رقص

اتنی قبریں نہ بناٶ میرے اندر
میں چراغوں کو جلاتے ہوۓ تھک جاتا ہوں
آگ اگلتا سورج۔۔۔۔۔۔۔ان دنوں شانت تھا۔۔۔۔۔ہلکی ہلکی ٹھنڈی ہواٸیں اس مصروف سڑک کی ہر شہ میں رنگ بھر چکی تھی۔۔۔۔۔لاہور کے لوگ۔۔۔۔جو پورے سال کی گرمی سے گھبراۓ ہوۓ ہوتے ہیں۔۔۔۔۔۔ان کے لیے۔۔۔۔۔۔یہ موسم سرما کسی۔۔۔۔۔۔نعمت سے کم نہیں ہوتا۔۔۔۔۔سردی نے یہاں کی ساری خنکی ختم کر دی تھی۔۔۔۔۔۔
وہ جس لمحے۔۔۔۔۔۔بس اسٹاپ پہ اتری تھی۔۔۔۔۔اس وقت دوپہر ہو چکی تھی۔۔۔۔۔
اس نے اس وقت کھلے سے عبایہ میں اپنا بے ڈھنگا وجود چھپایا ہوا تھا۔۔۔۔۔اور دوپٹے کے ساتھ چہرہ ڈھانپ رکھا تھا اور کندھے کے ساتھ ایک بوسیدہ بیگ لٹکا رکھا تھا جس میں ضرورت کا سامان تھا۔۔۔۔
اتنا لمبا ۔۔۔۔۔۔سفر طے کرنے کی وجہ سے اس کی طبیعت اچھی خاصی خراب ہو چکی تھی ۔۔۔۔۔۔اس کا جی متلا رہا تھا لیکن وہ پاٶں میں بوسیدہ سی جوتیاں پہنے چلتی ہی جارہی تھی۔۔۔۔
”بس کا کرایہ دینے کے بعد اس کے پاس اتنا کرایہ نہیں تھا کہ وہ۔۔۔۔۔۔کسی رکشہ میں بیٹھ سکے
”انسان کی ذندگی میں بعض اوقات۔۔۔۔۔ایسے لمحات بھی آتے ہیں جب وہ خود کو بے بسی کی اتھاہ گہراٸیوں میں پاتا ہے۔۔۔۔۔۔“
”بے بسی۔۔۔۔“؟
اس نے چونک کے اپنے باپ سے پوچھا تھا۔۔۔۔۔
”جواب میں وہ ہنسے تھے
”ہاں بے بسی۔۔۔۔۔۔اللہ اور انسان کے” ا “کے۔۔۔۔۔۔درمیان کا پہلا فرق۔۔۔۔۔۔۔“
”اللہ بے بس نہیں ہے اور انسان بہت بے بس ہے۔۔۔۔۔“
گاڑی کے تیز ہارن کی آواز نے اسے۔۔۔۔۔حال میں لا پٹھا تھا۔۔۔۔
وہ پانی کا نازک بلبلا یکدم ہوا میں تحلیل ہو گیا تھا
اس نے خود کو اکیلا پایا تھا۔۔۔۔۔
اس جگہ جہاں سب لوگ اس سے مختلف تھے۔۔۔۔
یا شاید وہ سب سے مختلف تھی۔۔۔۔۔۔
وہ چپ چاپ سر جھکا کے چلتی ہی جارہی تھی
وہ نہیں جانتی تھی اس کی منزل کیا ہے۔۔۔۔۔
چلتے چلتے۔۔۔۔۔۔۔وہ۔۔۔۔۔ایک دربار کے داخلی دروازے سے ہوتی ہوٸی۔۔۔۔۔۔ذمین پہ بیٹھ گٸ۔۔۔۔۔
اب وہ مذید نھیں چل سکتی تھی
وہ لمبے لمبے سانس لے کے خود کو نارمل کرنے لگی۔۔۔۔
پاٶں سے جوتیاں اتار کے ایک طرف رکھی۔۔۔۔۔۔
چہرے پہ نقاب ہنوز تھا۔۔۔۔۔۔
وہ بس پیڑ کے ساتھ سر ٹکا کے بیٹھی۔۔۔۔۔۔خالی خالی نظروں سے۔۔۔۔۔یہاں آتے لوگوں کو دیکھنے لگی۔۔۔۔
یہ عجیب دنیا تھی۔۔۔۔اس نے نظر گھما کے دیکھا شاید یہاں کوٸی اسے گھور رہا ہو کسی کی نظروں میں تمخسر ہو کسی کے لفظوں میں تذلیل لیکن یہاں کوٸی بھی اسے یوں نہیں دیکھ رہا تھا۔۔۔۔۔۔
اسے یہاں بیٹھی دوپہر سے شام ہو گٸ اور کب شام کے ساۓ رات میں تبدیل ہوۓ اسے کچھ خبر نہ ہوٸی۔۔۔۔۔
کسی کے پکارنے پہ اس نے چونک کے گردن موڑ کے دیکھا۔۔۔۔
سامنے ایک سفید کپڑوں والے بزرگ کھڑے تھے۔۔۔۔۔
جن کی لمبی سفید داڑھی تھی اور چہرہ پر نور۔۔۔۔۔
”گھر نہیں جانا بیٹا۔۔۔۔۔۔“؟
انہوں نے شفقت سے اس کے سر پہ ہاتھ رکھتے ہوۓ پوچھا۔۔۔۔۔۔
”تو اس نے نظریں جھکا لی۔۔۔۔۔
”جن کا کوٸی گھر نہیں ہوتا انہیں یہاں پناہ نہیں مل سکتی کیا۔۔۔۔۔۔“؟
اس نے امید بھری نظروں سے انہیں دیکھتے ہوۓ پوچھا۔۔۔۔۔
انہوں نے سر تا پیر اس لڑکیوں کو دیکھا۔۔۔۔۔
”کیا شوہر سے روٹھ کے آٸی ہو۔۔۔۔۔“؟
انہوں نے نرمی سے پوچھا تھا۔۔۔۔۔
”نہیں دنیا کی دھتکاری ہوٸی ہوں۔۔۔۔۔“
اس کے لہجے میں دکھ تھا
”چلو کوٸی نہیں۔۔۔۔۔“
وہ مسکرا دیۓ تھے
ان کا بات کو اتنا عام لینا اس کی سمجھ سے بالاتر تھا۔۔۔۔۔
”وہ بانٹ نہیں سکتا تمہاری محبت کو۔۔۔۔۔“بہت خوش قسمت ہو۔۔۔۔۔۔“
وہ اس سے تھوڑے فاصلے پہ بیٹھ گۓ تھے۔۔۔۔۔
”جن سے وہ محبت کرتا ہے۔۔۔۔۔انہیں دنیا کا ہونے نہیں دیتا۔۔۔۔۔۔وہ ان کو اپنی طرف موڑ ہی لیتا ہے۔۔۔۔۔۔“
وہ پیڑ کے ساتھ ٹیک لگا کے خلاٶں میں دیکھتے ہوۓ محبت بھرے لہجے میں کہہ رہے تھے۔۔۔۔۔
”وہ مجھ سے محبت کیسے کر سکتا ہے میں نے تو ایک بندے کی محبت کے لیے اس کو چھوڑ دیا تھا۔۔۔۔۔“
اس نے سر جھکا کے شرمندگی سے کہا تھا۔۔۔۔۔
”تم نے چھوڑا تھا اس نے تو نہیں چھوڑا تھا نا۔۔۔۔۔انسان چھوڑ دے خدا کو تو بندہ نہیں گرتا۔۔۔۔۔۔خدا چھوڑ دے بندے کو تو۔۔۔۔۔۔۔“بندہ گر جاتا ہے۔۔۔۔۔۔“
ان کے لہجے میں نرمی کا عنصر نمایاں تھا
چہرے پہ مسکان تھی۔۔۔۔۔
”اسے بندے کا ساتھ نہیں چاہیۓ ہوتا اس کے لیے دنیا میں بہت بندے ہیں ۔۔۔۔۔۔لیکن بندے کو تو اس کا ساتھ چاہیۓ ہوتا ہے نا۔۔۔۔۔“پھر بندہ اس کو چھوڑ کے آخر کہاں تک جا سکتا ہے اسے لوٹنا ہی ہوتا ہے۔۔۔۔۔۔“
انہوں نے رسان سے اسے سمجھایا تھا۔۔۔۔۔
”لیکن بابا جی۔۔۔۔۔یہ دنیا بھی تو اس کی ہی تخلیق ہے وہ نہیں دھتکارتا دنیا کیوں دھتکار دیتی ہے۔۔۔۔“؟
اس نے پہلی بار سر اٹھا کے دکھ سے پوچھا تھا۔۔۔۔۔
”یہ اللہ اور انسان کے ”الف“ کا دوسرا فرق ہے۔۔۔۔۔۔“
”تم نے کبھی سوچا ہے۔۔۔۔۔۔“؟
”الف سے اللہ اور الف سے ہی انسان کیوں ہے۔۔۔۔۔“؟
انہوں نے۔۔۔۔۔۔۔مسکرا کے اس سے پوچھا تھا۔۔۔۔۔
اس نے ناسمجھی سے نفی میں سر ہلا دیا تھا۔۔۔۔۔
”میں بتاتا ہوں تمہیں۔۔۔۔“
انہوں نے اس کی طرف رخ موڑا تھا۔۔۔۔۔
”وہ بندے کو فرق بتانے کے لیے۔۔۔۔“
دونوں کے الف کو۔۔۔۔۔ایک ہی تناظر میں لا کے ۔۔۔۔فرق واضح کرتا ہے۔۔۔۔۔۔
”جیسے۔۔۔۔۔۔اللہ معاف کرتا ہے۔۔۔۔۔۔انسان معاف نہیں کرتا۔۔۔۔۔۔اللہ قبول کرتا ہے انسان دھتکار دیتا ہے۔۔۔۔۔۔۔اللہ کے بس میں سب کچھ ہے انسان بے بس ہے۔۔۔۔۔اللہ رحیم ہے انسان ظالم ہے۔۔۔۔۔۔“
اللہ کے ”الف“ اور انسان کے ”الف“ میں ذمین آسمان کا فرق ہے ۔۔۔۔۔۔۔۔
انہوں نے۔۔۔۔۔۔انگلی سے آسمان کی طرف اشارہ کیا تھا۔۔۔۔۔
”لیکن میرے جیسے لوگوں کی۔۔۔۔۔اس دنیا میں کوٸی جگہ نہیں ہوتی۔۔۔۔۔“
اس کے لہجے میں عجیب سی کاٹ تھی۔۔۔۔عجیب سا دکھ
خدا کی تخلیق کو اس کی بڑاٸی کو مانتی ہو۔۔۔۔۔“؟
انہوں نے پلٹ کے اس سے عام سے لہجے میں کہا تھا
”ہاں۔۔۔۔۔۔۔“
”اس نے فٹ سے جواب دیا تھا
”پھر خود کو کیوں نہیں مانتی۔۔۔۔۔“؟
تم بھی تو اس کی تخلیق ہو۔۔۔۔“
انہوں نے جیسے اسے باور کروایا تھا
”میں تو ایک انسان ہوں“
وہ ناسمجھی سے بولی تھی
”یہی تمہارا حوالہ ہے۔۔۔۔۔“یہی تمہاری پہچان۔۔۔۔۔۔“یہی تمہارا ٹیلنٹ۔۔۔۔۔“
انہوں نے جیسے اسے احساس دلانا چاہا تھا۔۔۔۔۔
”غلطی کدھر ہے پھر۔۔۔۔۔“؟
اس کی سوٸی ابھی تک یہی اٹکی ہوٸی تھی۔۔۔۔۔
ادھر۔۔۔۔۔۔۔دل میں۔۔۔۔“
انہوں نے دل پہ ہاتھ رکھا تھا۔۔۔۔
”یہ کمال بھی تمہیں ہی حاصل ہے۔۔۔دل میں کھوٹ رکھنے کا۔۔۔۔۔آنکھوں کے فساد کو دل تک پہنچنے سے روک لو۔۔۔۔۔تم کامیاب ہو۔۔۔۔“
وہ مطمٸین ہوٸی تھی یا نہیں خاموش ضرور ہو گٸ تھی۔۔۔۔۔
”چلو میرے ساتھ۔۔۔۔۔۔“
وہ اٹھ کھڑے ہوۓ تھے۔۔۔۔۔
”کہاں۔۔۔۔۔“؟
اس نے سر اٹھا کے ناسمجھی سے پوچھا تھا۔۔۔۔۔
”اس کے راستے۔۔۔۔۔۔“
”اس کے پاس۔۔۔۔۔۔“
”میں تمہیں اس تک پہنچنے کا شارٹ کٹ دیکھاٶں گا۔۔۔۔“
وہ پتہ نہیں کیا سوچ کے اٹھ کھڑی ہوٸی تھی۔۔۔۔
ان کی پیروی میں چلنے لگی تھی۔۔۔۔۔
”میں کدھر رہونگی۔۔۔۔۔“؟
اس نے چلتے چلتے یوں ہی پوچھا تھا۔۔۔۔
”یہی ادھر میرے اور میری بیوی کے ساتھ اس دربار میں۔۔۔۔۔“
انہوں نے اسے آگاہ کیا تھا۔۔۔۔
انہوں نے دو گلی چل کے ایک بوسیدہ سے دروازے پہ دستک دی تھی۔۔۔
”کچھ دیر بعد ہی دروازہ کھل گیا تھا۔۔۔۔۔
سامنے ایک۔۔۔۔۔۔نورانی چہرے والی بوڑھی عورت کھڑی تھی۔۔۔۔
”آجاٶ بیٹا۔۔۔۔۔“
انہوں نے اندر داخل ہونے کے بعد اسے پکارا تھا
وہ چپ چاپ سر جھکا کے اندر داخل ہو گٸ تھی۔۔۔۔
اس بوڑھے شخص نے اس کا مختصر تعارف کروایا تھا۔۔۔۔
ان دونوں میاں بیوی نے اس سے کچھ نہیں پوچھا تھا انہوں نے بس اسے کھلے دل سے قبول کیا تھا۔۔۔۔۔
اس دن ماہ جبین کو یقین ہو گیا تھا اس دنیا میں ہر کوٸی شہباز خان نہیں ہوتا۔۔۔۔۔

پاٶں رکھتے ہیں جو مجھ پہ انہیں احساس نہیں
میں نشانات مٹاتے تھک جاتا ہوں۔۔۔۔۔۔
”جی آپ کون۔۔۔۔۔؟
اس نے قدرے آہستہ آواز میں پوچھا تھا۔۔۔۔۔
”دوسری طرف بڑی حویلی کے اس کشادہ کمرے کے صوفے سے وہ اٹھ کھڑی ہوٸی تھی
چال میں اور چہرے پہ رعونت واضح تھی۔۔۔۔
”تم کون ہو۔۔۔۔”؟
جانتے ہوۓ بھی انہوں نے پوچھنا اپنا فرض سمجھا تھا۔۔۔۔۔
”میں۔۔۔۔۔۔۔وہ سوچنے لگی کہ بتاۓ یا نہ بتاۓ۔۔۔۔۔۔
”جانتی ہوں ”تم وہی رقاصہ ہو نا جس نے میری بیٹے کو پھانسا ہے۔۔۔۔۔۔“
انہوں نے اسے نیچا دیکھانے کی کوشش کی تھی۔۔۔۔۔
”جی۔۔۔۔۔۔میں بیوی ہوں وہاج کی۔۔۔۔۔۔“
خفت کے احساس سے اس کا چہرہ لال ہو گیا تھا لیکن اس نے اپنے حق میں کمزور سی صفاٸی دی تھی۔۔۔۔۔
”بس کرو۔۔۔۔۔تمہارے جیسے لڑکیوں کو ہم اچھی طرح سے جانتے ہیں۔۔۔۔۔۔“
وہ اسے بے نقط کی سنانے لگی۔۔۔۔
اسی لمحے دروازہ کھلا اور لال آنکھیں لیے وہاج اس کے سامنے تھا۔۔۔۔
زرپاش کے طوطے اڑ گۓ تھے۔۔۔۔۔
ایک طرف وہاج کی ماں اسے باتیں سنا رہی تھی تو دوسری طرف۔۔۔۔۔وہاج۔۔۔۔
وہاج نے اشارے۔۔۔۔۔سے اس سے موباٸل مانگا تو اس نے چپ چاپ موباٸل اس کی طرف بڑھا دیا دیا تھا۔۔۔۔۔
دوسری طرف سے آتی آواز سن کے اس کے اعصاب تن گۓ تھے۔۔۔۔۔ماتھے پہ بل نمودار ہوۓ تھے۔۔۔۔۔
”تمہاری جیسی ہی لڑکیاں ہوتی ہیں نا جو باآسانی ایسے امیر ذادوں کے بستروں کی زینت بن جاتی ہیں۔۔۔۔۔جن کی اپنی تو کوٸی عزت ہوتی نہیں ہے۔۔۔۔۔وہ دوسروں کی عزت کا بھی خیال نہیں کرتی۔۔۔۔۔“
ان کے لہجے میں بظاہر ٹھہراٶ تھا لیکن رعونت نمایاں تھی۔۔۔۔۔
”اماں جان۔۔۔۔“آپ کو اتنا خیال تو ہونا چاہیۓ کہ ”آپ جس سے بات کر رہی ہیں وہ آپ کی بہو ہے۔۔۔۔“
اسے ان کے یہ الفاظ ناگوار گزرے تھے اس لیے کاٹ دار لہجے میں کہتے ہوۓ وہ جتاۓ بغیر نہ رہ سکے۔۔۔۔
”ہم نہیں سمجھتے اسے بہو۔۔۔۔۔۔“
دوسری طرف سے وہاج کی آواز سن کے ان کا لہجہ کچھ دھیما ہوا تھا۔۔۔۔
”آپ کے یا حویلی والوں کے سمجھنے نا سمجھنے سے مجھے فرق نہیں پڑتا۔۔۔۔۔۔جس سے آپ نے اس طرح بات کی ہے وہ میری بیوی ہے۔۔۔۔۔۔آپ اس کو جتنی جلدی قبول کر لیں آپ سب لوگوں کے لیے اچھا ہے۔۔۔۔۔۔آپ میری ماں ہے میرے لیے بہت قابل احترام ہیں لیکن جس سے آپ نے اس طرح بات کی ہے۔۔۔۔۔۔وہ میری بیوی ہے اور اس سے اس طرح کا سلوک کرنے کی میں کسی کو اجازت نہیں دیتا چاہے وہ میری ماں ہو یا میرا باپ۔۔۔۔۔“
وہ ایک نظر زرپاش کے جھکے ہوۓ سر کو دیکھتے ہوۓ ۔۔۔۔۔ان پہ بہت کچھ ظاہر کر گیا تھا
وہ وہاج کا ایسا لہجہ دیکھ کے۔۔۔۔۔۔حیران رہ گٸی تھی۔۔۔۔۔۔وہاج خان کم ہی لوگوں کے لیے سٹینڈ لیتا تھا
جو بھی تھا یہ لڑکی اس کے لیے خاص تھی۔۔۔۔۔
”کل آٶں گا حویلی۔۔۔۔۔“
کہہ کے کھٹاک سے فون کاٹ دیا تھا۔۔۔۔
پھر ایک تنقیدی نظر سر جھکا کے کھڑی زرپاش پہ ڈالی۔۔۔۔
”تم کیوں سر جھکا کے کھڑی ہو۔۔۔۔۔۔“؟
اس نے سنجیدگی سے پوچھا تھا۔۔۔۔۔
”تم نے شادی کی ہے جرم نہیں کیا۔۔۔۔۔جو تم ہر کسی کی بات سن لیتی ہو۔۔۔۔۔۔“
اس نے۔۔۔۔۔۔نرمی سے اسے سمجھایا تھا
وہ ایک دفعہ پھر بغیر جتاۓ۔۔۔۔۔اس کو تحفظ دے چکا تھا۔۔۔۔
”تم پیکنگ شروع کرو۔۔۔۔۔۔“کل حویلی جانا ہے۔۔۔۔“
وہ کہہ کے پلٹا تو اس کے چہرے کے بدلتے رنگوں کو دیکھ کے پلٹا۔۔۔۔۔
”میں ہوں تمہارے ساتھ یقین کرو کوٸی وہاں تمہیں کچھ نہیں کہہ سکے گا۔۔۔۔۔
اس نے اس کے دونوں ہاتھوں کو تھام کے نرمی سے سمجھایا تھا۔۔۔۔
اس نے پہلی بار سر اٹھا کے اسے دیکھا تھا۔۔۔۔
اس کی آنکھوں کی سچاٸی پہ اسے یقین آیا تھا۔۔۔۔۔
اس نے مسکرا کے سر جھکا لیا تھا
اسے یقین تھا وہاج کے ہوتے ہوۓ اسے کوٸی کچھ بھی نہیں کہہ پاۓ گا۔۔۔۔۔

اب تو آنکھوں میں فقط دھول ہے کچھ یادوں کی
ہم اسے یاد بھی آۓ تو کب یاد آۓ۔۔۔۔۔
نومبر کے اواٸل دنوں میں ہی سرد ہواٶں نے زور پکڑا تھا۔۔۔۔۔لیکن سوات کی نسبت یہاں کا موسم قدرے بہتر تھا۔۔۔۔وہ جس وقت۔۔۔۔۔ان کچی پکی سڑکوں پہ گاڑی چلا رہا تھا تو وہ شیشے سے باہر دیکھتے ہوۓ ماضی میں کھوٸی ہوٸی تھی انہی سڑکوں پہ پہلی بار وہ وہاج سے ملی تھی اس وقت۔۔۔۔۔اسے بالکل بھی اندازہ نہیں تھا کہ ایک دن وہ پھر انہی سڑکوں پہ اس کے سنگ ہو گی۔۔۔۔۔
اس کی بیوی کی حیثیت سے۔۔۔۔۔خوش کن احساس نے اسے اپنی گرفت میں لینا شروع کر دیا تھا
کھنکھنیوں سے اس نے وہاج کو دیکھا جو سنجیدگی سے گاڑی ڈراٸیو کرنے میں مصروف تھا۔۔۔۔۔
پھر شیشے سے باہر ان ۔۔۔۔۔لہلہاتی کھیتوں کو دیکھنے لگی تھی
تھوڑی ہی دیر بعد وہ ۔۔۔۔۔اس اونچی مگر قدیم طرز پہ بنی حویلی کے سامنے تھے۔۔۔۔۔
اس کی گاڑی کے ہارن کی آواز سن کے دروازے پہ کھڑے گارڈ نے۔۔۔۔۔۔چوکنا ہو کے دروازہ کھولا۔۔۔۔
گاڑی سیدھی پورچ میں پارک کی تھی۔۔۔۔۔۔
اور وہ گاڑی سے باہر نکلا تھا۔۔۔۔
مالی تمام ملازمین نے عجیب سی نظروں سے۔۔۔۔۔انہیں دیکھا تھا۔۔۔۔۔
اس نے بڑی شان سے زرپاش کی ساٸیڈ کا دروازہ کھولا اور اس کی طرف ہاتھ بڑھایا
اس نے ہچکچاتے ہوۓ اس کا ہاتھ تھام لیا
وہ اس کا ہاتھ تھامے اندر حویلی کی طرف بڑھ گیا۔۔۔۔۔
اندر بیٹھے تمام لوگوں نے گردن گھما کے اس طرف دیکھا تھا پھر سب کی نظریں ادھر ہی جم گٸ تھی۔۔۔
سب سے پہلے۔۔۔۔۔میرداد اپنی جگہ سے اٹھ کھڑے ہوۓ تھے۔۔۔۔۔داٸیں ہاتھ کی طرف بیٹھے۔۔۔۔۔۔رجب خان نے ان کی پیروی کی تھی۔۔۔۔۔
دونوں کے چہرے پہ غیض و غضب واضح تھا۔۔۔۔
”مہرالنساء اور رضیہ خاموش تماشاٸی تھی۔۔۔۔۔
مہرالنساء کی دونوں بیٹیاں ”ہانیہ اور ثانیہ خاموش تماشاٸی تھی۔۔۔۔۔
صوفے پہ بیٹھے صرف ایک شخص کی زرپاش کی طرف پیٹھ تھی
وہاج کا چہرہ البتہ سپاٹ تھا
وہ اس کے چہرے سے کچھ بھی اندازہ نہیں لگا پاٸی۔۔۔۔۔
سب سے آخر میں صوفے پہ بیٹھے اس شخص نے گردن موڑ کے پیچھے دیکھا تھا
اس کی نظروں میں تمسخر تھا
لیکن زرپاش کو حویلی کا پورا چھت گھومتا ہوا محسوس ہوا اسے لگا اب وہ سانس نہیں لے پاۓ گی وہ وہی ساکت ہو گٸی تھی پھٹی پھٹی نظروں سے وہ اس شخص کو دیکھ رہی تھی۔۔۔۔۔جو اس کے سامنے یوں بیٹھا تھا جو بد قسمتی سے اس کا باپ تھا۔۔۔۔۔۔لیکن اس کا وہاج کے ساتھ کیا رشتہ تھا۔۔۔۔۔“؟
”ایک سیکنڈ لگا تھا اسے سمجھنے میں کہ۔۔۔۔۔۔جہاں آراء کیوں چاہتی تھی کہ۔۔۔۔۔اس کی شادی وہاج سے ہو۔۔۔۔۔“
یہ وہ راز تھا جو وہ سینے میں لے کے دفن ہو گٸی تھی