۔۔۔”سچ پتہ چلنے پہ تو سب ہی اعتبار کر لیتے ہیں۔۔۔۔۔لیکن مزا تب آتا ہے ۔۔۔۔۔جب۔۔۔۔۔۔پوری دنیا آپ کے خلاف ہو اور آپ کا محرم آپ کا یقین کرے۔۔۔۔۔۔“
وہ ایک جھٹکے سے اس سے دور ہوٸی تھی
اور وہاج کو ذندگی میں پہلی بار محسوس ہوا تھا کہ وہ پلٹ کے اب نہیں آۓ گی
وہ تیزی سے سیڑھیاں اتر چکی تھی۔۔۔۔
نیچے حویلی ویران تھی۔۔۔۔
وہ اسے روکنے کے لیے پیچھے بھاگا تھا۔۔۔۔۔۔۔
تیسری سیڑھی پہ اس کا پاٶں الٹا ہوا تھا پھر ایک گھٹی گھٹی چیخ کے ساتھ وہ اپنا توازن نہ برقرار رکھتے ہوۓ کسی چیز کی طرح بل کھاتا سیڑھیوں سے ہوتا ہوا ذمین کی طرف آیا تھا۔۔۔۔۔اس کا سر ذمین کے ساتھ بری طرح ٹکرایا تھا۔۔۔۔
یکدم پیچھے مڑتی زرپاش۔۔۔۔۔۔کے منہ سے دلخراش چیخ نکلی تھی
آخری چیز جو زرپاش نے دیکھی تھی وہ وہاج کا خون آلودہ چہرہ تھا۔۔۔۔۔