نور خدا

دادو ۔۔۔ آپ جاگ رہی ہیں ۔۔۔۔؟ زکی دادی کے کمرے کا دروازہ کھٹکٹاتے ہوئے بولا ۔۔۔۔
جی ۔۔۔۔ میری جان ۔ ۔۔۔ آجا ۔۔ کیا ہوا ۔۔۔ پریشان ہے کسی بات کو لے کر ۔۔۔۔؟ دادی نے کمرے میں آتے زکی کو الجھا ہوا پایا ۔۔۔ تو پوچھا ۔۔۔۔
دادو ۔۔۔ آج رات میں نے پھر ایک خواب دیکھا ۔۔۔ زکی نے اندر آتے ہوئے بتایا ۔۔۔۔
اچھا ۔۔۔ تو خواب کی وجہ سے پریشان ہے ۔۔۔؟ بتا کیا دیکھا خواب میں ۔۔۔۔ ؟ ادھر آ .۔۔۔ میرے پاس آ کر بیٹھ ۔۔۔ دادی نے زکی کو بیڈ پر بیٹھنے کا اشارہ کیا ۔۔۔۔
دادو ۔۔۔ اب میں تھک گیا ہوں ۔۔ ایسے خواب دیکھتے دیکھتے ۔۔۔۔ یہ سب کب تک چلے گا ۔۔۔۔ آج پھر وہی لڑکی آئی میرے خواب میں ۔۔۔۔ اس مرتبہ میں نے کچھ الگ سا دیکھا ۔۔۔ بلکہ آج سے پہلے کبھی ایسا خواب نہیں دیکھا ۔۔۔۔ میں اور میرے کچھ دوست پارٹی میں تھے ۔۔۔ میں ایک طرف ۔۔۔ سب سے دور اکیلا بیٹھا ہوا تھا ۔۔۔۔ وہ سب کے سب ایک ایک کر کے میرے قریب آئے ۔۔۔ اور مجھے ساتھ چلنے کو کہا ۔۔۔۔ میں نے سب کو منع کر دیا ۔۔۔۔ میرے انکار کے بعد اچانک سب مجھے چھوڑ کر چلے گئے ۔۔۔ کسی ایک نے بھی میرا ساتھ نہیں دیا ۔۔۔۔ دادو اگر یہ خواب سچ ہو گیا تو ۔۔۔ اگر میری اصل زندگی میں ایسا ہی ہو گیا تو ۔۔۔۔۔ زکی نے تفکر بھرے انداز سے دادی کو دیکھا ۔۔۔۔۔۔
نہیں ۔۔۔ میرا بچہ ایسا کچھ نہیں ہوگا ۔۔ تو کیوں فکر کرتا ہے ۔۔۔ تُو نے باسط کو بھی دیکھا خواب میں ۔۔۔؟ دادی متذبذب بھرے انداز سے زکی کو دیکھتے ہوئے بولی ۔۔۔۔
نہیں دادو ۔۔۔۔ باسط نہیں تھا ۔۔۔ ان سب میں ۔۔۔۔ اس کا مطلب وہ کبھی مجھے چھوڑ کر نہیں جائے گا ۔۔۔۔ ہمیشہ ہر مصیبت میں میرا ساتھ دے گا ۔۔۔ زکی کے اداس چہرے پر خوشی کی لہر دوڑ اٹھی ۔۔۔
خوش رہو ۔۔۔ میرے بچے ۔۔۔ دادی نے زکی کو پیار دیتے ہوئے کہا ۔۔۔۔
دادو ۔۔۔۔ ایک بات بتائیں ۔۔۔ زکی ۔۔۔ دادی کی گود میں سر رکھتے ہوئے بولا ۔۔
ہاں ۔۔۔۔ ؟
جیسے جیسے ۔۔۔ میں بڑا ہو رہا ہوں ۔۔۔ وقت بدل رہا ہے ۔۔۔۔ طرح طرح کی سوچیں مجھے گھیر رہی ہیں ۔۔۔۔ پریشان کرتی ہیں ۔۔۔ اب میں ایسا ہو گیا ہوں کہ ۔۔۔۔ میرا کچھ بھی کرنے کو دل نہیں چاہتا ۔۔۔ دوست بلاتے رہتے ہیں ۔۔۔ جانے کا من نہیں کرتا ۔۔۔ میں پہلے تو کبھی ایسا نہیں تھا ۔۔۔ دادو ۔۔۔ کیوں میں ۔۔۔ ہر لمحہ بےچین رہنے لگا ہوں ۔۔۔ کیوں مجھے اب کہیں پر بھی سکون نہیں ملتا ۔۔۔ کیوں مجھے ہر شے سے بیزاری سی ہونے لگی ہے ۔۔۔۔؟ ۔۔ جب کہ مجھے وہ سب کچھ مل گیا ہے ۔۔۔ جس کی میں نے ہمیشہ سے تمنا کی تھی ۔۔۔۔ میں نے وہ سب حاصل کر لیا ہے ۔۔۔ جو میری عمر کے لڑکے کرنا چاہتے ہیں ۔۔۔۔۔۔۔ پھر اب یہ بےسکونی کیسی ہے دادو ۔۔۔ ؟ زکی نے اپنی انگلیاں کنپٹی پر رکھے کہا ۔۔۔
میں ٹی وی پر آنا چاہتا تھا ۔۔۔۔ مشہور سنگر بننا میری زندگی کا مقصد تھا ۔۔۔ اب میری سب خواہشیں پوری ہیں ۔۔۔ مجھے سب کچھ مل گیا ۔۔۔ پھر بھی یہاں اندھیرا ہے ۔۔۔ دادو ۔۔۔۔ اندر سے خالی ہے ۔۔۔ زکی نے اپنے سینے پر ہاتھ رکھے کہا ۔۔۔
مجھے یوں لگتا ہے کہ جیسے میں وہ کشتی ہوں جس کا کوئی ساحل نہیں ہے ۔۔۔۔
دیکھ میرے بچے ۔۔۔۔ آسان سی بات ہے ۔۔۔ تجھے چوٹ آئی ہے بازو پر اور تُو مرہم لگا رہا ہے ٹانگ پر ۔۔۔۔۔۔ ٹانگ پر درد نہیں ہے ۔۔ وہاں پر دوا لگانے کا کوئی فائدہ نہیں ۔۔۔۔ جہاں درد ہے وہاں تُو دوا لگا نہیں رہا ۔۔۔ تو پھر زخم ٹھیک کیسے ہوگا ۔۔۔ دادی نے مسکراتے ہوئے کہا ۔۔۔
کیا مطلب دادو ۔۔۔ ؟ میں سمجھا نہیں ۔۔۔۔ زکی سیدھا ہو کر بیٹھتے ہوئے بولا۔۔۔۔۔ یہ جو خلا ہے نا یہ تیرے جسم میں نہیں ۔۔۔ تیری روح میں ہے ۔۔۔ روح کو میوزک کا نہیں پتا ۔۔۔ روح کو ڈانس کا نہیں پتا ۔۔۔ اُسے صرف دو کا پتا ہے ۔۔۔ ایک اللہ جس نے اُسے بنایا ۔۔۔ ایک اللہ کے نبیؐ جنہوں نے اسے طریقہ سمجھایا ۔۔۔ اس کے علاوہ روح کے لئے کوئی غذا نہیں ۔۔۔ اگر تمہیں بھوک لگی ہو ۔۔۔ گانا گا سکتے ہو ۔۔ ؟ اگر پیاس لگی ہو ۔۔۔۔ اگر نیند آئی ہو تو تم گا سکتے ہو ۔۔۔؟
نہیں ۔۔۔۔ زکی نے نفی میں سر ہلایا ۔۔۔۔
اگر تم جسم کی ڈیمانڈ پوری نہیں کر رہے ہو ۔۔۔ تو تم گا نہیں سکتے ہو تو ایسے ہی روح میں ایک فریاد اٹھتی ہے ۔۔۔ جب ہم اسے اللہ کا تعلق نہیں دیتے ۔۔۔ نماز نہیں پڑھتے ۔۔۔ سچ نہیں بولتے ۔۔۔ حرام سے نہیں بچتے تو تب اس کے اندر ایک پکار پیدا ہوتی ہے ۔۔۔ وہ فریاد اور پکار ۔۔۔ ڈپریشن بنتی ہے ۔۔۔ یہ بیماری کچھ نہیں ہے ۔۔۔ بس اسے بھوک لگی ہے اور ہم روٹی نہیں کھلا رہے ۔۔۔ اسے پیاس لگی ہے اور ہم پانی نہیں پلا رہے ۔۔۔۔ میں چاہتی ہوں ۔۔۔ تُو اللہ کو پہچان لے میرے بچے ۔۔۔ ایک علم یہ ہے کہ ہمیں پیدا کس نے کیا ؟۔۔۔ ایک علم یہ ہے کہ وہ ہے کون ۔۔۔؟ ایک علم یہ ہے کہ وہ ہم سے چاہتا کیا ہے ۔۔۔؟ ایک علم ہے کہ یہ زندگی کا کارواں کیا ہے ۔۔ ؟ یہ موت کیا ہے ۔۔ ؟ یہ مقصد زندگی کا علم ہے ۔۔۔ یہ نہ سیکھا تو سب کچھ گیا ۔۔۔۔ بچے ۔۔۔ جو بھی ڈگری لے لو ۔۔۔ کچھ بھی کر لو ۔۔۔ اگر اللہ کو نہ جانا تو ساری زندگی برباد ہو گئی ۔۔۔ ساری زندگی انسان سکون نہیں پا سکتا ۔۔۔ اور آخرت تو پھر ۔۔۔۔ دادی نے زکی کو سمجھاتے ہوئے کہا ۔۔۔۔
دادو ۔۔۔۔ اس کا مطلب میری ساری زندگی برباد ہو گئی ۔۔۔؟ اب میں کچھ نہیں کر سکتا ۔۔۔؟ زکی قدرے حیرانی سے بولا ۔۔۔
نہیں میری جان ۔۔۔۔ اللہ بخشنے والا ہے ۔۔۔ تم دعا کرو ۔۔۔ توبہ کرو ۔۔۔ اللہ معاف کرنے والا ہے ۔۔۔ دادی نے اطمینان سے کہا ۔۔۔۔۔۔
*******************
قدسیہ کو نہیں لائے اپنے ساتھ ۔۔۔؟ اسے بھی لے آتے ۔۔۔۔۔ بھابھی چائے ۔۔۔ فاطمہ سلطان نے چائے کی پیالی مسز الیان کے آگے رکھتے ہوئے کہا ۔۔۔
ہاں بس ۔۔۔ اس کو لے تو آتے ۔۔۔ مگر ہم آپ سے ایک ضروری بات کرنے آئے ہیں ۔۔۔ کیوں الیان صاحب ۔۔۔ مسز الیان نے اپنے شوہر کو اشارہ کرتے ہوئے کہا ۔۔۔
جی ۔۔۔ جی ۔۔۔ ایک بہت اہم بات کرنی ہے آپ لوگوں سے ۔۔۔ الیان صاحب نے چائے کی پیالی میز پر رکھتے ہوئے کہا ۔۔۔
جی ۔۔۔ کہیے ۔۔۔۔ سب خیریت ۔۔۔؟ رضا سلطان آگے ہوتے ہوئے بولے ۔۔۔
دیکھئے ۔۔۔ رضا صاحب ۔۔۔ ہم دوست اور بزنس پارٹنرز تو ہیں ہی ۔۔۔ کیوں نہ اس دوستی کو رشتہ داری میں ۔۔۔۔ بدل دیا جائے ۔۔۔۔؟ الیان صاحب گلا جھاڑتے ہوئے بولے ۔۔۔
کیا مطلب ۔۔۔؟ ہم کچھ سمجھے نہیں ۔۔۔ فاطمہ نے رضا سلطان کو حیرت سے دیکھتے ہوئے کہا ۔۔۔۔
بھابھی ۔۔۔ ہم زکی اور قدسیہ کے رشتے کی بات کر رہے ہیں ۔۔۔۔ ہمیں آپ کا زکی بہت پسند ہے ۔۔۔ اگر آپ لوگ چاہیں تو۔۔؟ اس بارے میں ۔۔۔۔۔ مسز الیان نے چائے کا گھونٹ لیا ۔۔۔
ہاں ہاں کیوں نہیں ۔۔۔۔ ہمیں بھی قدسیہ پسند ہے ۔۔۔ مگر ایک بار زکی کی مرضی جاننا ضروری ہے ۔۔۔ آج کل کے بچوں کا بھی تو ۔۔۔ کچھ پتا نہیں چلتا ۔۔ اور ممی بھی گھر نہیں ہیں ۔۔۔۔۔ فاطمہ نے مسکراتے ہوئے کہا ۔۔۔
جی ضرور ۔۔ ۔ آپ لوگ آپس میں بات کر لیں ۔۔۔ صلاح مشورہ کر لیجئے ۔۔۔ پھر آرام سے جواب دیجئے گا ۔۔ مسز الیان نے فاطمہ کو تسلی دیتے ہوئے کہا ۔۔۔
****************
کیا ۔۔۔؟ تو نے پھر سے خواب دیکھا ۔۔۔ ؟ باسط نے حیرانی سے پوچھا ۔۔۔
ہاں یار ۔۔۔ کیا بتائوں ۔۔۔۔ گزرتے وقت کے ساتھ اور بھی زیادہ خوفزدہ کرنے والے خواب آنے لگے ہیں مجھے ۔۔۔۔۔۔ دادو کہتی ہیں بہت خوشقسمت ہو تم ۔۔۔ ہدایت مل رہی ہے ۔۔۔ خوابوں کے ذریعے تمہیں اللہ کا نور مل رہا ہے ۔۔۔ اس کو پا لو ۔۔۔ ساری زندگی سنور جائے گی ۔۔۔ اور آخرت میں بھی کامیاب رہو گے ۔۔۔۔۔ میری سمجھ میں تو اب کچھ نہیں آ رہا ۔۔۔۔۔ بہت پریشان کر رکھا ہے ان خوابوں نے ۔۔۔۔ زکی نے کچن میں کھڑے کافی بناتے ہوئے باسط کی مدد کرتے ہوئے کہا ۔۔۔
اور وہ جو لڑکی ہے ۔۔۔ تیرے خواب میں آتی ہے ۔۔۔ کچھ سمجھ آیا ۔۔۔۔ اندازا ہوا کون ہے ۔۔۔۔؟ ۔۔۔۔۔۔۔ ادھر سے چینی دے ۔۔۔۔۔۔۔ باسط نے زکی کو اشارہ کرتے ہوئے کہا ۔۔۔۔
یہ لے ۔۔۔۔ اوو ہاں تجھے تو میں نے بتایا ہی نہیں ۔۔۔۔ زکی نے باسط کو چینی کا ڈبہ دیا ۔۔۔
کیا نہیں بتایا ۔۔۔؟
یاد ہے اُس روز جب تُو نے مجھے فون کی تھی ۔۔۔۔ ویڈیو کا بتایا تھا ۔۔۔۔ کہ ٹرینڈنگ پر ہے ۔۔۔ ؟
ہاں ۔۔۔ یاد ہے ۔۔۔ کیوں کیا ہوا ۔۔۔؟ باسط نے زکی کو حیرت سے دیکھا ۔۔۔
اسی وقت میں اوپر نیچے کر رہا تھا تو میں نے ایک ویڈیو دیکھی ۔۔۔۔ اور میں ہکا بکا رہ گیا ۔۔۔۔۔
کونسی ویڈیو ۔۔۔؟
ایک لڑکی ۔۔۔۔ پتا نہیں ۔۔۔۔ بیان دے رہی تھی کوئی ۔۔۔ میں نے غور کیا تو وہ وہی لڑکی تھی جو میرے خواب میں آتی ہے ۔۔۔۔۔
اوو نہ کر ۔۔۔۔ تجھے تو ویسے ہی ہر جگہ وہ دیکھائی دینے لگی ہے ۔۔۔
نہیں یار سچ میں ۔۔۔۔
اچھا تُو اتنے یقین سے کیسے کہہ سکتا ہے ۔۔۔ دنیا میں ہزاروں ۔۔۔ لاکھوں ایسی لڑکیاں ہوتی ہیں ۔۔۔ تو تجھے ہر لڑکی وہی لگے گی اب ۔۔۔؟
تو نہ مان ۔۔۔۔ بات تو سن لے پہلے ۔۔۔۔
اچھا بتا ۔۔۔ یہ لے کافی ۔۔۔۔ باسط نے زکی کو کافی کا مگ دیا ۔۔۔۔۔
اسی لمحے صوفے پر بیٹھے ہی ۔۔۔ میری آنکھ لگ گئی اور میں نے خواب دیکھا ۔۔ ۔۔ پہلے کبھی بھی میں نے اس لڑکی کو اتنا قریب سے نہیں دیکھا تھا ۔۔۔ جتنا میں نے اس خواب میں دیکھا ۔۔۔۔ تو یقین کر ۔۔۔۔۔ میں اس کی خوبصورت آنکھیں دیکھتے ہی شل ہو گیا تھا ۔۔۔ اور ہم ایک مسجد میں تھے اس کے نیچے سمندر تھا ۔۔۔ جب میری آنکھ کھلی تو میں نے وہ ویڈیو پھر سے دیکھی تب مجھے یقین ہو گیا کہ یہ وہی لڑکی ہے ۔۔ اب تو خود ہی بتا ۔۔۔
اوو میرے خدایا ۔۔۔ زکی ۔۔۔ اللہ نے تجھے یہ خواب صرف اور صرف اس لڑکی تک پہنچنے کے لئے دکھایا ۔۔۔ جس طرح تو بتا رہا ہے ۔۔۔
اس ویڈیو کا کیپشن تھا ۔۔۔ بیان بائے ترکش گرل ۔۔۔۔ اور میں نے سب سرچ کیا ۔۔۔ ترکی میں مسجدیں ہیں ایسی جن کے نیچے سمندر ہے ۔۔۔ سلیمانیہ مسجد ۔۔۔ نیلی مسجد ۔۔۔ اور بھی ہیں ۔۔۔۔ یار مجھے ہر حال میں ترکی جانا ہے ۔۔۔
تو مسلہ کیا ہے ۔۔۔ ہم چلے جاتے ہیں وہاں ۔۔۔
مسلہ ہے نا یار ۔۔۔ بہت بڑا مسلہ ۔۔۔ ترکی میں میرے چچا رہتے ہیں ۔۔۔ بہت سالوں پہلے ہمارے خاندان میں ایک وجہ سے ناراضگی ہو گئی تھی ۔۔۔۔۔ بابا تو ان کا نام تک نہیں لینے دیتے ۔۔۔۔۔ مجھے ڈر ہے کہیں کوئی مجھے وہاں جانے سے منع نہ کر دے ۔۔۔۔
تو پھر ۔۔۔ کیسے جائے گا ۔۔۔
مجھے کوئی ٹھوس وجہ چائیے تھی ترکی جانے کی ۔۔۔ اس طرح کوئی مجھے روک بھی نہیں پائے گا ۔۔۔۔ اور میرا کام بھی ہو جائے گا ۔۔۔۔
اور وہ ٹھوس وجہ ہے کیا ۔۔۔؟
ہمارا کنسرٹ ۔۔۔۔ میں نے وجاہت سر سے بات کی ہے کہ ہمارا اگلا کنسرٹ ترکی میں ارینج کریں ۔۔۔ اب دعا کر ۔۔۔ ایسا ہی ہو ۔۔۔۔
یہ تو تُو نے بہت اچھا کیا ۔۔۔ فکر نہ کر سب ٹھیک ہو جائے گا ۔۔۔۔ تیرا یہ بھائی ہمیشہ تیرے ساتھ رہے گا ۔۔۔۔۔ باسط نے زکی کو گلے لگایا ۔۔۔
اگر میں اس تک نہ پہنچا نا ۔۔۔۔ اگر وہ مجھے نہ ملی نا تو ۔۔۔ میں پاگل ہو جائوں گا ۔۔۔۔ مجھے ہر حال میں اس کو پانا ہے ۔۔۔۔۔
ایک منٹ ۔۔۔ ایک منٹ ۔۔۔ تجھے اس سے محبت تو نہیں ہو گئی ۔۔۔ ؟
مجھے نہیں معلوم ۔۔۔ محبت کیا شے ہے ۔۔۔ بس اتنا جانتا ہوں کہ میرا دل اسے چاہنے لگا ہے ۔۔۔ اور اسے پانے کی تمنا کرتا ہے ۔۔۔۔
چاہ کو راہ بھی مل ہی جاتی ہے ۔۔۔۔
*************
دادو ۔۔۔۔ ؟ اندر ہیں ۔۔۔؟ زکی نے کمرے میں داخل ہوتے پوچھا ۔۔۔
جی میرے بچے ۔۔۔ ادھر ہی ہوں ۔۔۔۔ دادی موبائل اپنے سامنے رکھے مسکراتے ہوئے بولی ۔۔۔
اچھا دادو ۔۔۔ پھر کبھی بات کریں گے ۔۔۔ اپنا خیال رکھئے گا ۔۔۔ دوسری طرف سے گوہر بولی ۔۔۔۔
اچھا ٹھیک ۔۔۔ میری جان ۔۔۔۔ خداحافظ ۔۔۔ دادی موبائل رکھتے ہوئے بولی ۔۔۔
واہ دادو ۔۔۔ اپنی بیسٹ پوتی سے ویڈیو کال ہو رہی تھی . ۔۔۔۔۔ یار آپ تو بڑی تیز نکلی ۔۔۔ اتنی جلدی سیکھ گئیں سب ۔۔۔؟ زکی دادی کے گلے لگتے ہوئے بولا ۔۔۔۔
ہاہاہا ۔۔۔ علی بیٹھا ہوا تھا ۔۔۔ آج میرے پاس ۔۔ اس نے بتایا کہ ایسے ویڈیو کال کرتے ہیں ۔۔۔ پھر میں نے گوہر سے بات کر لی ۔۔۔ دادی نے ہنستے ہوئے کہا ۔۔۔۔
اوو ۔۔۔ علی ۔۔۔ ہاہاہا ۔۔۔ وہ تو کیڑا ہے موبائل کا ۔۔۔ زکی ہنستا ہوا بولا ۔۔۔
اچھا بتائیں نا ۔۔۔ دادو ۔۔۔ گوہر کیا کرتی ہے اب ۔۔۔؟ مجھے تو اب بھی وہی والی گوہر یاد ہے ۔۔۔ معصوم سی ۔۔ کیوٹ سی ۔۔۔ میری بیسٹ فرینڈ ۔۔۔ اب بھی ویسی ہی ہوگی ۔۔۔ ڈرپوک سی ۔۔۔؟ زکی نے متذبذب سے انداز میں پوچھا ۔۔ ۔۔
نہیں ۔۔۔ نہیں ۔۔ ۔۔ اب تو وہ بالکل ویسی نہیں رہی ۔۔۔ بہت بدل گئی ہے وہ ۔۔۔ بلکہ ایسے ایسے کام کرتی ہے کہ میں تو سن کر حیران ہو گئی ۔۔۔ ماشائاللہ ۔۔۔۔ گوہر بتا رہی تھی کہ اس نے ایک بہت بڑے پیمانے پر ۔۔۔۔۔ دادی بول ہی رہی تھی کہ ۔۔۔ دروازے پر سلیم آکھڑا ہوا ۔۔۔
چھوٹے صاحب ۔۔۔ آپ کو بیگم صاحبہ بلا رہی ہیں ۔۔۔۔ وہ کہہ رہی ہیں ۔۔۔ جلدی سے آئیں ۔۔۔ ایک ضروری بات کرنی ہے ۔۔۔ ۔۔۔۔
اچھا میں ابھی آتا ہوں ۔۔۔ دادو میں آکر آپ سے بات کرتا ہوں ۔۔۔ زکی باہر جاتا ہوا بولا ۔۔۔
********************