نور خدا

جناب آپ بڑے عرصے بعد ہمارے گھر آئے ہیں ۔۔۔ کہیں تو ہم آپ کے لئے پالک پاک بنوالیں ۔۔۔۔ کدو شریف بنوالیں یا بینگن پاک کھانا پسند کریں گے ۔۔۔؟
زکی اندر آیا تو باسط اسے صوفے پر بیٹھاتے ہوئے قدرے شرارت سے بولا ۔۔۔
نہیں یار میں بڑا گنہگار سا بندہ ہوں ۔۔۔ بغیر وضو کے ۔۔۔ ان مقدس سبزیوں کے نام بھی نہیں لے سکتا ۔۔۔
آپ ایسا کریں کے کوئی بےغیرت ۔ آوارہ سا مرغا پکڑ لائیں اور وہی پکا لیں ۔۔۔۔۔ زکی بھی باسط کے جواب میں مستولی سی شکل بنا کر بولا ۔۔۔
ہاہاہا ۔۔۔ بڑا بےغیرت ہے ویسے تو ۔۔ ہیں ۔۔۔۔۔ باسط ہنستے ہوئے زکی کے پاس آکر بیٹھا ۔۔۔۔
تیرا ہی دوست ہوں ۔۔۔ وہ کہتے ہیں نا ۔۔ خربوزہ خربوزے کو دیکھ کر رنگ پکڑتا ہے ۔۔۔
یہ کہہ کر دونوں نے زوردار قہقہ لگایا ۔۔۔۔۔
انور بابا ۔۔۔۔۔۔۔ باسط نے اپنے ملازم کو آواز لگائی ۔۔۔۔
جی صاحب جی ۔۔۔؟ ملازم دوڑرتا ہوا آیا ۔۔
دو کافی پلیز ۔۔۔۔۔ باسط نے یہ بول کر اس کو جانے کا اشارہ کیا ۔۔۔۔
ائوے زکی ۔۔۔۔ کل جو لڑکی آئی تھی وہاں تیرے پاس ۔۔۔۔۔ تو نے بتایا نہیں کہ وہ کون تھی ۔۔۔۔۔ باسط متجسس نگاہوں سے موبائیل میں ڈوبے زکی کی طرف دیکھتے ہوئے بولا ۔۔۔۔
ہیم ۔۔۔؟؟ زکی نے موبائیل پر دیکھتے ہوئے ہی پوچھا ۔۔۔۔
کیا ہیم ۔۔۔۔؟ ایک تو ۔۔۔ تُو ہر وقت موبائیل میں ڈوبا ہوتا ہے ۔۔۔۔ رکھ اس کو ۔۔۔ باسط نے زکی کا موبائیل چھینتے ہوئے کہا ۔۔۔۔
یارا وہ بابا کے دوست الیان انکل کی بیٹی ہے ۔۔۔۔ قدسیہ ۔۔۔۔
تھینکس ۔۔۔ زکی نے ملازم سے کافی کا مگ لیتے ہوئے کہا ۔۔۔
اچھا صحیح ۔۔۔ باسط کافی کا ایک گھونٹ بھرتے ہوئے بولا ۔۔۔۔۔
او ہاں ۔۔۔ یاد آیا آج گھر پر الیان انکل کی فیملی نے آنا تھا ۔۔۔۔۔۔
وہ لڑکی بھی آئے گی ۔۔؟ باسط نے زکی کو دیکھتے ہوئے پوچھا ۔۔۔
معلوم نہیں ۔۔۔ ائوے میرا فون دے ۔۔۔ کال آرہی ہے ۔۔۔
زکی کے موبائیل پر وائیبریشن ہوئی تو اس نے باسط سے اپنا موبائیل مانگا جو اس نے چھین لیا تھا ۔۔۔
جی موم ۔۔۔ کیا ہوا ۔۔۔ زکی نے کال اٹھا کر کان سے لگایا ۔۔۔
زکی گھر آئو ۔۔۔ الیان انکل لوگ آئے ہوئے ہیں ۔۔۔ فاطمہ سلطان دوسری طرف سے بولی ۔۔۔
ہاں تو وہاں میرا کیا کام ہے ۔۔۔ آپ بڑے انجوائے کریں ۔۔۔ زکی نے شانے اچکائے ۔۔۔
قدسیہ بھی آئی ہوئی ہے ۔۔۔ وہ تم سے کوئی بات کرنا چاہتی ہے ۔۔۔ بیٹا جلدی سے گھر آجائو ۔۔۔ یہ کہہ کر فاطمہ سلطان نے فون رکھ دیا ۔۔۔
پر موم ۔۔۔۔۔ ہیلو ۔۔۔؟ ہیں ۔۔۔۔ فون رکھ دیا ۔۔۔
میں چلتا ہوں ۔۔۔۔ زکی نے کافی کا مگ میز پر رکھا اور میز سے گاڑی کی چابی اٹھا کر باہر جانے لگا ۔۔۔۔
ائوے کافی تو ختم کر کے جا ۔۔۔۔ زکی ۔۔۔ رک نا ۔۔۔ اف یہ لڑکا ۔۔۔ ہر وقت ہوا کے گھوڑے پر سوار رہتا ہے ۔۔۔ باسط زکی کو روکنے اس کے پیچھے گیا پر وہ چلا گیا ۔۔۔۔
*************
اور بیٹا کیسی ہو تم ۔۔۔ پڑھائی کیسی جا رہی ہے ۔۔۔
فاطمہ سلطان نے قدسیہ کو مخاطب کیا۔۔۔
سب فٹ ہے آنٹی ۔۔۔ قدسیہ نے مسکراتے ہوئے ان کو دیکھا ۔۔۔۔
ماشائاللہ اتنی بڑی اور پیاری ہو گئی ہو تم ۔۔۔ اب تو آتی ہی نہیں ہو ہمارے گھر ۔۔۔ بچپن میں اتنا آیا کرتی تھی ۔۔۔ فاطمہ سلطان قدسیہ کو بڑے پیار سے دیکھتے ہوئے بولی ۔۔۔
بس آنٹی کبھی موقع ہی نہیں ملا ۔۔۔۔ اب آیا کروں گی ۔۔۔ قدسیہ نے بسکٹ اٹھاتے ہوئے کہا ۔۔۔
*******
لگتا ہے وہ لوگ آئے ہوئے ہیں ۔۔۔۔ ہاں یہ گاڑی تو اپنی نہیں ہے ۔۔۔ زکی نے گھر میں داخل ہوتے ہوئے ایک انجان سی گاڑی کھڑی دیکھی تو من ہی من میں سوچا ۔۔۔
ارے زکی ۔۔۔ ادھر آئو دیکھو الیان انکل آئے ہیں ۔۔۔
پچھلے دروازے سے داخل ہوتے زکی کو دیکھ کر فاطمہ سلطان نے اس کو آواز دی ۔۔۔
ہائے انکل ۔۔۔ ہائے آنٹی ۔۔۔ زکی نے الیان صاحب اور ان کی بیوی کو مخاطب کیا ۔۔۔
ہائو آر یو ۔۔۔۔ زکی بیٹا ۔۔۔؟ الیان صاحب نے زکی سے پوچھا ۔۔۔۔
فائین انکل ۔۔۔۔ زکی نے دادو کے ساتھ والے صوفے پر بیٹھتے ہوئے بتایا ۔۔۔
ہائے زلقرنین ۔۔۔ قدسیہ نے زکی کو مخاطب کیا ۔۔۔ جو بڑوں سے مل کر شاید اس سے ملنا بھول گیا تھا ۔۔۔۔
ہائے ۔۔۔ یہ بول کر زکی خاموشی سے بیٹھ گیا ۔۔۔
زکی بیٹا ۔۔۔ یہ کیا ہے ۔۔۔؟ قدسیہ کو کمپنی دو نا ۔۔۔ فاطمہ سلطان کو زکی کا یہ رویہ پسند نہ آیا تو آہستہ سے اس کو اشارہ کرتے ہوئے بولی ۔۔۔
موم میں کیا ۔۔۔؟ زکی نے شانے اچکائے ۔۔۔
زلقرنین کل میری برتھ ڈے ہے ۔۔۔ اور میں تمہیں انوائیٹ کرنے آئی ہوں ۔۔۔ قدسیہ نے چائے کا ایک گھونٹ بھرتے ہوئے کہا ۔۔۔
میں کوشش کروں گا کہ آئوں مگر ۔۔۔ زکی نے چپس منہ میں ڈالی ۔۔۔
اگر مگر ۔۔۔ کچھ نہیں تم نے لازمی آنا ہے میں نے اپنی سب فرینڈز کو بول دیا کہ کل سنگنگ تم ہی کرو گے ۔۔۔۔ سب بہت اکسائیٹڈ ہیں ۔۔۔ قدسیہ نے معصومیت سے مسکراتے ہوئے زکی کو دیکھا ۔۔۔
ہاں بیٹا کیوں نہیں ۔۔۔ زکی ضرور آئے گا ۔۔۔ فاطمہ سلطان نے قدسیہ کو جیسے تسلی دی ۔۔۔
پر موم ۔۔۔ زکی نے موم کو منع کرنے کے انداز سے دیکھا ۔۔۔
ہیم ۔۔۔ فاطمہ سلطان نے پیشانی پر بل ڈالے زکی کو چپ رہنے کا اشارہ کرتے ہوئے دیکھا ۔۔۔
*******
عجیب لڑکی ہے دادو ۔۔۔ مجھ سے پوچھا بھی نہیں اور سب کو بتا بھی دیا کہ میں اس کی برتھ ڈے میں سنگنگ کروں گا۔۔۔ مطلب کچھ بھی ۔۔۔ بندے کے اپنے سو پلانز ہوتے ہیں ۔۔۔۔ اور ممی کو دیکھیں زرا ۔۔۔ آگے سے ہامی بھر لی کہ زکی آئے گا ۔۔۔۔۔
زکی کو تو جیسے اپنے کوئی کام ہی نہیں ہیں نا ۔۔۔۔ حد ہے ۔۔۔۔ زکی خاصے غصے میں چلتے پھرتے بول رہا تھا ۔۔۔
اچھا بس کر نا اب ۔۔۔ خیر ہے کوئی بات نہیں ۔۔۔ کیا ہو جائے گا اگر تو اس کا دل رکھنے چلا جائے گا تو ۔۔۔ دادی نے زکی کو سمجھاتے ہوئے کہا ۔۔۔
*******
یااللہ میرے بچوں میں اتفاق ڈال ۔۔۔ ان کی نفرتیں ختم کر دے ۔۔۔ ان کو ملا دے ۔۔۔ ان کے بچوں میں اتفاق ڈال ۔۔۔ میرے زکی اور گوہر کے مقدر ملا دے ۔۔۔۔
ان کے نصیب جوڑ دے ۔۔۔ ان کے دلوں میں ایک دوسرے کی محبت جگا دے ۔۔۔
جائے نماز پر بیٹھی دعا مانگتی ہوئی دادی کے آنسو رخساروں سے ہوتے ہوئے گردن تک آپہنچے ۔۔۔
*******
آج خورشید سلطان اپنے بیٹے اور اس کے خاندان کو کثرت سے یاد کر رہی تھی ۔۔۔۔
وہ شروع سے یہی چاہتی تھیں کہ گوہر اور زکی کی شادی ہو ۔۔۔ اسی طرح سے دونوں خاندان پھر سے ایک ہو سکتے تھے ۔۔۔ سب ناراضگیاں دور کرنے کا یہی ایک چارا تھا ۔۔۔۔
آج جب انہوں نے فاطمہ سلطان کو قدسیہ سے اتنا متاثر ہوتا دیکھا تو ۔۔۔ ان کا دل بے چین سا ہو گیا ۔۔۔۔ اگر ایسا ہوا تو ان کی آخری ایک اُمید بھی ٹوٹ جائے گی ۔۔۔۔
******
کیا ہوا دادو ۔۔۔ آپ ٹھیک تو ہیں نا ۔۔۔ یہ اتنی دعائیں کس کے لئے مانگ رہی ہیں ۔۔۔ زکی نے دادو کو ایسے روتا دیکھا تو اس سے رہا نہیں گیا ۔۔۔۔
بیٹا ۔۔۔اب میں ٹوٹ چکی ہوں ۔۔۔ تھک گئی ہوں ۔۔۔
اب تمہیں ہی کچھ کرنا پڑے گا ۔۔۔۔ زکی میرا بچہ میری جان ۔۔۔۔۔ میری بات مانے گا ۔۔۔؟
دادو نے زکی کا ہاتھ اپنے ہاتھوں میں لیتے ہویے کہا ۔۔
ہاں دادو کہیں ۔۔۔ کیا ہوا ۔۔۔ آپ مجھے بہت پریشان لگ رہی ہیں ۔۔۔۔ زکی نے دادو کو پیار سے دیکھتے ہوئے پوچھا ۔۔۔۔
بیٹا تو ترکی ۔۔۔۔۔ ترکی چلا جا ۔۔۔۔ اپنے باپ اور چچا کو منوالے ۔۔۔۔ میری جان ۔۔۔۔ تجھے اللہ کا واسطہ ہے بیٹا ۔۔۔۔ دادو اپنے دونوں ہاتھ زکی کے آگے جوڑتے ہوئے روئی ۔۔۔۔
**********
ایک یہودی نے حضرت علیؓ سے پوچھا کہ تمہارا اللہ نظر کیوں نہیں آتا ۔۔۔ تو انہوں نے فرمایا ۔۔۔ وہ سورج کو دیکھو ۔۔۔ وہ کہنے لگا میں اسکو نہیں دیکھ سکتا ۔۔۔ تو حضرت علیؓ نے فرمایا ۔۔۔۔ جب تم اتنے سے نور کو نہیں دیکھ سکتے تو اس نور کو بنانے والے کو کیسے دیکھو گے ۔۔۔۔۔
گوہر مائیک میں بولنے والی ترک لڑکی کو بڑے غور سے سن رہی تھی ۔۔۔۔
مرحبا ۔۔۔۔۔ آنٹی کیسی ہیں آپ ۔۔۔۔ ؟؟ سیمینار ختم ہونے کے بعد ۔۔۔ گوہر نے اپنے ساتھ بیٹھی ترک خاتون سے پوچھا جو ابھی ابھی آکر بیٹھی تھی ۔۔۔۔
میں ٹھیک ہوں ۔۔۔ بیٹی تم کیسی ہو ۔۔۔؟؟ اس خاتون نے گوہر کا بڑھایا ہوا ہاتھ تھامتے ہوئے کہا ۔۔۔۔
الحمدللہ ۔۔۔۔۔ آپ یہاں بیوک ادا میں ہی رہتی ہیں نا؟
میں نے آپ کو کہیں دیکھا ہے ۔۔۔۔ لیکن یاد نہیں آ رہا کہ آپ سے کب اور کہاں ملی تھی ۔۔۔۔ گوہر نے سوچتی نگاہوں سے اس خاتون کی طرف دیکھتے ہوئے کہا ۔۔۔۔
جی بیٹا ۔۔۔ آپ مجھ سے پہلے مل چکی ہیں ۔۔۔۔ میری بیٹی اس مدرسے میں زیر تعلیم ہے جہاں آپ پڑھاتی ہیں ۔۔۔۔ میں وہاں آئی تھی اپنی بیٹی کا رزلٹ لینے کے لئے تب ہماری ملاقات ہوئی تھی ۔۔۔ بہت تعریف کرتی ہے میری بیٹی آپ کی ۔۔۔ کہتی ہے میں بڑے ہو کر مس گوہر کی طرح بنوں گی ۔۔۔۔۔ اس خاتون نے پیار سے گوہر کی طرف دیکھتے ہوئے کہا ۔۔۔۔
یہ بات سن کر گوہر کے لب مسکرا دئیے ۔۔۔۔
آنٹی یہ آپ کے چہرے پر اس قدر نیل کیوں ہیں ۔۔۔۔ کیا میں اس کی وجہ جان سکتی ہوں ۔۔۔۔؟
میرا شوہر روزانہ شراب پی کر گھر آتا ہے ۔۔۔ اور مجھ پر تشدد کرتا ہے ۔۔۔ میری تو پھر خیر تھی ۔۔ اب میری بیٹیوں پر بھی ظلم کرتا ہے ۔۔۔ اب تک میں خاموش تھی ۔۔۔ لیکن آج جب اس نے میری پانچ سالہ بیٹی پر مار پیٹ کی تو مجھ سے رہا نہیں گیا ۔۔۔۔ میں اسی پریشانی میں یہاں آئی ہوں ۔۔۔۔
اس خاتون نے روتے ہوئے گوہر کو اپنی آپ بیتی سنائی ۔۔۔۔
بہت افسوس ہوا مجھے یہ سب سن کر ۔۔۔۔ اللہ ہدایت دے ۔۔۔۔ گوہر نے خاتون کے آنسو پونچتے ہوئے کہا ۔۔۔۔۔
توبہ استغفار ۔۔۔۔۔ شراب تو اسلام میں اس قدر حرام ہے کہ ۔۔۔۔ حضرت علیؓ فرماتے ہیں ۔۔۔۔
جس دریا میں شراب کا ایک قطرہ بھی ڈالا گیا ہو ۔۔۔ اور وہ دریا سوکھ جائے ۔۔۔ اور سوکھنے کے بعد نمی کی وجہ سے اس کی سطح پر گھاس اگ جائے اور وہ گھاس میرا گھوڑا کھا لے ۔۔۔۔ تو میں اس گھوڑے پر بھی بیٹھنا پسند نہیں کرتا ۔۔۔۔۔
************************
دادو پلیز ایسے مت کریں ۔۔۔ آپ کی طبیعت خراب ہو جائے گی ۔۔۔۔ میں ۔۔۔۔ میں وعدہ کرتا ہوں دادو ۔۔۔ میں بابا اور چچا کو ضرور ملوائوں گا ۔۔۔ بہت جلد ۔۔۔۔ آپ رونا تو بند کریں ۔۔۔۔۔ اٹھیں ۔۔ آئیں بیڈ پر بیٹھیں ۔۔۔۔ زکی نے دادو کے آنسو پونچھے اور بازئوں سے پکڑ کر کھڑا کرتے ہوئے بولا ۔۔۔۔۔
میرا بچہ ۔۔۔۔ میرے جیتے جی تو یہ کام کر دے ۔۔۔۔ میری جان ۔۔۔۔ اللہ تجھ پر ڈھیروں رحمتیں برسائے ۔۔۔۔۔۔ تجھے ہمیشہ کامیاب کرے ۔۔۔۔ آمین ۔۔۔۔ دادی نے زکی کی پیشانی کو چومتے ہوئے کہا ۔۔۔۔۔
اچھا دادو ۔۔۔ اب اپنا موڈ تو سیٹ کریں ۔۔۔ مجھے اداس دادو نہیں پسند ۔۔۔۔ بلکہ مجھے تو میری ۔۔۔ ہنستی ۔۔ مسکراتی ہوئی دادو اچھی لگتی ہیں ۔۔۔۔
چلیں آئیں سیلفی لیتے ہیں ۔۔۔۔ زکی نے شرارت سے دادو کے گال کھینچتے ہوئے کہا ۔۔۔۔
چل ہٹ ۔۔۔ بدمعاش ۔۔۔۔ نوٹنکی کہیں کا ۔۔ روتی ہوئی دادی کے لب مسکرادئیے ۔۔۔۔
سمائیل ۔۔۔۔۔ یار دادو ۔۔۔ ایک سمائیل تو کر دو ۔۔۔ مانتا ہوں بہت حسین ہیں آپ ۔۔۔۔ ہم کہاں آپ کے ساتھ تصویر لینے کے قابل ہیں ۔۔۔۔ پر اتنا بھی ایٹیٹیوڈ اچھا نہیں نا ہوتا ۔۔۔۔۔۔
زکی نے موبائیل کا فرنٹ کیمرہ کھول کر سامنے رکھتے ہوئے کہا ۔۔۔
شریر کہیں کا ۔۔۔۔۔ ہاہاہا ۔۔۔۔ دادو نے تصویر بنانے کے بعد قہقہ لگایا ۔۔۔
یہ چیز ۔۔۔ میری پیاری دادو ۔۔۔۔ اب بتائیں ہوں نا میں آپ کا بیسٹ پوتا ۔۔۔۔ زکی نے کالر سیدھا کرتے ہوئے کہا ۔۔۔
نہیں ۔۔۔ بیسٹ تو وہی ہے ۔۔۔ میری شہزادی ۔۔۔۔ گوہر ۔۔۔۔ دادی نے شرارت سے زکی کو چھیڑنے کے انداز سے کہا ۔۔۔۔
دادو ۔۔۔۔ بس ٹھیک ہے پھر ۔۔۔۔ زکی نے منہ پھلالیا ۔۔۔۔
تو دوستی کر لے نا اس سے ۔۔۔۔ تو بھی میرا بیسٹ بن جائے گا ۔۔۔۔ دادی نے زکی کے بالوں میں ہاتھ مار کر ۔۔۔۔۔ بال بکھیرتے ہوئے کہا ۔۔۔۔
اچھا ۔۔۔۔۔۔۔ ایویں ہی دوستی کر لوں میں اس سے ۔۔۔۔ مان نہ مان ۔۔۔۔ میں تیرا مہمان ۔۔۔۔ زکی بالوں میں کنگھا پھیرتے ہوئے بولا ۔۔۔۔
بچپن میں کتنی دوستی ہوا کرتی تھی نا تم دونوں کی ۔۔۔۔ دادی نے آہ بھری ۔۔۔۔
ہوتی ہوگی ۔۔۔ اب نہیں ہے ۔۔۔۔ دوست ہوئے پرائے ۔۔۔۔ دشمن ہوا زمانہ ۔۔۔۔ دادی جان ۔۔۔۔
آئے ہائے ۔۔۔۔ یہ میں آج کیسی بہکی بہکی باتیں کر رہا ہوں ۔۔۔۔ کہیں مجھے عالیہ سے سچا پیار تو نہیں ہو گیا نہیں سارا سے ۔۔۔۔ نہیں بلکہ سمیرا سے ۔۔۔۔۔ زکی نے یہ بولتے ہوئے ایک نگاہ دادی پر دوڑائی ۔۔۔۔
ہیییییم ۔۔۔۔۔۔۔۔ دادی تنبیہی نگاہوں سے زکی کو دیکھ رہی تھیں ۔۔۔۔
ہاہاہاہاہاہا ۔۔۔ اچھا سوری ۔۔۔۔۔ مزاق کر رہا ہوں ۔۔۔۔۔ اچھا آپ کا موڈ فریش ہے نا اب ۔۔۔۔۔ میں جائوں مجھے ایک کام ہے ۔۔۔۔۔؟؟
بس ایک مرتبع اس سے فون پر بات کروا دے ۔۔۔۔ پھر بیشک چلا جا ۔۔۔۔ دادی نے اپنے اوپر کمبل اوڑھتے ہوئے کہا ۔۔۔۔۔
کس سے بات ۔۔۔۔؟
ارے گوہر سے ۔۔۔ اور کس سے ۔۔۔۔ دادی نے سائیڈ ٹیبل پر رکھی فون بک زکی کے ہاتھ میں تھمائی ۔۔۔۔۔
دادو ۔۔۔۔ میں ۔۔۔۔؟ زکی نے سوالیہ نگاہوں سے دادی کو دیکھا جو منتظر سی بیٹھی تھی ۔۔۔۔
جی تو ۔۔۔۔ ملا دے نا ۔۔۔۔ ویسے پی ٹی سی ایل سے کرتی ہوں ۔۔۔ آج کمرے سے باہر جانے کو جی نہیں چاہ رہا ۔۔۔۔ طبیعت کافی بوجھل سی لگ رہی ہے ۔۔۔۔۔
اچھا ۔۔۔۔ دادو یار اموشنل کر دیتی ہیں آپ تو ۔۔۔۔ زکی نے فون بک کھولتے ہوئے معصومیت سے دادو کو دیکھا ۔۔۔۔۔
ٹون ۔۔۔۔۔ ٹون ۔۔۔۔۔
زکی نے نمبر ملا کر موبائیل کان کے ساتھ لگایا ۔۔۔۔۔۔ گھنٹی بج رہی تھی ۔۔۔۔۔
ہیلو ۔۔۔۔۔۔؟ دوسری طرف سے فون اٹھائے جانے کے بعد زکی بولا ۔۔۔۔
اسلام و علیکم ۔۔۔۔۔ جی کون ۔۔۔۔ ؟ گوہر کو موبائیل کی سکرین پر نمودار ہوتے فون نمبر سے اس بات کا اندازا تو ہو ہی گیا تھا کہ یہ کال پاکستان سے آئی ہے ۔۔۔۔ یہاں تک کہ اس کا زہن یہ تک تصور کر چکا تھا کہ خاندان میں سے کسی کی فون ہے ۔۔۔۔ پر اس بات کا گوہر کو ہر گز کوئی اندازا نہیں تھا کہ یہ زکی ہو سکتا ہے ۔۔۔۔۔۔
وعلیکم سلام ۔۔۔۔ میں زلقرنین سلطان ۔۔۔۔ آپ گوہر ۔۔۔۔؟ زکی پوچھتے ہوئے خاصا ہچکچایا ۔۔۔۔۔
لمحے بھر کے لئے گوہر کا دل جیسے تھم سا گیا ۔۔۔
زلقرنین سلطان کی بجائے اگر تم ۔۔۔۔ زکی بھی بولتے تو میں فوراً پہچان جاتی کہ تم میرے بچپن کے دوست ۔۔۔۔۔۔۔۔۔۔۔۔ میرے زکی ہی بول رہے ہو ۔۔۔۔۔
گوہر نے دل ہی دل میں یہ سوچا ۔۔۔۔ مگر اس کے لب کچھ کہہ نہ سکے ۔۔۔۔
گوہر ۔۔۔۔۔ ؟؟؟ زکی نے ایک مرتبہ پھر پوچھا ۔۔۔۔۔
جی ۔۔۔۔ ہاں ۔۔۔ میں گوہر سلطان ہی ہوں ۔۔۔۔ کہیے آپ کو کیا کہنا ہے میں سن رہی ہوں ۔۔۔۔ گوہر نے بڑی ہمت کر کے اپنے کئی آنسو اندر ہی اندر پیتے ہوئے کہا ۔۔۔۔
دادو آپ سے بات کرنا چاہ رہی ہیں ۔۔۔۔ یہ لیجیے ۔۔۔۔
یہ لیں ۔۔۔ اب کریں اپنی بیسٹ سے باتیں ۔۔۔۔ زکی نے مسکراتے ہوئے موبائیل دادی کو تھمایا ۔۔۔۔
میرا بچہ ۔۔۔ میری جان ۔۔۔۔۔ دادی گوہر سے بات کرتے ہوئے خوشی سے کھل اٹھی ۔۔۔۔
میری پیاری دادو ۔۔۔۔۔۔۔ زکی سے بات کرتے ہوئے جو آنسو گوہر اندر ہی اندر پی گئی تھی ۔۔۔۔ اب دادو سے بھلا کیسے کچھ چھپ سکتا تھا ۔۔۔۔۔ وہ تمام آنسو اس کی آنکھوں سے نکل کر رخساروں سے ہوتے ہوئے گردن تک آ پہنچے ۔۔۔۔۔
گوہر ۔۔۔۔۔ میرا بچہ ۔۔۔۔ تو رو رہی ہے ۔۔۔۔؟ مت رو میری جان ۔۔۔۔۔ میں بہت جلد تجھ سے ملوں گی ۔۔۔۔
انشاءاللہ ۔۔۔۔۔ دادی کی آنکھ میں بھی آنسو آگئے تھے ۔۔۔۔۔
انشاءاللہ ۔۔۔۔ دادو ۔۔۔۔ گوہر نے اپنے آنسو صاف کئیے ۔۔۔۔۔
یار دادو ۔۔۔۔ اس لئیے بات کرنی تھی آپ نے ۔۔۔۔؟ دونوں رو پڑی ۔۔۔۔۔ اب بس ۔۔۔۔ بلکل نہیں رونا آپ نے ۔۔۔۔ اس کو بھی چپ کروائیں میں بہت جلد ملوائں گا سب کو ۔۔۔۔ آپ دعا کریں ۔۔۔۔۔
اچھا ۔۔۔۔ بیٹا زکی نے کہیں باہر جانا ہے تو بعد میں بات ہوگی ۔۔۔۔۔ خداحافظ ۔۔۔۔
دادو نے موبائیل زکی کو تھمایا ۔۔۔۔۔۔۔
کیا دادو ۔۔۔۔ اس کو بھی رلا دیا ۔۔۔۔ اور خود بھی ہلکان ہوئی جا رہی ہیں ۔۔۔۔ زکی نے جوتے پہنتے ہوئے کہا ۔۔۔۔
نہیں بیٹا ۔۔۔۔ وہ اس وجہ سے نہیں رو رہی تھی ۔۔۔۔۔
تو پھر ۔۔۔۔؟ زکی نے حیرت سے دادی کو دیکھا ۔۔۔۔۔
بس تو نہیں سمجھے گا ۔۔۔۔ چل اب تو جا تجھے دیر ہو رہی ہوگی ۔۔۔۔۔
دادی گوہر کے اس طرح سے رونے کی وجہ جان گئی تھیں ۔۔۔۔۔۔ دادی اس بات کا اندازا لگا سکتی تھیں کہ اتنے سالوں بعد زکی کی آواز سن کر گوہر پر کیا بیتی ہوگی ۔۔۔۔ وہ کس کیفیت سے گزری ہوگی ۔۔۔۔۔
---------
پندرہ سالوں میں دادی کے علاوہ گوہر نے خاندان کے کسی فرد سے بات نہیں کی تھی ۔۔۔۔ پھر جب اچانک اس نے زکی کی آواز سنی تو بےاختیار رو پڑی ۔۔۔۔۔
یہاں دادی غلط تھیں ۔۔۔۔۔ وہ سمجھ رہی تھیں کہ اگر زکی کی جگہ کوئی بھی ۔۔۔۔ گوہر سے بات کرتا تو وہ ایسے ہی رو دیتی ۔۔۔۔۔ دادی کو کیا معلوم تھا ۔۔۔۔ جو وہ چاہ رہی تھیں ۔۔۔ ان کے علاوہ بھی کوئی تھا جو چاہتا تھا کہ زکی اور گوہر ایک ہو جائیں ۔۔۔۔۔۔ اللہ سے زکی اور گوہر کے نصیب جڑنے کی دعائیں مانگتا تھا ۔۔۔۔۔ ۔۔
*************************
نیلے رنگ کے سوٹ میں ملبوس بال چہرے پر بکھیرے ہوئے ۔۔۔۔ کالے رنگ کا چشمہ لگائے ہوئے ۔۔۔۔ زکی کمرے سے باہر نکلا ۔۔۔۔۔
اوئے ہوئے ۔۔۔۔ ہینڈسم ۔۔۔۔ کمرے کے باہر کھڑی روشک اس کو باہر نکلتا دیکھ کر بولی ۔۔۔۔
چلیں ۔۔۔۔؟ زکی نے روشک کو جانے کا اشارہ کیا ۔۔۔۔
ہاں چلو ۔۔۔۔ کافی لیٹ ہیں ہم ۔۔۔۔ روشک نے ٹائیم دیکھتے ہوئے کہا ۔۔۔۔
اب تک تو روشک خوشی خوشی قدسیہ کی برتھ ڈے پارٹی میں جا رہی تھی ۔۔۔۔ کیونکہ اس کو اس بات کا تھوڑا سا بھی اندازا نہیں تھا کہ قدسیہ نے زکی کو کس نیت سے پارٹی میں بلایا ہے ۔۔۔
ہے زلقرنین ۔۔۔۔ ہے روشک ۔۔۔ کیسے ہو تم لوگ ۔۔۔۔؟ ان دونوں کو اندر آتا دیکھ کر قدسیہ آگے آتے ہوئے بولی ۔۔۔۔
ٹھیک ۔۔۔۔ تم سنائو ۔۔۔ روشک نے قدسیہ سے گلے ملتے ہوئے کہا ۔۔۔
آئو میں تم دونوں کو سب دوستوں سے ملواتی ہوں ۔۔۔۔ قدسیہ نے زکی کا ہاتھ تھاما اور آگے کی طرف بڑھنے لگی ۔۔۔۔
روشک یہ بات ہر گز ۔۔۔ ہضم نہ کر پائی ۔۔۔۔ ادھر ہی موڈ آف کر لیا ۔۔۔۔
اس دن کی طرح آج بھی جب زکی سٹیج پر تھا تو ہر طرف سے چیخ و پکار کی آوازیں گونج رہی تھیں ۔۔۔۔ سب ہی اس کا گانا بہت پسند کر رہے تھے ۔۔۔۔ ادھر ہی لوگوں کے بیچ ایک ادھیڑ عمر شخص تھا نہایت ہی اعلٰی پرسنیلٹی کا حامل ۔۔۔۔ جو کہ کافی دیر سے زکی کو نوٹس کر رہا تھا ۔۔۔ نیو ۔۔۔ ینگ ۔۔۔ ٹیلینٹ سے وہ بہت متاثر ہو رہا تھا ۔۔۔۔۔ اسے زکی کے وجود میں اپنا آپ دکھائی دے رہا تھا ۔۔۔۔ اپنا ٹیلینٹ ۔۔۔۔ اپنی جوانی ۔۔۔۔
پرفارمنس کے بعد جب زکی سٹیج سے نیچے اترا تو وہ شخص اس کے ساتھ آ بیٹھا ۔۔۔۔۔ بغیر کچھ بولے ۔۔۔
زکی نے اس شخص کو غور سے دیکھا ساتھ ہی بے اختیار بولا ۔۔۔۔ وجاہت علی ۔۔۔۔ سر
جی ۔۔۔ بیٹا کیسے پہچانا آپ نے ۔۔۔؟ سر آپ کو کون نہیں پہچانے گا ۔۔۔ آپ ہی تو میری انسپائیریشن ہیں ۔۔۔۔ پھر میں آپ کو کیسے نہ ۔۔۔۔۔۔
آپ نے یہ حلیا ۔۔۔۔ کیوں ۔۔۔ ؟ زکی نے متذبذب سے انداز میں پوچھا ۔۔۔۔
کرائوڈ ۔۔۔۔ بہت مشکل ہوتا ہے ۔۔۔ کسی بھی جگہ پر جانا ۔۔۔ پھر میں یہ حلیا بنا کر گھر سے نکلتا ہوں ۔۔۔۔۔ الیان میرا کافی اچھا دوست ہے ۔۔۔ اس نے اتنے پیار سے انوائیٹ کیا تو میں یہاں چلا آیا ۔۔۔۔۔
وجاہت کمال نے مسکراتے ہوئے بتایا ۔۔۔۔۔
میں آپ کی آواز ۔۔۔ سٹائیل ہر ایک چیز سے بہت متاثر ہوا ہوں مجھے یقین ہے کہ آپ بہت آگے جائو گے ۔۔۔۔ ویل ڈن ۔۔۔۔ جونیر ۔۔۔۔ ویلکم ٹو دی ورلڈ آف سنگنگ ۔۔۔۔ بیٹا ۔۔۔
اس نے زکی کی طرف ہاتھ بڑھاتے ہوئے کہا ۔۔۔۔
تھینکیو سو مچ ۔۔۔۔ سر ۔۔۔ یہ تو آپ کا بڑا پن ہے ۔۔۔۔
یہ لو میرا ویزیٹنگ کارڈ ۔۔۔ کل صبح یارہ بجے مجھ سے ملنے آنا ۔۔۔۔ تمہارے لئے ایک سرپرائیز ہے ۔۔۔ میرے پاس ۔۔۔۔
************************
یااللہ آپ تو سب کی پکار سنتے ہیں ۔۔۔۔۔ میری بھی سن لیں ۔۔۔۔۔ ہمارے خاندان کو پھر سے ایک کر دیں ۔۔۔۔۔۔ اور زکی ۔۔۔۔۔ زکی کے دل میں میری محبت جگا دیں ۔۔۔۔ آپ کو تو معلوم ہے نا کہ میں زکی کو کتنی شدت سے چاہتی ہوں ۔۔۔۔۔ بچپن سے اب تک ایک لمحہ بھی ایسا نہیں گزرا کہ جب میں نے ان لمحوں کو یاد نہ کیا ہو جو ہم نے ساتھ گزارے تھے ۔۔۔۔۔۔ جس طرح میرے دل میں اس کی محبت ڈالی ہے ۔۔۔۔ ویسے ہی اس کے دل کے چراغ بھی میری محبت سے روشن کر دیں ۔۔۔۔ گوہر مدرسے میں بیٹھی عصر کی نماز کے بعد روتے ہوئے اللہ سے دعائیں مانگ رہی تھی ۔۔۔۔۔۔
کیا ہوا گوہر ۔۔۔۔۔ ایسے کیوں رو رہی ہو ؟ کل جب سے پاکستان سے فون آئی ہے تب سے ایسے ہی روئی چلی جا رہی ہو ۔۔۔۔۔۔۔۔ اس کی دوست آمنہ نے اسے مسلسل روتا دیکھا تو خاصی پریشان ہو گئی ۔۔۔۔۔
یار ایسا کیوں ہوتا ہے ۔۔۔۔۔ کہ ہم کسی انسان سے بے پناہ محبت کرنے لگتے ہیں ۔۔۔۔ اور اس کو اس بات کا علم تک نہیں ہو پاتا ۔۔۔۔ کیوں ۔۔۔۔۔
خدا نے اگر میرے دل میں اس کی محبت جگائی ہے تو کیوں اس کو اس بات کا علم تک نہیں ہے ۔۔۔۔
میں خدا سے اس انسان کو دعائوں میں مانگ رہی ہوں جو شاید زندگی میں کبھی مجھ سے مل بھی نہیں سکے کا ۔۔۔۔ کبھی میری محبت کو جان بھی نہیں پائے گا ۔۔۔۔ گوہر روتے ہوئے آمنہ کے گلے لگ گئی ۔۔۔۔۔
یار پلیز چپ ہو جائو ایسے مت رو ۔۔۔ میری جان ۔۔۔۔ سب ٹھیک ہو جائے گا اللہ پر بھروسہ رکھو ۔۔۔۔ چلو میں تمہیں ایک واقعہ سناتی ہوں ۔۔۔۔
ایک بادشاہ تھا ۔۔۔۔ اس نے کیا ۔۔۔ کیا کہ اس کے پاس جو جو قیمتی سامان تھا ۔۔۔۔ سونا ۔۔۔ دولت ۔۔۔۔ سب کچھ ایک بڑی سی میز پر سجوا دیا ۔۔۔۔ پوری سلطنت کو بلوایا اور کہا جس انسان نے جس چیز پر ہاتھ رکھا وہ چیز اس کی ہو جائے گی ۔۔۔۔ سب لوگوں نے کچھ نہ کچھ اٹھالیا ۔۔۔ کسی نے دولت تو کسی نے زیور ۔۔۔۔
اتنے میں ایک لڑکی اٹھ کر آئی اور اس نے بادشاہ کے کندھے پر ہاتھ رکھ دیا ۔۔۔۔ سب لوگوں کی طرح اگر یہ بھی چاہتی تو مال و دولت لے سکتی تھی لیکن اس نے بادشاہ کو لے کر پوری بادشاہی اپنے نام کر لی ۔۔۔۔ اسی طرح اگر ہم خدا سے کچھ مانگتے ہیں ۔۔۔۔ یااللہ یہ دے دیں ۔۔۔۔ وہ دے دیں ۔۔۔ گاڑی ۔۔۔ بنگلہ ۔۔۔۔ وغیرہ ۔۔۔۔ دیکھو اتنا بڑا خدا ہے ۔۔۔۔ خدا سے مانگو تو خدا کو مانگو ۔۔۔ جس دن خدا تمہارا اس دن خدائی تمہاری ۔۔۔۔ آمنہ نے بڑے اطمینان سے ساری بات گوہر کو سمجھائی ۔۔۔۔
او میرے خدا ۔۔۔۔ یہ میں کیا کرتی آئی ہوں آج تک ۔۔۔۔ مجھے معاف کرنا ۔۔۔ میں بھٹک گئی تھی ۔۔۔۔ مجھے اس انسان کو جو میرے لئے نامحرم ہے ۔۔۔۔ دعا میں نہیں مانگنا چائیے تھا ۔۔۔ اللہ ہر چیز پر قادر ہے ۔۔۔ وہ وہی کرے گا جو میرے حق میں بہتر ہوگا ۔۔۔۔۔
آمنہ ۔۔۔۔۔ گوہر نے آنسو پونچتے ہوئے پھر سے اپنی دوست کو گلے لگایا ۔۔۔۔
*******************