رقص

گھومنے نکلا تو بھیڑ تھی
سوچنے بیٹھا تو تنہا رہ گیا
عمر کتنی منزلیں طے کر گٸ
دل جہاں ٹھہرا تھا ٹھہرا رہ گیا
اندھیرے کے سیاہ ہیولے۔۔۔۔۔پہاڑوں کے قریب محو رقص تھے۔۔۔۔اونچے قد آور۔۔۔۔درخت۔۔۔۔جن کی چوٹیوں سے لڑکتی۔۔۔۔۔مٹی پہ ۔۔۔۔۔۔عجیب سی وحشت تھی۔۔۔۔۔وہ دور سے اتنے حسین لگتے تھے کہ۔۔۔۔۔اس نے پاس جانے کی کبھی کوشش نہیں کی تھی۔۔۔۔۔۔۔ٹھیک کہتے ہیں لوگ۔۔۔۔۔جو چیزیں دور سے خوبصورت لگیں۔۔۔۔ان کی گہراٸی میں جاکے ان کی بدصورتی کو جانچنے کی کوشش نہیں کرنی چاہیۓ۔۔۔۔۔۔
پتھروں سے بنے چھت کے۔۔۔۔۔۔اس اونچے سے ٹیرس پہ کھڑے ہو کے۔۔۔۔۔۔دور خلاٶں میں کچھ کھوجتے۔۔۔۔۔۔وہ عجیب بے جان سی کھڑی تھی۔۔۔۔۔۔
گزشتہ برف باری کا سلسلہ رک گیا تھا پر تاحدِ نگاہ اندھیرہ پھیلا ہوا تھا۔۔۔۔۔۔کہیں دور سفید روشنیاں بہت غور سے دیکھنے پہ دیکھاٸی دیتی تھی۔۔۔۔شاید وہ ملکہ کوہسار کا کشمیر پواٸنٹ تھا یا مال روڈ۔۔۔۔۔۔
”سب کو ملکہ کوہسار۔۔۔۔۔حسین لگتا تھا ایک صحت آفزاء مقام۔۔۔۔۔۔“لیکن۔۔۔۔۔۔کوٸی بھی ان پہاڑوں کے گرد رقص کرتی کہانیاں نہیں جانتا تھا۔۔۔۔۔بہار کے موسم میں۔۔۔۔۔جب ہر طرف پھول کھلتے تھے اسی لمحے شاید۔۔۔۔۔کوٸی۔۔۔چمن پورا اجڑ جاتا تھا۔۔۔۔۔اور سخت گرمی میں جب ہواٸیں چلتی تھی تو کسی کا وجود بھی راکھ بن کے ہوا میں تحلیل ہو جاتا تھا۔۔۔۔۔۔یا خزاں کے پتوں کے ساتھ کسی کا دل قدموں کے نیچے روند دیا جاتا تھا۔۔۔۔۔۔یا دسمبر کی اس برفباری میں۔۔۔۔۔کسی کی لاش دفن کی جاتی تھی۔۔۔۔۔لیکن یہاں کون جانتا تھا۔۔۔۔۔۔ملکہ کوہسار میں کتنی کہانیاں دفن ہیں۔۔۔۔۔۔“
اسے یہاں ٹیرس کی ٹھنڈی سٹیل کی گرل کو پکڑ کے کھڑے ہوۓ کوٸی ایک بیس منٹ سے ذیادہ وقت گزر گیا تھا۔۔۔۔۔لیکن۔۔۔۔۔وہ بغیر پلک جھپکاۓ۔۔۔۔۔نگاہیں۔۔۔۔ان اندھیرے میں ڈوبے پہاڑوں پہ جماۓ کھڑی تھی۔۔۔۔۔اب تو اس کی آنکھیں بھی شل ہو گٸ تھی۔۔۔۔۔
”لیکن احساسات کیوں شل نہیں ہوتے۔۔۔۔۔“
اس کے جانے کے بعد اسے اتنا یاد رہا تھا کہ ساتھ والے گھر سے اس کی دوست سفینہ آٸی تھی۔۔۔۔۔اسے بیڈ پہ بٹھایا تھا۔۔۔۔۔پھر زبردستی اسے باہر لے آٸی تھی۔۔۔۔۔۔اور خود اندر اس کے لیے چاۓ بنا رہی تھی۔۔۔۔۔
وہ اس قیامت کے بعد نہیں روٸی تھی۔۔۔۔۔۔اس کی آنکھوں میں آنسو جیسے جم گۓ تھے
سفینہ نے ۔۔۔۔۔۔۔کچن سے نکل کے کوٸی پانچویں بار اسے دیکھا تھا۔۔۔۔۔
پھر افسوس سے سر جھٹک کے۔۔۔۔۔اس کے قریب آٸی تھی
ایک نگاہ۔۔۔۔۔اس پہ ڈالی تھی جو کالے رنگ کی۔۔۔۔۔قمیض شلوار۔۔۔۔۔۔پہنے ۔۔۔۔۔اوپر وہ شال جو سفینہ نے زبردستی اسے اڑوا دی تھی۔۔۔۔۔چوٹیاں میں سے سارے بال نکل چکے تھے۔۔۔۔۔۔سیاہ رنگت۔۔۔۔۔ذرد میں تبدیل ہو چکی تھیے
”ماہ جبین۔۔۔۔۔۔۔“حوصلہ کرو۔۔۔۔۔اللہ انصاف کرنے والا ہے“
اس کے پاس تسلی کے سوا کس نہیں تھا۔۔۔۔۔۔
”کیا وہ مانتا تھا اس کو۔۔۔۔۔“؟
اس نے دور خلاٶں میں تکتے ہوۓ کھوۓ کھوۓ لہجے میں۔۔۔۔۔۔۔اس سے سوال کیا تھا۔۔۔۔۔
ان سات گھنٹوں میں وہ پہلی بار بولی تھی۔۔۔۔۔
”بظاہر تو مانتا تھا۔۔۔۔۔“
سفینہ نے مایوسی سے کہا تھا
”مجھے بھی یہی لگا تھا۔۔۔۔۔“میں بھول گٸ تھی بظاہر ماننے میں اور دل سے ماننے میں فرق ہوتا ہے۔۔۔۔۔“
اس دفعہ وہ بھی دکھ سے بولی تھی۔۔۔۔۔۔
”جب پہلی بار۔۔۔۔۔میں نے اسے دیکھا تھا۔۔۔۔۔۔اس وقت۔۔۔۔۔وہ نیم بے ہوشی کی حالت میں تھا۔۔۔۔۔شراب کے نشے میں اس نے گاڑی کہیں ٹھوک دی تھی۔۔۔۔۔۔میں نے اپنی ذندگی میں پہلی بار کوٸی نامحرم دیکھا تھا۔۔۔۔۔یعنی پہلی بار نگاہیں گرد آلودہ کی تھی۔۔۔۔۔۔بابا نے ہمیشہ مجھے کہا تھا۔۔۔۔۔اپنی نگاہوں کو قابو میں رکھنا۔۔۔۔۔یہ تمہارا خدا کے ساتھ رشتہ مضبوط بھی کرتی ہیں۔۔۔۔اور رشتہ توڑ بھی دیتی ہیں۔۔۔۔۔رشتہ توڑنے کی پہلی بنیاد میں نے اس دن رکھی تھی۔۔۔۔۔۔“
وہ جیسے انہی پرانے دنوں میں کھو گٸ تھی۔۔۔۔۔
”میں نہیں جانتی تھی میں نے اسے کیوں دیکھا تھا۔۔۔۔لیکن مجھے اتنا یاد ہے اگلے دن ۔۔۔۔۔تہجد میں ۔۔۔۔۔میں نے اس کی ذندگی کی دعا مانگی تھی۔۔۔۔۔پوری رات۔۔۔۔۔اسے ہوش نہیں آیا تھا۔۔۔۔۔۔”یعنی میں پہلی بار۔۔۔۔۔خدا کو مانگنا بھول گٸ۔۔۔۔۔۔“
وہ خود ہی ہنسی۔۔۔۔“
سفینہ کو لگا وہ پاگل ہو گٸ ہے۔۔۔۔۔
پھر اسے ہوش آگیا تھا اور میرا ہوش جاتا رہا تھا۔۔۔۔۔پہلے جن آنکھوں سے خدا نظر آتا تھا پھر ان سے وہ نظر آتا تھا۔۔۔۔۔پہلے جس زبان سے خدا کو مانگتی تھی اب اس سے اسے مانگتی تھی۔۔۔۔۔پہلے۔۔۔۔۔جن ہاتھوں سے۔۔۔۔۔اللہ کو مانگتی تھی۔۔۔۔۔۔اب وہ ہاتھ اسے مانگنے کے لیے اٹھتی تھے میں جس دن بے غرض سے غرض پہ آٸی اس دن۔۔۔۔خدا کی محبت۔۔۔۔۔میرے دل سے نکلی تھی۔۔۔۔۔۔وہ حکمران ہے۔۔۔۔۔”بادشاہ۔۔۔۔“وہ جدھر رہتا ہے اکیلا رہتا ہے۔۔۔۔۔“تو کیسے ممکن تھا۔۔۔۔۔کہ ایک بندے کے ساتھ میرے دل میں رہ لیتا۔۔۔۔۔“شرک کے درجوں میں کیا عشق مجازی بھی کوٸی درجہ ہے۔۔“؟کیا وہ عشقِ مجازی کو معاف کر دے گا۔۔۔۔۔؟
محبت۔۔۔۔۔۔ایک خود غرض جذبہ ہے۔۔۔۔۔یہ صرف خدا کا حوصلہ ہے کہ وہ بے غرض محبت کرتا ہے۔۔۔۔۔انسان کی محبت تو غرض میں لپٹی ہوتی ہے۔۔۔۔۔خدا کی محبت کے معیار نہیں ہوتے۔۔۔۔۔انسان کی محبت کے معیار ہوتے ہیں۔۔۔۔۔۔اور افسوس۔۔۔۔۔۔ہم انسان کی محبت کے معیار کے لیے ہر حد سے گزر جاتے ہیں۔۔۔۔۔اور بے قدرے ہو کے رسوا ہو جاتے ہیں۔۔۔۔۔“
وہ کھوۓ ہوۓ لہجے میں کہہ رہی تھی اس کی آنکھوں میں کرب لہجے میں دکھ تھا۔۔۔۔۔۔
سفینہ نم آنکھوں سے اس لڑکی کو دیکھ رہی تھی جسے رنگت کی بناء پر دنیا ابتداء سے دھتکارتی آٸی تھی
”تمہیں پتہ ہے۔۔۔۔۔انسان کی بربادی کہاں سے شروع ہوتی ہے۔۔۔۔۔“؟
اس نے پہلی دفعہ مڑ کے۔۔۔۔۔سفینہ کی طرف دیکھا
اس نے نفی میں سر ہلایا۔۔۔۔۔۔
”جہاں وہ انسانوں کو خدا پہ ترجیخ دینے لگتا ہے۔۔۔۔۔۔“
اس دکھ سے کہہ کے رخ پھر دوسری جانب موڑ لیا تھا۔۔۔۔۔۔۔
”میں نے تمہیں ابتداء میں کہا تھا ماہ جبین تم اس کی خواہش مت کرو۔۔۔۔۔چہروں سے انسانوں کی پہچان نہیں ھوتی۔۔۔۔۔۔“
اس نے پلو سے آنکھوں کے گوشے پونچھتے ہوۓ اسے یاد دہانی کرواٸی۔۔۔۔۔۔
”میں نے اس کی خواہش نہیں کی تھی۔۔۔۔۔میں نے اس سے محبت کی تھی۔۔۔۔۔۔میں نے خدا سے سب جانتے ہوۓ بھی اسے مانگا تھا بار بار مانگا تھا۔۔۔۔۔ضد کر کے مانگا تھا۔۔۔۔۔مجھے بس وہ چاہیۓ تھا۔۔۔۔۔۔“اپنی حیثیت معلوم ہوتے ہوۓ بھی۔۔۔۔۔۔میں نے اسے اپنی غرض کے لیے چاہا تھا۔۔۔۔۔۔۔“
پھر خدا نے مجھے دے دیا جو میں نے چاہا۔۔۔۔۔
”لیکن اب مجھے پتہ چل گیا ہے۔۔۔۔۔کہ جو چیز خدا نہ دے رہا ہو اس کی ضد نہیں کرنی چاہیۓ بلکے اس کی طلب بھی چھوڑ دینی چاہیۓ کیونکہ انسان نادان ہے۔۔۔۔۔جو چیز خدا جانتا ہے انسان نہیں جان سکتا۔۔۔۔۔“
اس دفعہ اس کے لہجے میں ٹھہراٶ تھا۔۔۔۔۔
”میں سوچتی ہوں۔۔۔۔۔۔مرد کو یوں ۔۔۔۔۔ہر چیز اپنی عورت میں مکمل ہی چاہیۓ ہوتی ہے۔۔۔۔۔لیکن۔۔۔۔۔۔اپنی حوس پوری کرتے وقت وہ سب کچھ بھول جاتا ہے۔۔۔۔۔وہ اپنی اولاد تک کو بھول گیا یوں چھوڑ گیا جیسے یہ صرف میری اولاد ہے۔۔۔۔۔۔“اس نے کہا کہ میری اولاد مجھ سے بھی بدصورت ہو گی۔۔۔۔۔“
وہ تڑپ کے اس کی طرف پلٹی تھی۔۔۔۔۔
”اس وقت میرا دل دہل گیا۔۔۔۔۔
”کیا واقعی ہی ایسا ہوگا۔۔۔۔۔۔اگر ایسا ہوا تو میں اسے پیدا ہوتے ہی مار دوں گی۔۔۔۔۔۔“
اس کی آنکھوں میں وحشت اتر آٸی۔۔۔۔۔
”میں ماہ جبین کی کہانی دوبارہ شروع نہیں ہونے دوں گی۔۔۔۔۔“
وہ ہذیانی کیفیت میں کہہ رہی تھی
”خدا کی دنیا بہت ظالم ہے۔۔۔۔۔“
اسے آنے والے وقت سے خوف آیا۔۔۔۔۔
ایسا نہیں ہو گا۔۔۔۔۔ماہی ۔۔۔۔۔۔تم دیکھنا اللہ تمہیں بہت خوبصورت اولاد دے گا۔۔۔۔۔
اس نے اسے ساتھ لپٹا کے تسلی دی ۔۔۔۔۔
اس نے اس کے گلے لگ کے اپنے دل کا غبار نکال دیا۔۔۔۔۔
وہ اونچی آواز میں جیسے بین کرتے ہوۓ رو رہی تھی۔۔۔۔۔
”ماہی۔۔۔۔۔۔خدا کے لیے صبر کرو۔۔۔۔۔۔تم اس کے بغیر نہیں رہ سکتی تو ۔۔۔۔۔۔تم بھی جانتی ہو ابھی تمہیں طلاق نہیں ہوٸی رجوع۔۔۔۔۔کی گنجاٸش باقی ہے۔۔۔۔۔۔۔میں خود اس سے رابطہ کرونگی۔۔۔۔۔۔اس کے پاٶں پڑ جاٶنگی میں خود اسے منا لونگی۔۔۔۔۔۔“
اس نے اس کے آنسو پونچھ کے اسے تسلی دی۔۔۔۔۔
”نہیں سفینہ۔۔۔۔۔۔میں کسی طور اب اس شخص کے ساتھ نہیں رہنا چاہتی میں خود کو اور نہیں گراٶنگی۔۔۔۔۔۔وہ مجھ پہ اور اپنی ہی اولاد پہ تھوک دیا۔۔۔۔۔۔میں خود کو اور اپنی اولاد کو سستا نہیں کرونگی۔۔۔۔۔جو انسان ایک دفعہ آپ کو چھوڑ جاۓ تو اس کے ساتھ مکمل قطع تعلق کرنے میں ہی بہتری ہوتی ہے۔۔۔۔۔۔۔“میں کل ہی یہاں سے چلی جاٶنگی پھر واپس نہیں آٶنگی ۔۔۔۔۔
اس نے آنسو صاف کرتے ہوۓ جیسے تہیہ کیا۔۔۔۔۔۔
”تم ایسے کیسے جاسکتی ہو۔۔۔۔“؟”کہاں جاٶگی تم۔۔۔۔۔“؟
سفینہ نے اسے روکنے کی کوشش کی۔۔۔۔۔
”اسی میں ہی بہتری ہے میرے لیے۔۔۔۔۔“میں کہیں بھی چلی جاٶنگی۔۔۔۔۔۔۔یہاں نہیں رہونگی
”یہاں رہونگی تو ۔۔۔۔۔۔ہر چیز میں وہ ہی نظر آۓ گا ہر چیز میں اس کا چہرہ نظر آۓ گا۔۔۔۔۔میں اس کے چہرے خوشبو عکس سے فرار چاہتی ہوں۔۔۔۔۔میں اس سے فرار چاہتی ہوں۔۔۔۔۔۔اور وہ آذادی مجھے یہاں رہ کے نہیں مل سکتی۔۔۔۔۔“
وہ مضبوطی سے بولی۔۔۔۔۔
اب وہ فیصلہ کر چکی تھی تو یکسر مختلف نظر آرہی تھی۔۔۔۔۔۔
”ٹھیک ہے جہاں تم خوش رہو میں تمہارے ساتھ ہوں۔۔۔۔۔“
اس نے محبت بھرے لہجے میں کہا تھا۔۔۔۔۔
”ذندگی میں ہمدرد لوگ کم ہی ملا کرتے ہیں۔۔۔۔۔۔“
”اور اس کی تو ذندگی میں یوں بھی ہمدردوں کی کمی تھی۔۔۔۔۔
اگلی صبح اس نے ایسا ہی کیا تھا۔۔۔۔۔۔سفینہ کے لاکھ روکنے منع کرنے کے باوجود۔۔۔۔۔وہ اللہ کا نام لے کے وہاں سے چلی گٸ تھی۔۔۔۔۔۔
اسے نہیں پتہ تھا کہ۔۔۔۔۔اسے کہاں جانا ہے لیکن وہ اتنا ضرور جانتی تھی کہ خدا کی ذمین بہت بڑی ہے۔۔۔۔۔
”اسے اب خدا کی طرف ہی لوٹنا تھا دنیا کے دھتکارے ہوۓ لوگوں کا واحد سہارا خدا ہی بچتا ہے۔۔۔۔۔۔“
اور اسے یقین تھا خدا نہیں دھتکارے گا اسے۔۔۔۔۔
یہاں سے اس کی ذندگی کے نۓ باب کا آغاز ہوا تھا جس میں۔۔۔۔۔۔شہباز کہیں نہیں تھا
یا شاید وہ ہر جگہ تھا
دل کی کسی خانے میں چھپا ہوا۔۔۔۔۔۔
یا دفن ہوٸی اس لاش کی طرح جسے دفنا کے ہمیشہ کے لیے بھلا دیا جاۓ۔۔۔۔۔

اندھے نکالتے ہیں میرے چہرے سے نقص
بہروں کو یہ شکوہ ہے کہ غلط بولتا ہوں میں
جس وقت۔۔۔۔۔وہ نیوز بیورو سے نکلا تھا اس وقت وہ کافی پرسکون دیکھاٸی دے رہا تھا وہ احساسات جذبے۔۔۔۔چھپانے کا ہنر جانتا تھا وہ جانتا تھا دشمن کو کیسے زیر کیا جاتا ہے۔۔۔۔۔۔محض ایک مسکراہٹ کے ذریعے۔۔۔۔۔۔صرف دماغ سے۔۔۔۔۔وہ اپنے اندر کے جذبوں کو چہرے پہ رقم کرنے کا عادی نہیں تھا۔۔۔۔۔۔
وہ جانتا تھا کس سے کتنی محبت کرنی ہے۔۔۔۔۔۔“؟کس سے کس حد تک دشمنی کرنی ہے۔۔۔۔۔۔“؟وہ تاش کے سارے پتوں سے واقف تھا۔۔۔۔۔۔
”وہ آسانی سے معاف نہیں کرتا تھا کم از کم اپنی ذلت کو۔۔۔۔۔۔وہ وہاج خان تھا۔۔۔۔۔۔وہ صاف گو تھا۔۔۔۔۔وہ دشمن کی اس رگ پہ ہاتھ رکھتا تھا کہ اسے اگلی سانس لینے کی مہلت نہیں دیتا تھا اس سے کم ہی لوگ واقف تھے۔۔۔۔۔وہ کسی پہ کم ہی کھلتا تھا۔۔۔۔۔۔اسے ہاری ہوٸی بازی۔۔۔۔۔۔۔جیتنی آتی تھی بعض اوقات۔۔۔۔۔وہ جان کے بازی ہار جاتا تھا لیکن اس کا یہ مطلب نہیں تھا وہ جیتنا نہیں جانتا تھا۔۔۔۔۔
گاڑی میں بیٹھ کے۔۔۔۔۔اس نے موباٸل نکالا۔۔۔۔۔اب وہ کسی کا نمبر ڈاٸل کر رہا تھا دوسری بیل پہ کال اٹھا لی گٸ تھی۔۔۔۔۔۔
دوسری طرف سے صدیقی کی خوشگوار سی آواز ابھری تھی۔۔۔۔۔۔
”کیسے ہیں وہاج صاحب۔۔۔۔۔“؟
اس دو کمروں کے فلیٹ میں موجود اس خوبرو شخص جو اس وقت سادہ سی ٹراٶزر شرٹ پہنے ہوۓ تھا۔۔۔۔۔۔ہاتھ میں پکڑے کافی کے کپ میں چمچ ہلاتے ہوۓ پوچھا تھا۔۔۔۔۔
”حالات اچھے نہیں چل رہے تھے۔۔۔۔۔“؟مگر اب اللہ کے کرم سے حیریت ہے۔۔۔۔۔۔“
اس نے گاڑی سٹارٹ کرتے ہوۓ ذومعنی لہجے میں کہا۔۔۔۔۔۔
”وہ ذور سے ہنسا تھا۔۔۔۔
”اڑتی اڑتی ہم تک بھی پہنچی ہے۔۔۔۔۔۔“حریف کم رکھا کیجیۓ نا جناب آپ نے تو ہر دوسرے شخص سے دشمنی گانٹھ رکھی ہے۔۔۔۔۔۔
اس نے فون اسپیکر پہ ڈالا
اور دودھ فریج سے نکالتے ہوۓ بات کو ہنسی میں اڑا دیا۔۔۔۔۔
جو لوگ ہمارے معیار کے نہیں ہوتے۔۔۔۔۔وہ دشمن پہ اتر آتے ہیں۔۔۔۔۔ہمارا کیا کمال۔۔۔۔۔“؟
وہ بے تکلفی سے کہہ رہا تھا۔۔۔۔۔
”ہمارا لاٸق کوٸی خدمت۔۔۔۔۔۔“؟
اس نے چولہے پہ دودھ رکھ کے ماچس جلاتے ہوۓ انہوں نے خوشدلی سے کہا تھا۔۔۔۔۔۔
”لڑکیاں قابو میں کر لیتے ہیں۔۔۔۔۔۔۔
گاڑی ریورس کرتے ہوۓ اس نے عام سے لہجے میں پوچھا تھا۔۔۔۔۔
تو وہ پہلے چونکے پھر ذور سے حد دیۓ۔۔۔۔۔
وہاج صاحب کیسی باتیں کرتے ہیں چالیس سال سے اوپر کے بندے جس کے سامنے کے بالوں میں چاندی صاف دیکھاٸی دیتی ہے۔۔۔۔۔اس سے کیا پوچھ بیٹھے ہیں۔۔۔۔۔۔“؟
انہوں نے مصنوعی سرد آہ بھری۔۔۔۔۔۔
”آپ کو کس نے کہہ دیا عورت کو۔۔۔۔۔ظاہر سے قابو کیا جاتا ہے۔۔۔۔۔۔۔یہ تو دماغ کے کھیل ہیں۔۔۔۔۔“دماغ سے کھیلے جاتے ہیں۔۔۔۔۔۔آپ چالیس کی بات کرتے ہیں عورت تو ساٹھ سال کے بوڑھے پہ بھی فدا ہو جاتی ہے اکثر۔۔۔۔۔“
اس نے بڑی صاف گوٸی سے کہا تھا
معاملہ انھیں گھمبیر لگا تھا
”کیا بات ہے خان جی۔۔۔۔۔۔کوٸی سنجیدہ معاملہ ہے۔۔۔۔“؟
وہ یکدم کرسی کھینچتے ہوۓ سنجیدگی سے بولے۔۔۔۔۔۔
”معاملے سنجیدہ نہیں پیچیدہ ہوتے ہیں انھیں اگر سنجیدگی سے حل نہ کیا جاۓ تو۔۔۔۔۔۔وہ خطرہ بن جاتے ہیں۔۔۔۔۔۔“
وہ اپنی مسلسل کار ڈراٸیو کرتے ہوۓ مسکرا کے اپنی سابقہ ٹون میں ہی بات کر رہا تھا
یہ اس کا۔۔۔۔۔مخصوص انداز تھا جو وہ ان لوگوں کے ساتھ اپناتا تھا جن کے ساتھ اس کی بے تکلفی ہوتی تھی۔۔۔۔۔
”خان جی آپ جیسی عقل کہاں ہے ہمارے پاس کچھ بتاٸیں گے تو معاملے کی سنگینی تک پہنچے گے۔۔۔۔۔۔“
اس نے ہنس کے۔۔۔۔۔۔اس کی تعریف کرتے ہوۓ اصل مدعے کے متعلق۔۔۔۔۔۔۔استفسار کیا تھا۔۔۔۔۔
”آپ کی فلم جو ہے نا وہ رانی ہی کرے گی۔۔۔۔۔۔“
اس نے یو ٹرن لیتے ھوۓ اسے بتایا نہیں تھا حکم بھی نھیں دیا تھا صرف آگاہ کیا تھا۔۔۔۔۔
”پر خان جی اتنے بڑے ہنگامے کے بعد میں یہ سمجھوں کے آپ معاف کرنے پہ یقین رکھتے ہیں۔۔۔۔۔“؟
وہ اٹھ کھڑا ہوا تھا چولہا بند کر کے۔۔۔۔۔۔دوبارہ کرسی پہ بیٹھ کے اسے کرید رہا تھا
کافی میں اس کی ساری دلچسپی ختم ہو گٸ تھی۔۔۔۔
”کم از کم آپ سے اس بات کی توقع نہیں کر رہا تھا۔۔۔۔۔آپ جانتے ہیں میں منافقت پہ یقین نہیں رکھتا ہوں۔۔۔۔۔میں اس بات پہ یقین رکھتا ہوں کہ یہ تو خدا کا حوصلہ ہے جو بندے کو معاف کر دیتا ہے انسان معاف کر کے بھی معاف نہیں کیا کرتا۔۔۔۔۔اور میں تو یوں بھی معافی کے حق میں نہیں ہوں۔۔۔۔۔۔“
میں اس بات پہ یقین رکھتا ہوں۔۔۔۔
”آنکھ کے بدلے آنکھ کان کے بدلے کان۔۔۔۔۔
”عزت کے بدلے عزت۔۔۔۔۔۔“
اس نے۔۔۔۔۔۔۔اس دفعہ۔۔۔۔۔تھوڑا کڑوا لہجہ اپنایا تھا۔۔۔۔۔
وہ دل کھول کے ہنسا تھا وہ وہاج کو جانتا تھا۔۔۔۔
”پھر آپ عزت کے بدلے عزت لیں گے۔۔“؟
اس نے دلچسپی سے اگلا سوال پوچھا تھا۔۔۔۔۔
”مرد اپنی بے عزت بھول جاتا ہے۔۔۔۔۔۔لیکن اپنی عورت کی بے عزتی وہ معاف کرنے کی ہمت نہیں رکھتا۔۔۔۔۔“
اگر بات میرے تک رہتی تو میں ایک کمزور صنف کے ساتھ مقابلے پہ یقین نہیں رکھتا۔۔۔۔۔
”لیکن یہاں بات میری بیوی کی ہے۔۔۔۔“
اس کے لہجے میں خود با خود سختی در آٸی تھی۔۔۔۔
”شام میں ملتے ہیں آپ کے فلیٹ پہ سنجیدگی سے بات کرتے ہیں اس متعلق۔۔۔۔۔“
وہ خود کو سنبھال چکا تھا اس لیے اگلی بات۔۔۔۔۔خوشدلی سے کہی تھی۔۔۔۔۔
اور کال کاٹ دی تھی
اب اس کی ساری توجہ ڈراٸیونگ پہ تھی۔۔۔۔
دور اس فلیٹ میں وہ سفید بالوں والا شخص۔۔۔۔۔۔کسی گہری سوچ میں ڈوب گیا تھا۔۔۔۔۔

کیا خرابی ہے میرا ہونے میں
تم کو آتا تو ہے مکر جانا۔۔۔۔
اسلام آباد سے جس وقت وہ دوبارہ۔۔۔۔۔۔۔سوات پہنچا تھا اس وقت۔۔۔۔۔شام کے ساۓ گہرے ہو چکے تھے۔۔۔۔۔۔اس کی گاڑی کے مخصوص ہارن کی آواز سن کے وہ سیدھا گلاس ونڈو کی طرف بڑھی تھی جہاں۔۔۔۔۔سے باہر کا منظر۔۔۔۔۔صاف دیکھاٸی دے رہا تھا۔۔۔۔۔وہ گاڑی سے اتر کے اب۔۔۔۔۔گاڑی کو لاک کر کے ڈراٸیور کو۔۔۔۔۔کوٸی ہدایت دے رہا تھا ہلکے آسمانی رنگ کی قمیض شلوار۔۔۔۔۔۔اوپر۔۔۔۔۔۔سلور واسکوٹ پہنے۔۔۔۔۔۔بال بکھرے ہوۓ تھے وہ کافی تھکا ہوا لگ رہا تھا
اب اس کا رخ اندر کی طرف تھا وہ بھی کھڑکی میں سے ہٹ گٸ تھی۔۔۔۔۔۔
وہ جیسے ہی ۔۔۔۔۔ٹی وی لاٶنچ میں گیا۔۔۔۔۔۔ٹی وی لاٶنچ ویران پڑا تھا۔۔۔۔۔۔
”بوا ۔۔۔۔۔“
وہ بوا کو آوازیں ۔۔۔۔۔۔دیتا ہوا ۔۔۔۔۔صوفے پہ بیٹھ گیا۔۔۔۔۔اس کے سر میں ہلکا ہلکا درد ہو رہا تھا۔۔۔۔۔۔
”بوا تیزی سے کچن سے باہر نکلی تھی۔۔۔۔۔
”ارے آپ۔۔۔۔۔۔آگۓ ہیں وہاج بیٹا۔۔۔۔“
وہ خوشدلی سے بولی تھی۔۔۔۔۔
”جی بوا۔۔۔۔۔“
زری کدھر ہے۔۔۔۔۔”؟
اس نے نظریں ادھر ادھر دوڑاتے ہوۓ سرسری پوچھا۔۔۔۔۔
”وہ کمرے میں ہیں۔۔۔۔۔“؟
انہوں نے اسے آگاہ کیا تھا۔۔۔۔۔
وہ اٹھ کھڑا ہوا۔۔۔۔۔
”چاۓ بجھوا دوں آپ کے لیے۔۔۔۔۔“؟
انہوں نے عام سے لہجے میں۔۔۔۔۔۔پوچھا تھا۔۔۔۔
”نہیں۔۔۔۔۔“ کھانا ہی کھاٶں گا رات کا۔۔۔۔۔“
وہ کہتا ہوا زینے عبور کر دیا۔۔۔۔۔۔
”وہ جیسے ہی دروازہ کھول کے اندر داخل ہوا۔۔۔۔“
وہ چھلانگ مار کے بیڈ سے اتری اور اس کے سامنے جاکے کھڑی ہو گٸ۔۔۔۔۔۔۔
اس نے حیرت سے اسے دیکھا
”آگۓ آپ۔۔۔۔۔“
وہ پرجوش لہجے میں بولی۔۔۔۔۔
”نہیں تو ابھی راستے میں ہوں۔۔۔۔۔“
اس نے گھڑی اتار کے۔۔۔۔۔ڈریسنگ ٹیبل پہ رکھتے ہوۓ مسکرا کے اسے چھیڑا تھا۔۔۔۔۔
ویسے تم میرا انتظار کر رہی تھی۔۔۔۔۔“؟
اس نے۔۔۔۔بیڈ پہ بیٹھ کے۔۔۔۔۔دلچسپی سے پوچھا تھا۔۔۔۔۔
”نہیں تو۔۔۔۔۔۔“
وہ گڑبڑا گٸ۔۔۔۔۔۔
وہ دھیرے سے مسکرا دیا۔۔۔۔
”وہ میں نے ۔۔۔۔۔آپ کا شکریہ ادا کرنا تھا “
وہ بھی بیڈ کے کونے پہ ٹک گٸ تھی۔۔۔۔
اور آخر رک رک کے وہ بات کہہ دی تھی جو کہنا چاہ رہی تھی۔۔۔۔
”شکریہ۔۔۔۔۔کس بات کا۔۔۔۔۔“؟
اس نے مصنوعی حیرت چہرے پہ سجا کے پوچھا تھا۔۔۔۔۔
”وہ جس طرح آج آپ نے سب کچھ سنبھالا۔۔۔۔۔“
اس نے۔۔۔۔۔نظریں جھکا کے۔۔۔۔۔ٹھہر ٹھہر کے کہا تھا
وہ تذبذب کا شکار تھی۔۔۔۔۔
اس نے کچھ کہا نہیں تھا بس مسکرا دیا تھا
اور انگلیوں سے۔۔۔۔اپنی کنپٹیاں مسلنے لگا تھا۔۔۔۔
پتہ نہیں وہ پریشان تھا یا تھکا ھوا تھا
اس نے نظر اٹھا کے اس کی طرف دیکھا تھا۔۔۔۔۔
”آپ کی طبیعت ٹھیک ہے۔۔۔۔۔“؟
اس نے فکرمندی سے پوچھا تھا
”ہاں بس سر میں تھوڑا درد ہے۔۔۔۔۔“
اس نے مسکرا کے اسے جیسے ٹالا تھا۔۔۔۔۔
”میں دبا دوں آپ کا سر۔۔۔۔۔“؟
اس نے ہچکچاتے ھوۓ نظر چرا کے پوچھا تھا۔۔۔۔۔
”اتنی مہربانیاں کس خوشی میں۔۔۔۔۔“؟
وہ ہاتھ باندھ کے۔۔۔۔۔مزے سے بولا۔۔۔۔
اس نے شرما کے نظر جھکا لی۔۔۔۔۔
”ادھر آٸیں دبا دوں سر۔۔۔۔۔“؟
اس نے خود کو سنبھال لیا تھا اس کے تھوڑے قریب ہو کے بیٹھی۔۔۔۔۔
”اگر تم اس دفعہ میرے منہ پہ تھپڑ مارنے کا ارادہ نہیں رکھتی تو میں تمہاری گود میں سر رکھ دوں۔۔۔۔۔“؟
اس نے سر اٹھا کے رخ موڑ کے پیچھے بیٹھی زرپاش کی آنکھوں میں دیکھتے ہوۓ شرارت سے کہا تھا
تو وہ جھنپ گٸ تھی۔۔۔۔
”اچھا چلو خاموشی نیم رضامندی ہوتی ہے۔۔۔۔“
اس نے اسے خاموش پاکے خود ہی نتیجہ اخذ کر لیا تھا
اور سر اس کی گود میں رکھ دیا تھا
وہ اب اس کا سر دبا رہی تھی۔۔۔۔۔
تھوڑی ہی دیر بعد۔۔۔۔۔اس کی سانس بھاری ہونے لگی۔۔۔۔۔وہ نیند کی آغوش میں چلا گیا تھا۔۔۔۔۔
وہ کتنی ہی دیر قریب سے اس کا چہرہ دیکھتی رہی۔۔۔۔
پھر خود ہی مسکرا دی۔۔۔۔۔
ساٸیڈ ٹیبل پہ بجتے موباٸل نے اس کی توجہ اپنی طرف مبذول کرواٸی۔۔۔۔۔۔
اس نے دیکھا وہاج بے خبر گہری نیند سورہا تھا۔۔۔۔۔
موباٸل بجنے کے بعد خود با خود خاموش ہو گیا تھا
اس نے سرہانے پہ وہاج کا سر رکھا اور اٹھ کھڑی ہوٸی
رات کے کھانے کے لیے۔۔۔۔۔۔بوا کو ہدایات دینی تھی۔۔۔۔۔
اس نے پیر بیڈ سے نیچے اتارے ہی تھے کہ وہاج کا موباٸل ایک دفعہ پھر بج اٹھا۔۔۔۔۔
اس نے کچھ سوچ کے آگے بڑھ کے کال پک کر لی۔۔۔۔۔۔
اور کمرے سے باہر نکل گٸ۔۔۔۔۔
”دوسری طرف سے آتی کسی عورت کی۔۔۔۔۔غصیلی آواز نے۔۔۔۔۔۔اسے چونکا دیا تھا۔۔۔۔۔“