رقص

آگ کی ضد پہ مت جا پھر سے بھڑک سکتی ہے
راکھ کی تہہ میں شرارہ نہیں دیکھا جاتا
”ایک قدم بھی آگے مت بڑھاٸیگا ۔۔۔۔۔۔وہاج۔۔۔۔۔“
سب سے پہلے میرداد کی غصیلی آواز اس حویلی میں گونجی تھی۔۔۔۔۔
زرپاش کا دماغ تو سن ہو گیا تھا۔۔۔۔۔
البتہ وہاج کے حواس بیدار تھے۔۔۔۔۔
”میں نے اپنے قدموں پہ کسی کو اختیار نہیں دیا ۔۔۔۔۔دادا جان۔۔۔۔۔“
اس نے استہزاٸیہ کہا تھا۔۔۔۔۔۔
”اگر آپ اس حویلی میں آنا چاہتے ہیں تو اس لڑکی کو یہی ابھی ابھی طلاق دینی ہو گی۔۔۔۔۔۔“میں اس لڑکی کو اپنی بہو کے طور پہ قبول نہیں کروں گا
زرپاش نے سر اٹھا کہ دیکھا تھا
اس دفعہ بولنے والے رجب خان تھا۔۔۔۔۔جن کے لہجے میں۔۔۔۔۔سختی تھی۔۔۔۔۔۔۔
”اگر آپ سب اس خوش فہمی کا شکار ہیں کہ آپ لوگوں کے اس ایموشنل ڈرامہ کی وجہ سے میں اسے چھوڑ دوں گا تو یہ آپ سب لوگوں کی خام خیالی ہے۔۔۔۔۔۔“
اس نے۔۔۔۔۔۔طنز بھرے لہجے میں جیسے۔۔۔۔۔ان کی بات کو۔۔۔۔۔مذاق میں اڑایا تھا۔۔۔۔۔
زرپاش طلاق کا نام سن کے اس کے شانے کے ساتھ لگ کے کھڑی ہو چکی تھی
نظریں ہنوز اس نے شہباز خان پہ جما رکھی تھی
جو اس وقت سفید رنگ کی قمیض شلوار اوپر کالے رنگ کی شال اوڑے۔۔۔۔۔کھڑے تھے۔۔۔۔۔چہرے پہ ایک انتقامی مسکان تھی۔۔۔۔۔۔
وہ ابھی بھی۔۔۔۔۔ویسے ہی تھے۔۔۔۔۔صرف سامنے کے بالوں میں چاندی اتر آٸی تھی۔۔۔۔۔۔اور چہرے پہ جھرٸیاں۔۔۔۔۔۔
وہاج کے شانے کے پیچھے چھپ کے کھڑے ہونے کی وجہ سے وہ اس لڑکی کو دیکھ نہیں پارہے تھے۔۔۔۔
رضیہ البتہ۔۔۔۔۔۔کھوجتی ہوٸی نگاہیں زرپاش پہ جماٸی بیٹھی تھی۔۔۔۔
مہرالنساء کی نظروں میں زرپاش کے لیے ستاٸش تھی
جو بھی تھا لڑکی خوبصورت تھی
ہانیہ اور ثانیہ کی بھی یہی حالت تھی۔۔۔۔۔۔
”وہاج۔۔۔۔۔یہ ہمارا آخری فیصلہ ہے۔۔۔۔۔یا تم اس لڑکی کو چنو گے یا پھر اس حویلی کو۔۔۔۔۔۔سوچ لو۔۔۔۔۔۔“
میرداد نے۔۔۔۔۔۔کڑک لہجے میں اگلا حکم نامہ جاری کیا تھا۔۔۔۔
”میں سوچنے کے لیے ایک منٹ بھی نھیں لوں گا۔۔۔۔۔۔میں زرپاش کو کسی قیمت پہ بھی نہیں چھوڑوں گا اور نہ اس حویلی کو چھوڑوں گا۔۔۔۔۔میں نے کوٸی غلط کام نہیں کیا نکاح کیا ہے۔۔۔۔۔میں کیوں دنیا سے چھپتا پھروں۔۔۔۔۔“
ساتھ ہی زرپاش کا ہاتھ پکڑ کے وہ حویلی کے اندر داخل ہوا تھا۔۔۔۔
رجب خان غصے سے آگے بڑھے تھے تو۔۔۔۔۔میرداد خان نے ان کا ہاتھ پکڑ کے انہیں روکا تھا۔۔۔۔۔
”ہوش کے ناخن لیں۔۔۔۔۔رجب۔۔۔۔۔یہ وقت جوش کا نہیں ہوش کا ہے۔۔۔۔۔اس وقت کچھ کریں گے تو بیٹے سے ہمیشہ ہمیشہ کے لیے ہاتھ دھو بیٹھیں گے اسے کرنے دیں جو وہ کر رہا ہے۔۔۔۔۔“
ان کی آواز۔۔۔۔۔اتنی آہستہ تھی کہ وہ محض رجب خان تک ہی پہنچ سکتی تھی۔۔۔۔۔
انہوں نے پلٹ کے ایک شکایتی نگاہ۔۔۔۔۔اپنے والد پہ ڈالی۔۔۔۔
پھر وہی رک گۓ۔۔۔۔۔
”میں تو زرپاش کے ساتھ یہی رہوں گا میں بھی دیکھتا ہوں کوٸی مجھے کیسے روکتا ہے۔۔۔۔۔“
وہ ٹھیک میرداد کے سامنے کھڑا۔۔۔۔۔انہیں للکار رہا تھا۔۔۔۔
شہباز خان نے پہلی دفعہ اس لڑکی پہ ایک نگاہ ڈالی تھی جو آنکھوں میں عجیب سا تاثر لیے ان کی طرف ہی دیکھ رہی تھی۔۔۔۔۔۔
وہ چاہتے ہوۓ بھی اس لڑکی کو تمخسرانہ نظروں سے نہ دیکھ پاۓ۔۔۔۔
انہوں نے دانستہ نظریں چراٸی تھی
دل میں کہیں اس چہرے کے ساتھ شناساٸی کی رمک جاگی۔۔۔۔۔
وہ یکدم۔۔۔۔۔ڈھیلے پڑ گۓ تھے۔۔۔۔۔
وہاج کی آنکھوں میں عجیب سی خودسری تھی۔۔۔۔
میرداد نے خاموش رہنے میں ہی عافیت جانی تھی
وہ زرپاش کا ہاتھ پکڑ کے اپنے کمرے کی طرف بڑھ گیا۔۔۔۔۔۔
”ہمارا یہ احسان یاد رکھیۓ گا کہ ہم نے اس خودسری کے باوجود۔۔۔۔۔آپ سے کچھ بھی نہیں چھینا۔۔۔۔ذرا سوچیۓ ہم آپ سے یہ سب لیں تو آپ سڑک پہ نہ آجاٸینگے۔۔۔۔۔“
میرداد کی آواز اس کی سماعتوں کے ساتھ ٹکراٸی تو وہ پلٹا۔۔۔۔۔۔۔
”آپ کی سوچ کو آفرین ہے میرداد خان۔۔۔۔۔“ مرد کی اصل دولت اس کی بیوی ہوتی ہے۔۔۔۔۔آپ مجھ سے سب کچھ لے لیں تو بھی میں سڑک پہ نہیں آسکوں گا۔۔۔۔۔کیونکہ جب تک میرے پاس زرپاش ہے تب تک۔۔۔۔۔۔میں اس دنیا کا سب سے امیر شخص ہوں۔۔۔۔۔“
وہ عام سے انداز میں کہتے ہوۓ یہاں موجود ہر شخص کا منہ بند کروا چکا تھا۔۔۔۔۔
میرداد تپش بھری نظروں سے اسے دیکھ کے رہ گۓ
زرپاش نے تشکر بھری نظریں اٹھا کہ اس شخص کو دیکھا تھا جو واقعی ہی اس کا محافظ تھا۔۔۔۔۔
”چلو زرپاش۔۔۔۔۔“
وہ اسے لے کے اپنے کمرے میں چلا گیا تھا اور دروازہ ذور سے ان سب لوگوں کے منہ پہ بند کر دیا تھا۔۔۔۔۔۔
اب وہاں موجود نفوس کی آنکھوں میں غصہ اور اندر ایک ابال تھا۔۔۔۔۔
”بابا جان آپ نے مجھے کیوں روک دیا۔۔۔۔۔میں اسے ہاتھ سے پکڑ کے گھر سے باہر نکالتا۔۔۔۔۔“
وہ شکایت بھری نظروں سے۔۔۔۔۔اپنے باپ کو دیکھتے ہوۓ بولے تھے۔۔۔۔۔
”اولاد جب قد برابر آجاۓ تو پھر۔۔۔۔۔۔اس سے بات بھی سوچ سمجھ کے کرنی چاہیۓ اور تمہاری اولاد تو یوں بھی نہایت بد تمیز اور خود سر ہے۔۔۔۔۔“
ساری بھڑاس رجب خان پہ نکلی تھی۔۔۔۔۔۔
”دیکھ لوں گا میں اس لڑکی کو بھی۔۔۔۔۔پہلے تو وہاج کو واپس اپنی مٹھی میں کرنا ہے۔۔۔۔۔۔“
انہوں نے صوفے پہ بیٹھتے ہوۓ کچھ سوچتے ہوۓ کہا تھا۔۔۔۔۔
”لیکن بابا جان میں اس لڑکی کو اس گھر میں برداشت نہیں کر سکتا۔۔۔۔۔“
رجب ابھی بھی اپنی بات پہ باضد تھے۔۔۔۔۔
”ٹھیک ہے تو جاٶ نکال باہر کرو اسے بھی اور اپنے بیٹے کو بھی ۔۔۔۔ہاتھ دھو بیٹھو گے اپنے بیٹھے سے بھی۔۔۔۔۔“سمجھ کیوں نہیں آرہی تمہیں آخر۔۔۔۔۔“؟
وہ چڑ گۓ تھے۔۔۔۔
تو رجب خان تھوڑے ٹھنڈے پڑ گۓ اور مصلحتاً خاموشی اختیار کر لی۔۔۔۔
چھوٹا سا بڑا کیا ہے میں نے اسے اس کی رگ رگ سے واقف ہوں اسے جس چیز سے منع کرو وہی کام کرتا ہے۔۔۔۔۔
انہوں نے۔۔۔۔۔مصلحت بھرا رویہ اپنایا تھا۔۔۔۔
البتہ اس تمام معاملے میں شہباز خان کی خاموشی کو سب سے پہلے مہرالنساء نے نوٹ کیا تھا۔۔۔۔۔
ان کی اچانک سے یہ خاموشی اس کے لیے۔۔۔۔۔۔حیران کن تھی۔۔۔۔۔
اور ان کی یہ خاموشی خود ان کے اپنے لیے بھی حیران کن تھی
اس لڑکی کے نقوش انھیں ماضی میں لے گۓ تھے ۔۔۔۔اس کے نقوش کسی سے مماثلت رکھتے تھے۔۔۔۔۔
ماضی کی اتھاہ گہراٸیوں کے ساتھ بہت سے پرانے دکھ بھی تھے اذیت ناک یادیں۔۔۔۔۔
جہاں ایک پرانی بوسیدہ عمارت کے سامنے بیٹھ کے اس نے پہلی دفعہ اس حقیقت کا اقرار کیا تھا۔۔۔۔۔
جس سے وہ پچھلے چھ ماہ سے نظریں چرا رہے تھے۔۔۔۔۔۔
”مجھے لگتا ہے مجھے اس سے محبت ہو گٸ ہے۔۔۔۔۔“
انہوں نے نظریں سامنے درخت پہ جماتے ہوۓ کھوۓ کھوۓ لہجے میں کہا تھا۔۔۔۔۔۔
جو ۔۔۔۔۔۔ان کا دوست۔۔۔۔۔یاور کرنٹ کھا کے پیچھے مڑا تھا۔۔۔۔
”کس کی بات کر رہے ہو۔۔۔۔“؟
انہوں نے حیرت سے پوچھا تھا۔۔۔۔۔
”ماہ جبین سے۔۔۔۔۔“
ٰٰوہ ہنوز کسی اور دنیا میں ہی تھا۔۔۔۔۔۔
”شادی شدہ شخص کے منہ سے محبت کا اقرار اچھا نہیں لگتا ہے۔۔۔۔“
انہوں نے چارپاٸی پہ بیٹھ کے حقا پیتے ہوۓ اسے سمجھایا تھا۔۔۔۔
”وہ بیوی ہے میری۔۔۔۔۔“
وہ جیسے کسی خیال سے جاگا تھا۔۔۔۔
”بیوی نہیں ہے۔۔۔۔۔بیوی تھی۔۔۔۔“
اس نے ہنس کے اسے یاد دلایا تھا
نو ماہ کب کے گزر گۓ یاد نہیں ہے طلاق دے آۓ تھے اسے۔۔۔۔
اور یہ خیال ہی کس قدر اذیت ناک تھا۔۔۔۔۔
”میں نے اسے ان نو ماہ میں ہر جگہ ڈھونڈا ہے یاور وہ مجھے کہیں بھی نہیں ملی۔۔۔۔۔“
اس نے دکھ سے کہہ کے سر جھکا دیا تھا
”کھوٸی ہوٸی چیزیں پھر مل جاتی ہیں میرے بھاٸی اپنے ہاتھوں سے گنواٸی چیزیں پھر نہیں ملتی۔۔۔۔۔“
اس نے صاف گوٸی کا مظاہرہ کیا تھا
”مجھے لگتا ہے مجھے اس کی آہ لگی ہے میں اس سے کتراتا تھا نا اب مجھے ہر جگہ وہ ہی دیکھاٸی دیتی ہے۔۔۔۔“
”میں رات کو سو نہیں پاتا۔۔۔۔۔ایسے لگتا ہے وہ کسی آسیب کی طرح میرے۔۔۔۔۔ساتھ ہے۔۔۔۔“
وہ ندامت بھرے لہجے میں اسے کہہ رہے تھے
وہ دونوں اس وقت یاور خان کے ڈیرے پہ بیٹھے تھے۔۔۔۔۔
”ابھی تک تو میری اولاد بھی پیدا ہو چکی ہوگی پتہ نہیں اس نے اسے میرے متعلق بتایا ہو گا کہ۔۔۔۔۔“ نہیں۔۔۔۔۔“
اس نے ایک نظر یاور کو دیکھتے ہوۓ آس بھرے لہجے میں کہا تھا۔۔۔۔۔
”کم ظرفوں کو محبت کرنی نہیں آتی شہباز۔۔۔۔۔۔“
میں کہتا ہوں کمزور مردوں کو محبت نہیں کرنی چاہیۓ وہ محبت کرنے کے اہل نہیں ہوتے۔۔۔۔۔۔
جب وہ تمہارے پاس تھی تب وہ تمہیں چاہیۓ نہیں تھی آج تم اسے چاہتے ہو وہ ہے نہیں۔۔۔۔“
انہوں نے ملامت بھری نظروں سے اپنے سامنے بیٹھے شخص کو دیکھا تھا
”میں اس وقت نا سمجھ تھا۔۔۔۔۔“
اس نے کمزور لہجے میں کہا تھا۔۔۔۔۔
”نہیں شہباز تم نا سمجھ نہیں تھے تم۔۔۔۔مغرور تھے۔۔۔۔“
انہوں نے بھی صاف گوٸی کا مظاہرہ کیا تھا۔۔۔۔۔
اور پھر حقا ایک طرف رکھ کے اٹھ کھڑے ہوۓ تھے۔۔۔۔۔
”جن چیزوں پہ ہمارا بس نہیں چلتا نا۔۔۔۔۔ان کے ساتھ سمجھوتا کر لینا چاہیۓ۔۔۔۔۔“
”تم کھو چکے ہو اسے۔۔۔۔“
ان الفاظوں کی گونج انہیں ابھی بھی۔۔۔۔۔اپنے کانوں میں گونجتی ہوٸی محسوس ہوٸی تھی
اور پھر وہ وہاں کھڑے نہیں ہو پاۓ تھے۔۔۔۔۔
چلے گۓ تھے۔۔۔۔۔
سب نے ایک ساتھ سر گھما کے انہیں دیکھا تھا۔۔۔۔۔
دوسری طرف۔۔۔۔۔وہ جب سے کمرے میں آٸی تھی اس نے سر اٹھا کے نہیں دیکھا تھا۔۔۔۔
وہ اس کی خاموشی محسوس کر کے اس کے پاس آیا تھا۔۔۔
”زری۔۔۔۔۔کیا بات ہے۔۔۔۔۔“؟تم کچھ بول کیوں نہیں رہی۔۔۔۔۔“؟
اس نے نرمی سے اس کا ہاتھ پکڑ کے اس کی آنکھوں میں دیکھا تو وہ خود پہ قابو نہ رکھ سکی۔۔۔۔۔
اس کے ہمدرد نے اس کا ہاتھ تھام لیا تھا
وہ اس کے ساتھ لپٹ گٸ تھی اس کے سینے کے ساتھ سر رکھ کے وہ پھوٹ پھوٹ کے رو دی تھی
اس نے سختی سے اس کا کالر پکڑ رکھا تھا
اور وہ اس کی یہ حالت سمجھنے سے قاصر تھا
وہ اب نرمی سے اس سے پوچھ رہا تھا۔۔۔۔
اور وہ اس تذبذب کا شکار تھی کہ اسے بتاۓ یا نہیں۔۔۔۔
اور وہ آخر اس نتیجے پہ پہنچی کے ابھی ٹھیک وقت نہیں ہے۔۔۔۔۔
”کچھ نہیں۔۔۔۔۔ویسے ہی دل بھر آیا تھا۔۔۔۔
آنسو صاف کرتے ہوۓ وہ زبردستی مسکراٸی۔۔۔۔
پکا نا۔۔۔۔۔“
اس نے مسکرا کے پوچھا تھا
تو اس نے اثبات میں سر ہلا دیا۔۔۔۔۔
وہ مطمٸین تو نہیں ہوا تھا
پر کچھ سوچ کے خاموش ہو گیا تھا۔۔۔۔۔

موج در موج الجھنے کی ہوس بے معنی
ڈوبنا ہو تو سہارا نہیں دیکھا جاتا
”کیا ہوا ہے ساجدہ بیگم۔۔۔۔۔۔“؟
سب خیریت تو رہی ہے نا۔۔۔۔۔“؟
افتخار صاحب نے لکڑی کا بھاری دروازہ۔۔۔۔۔دھکیل کے اپنی بیوی سے پوچھا تھا۔۔۔۔۔
”مبارک ہو۔۔۔۔۔۔“بیٹی ہوٸی ہے۔۔۔۔۔“
انہوں نے خوشی سے بتایا تھا۔۔۔۔۔۔
”لیکن ایک بری خبر بھی ہے۔۔۔۔“
ان کے چہرے کی جوت بجھ گٸ تھی۔۔۔۔۔
وہ ڈاکٹر صاحبہ کہہ رہی تھی۔۔۔۔۔ماہ جبین کی حالت ٹھیک نہیں ہے۔۔۔۔۔۔وہ پہلے سے ہی ایک بیماری سے لڑ رہی ہے۔۔۔۔۔۔اور یوں بھی وقت کم ہے اس کے پاس۔۔۔۔۔
انہوں نے رازداری سے اپنے شوہر کو بتایا تھا
”اچھا یہ بات ابھی مت بتانا اسے۔۔۔۔۔بچی تو دیکھاٶ ہمیں۔۔۔۔۔“
انہوں نے بات ٹال دی۔۔۔۔
وہ اس وقت ماہ جبین کو دکھ نہیں دینا چاہتے تھے۔۔۔۔۔
انہوں نے۔۔۔۔۔جھولے کے اندر۔۔۔۔۔سے ۔۔۔۔۔بچی کو اٹھایا۔۔۔۔
”ماشاء اللہ چاند کا ٹکڑا ہے۔۔۔۔“
”بیڈ کراٶن کے ساتھ ٹیک لگا کے۔۔۔۔۔لیٹی۔۔۔۔۔ماہ جبین نے پہلی دفعہ رخ موڑ کے اس طرف دیکھا تھا۔۔۔۔۔
”دیکھو ماہ جبین اللہ نے تمہیں کتنی خوبصورت بچی دی ہے۔۔۔۔۔“
انہوں نے بچی کو ماہ جبین کی طرف بڑھایا۔۔۔۔۔
اس نے۔۔۔۔۔سہمی ہوٸی نظروں سے افتخار صاحب کی طرف دیکھا تھا
پھر کانپتے ہاتھوں سے بچی کو اٹھایا تھا
سختی سے آنکھیں مینچ لی تھی۔۔۔۔۔
جب اس نے آنکھیں کھول کے دیکھا تھا تو ایک سکھ بھری سانس اس نے خارج کی۔۔۔۔۔
وہ واقعی ہی بہت خوبصورت تھی۔۔۔۔۔
اس نے سارے نین نقوش اپنے باپ کے ہی چراۓ تھے آج بہت وقت بعد۔۔۔۔۔اسے شہباز خان یاد آیا تھا۔۔۔۔۔
اور ساتھ ہی وہ ایک فیصلے پہ پہنچی تھی
انہوں نے سر اٹھا کہ۔۔۔۔دونوں کے مسکراتے چہروں کی طرف دیکھا ایک لمحے کے لیے اس کا دل چاہا وہ اپنا فیصلہ بدل ڈالے۔۔۔۔
”میں نے ایک فیصلہ کیا ہے۔۔۔۔۔۔“
اس نے سر جھکا کے کہا تھا
تو دونوں میاں بیوی اس طرف متوجہ ہوۓ تھے۔۔۔۔
میں آپ لوگوں کی خوشیوں کی قدر کرتی ہوں۔۔۔۔۔آپ لوگوں کا مجھ پہ بہت احسان ہے۔۔۔۔۔لیکن۔۔۔۔۔۔میں چاہتی ہوں کے میری موت کے بعد یہ بچی آپ اس کے باپ کے حوالے کردیں۔۔۔۔۔۔
اس نے نظر چرا کے کہا تھا
لیکن دونوں میاں بیوی ایک دوسرے کا چہرہ دیکھ کے رہ گۓ تھے۔۔۔۔
”خوشی کے موقعے پہ ایسی بات نہیں کرتے ہیں۔۔۔۔“
انہوں نے اسے ٹوکا تھا۔۔۔۔۔
”حقیقت سے نظریں نہیں چراٸی جا سکتی ہیں۔۔۔۔۔آپ لوگ بھی جانتے ہیں۔۔۔۔۔میں اپنی ذندگی کی آخری سانسیں لے رہی ہوں۔۔۔۔۔یہ کینسر مجھے اندر ہی اندر ختم کر رہا ہے۔۔۔۔۔“
اس نے دکھ سے کہا تھا
”بس میری یہ خواہش ہے کہ میری موت کے بعد میرے سابقہ پتے پہ ۔۔۔۔۔میری۔۔۔۔۔دوست سفینہ کے حوالے کر دیجیۓ گا آپ اسے۔۔۔۔۔وہ خود اسے اس کے باپ کے حوالے کر دے گی۔۔۔۔۔“
اس نے التجا کی تھی۔۔۔۔۔
”لیکن ہم پال سکتے ہیں اسے۔۔۔۔۔ہمارے اوپر بوجھ نہیں ہے یہ۔۔۔۔۔“
ساجدہ بیگم نے اپنے حق میں صفاٸی دی تھی
خالہ جان۔۔۔۔۔۔میں جانتی ہوں۔۔۔۔آپ لوگوں کی خلوص نیت پہ مجھے کوٸی شک نہیں ہے۔۔۔۔۔۔
لیکن۔۔۔۔۔۔۔
یہ اس کی ذمہ داری ہے۔۔۔۔“
اس نے بچی کی طرف دیکھتے ہوۓ کہا تھا۔۔۔۔۔
تو دونوں میاں بیوی نے ایک دوسرے کی طرف دیکھ کے اثبات میں سر ہلا دیا تھا۔۔۔۔

اشک اپنا کے تمہارا نہیں دیکھا جاتا
ابر کی ذد میں ستارہ نہیں دیکھا جاتا
شام کے گہرے ساۓ بھی اس حویلی کی خاموشی کے سکوت کو توڑ نہیں پاۓ تھے سب لوگ اپنے کمروں میں چھپے بیٹھے تھے۔۔۔۔۔
وہاج ۔۔۔۔۔۔زرپاش کے اور اپنے کپڑے۔۔۔۔۔الماری میں سیٹ کر رہا تھا
اور زرپاش واش روم میں تھی۔۔۔۔۔
اس نے زرپاش کے بیگ میں رکھا۔۔۔۔آخری سوٹ نکالا تو۔۔۔۔۔کوٸی تصویر بھی ذمین بوس ہوٸی تھی
اس نے جھک کے ذمین پہ پڑی تصویر اٹھاٸی
موڑ کے دیکھا تو۔۔۔۔۔وہ شاک ہو گیا۔۔۔۔۔
وہ کتنی ہی دیر نظریں جما کے نا سمجھی سے اس تصویر کو دیکھتا رہا۔۔۔۔
زرپاش تولیے سے منہ صاف کرتی۔۔۔۔۔۔واش روم سے نکلی تو وہاج کو یوں تصویر پکڑ کے کھڑا دیکھ کے وہ گنگ رہ گٸ ۔۔۔۔۔
”یہ تصویر تمہارے پاس کیا کر رہی ہے۔۔۔۔“؟
اس نے سپاٹ لہجے میں پوچھا تھا۔۔۔۔۔
وہ خاموش رہی۔۔۔۔
”تم سے پوچھ رہا ہوں زری۔۔۔۔۔چچا جان کی تصویر تمہارے پاس کیا کر رہی ہے۔۔۔۔۔“؟
وہ قدم قدم چلتا اس کے پاس آیا۔۔۔۔۔۔اور تصویر اس کی آنکھوں کے سامنے لہراٸی وہ خالی خالی نظروں سے اسے دیکھ کے رہ گٸ ۔۔۔۔۔
”زری کیا رشتہ ہے تمہارا ان کے ساتھ۔۔۔۔۔“؟
اس کو خاموش پا کے وہ دھاڑا۔۔۔۔۔
”باپ ہے میرا یہ ۔۔۔۔۔۔“
بدقسمتی سے بیٹی ہوں میں اس شخص کی
وہ بھی اتنی ہی اونچی آواز سے دھاڑی تھی۔۔۔۔۔۔۔
تو تصویر وہاج کے ہاتھ سے۔۔۔۔۔گر گٸ تھی۔۔۔۔۔
وہ بے یقین نگاہوں سے اسے دیکھ کے رہ گیا ۔۔۔۔۔