نور خدا

ابھی ایک لقمہ ہی لیا تھا کہ ٹیلی فون کی گھنٹی بجی ۔۔۔۔
اسلام و علیکم ۔۔۔۔ کون ۔۔۔؟؟ گوہر نے متذبذب سے انداز میں پوچھا ۔۔۔
کیسا ہے میرا بچہ ۔۔۔ میری جان ۔۔۔۔ ؟ دوسری طرف سے آواز آنے پر گوہر کا چہرہ جیسے خوشی سے کھل اٹھا۔۔۔ .
دادی ۔۔۔۔۔۔۔۔ ؟
میں بلکل ٹھیک ۔۔۔ آپ کیسی ہیں ۔۔۔؟ پاکستان میں سب
خیریت سے ہیں ۔۔۔؟
جی بیٹا یہاں سب ٹھیک ہیں ۔۔۔۔۔ تم سنائو کب آئو گی پاکستان مجھ سے ملنے ۔۔۔؟
میں تو جیسے ترس گئی ہوں تجھے دیکھنے کے لئے ۔۔۔۔
ایک مرتبع اپنی ساری اولاد کو دیکھ لوں پھر چین سے مر سکوں گی ۔۔۔۔ ہر لمحہ یہ سوچ مجھے چین سے جینے نہیں دیتی کہ ہم نے ممتاز کے ساتھ بہت نا انصافی کی ۔۔۔ اور ساری زندگی اپنی اولاد کو اپنے سے دور رکھا ۔۔۔۔
دادی نے آنسو صاف کرتے ہوئے کہا ۔۔۔۔
نہیں دادو پلیز آپ ایسی باتیں نہ کریں ۔۔۔۔ امی نے کب کا سب کو معاف کر دیا ہے ۔۔۔ وہ تو اس بارے میں اب بات بھی نہیں کرتی ۔۔۔۔
گوہر نے دادی کو جیسے تسلی دی ۔۔۔۔
تیری پڑھائی کیسی جا رہی ہے بیٹا ۔۔۔۔
دادو ۔۔۔ دادو۔۔۔۔ آپ یہاں ہیں ۔۔۔ ہر جگہ ڈھونڈا آپ کو ۔۔۔۔
ایک منٹ۔۔۔ زکی میں گوہر سے بات کر رہی ہوں ۔۔۔۔
اچھا آپ اپنی پوتی سے بات کریں ۔۔۔ آپ کی فیورٹ تو وہی ہے ۔۔۔ اب ہم تو کسی کھاتے میں ہی نہیں آتے ۔۔۔۔
چل ہٹ بدمعاش کہیں کا ۔۔۔ فیورٹ کا بچہ ۔۔۔۔ کیا کام ہے ۔۔۔؟
دادی نے مسکراتے ہوئے گوہر کو کہا ۔۔۔ گوہر تو ہولڈ کر میں بات کرتی ہوں تجھ سے ۔۔۔۔
ٹھیک ہے ۔۔ دادو ۔۔۔۔ گوہر نے فون رکھا ۔۔۔ اسے ہر گز چھپ کر دوسروں کی باتیں سننا پسند نہیں تھا ۔۔۔۔
وہ انتظار کرنے لگی ۔۔۔۔
دادو میں کیسا لگ رہا ہوں ۔۔۔؟ زکی نے ایک نظر سامنے دیوار پر لگے شیشے پڑ ڈالی ۔۔۔ اور پھر دادی تو دیکھتے ہوئے پوچھا ۔۔۔۔
زکی کہیں بھی جانے سے پہلے ایک بار دادی سے ضرور پوچھتا کہ میں کیسا لگ رہا ہوں ۔۔۔؟ البتہ اسے یقین ہوتا کہ وہ بہت حسین لگ رہا ہے ۔۔۔ پھر بھی دادی کی رائے اس کے لئے بہت اہمیت رکھتی ہے ۔۔۔۔
میرا شہزادہ ۔۔۔ بہت پیارا لگ رہا ہے ۔۔۔ ماشائاللہ
وہ تو میں ہمیشہ ہی لگتا ہوں ۔۔۔ زکی نے شرارت بھری نظروں سے دادی کو دیکھا ۔۔۔۔
چلیں اب مجھے دعا دیں۔۔۔ میں جائوں ۔۔۔۔ زکی نے دادی کے ہاتھ چومتے ہوئے کہا۔۔۔
اللہ تجھے ہمیشہ کامیاب کرے ۔۔۔ میں رہوں یا نہ رہوں ۔۔۔ میری دعا ہمیشہ تیرے ساتھ رہے گی ۔۔۔۔
دادی نے زکی کے گال چومتے ہوئے کہا ۔۔۔
لو یُو دادو ۔۔۔ بائے ۔۔۔۔۔ زکی باہر کی طرف دوڑتے ہوئے بولا ۔۔۔۔
شیطان ۔۔۔۔ دادی نے مسکراتے ہوئے ریسیور واپس اٹھایا ۔۔۔
ہاں گوہر ۔۔۔۔ میں کیا کہ رہی تھی ۔۔۔
ایک تو یہ زکی بھی نہ ۔۔۔ بہت شیطان ہے ۔۔۔ توبا ۔۔۔
اصل میں آج اس کا کنسرٹ ہے نہ ۔۔۔ تو دعا لینے آیا تھا مجھ سے ۔۔۔۔
اچھا ۔۔۔ کنسرٹ ۔۔۔؟؟ زکی سنگنگ کی طرف چلا گیا ۔۔۔ ؟ گوہر نے قدرے حیرانی سے پوچھا ۔۔۔۔
ہاں تجھے نہیں معلوم ۔۔۔؟ آج اس کا تیسرا کنسرٹ ہے۔۔۔۔ خاصا مشہور سنگر بن گیا اب تو ۔۔۔۔۔
تم سب کے لئے ہر لمحہ دل سے یہی دعا نکلتی ہے۔۔۔۔ اللہ بہت ساری ترقیاں دے میرے بچوں کو ۔۔۔۔ آمین
آمین ۔۔۔ گوہر نے مسکراتے ہوئے فون رکھا ۔۔۔
*****************************
رکو رکو ۔۔۔۔ باہر سے آتی روشک زکی کا رستہ روکتے ہوئے اس کے سامنے آکھڑی ہوئی ۔۔۔
او نو ۔۔۔۔ دادو صدقہ دے دیں ۔۔۔۔ کالی بلی رستہ کاٹ گئی ہے ۔۔۔ زکی نے روشک کو چھیرنے کے انداز میں کہا تھا ۔۔۔۔
بکواس مت کرو ۔۔۔۔ اب بتائو اتنی جلدی میں کہاں جا رہے ہو ۔۔۔ ؟ روشک نے متجسس نگاہوں سے زکی کو دیکھا ۔۔۔۔
آج میرا کنسرٹ ہے ۔۔۔ یار آگے سے ہٹو نہ سچ میں لیٹ ہو رہا ہوں ۔۔۔۔ زکی نے روشک کو منت کرنے کے انداز سے کہا ۔۔۔
اچھا ۔۔ واہ کنسرٹ ۔۔۔۔۔ کنگریجولیشز ۔۔۔ ۔۔۔ تم تو چھا گئے زکی ۔۔۔۔ اس نے خوشی سے زکی کی طرف ہاتھ بڑھایا ۔۔۔۔
مانتی ہو نہ پھر اپنے بھائی کو ۔۔۔ ؟ زکی نے روشک سے ہاتھ ملایا اور اس کے گال تھپتھپا کر چلا گیا ۔۔۔۔
اوں ہں ۔۔۔ بھائی ۔۔۔ روشک نے قدرے خفگی سے اندر آتے ہوئے چہرے پر آتی زلفیں پیچھے کیں ۔۔۔۔
***
روشک اٹھارہ سال کی خاصی نکچڑی اور موڈی لڑکی تھی ۔۔۔ ٹخنوں سے اوپر آتی جینز اور شارٹ شرٹ میں ملبوس ۔۔۔ کندھوں تک آتے کھلے چھوٹے بال اور سرخ رنگ کی لپ اسٹک لگی ہوئی ۔۔ جو اس وقت اپنی بی لوڈ نانو سے ملنے آئی تھی۔
روشک زکی کی پھپو زاد تھی ۔۔ دنیا میں یہ واحد لڑکی ہے جسے زلقرنین سلطان اپنی چھوٹی بہن مانتا ہے ۔۔۔
مگر روشک کو قتعاً یہ بات منظور نہیں کہ کوئی بھی اس کو زکی کی بہن بلائے ۔۔۔
وہ زکی کو پسند کرتی تھی ۔۔ یہ بات اس نے کبھی خود سے بھی نہیں کی ۔۔۔ تو پھر دوسروں کو کیسے پتا چلنا تھا ۔۔۔
یہی وجہ تھی کہ جب بھی کوئی کہتا کہ زکی تمہارا بڑا بھائی ہے تو وہ یہ کہ کر ڈانٹ دیتی ۔۔۔
میرا صرف ایک ہی بھائی ہے ۔۔۔ میرا سگا بھائی دانش ۔۔۔ سب بڑے اس کی یہ بات یہ سوچ کر ہنستے ہوئے ٹال دیتے ۔۔۔ کہ ضرور ابھی زکی سے جگھڑ کر آئی ہے ۔۔۔۔ کسی ایک کی بھی سوچ اس طرف کو نہیں جاتی تھی کہ شاید وہ زکی کو پسند کرتی ہو ۔۔۔۔شاید اس کے دل میں زکی کے لئے کوئی فیلنز ہوں ۔۔۔ ۔۔
نہ جانے کیوں سب خاندان والوں کے اس رویے سے اس کا دل بہت دکھتا تھا ۔۔۔۔
******
ڈرائیو کرتے زکی کی نظر اپنے موبائل پر پڑی جو ناجانے کب سے بج رہا تھا ۔۔۔ سائیلنٹ پر ہونے کی وجہ سے اس کو باسط کی کالز کا پتا ہی نہ چل سکا ۔۔۔
ہاں باسط بول۔۔۔۔ ؟ زکی نے ہینڈزفری کان میں ڈالے ۔۔۔۔
بہت جلدی نہیں خیال آگیا تجھے میری کال اٹھانے کا ۔۔۔۔ باسط قدرے خفگی سے بولا ۔۔۔
اچھا سوری نا ۔۔۔ فون سائیلنٹ پر تھا ۔۔۔۔ بول نا ۔۔۔ کیا ہوا؟؟
یار تو ہمیشہ اتنا لیٹ کیوں ہوتا ہے ۔۔۔؟ اب جلدی سے پہنچ ادھر ۔۔۔
او کے ۔۔۔۔ پہنچ گیا بس ۔۔۔۔ زکی نے گاڑی پارک کرتے ہوئے کہا ۔۔۔۔
وہ اور باسط ابھی کالج کے ہال میں پہنچے ہی تھے کہ ہر طرف سے لڑکیوں کی چیخ و پکار کی آوازیں آنی شروع ہوگئی ۔۔۔۔۔ سٹیج تک پہنچتے پہنچتے راستے میں آنے والی کئی لڑکیوں نے آٹوگراف بھی لئے ۔۔۔۔۔
پورے کنسرٹ کے دوران ایک خوب صورت سی لڑکی اسے گھورتی رہی ۔۔۔ لیکن وہ اسے پہچان نہ پایا ۔۔۔
باسط نے ہاتھ میں گٹار تھام رکھا تھا اور زکی نے مائیک ۔۔۔۔۔ دونوں ہی بہت اچھا پرفارم کر رہے تھے ۔۔۔ لیکن سب کی نگاہوں کا مرکز صرف اور صرف زکی تھا ۔۔۔۔
جیسے ہی زکی مائیک آڈینس کے سامنے کرتا ۔۔۔۔ ہال چیخ و پکار سے گونج اٹھتا ۔۔ ۔۔
***************************
ہے زلقرنین ۔۔۔۔ آئی ایم قدسیہ ۔۔۔۔ قدسیہ الیان ۔۔۔۔
کنسرٹ کے بعد جب زکی اور باسط صوفے پر بیٹھے ریفریشمنٹ لے رہے تھے ۔۔ اسی لمحے ایک لڑکی ان کے پاس آ کر بولی ۔۔۔۔۔
ہائے ۔۔۔ زکی نے قدرے حیرانی سے باسط کو دیکھتے ہوئے کہا ۔۔۔
آپ لوگ بات کریں میں آتا ہوں ۔۔۔۔ باسط نے زکی کو باہر کا اشارہ کیا اور چلا گیا ۔۔۔۔
سوری میں نے پہچانا نہیں ۔۔۔۔۔ زکی نے کھڑے ہوتے ہوئے متجسس نگاہوں سے اس لڑکی کو دیکھا ۔۔۔
میں الیان احمد کی بیٹی ہوں ۔۔۔ آپ کے بابا کے دوست ۔۔۔۔
او اچھا ۔۔۔۔ آپ الیان انکل کی بیٹی ہو ۔۔۔۔ بہت عرصے سے ملاقات نہیں ہوئی نا ۔۔۔ اس وجہ سے پہچان نہیں سکا ۔۔۔۔
ذکی نے قدسیہ کو بیٹھنے کا اشارہ کرتے ہوئے کہا ۔۔۔
آپ بہت اچھا گاتے ہو ۔۔۔۔ مجھے تو معلوم ہی نہیں تھا کہ آپ یہ سب ۔۔۔۔ کب سے سٹارٹ کی سنگنگ ۔۔۔؟؟
تین چار سال ہو گئے ۔۔۔۔ زکی نے نچلا لب دانتوں میں دبائے سوچتے ہوئے بتایا ۔۔۔۔
نائس ۔۔۔۔۔ قدسیہ نے متاثرانہ انداز سے زکی کو دیکھا ۔۔۔۔
اچھا لگا آپ سے مل کر ۔۔۔۔ اب میں چلتی ہوں ۔۔۔ میری دوستیں میرا انتظار کر رہی ہیں ۔۔۔۔
قدسیہ نے ہاتھ آگے بڑھاتے ہوئے کہا ۔۔۔۔۔
مجھے بھی ۔۔۔۔ زکی نے اس سے ہاتھ ملایا اور اٹھ کھڑا ہوا ۔۔۔۔
******************
نانو ۔۔۔۔ آپ کو نہیں لگتا کہ زکی بدل گیا ہے ۔۔۔؟ روشک نے چائے کا ایک گھونٹ بھر کر پیالی میز پر رکھی ۔۔۔۔۔۔
ارے نہیں تو ۔۔۔ اس نے کہاں بدلنا ہے ۔۔۔۔؟ تجھے ایسا کیوں لگا۔۔۔؟
دادی نے مونگ پھلی کا ایک دانہ منہ میں ڈالتے ہوئے کہا۔۔۔۔
مجھے ایسا لگتا ہے کہ وہ کسی کو پسند کرنے لگا ہے ۔۔۔ آپ کو ایسا نہیں لگتا ۔۔۔۔؟
روشک نے یہ بات کرتے ہوئے اپنی نانو کے چہرے کے تاثرات پڑھنا چاہے ۔۔۔۔
یقین سے تو نہیں کہ سکتی ایسی کوئی بات ہے یا نہیں ۔۔۔ مگر اتنا ضرور معلوم ہے کہ جب اس کو کسی لڑکی سے محبت ہو گی تو وہ دوڑتا ہوا سب سے پہلے مجھے بتانے آئے گا ۔۔۔۔ دادی نے مسکراتے ہوئے پیالی لبوں کے ساتھ لگائی ۔۔۔۔
اچھا ٹھیک ہے ۔۔۔۔ آپ کہتی ہیں تو مان لیتی ہوں ۔۔۔۔ روشک نے یہ کہ کر شانے اچکائے ۔۔۔۔
ارے تو کیوں باولی ہوئے جارہی ہے۔۔۔۔ توضرور اس سے جھگڑی ہوگی۔۔۔۔ اس وجہ سے تجھے چھیڑ رہا ہوگا۔۔۔۔
ممی آپ کا کورئیر آیا ہے ۔۔۔۔ فاطمہ سلطان نے لائونج میں بیٹھی اپنی ساس کو مخاطب کیا۔۔۔
اچھا آئو بیٹا تم ادھر روشک کے پاس بیٹھو میں لے کر آتی ہوں ۔۔۔۔
خورشید سلطان نے چائے کی پیالی میز پر رکھتے ہوئے کہا اور اٹھ کر باہر چلی گئی ۔۔۔۔
ارے بیٹا دیکھو تو ۔۔۔ ممتاز بیگم نے کیا بھیجا ۔۔۔ کتنی عمدہ خطاطی ہے ۔۔۔۔
ماشائاللہ ۔۔۔۔ کتنی خوب صورتی سے اس نے پہلا کلمہ تحریر کیا ۔۔۔۔
دادی خوشی سے چہکتی ہوئی اندر آئی ۔۔۔۔۔۔
دکھائیے ۔۔۔ .
. بہت خوب صورت ۔۔۔۔ ۔ بہت کمال کا ہنر دیا ہے اللہ نے اسے ۔۔۔۔۔ فاطمہ نے رشک سے اس خطاطی کو دیکھا جو اب دادی سامنے کی دیوار پر لگی کیل کے ساتھ ٹانگ رہی تھی ۔۔۔۔
*****
فاطمہ سلطان ۔۔۔ زکی کی موم تھیں ۔ دل کی بہت اچھی اور دوسروں سے بہت پیار کرنے والی خاتون تھیں ۔۔ مگر انہیں اپنے شوہر کی بہت سی غلط باتوں کو نہ چاہتے ہوئے بھی مجبوراً ماننا پڑتا۔۔۔ جس کی وجہ سے خاندان میں اُن کا امیج کافی خراب تھا ۔۔۔۔
******************
امی ۔۔۔ وہ خطاطی کہاں ہے جس کو آپ نے پچھلے ہفتے مکمل کیا تھا ۔۔۔۔ مل نہیں رہی مجھے ۔۔۔۔ گوہر سٹور میں کھڑی وہاں رکھی چیزوں کو اُلٹ پُھلٹ کر کے دیکھ رہی تھی ۔۔۔۔
بیٹا وہ میں نے کچھ روز پہلے پاکستان بھجوا دی تھی ۔۔۔ تمہاری دادی کو ۔۔۔۔ ممتاز بیگم کچن میں بیٹھی آٹا گوندھتے ہوئے بولی ۔۔۔۔
کیا کہا ۔۔۔ ؟ پاکستان ۔۔۔؟ امی آپ نے ایسا کیوں کیا ۔۔۔۔ آپ کو اچھی طرح سے معلوم ہے کہ تایا ابا اور ان کے گھر والے آپ سے کتنی نفرت کرتے ہیں ۔۔۔۔ پھر بھی۔۔۔ ؟ آپ نے صحیح نہیں کیا ۔۔۔۔ لاونج میں بیٹھا دائود قدرے خفگی سے بولا ۔۔۔۔
نہیں بھائی یہاں پر آپ غلط ہیں ۔۔۔۔ امی نے بہت اچھا کیا ۔۔۔ تایا ابا بھلے ہی ہم سے ناراض ہیں ۔۔۔ لیکن دادو تو خفا نہیں ہیں نا ۔۔۔ جان چھڑکتی ہیں وہ ہم پر ۔۔۔۔
اور دادو بتاتی ہیں کہ تائی امی بھی ہمیں بہت زیادہ یاد کرتی ہیں ۔۔۔ گوہر بڑے اطمینان سے اپنے بھائی کو سمجھاتے ہوئے بولی ۔۔۔۔
ہاں یہ سب ٹھیک ہے مگر ۔۔۔۔ آویز ۔۔۔ وہ تو بلکل اپنے ابا پر گیا ہے ۔۔۔یہ لوگ اپنی ضد اور انا کے سامنے کسی کو نہیں دیکھتے ۔۔۔۔ ان کے لئے چاہے کچھ بھی کر لو ۔۔۔۔ یہ بات کرتے ہوئے لمحے بھر کے لئے جیسے دائود کی آنکھوں کے سامنے بچپن کا منظر آگیا ۔۔۔ جسے وہ اکثر یاد کیا کرتا تھا ۔۔۔
*****
دائود ۔۔ گوہر کا بڑا بھائی تھا ۔۔۔ اپنے خاندان سے بہت پیار کرنے والا نرم دل اور نہایت سلجھا ہوا تمیز دار انسان تھا ۔۔۔۔۔
****
آویز ۔۔۔ زکی کا بڑا بھائی تھا ۔۔۔۔ وہ بہت ہی رُوڈ اور پریکٹیکل تھا ۔۔۔
****
دائود اور آویز ہم عمر ہونے کے ساتھ ۔۔ بہت اچھے دوست بھی تھے ۔۔۔ ان میں بہت گہری دوستی تھی ۔۔۔۔ بچپن تو گیا ہی ۔۔ گزرتے وقت کے ساتھ ان کی دوستی بھی ختم ہوتی چلی گئی ۔۔۔
آویز اُٹھ جائیں نا اب ۔۔۔۔ نیچے ناشتے پر سب کب سے ہمارا انتظار کر رہے ہیں ۔۔۔ سحر نے نشاء کی پونی بناتے ہوئے قدرے خفگی سے آویز کو آواز دی ۔۔۔۔
۔۔۔۔۔۔۔۔۔۔
سحر آویز کی بیوی تھی ۔۔۔ دونوں ایک دوسرے سے بے حد محبت کرتے تھے ۔۔ یہی وجہ تھی کہ رضا سلطان نے اپنے بیٹے کی شادی جلدی کر دی تھی ۔۔ ان کی نظر میں ۔۔ بیٹا اگر انڈیپنڈنٹ ہو جائے اور کسی لڑکی کو پسند بھی کرتا ہو ۔۔۔ تو اس کی شادی کر دینی چائیے ۔۔۔۔۔۔وہ دونوں ہی اس شادی کو خوشنودی سے نبھا رہے تھے ۔۔۔ بس کبھی کبھار چھوٹی موٹی بحث ہو جایا کرتی تھی ۔۔۔۔
******
جانو ۔۔۔۔ صبح صبح تو غصے سے بات مت کرو نا ۔۔۔۔۔۔ آویز نے کمبل ہٹاتے ہوئے کہا ۔۔۔۔
او ہو ۔۔۔ اب غصہ تو آئے گا نا ۔۔۔ چھ مرتبع تو میں آپ کا کمبل نیچے گرا چکی ہوں ۔۔۔۔
اچھا میں آپ کا یہ والا سوٹ نکال رہی ہوں ۔۔۔۔۔ جلدی سے ریڈی ہو کر آجائیں ۔۔۔۔ سحر نے واڈروب سے نیلے رنگ کا سوٹ نکالتے ہوئے کہا ۔۔۔
بڑے بابا ۔۔۔ آج کل آپ جوس نہیں پیتے ۔۔ پہلے پہلے تو آپ روزانہ ناشتے سے پہلے جوس پیا کرتے تھے ۔۔۔ علی نے دودھ کا ایک گھونٹ بھرتے ہوئے اپنے دادا سے پوچھا ۔۔۔۔
ہیم ۔۔۔ میرے بچے پچھلے کچھ دنوں سے دل نہیں چاہ رہا ۔۔۔ کبھی کبھی پرانی عادتوں کو بدلنا چائیے ۔۔۔۔۔۔ ہم کچھ چیزوں کو بہت عرصے سے اپنے ساتھ لئے چلتے ہیں جبکہ وہ ہمارے لئے ٹھیک نہیں ہوتی ۔۔۔ رضا سلطان نے سنجیدگی سے اخبار پڑھتے ہوئے کہا ۔۔۔
ہیں ۔۔۔؟ جوس پینا کیوں ٹھیک نہیں ہے اس میں کیا غلط یے ۔۔۔؟ علی نے حیرانی سے ان کو دیکھتے ہوئے کہا ۔۔۔۔
ہاہا ۔۔۔ نہیں بیٹا جوس پینے میں کچھ غلط نہیں ہے ۔۔۔ میں بس ایسے ہی ایک بات کر رہا تھا ۔۔۔۔ تم جلدی سے دودھ ختم کرو ۔۔۔ ورنہ سکول سے لیٹ ہو جائو گے ۔۔۔ رضا سلطان نے مسکراتے ہوئے چائے کی پیالی اپنے لبوں کے ساتھ لگائی ۔۔۔۔۔۔۔
ساتھ والی کرسی پر بیٹھی خورشید سلطان کو ایک لمحہ بھی نہ لگا یہ بات جاننے میں کہ ان کا بیٹا ۔۔ آج اپنے بھائی کو کتنی شدت سے یاد کر رہا ہے ۔۔۔۔
اوپر سے چاہے وہ کتنی ہی نفرت کیوں نہ دکھا لے ۔۔ مگر ہے تو وہ اس کا بھائی ہی نا ۔۔۔۔
******
کیا ہوا بیٹا ۔۔۔ آج تمہاری طبیعت تو ٹھیک ہے نا۔۔۔ ؟ کچھ الجھے الجھے سے لگ رہے ہو ۔۔۔ خورشید سلطان نے ٹوسٹ پلیٹ میں رکھتے ہوئے اپنے بیٹے سے پوچھا ۔۔۔
نہیں اماں ۔۔۔ میں ٹھیک ہوں ۔۔۔۔بیٹا سحر یہ آویز کہاں رہ گیا آج ۔۔۔ آفس سے دیر ہو رہی ہے ۔۔۔ بلائو اسے ۔۔۔ رضا سلطان نے بات کو بدلنے کے انداز میں اپنی بہو سے پوچھا ۔۔۔۔
میں جا کر دیکھتی ہوں ۔۔۔ سحر ابھی کرسی سے اٹھی ہی تھی کہ اسے سیڑھیوں سے اترتا آویز دکھائی دیا ۔۔۔
بابا ۔۔۔ آویز آگئے ۔۔۔۔ یہ کہ کر سحر نے علی کو سکول بیگ پہنایا اور اسے گیٹ تک چھوڑنے گئی ۔۔۔۔۔
آئیے علی بابا گاڑی تیار ہے ۔۔۔ علی کو باہر آتا دیکھ کر ڈرائیور گاڑی کا دروازہ کھولتے ہوئے بولا ۔۔۔
آویز تم ناشتہ کر کے آفس کے لئے نکل جانا ۔۔۔ میں آج لیٹ آئوں گا ۔۔۔۔ رضا سلطان نے اخبار میز پر رکھا اور اندر اپنے کمرے میں جانے لگے ۔۔۔۔
کیا ہوا بابا ۔۔۔۔ آپ کی طبیعت تو ٹھیک ہے نا ۔۔۔؟
آویز نے اتنے سالوں میں پہلی مرتبع اپنے بابا کے آفس لیٹ جانے پر حیران ہو کر پوچھا ۔۔۔۔
میں ٹھیک ہوں ۔۔۔ بیٹا بس آج تھوڑا آرام کرنا چاہتا ہوں ۔۔۔۔
سامنے والا دروازہ کھلنے پر بے اختیار سب کی نظریں اٹھیں ۔۔۔۔ زکی تو اور وہ بھی اس وقت ۔۔۔۔موم آج سورج کہاں سے نکلا ہے ۔۔۔۔ آویز نے دروازے پر کھڑے زکی کو آنکھیں میچتے ہوئے دیکھا تو اسے چھیڑنے کے انداز میں بولا ۔۔۔۔
ہاہاہا ۔۔۔۔ واقعی ۔۔۔ زکی خیریت ۔۔۔ اتنی صبح ۔۔۔۔۔ موم نے چائے میں ایک چمچ چینی ڈالتے ہوئے زکی کو مخاطب کیا ۔۔۔
دادو ۔۔۔ دیکھو نا ۔۔ روزانہ سب ڈانٹتے رہتے ہیں کہ سارا دن سوئے پڑے رہتے ہو ۔۔۔ آج جلدی اٹھا ہوں تو سب ہنس رہے ہیں ۔۔۔۔۔۔۔ زکیکرسی پر بیٹھتا ہوا قدرے معصومیت سے بولا ۔۔۔۔۔
ہائے میرا معصوم بچہ ۔۔۔ کوئی تنگ نہیں کرے گا اس کو ۔۔۔۔ سن لیا سب نے ۔۔۔۔۔ دادو نے مستی بھرے انداز میں کہا تو سب ہنس پڑے ۔۔۔۔۔
دیکھا موم ۔۔۔ میری تو بس دادو ہی ہیں ۔۔۔۔ زکی نے دادو کا ہاتھ چومتے ہوئے موم کو چھیرنے کے انداز میں کہا ۔۔۔۔
اچھا ۔۔۔۔ بدمعاش ۔۔۔ دادو کے بچے ۔۔۔۔۔۔ موم نے مسکراتے ہوئے زکی کے ہاتھ میں جوس کا گلاس تھمایا ۔۔۔۔
تیرا کنسرٹ کیسا رہا ۔۔۔۔ آویز چائے کا گھونٹ بھرتے ہوئے زکی کی طرف متوجہ ہوا ۔۔۔۔
اچھا تھا ۔۔۔۔ لوگوں نے کافی پسند کیا ۔۔۔ زکی نے فرائیڈ ایگ اپنی پلیٹ میں ڈالتے ہوئے بتایا ۔۔۔۔
سلیم ۔۔۔۔ آجائو ۔۔۔ آج کے لنچ کی لسٹ بنا کر دے دوں تمہیں ۔۔۔ فاطمہ سلطان نے کچن کی طرف جاتے ہوئے اپنے ملازم کو آواز دی ۔۔۔۔
لسٹ کیوں ۔۔۔ آج کوئی آرہا ہے کیا ۔۔۔؟ زکی نے متجسس نگاہوں سے دادو کو دیکھا ۔۔۔۔
ہاں ۔۔۔ آج الیان صاحب اور ان کی فیملی نے آنا ہے ۔۔۔ ہم نے انہیں لنچ پر بلایا ہے ۔۔۔ دادو نے زکی کو ٹوسٹ پکڑاتے ہوئے بتایا ۔۔۔
او آئی سی ۔۔۔۔ کل کنسرٹ کے بعد مجھے الیان انکل کی بیٹی قدسیہ ملی تھی ۔۔۔۔ یہ دیکھیں کل کی تصاویر اتنی اعلٰی آئی ہیں ۔۔۔ زکی نے اپنا موبائیل دادو کی طرف بڑھاتے ہوئے بتایا ۔۔۔
سحر آج میں گھر دیر سے آئوں گا ۔۔۔ دوستوں کے ساتھ ڈنر کا پروگرام ہے ۔۔۔ آویز نے اوپر کمرے کی طرف جاتی سحر کو مخاطب کیا ۔۔۔
یار آپ پھر بھول گئے ۔۔۔آج ہم ممی کے ہاں انوائیٹڈ ہیں ۔۔۔ سحر نے جس سیڑھی پر قدم رکھا تھا وہیں ۔۔۔ رک کر بتایا اور اوپر چلی گئی ۔۔۔
اُف یار ۔۔۔ یہ بیویاں بہت تنگ کرتی ہیں ۔۔۔ اچھا ہوا تو نے ابھی تک شادی نہیں کی ۔۔۔۔ میں نے ایسے ہی اتنی جلدی شادی کر لی ۔۔۔ زندگی عذاب بن گئی تو ۔۔۔۔ آویز نے قدرے سرد لہجے میں کہا ۔۔۔
آویز بیٹا ۔۔۔ یہ جو بیویاں ہوتی ہیں نا ۔۔۔ یہ خود ہی نہیں منہ اُٹھا کر آجاتی تم شوہر لوگ اُنہیں پورے اہتمام سے بینڈ باجے کے ساتھ لے کر آتے ہو۔۔۔۔
اور یہ کیا تم ہر وقت اس کو یہ جتاتے رہتے ہو ۔۔۔ کہ میں تمہاری وجہ سے اپنے دوستوں سے نہیں مل سکتا ۔۔۔ یہ وہ ۔۔۔ وہ بھی تو اپنا خاندان دوست ۔۔۔ گھر ۔۔۔ سب کچھ چھوڑ چھاڑ کر تمہارے ساتھ آئی ہے ۔۔۔ اس نے کبھی کوئی ایسی بات کی ۔۔۔؟ نہیں نا ۔۔۔ جس دن وہ بولی نا بیٹا جی تو ۔۔۔ پھر آپ کو چپ لگ جانی ہے ۔۔۔۔ دادی نے خفگی سے باسط کو دیکھتے ہوئے کہا ۔۔۔۔
****************
تمہیں یاد ہے گوہر ۔۔۔ جب میں اور آویز ساتھ والے سلمان انکل کے گھر کی ڈور بیل بجا کر بھاگا کرتے تھے اور ڈانٹ ہمیشہ دانش کو پڑتی تھی ۔۔۔۔
دائود نے تصاویر کے البم کو کھولتے ہوئے گوہر کو مخاطب کیا ۔۔۔
ہاہاہا ۔۔۔۔ بھائی آپ بچپن میں کتنے شرارتی ہوا کرتے تھے ۔۔۔ گوہر نے ایک تصویر میں دائود کو مستی بھرے انداز سے زکی کے کان کھینچتے دیکھا تو مسکراتے ہوئے بولی ۔۔۔۔۔
ایک مرتبع تو ہم عابد انکل کے بیٹے کی سائیکل لے کر بھاگ گئے تھے اور ایسا بھاگے تھے کہ صبح سے شام تک ہم نے اس کو اپنی شکل نہیں دکھائی تھی ۔۔۔
اور وہ بےچارہ گلیوں میں ہمیں ڈھونڈتا ہوا مارا مارا پھرتا رہا تھا ۔۔۔
آہ وہ دن ۔۔۔۔۔ دائود نے آہ بھری ۔۔۔۔
بابا یہ آپ ہیں ؟؟۔۔۔ فضے گل نےحیرانی سے ایک تصویر کو دیکھتے ہوئے اپنے باپ دائود سے پوچھا ۔۔
جی میرا بچہ ۔۔۔ یہ آپ کے بابا ہی ہیں ۔۔۔ دائود نے اپنی بیٹی کی پیشانی پر پیار دیتے ہوئے کہا ۔۔۔
دائود البم میں لگی تصویروں کو آگے پیچھے کر کے دیکھ ہی رہا تھا کہ موبائیل پر اس کے کلائینٹ کی فون آنے لگی ۔۔۔
مرحبا ۔۔۔۔ اوکے ۔۔۔۔میں بس تھوڑی دیر تک پہنچ رہا ہوں ۔۔۔ دوسری طرف سے کسی کے کچھ پوچھنے پر اس نے ترک میں جواب دیا ۔۔۔۔
کیا ہوا بھائی آپ کہیں جا رہے ہیں ۔۔۔ ؟ گوہر نے دائود کو باہر کی سمت جاتے دیکھا تو پوچھا ۔۔۔
جی ۔۔۔ کلائینٹ کی فون تھی ۔۔۔ مجھے ابھی پہنچنا ہو گا ۔۔۔ دائود نے کوٹ پہنتے ہوئے کہا ۔۔۔
یہ کیا بات ہوئی بابا ۔۔۔ آپ نے کہا تھا آج آپ ہمارے ساتھ گھر پر لنچ کریں گے ۔۔۔ فضے گل نے باہر جاتے دائود کا ہاتھ پکڑ کر اسے روکا ۔۔۔
سوری بیٹا ۔۔ ایک ضروری کام آن پڑا ہے ۔۔۔ پھر کبھی ۔۔۔ دائود نے فضے گل کو اُٹھا کر پیار دیتے ہوئے کہا ۔۔۔ اچھا ٹھیک ۔۔۔ کل پکا آپ گھر پر رکیں گے ۔۔۔۔ فضے گل نے اپنے بابا کو دیکھ کر مسکراتے ہوئے کہا ۔۔۔
******
یہ کون ہے ۔۔۔ گوہر ۔۔۔؟ فضے گل نے تصویر میں کھوئی ہوئی گوہر کو اپنی طرف متوجہ کیا ۔۔۔۔
ہاں ۔۔۔؟ گوہر اتنی مگن تھی کہ فضے گل نے کیا پوچھا اسے پتا ہی نہ چلا ۔۔۔
یہ کون ہے ۔۔۔؟ اس نے گوہر کے پوچھنے پر پھر سے سوال کیا ۔۔۔۔
یہ ۔۔۔؟ یہ آپ کے زکی چاچو ہیں ۔۔۔۔ ہمارے کزن ۔۔۔ یہ بات بتاتے ہوئے گوہر کے چہرے پر اجنبی سی مسکراہٹ تھی ۔۔۔
گوہر چند لمحوں سے مسلسل اپنی اور زکی کی بچپن کی شرارتوں سے بھرپور تصاویر دیکھ کر مسکرائے جا رہی تھی ۔۔۔۔ یوں کہ جیسے وہ سب واقعات اس کی نگاہوں کے سامنے آگئے ہوں ۔۔۔ وہ ان تصاویر سے ان قیمتی لمحوں کو محسوس کر سکتی تھی جو اس نے زکی کے ساتھ کھیلتے ہوئے بیتائے ۔۔۔
وہ اپنے بچپن کو بہت یاد کیا کرتی تھی ۔۔۔۔ کیا معلوم کہ زکی کو کچھ یاد بھی ہوگا کہ نہیں ۔۔۔۔
**************
گوہر ۔۔۔۔ گوہر ۔۔۔ تم یہاں بیٹھی ہوئی ہو ۔۔۔ اور میں تمہیں سارے گھر میں ڈھونڈتا پھر رہا ہوں ۔۔۔
زکی دوڑتا ہوا س کے قریب آکر رکا ۔۔۔۔
کیا ہوا یار ۔۔۔؟ تم رو رہی ہو ۔۔۔؟؟ کیوں رو رہی ہو ۔۔۔؟؟ زکی نے گوہر کو روتا ہوا دیکھا تو اپنے ہاتھوں سے اس کے رخساروں پر گرے آنسو پونچتے ہوئے پوچھا ۔۔۔۔
روشک کہ رہی ہے تم میرے دوست نہیں ہو ۔۔۔ صرف اس کے دوست ہو ۔۔۔ وہ تمہیں بولے گی کہ تم مجھ سے دوستی توڑ دو ۔۔۔۔
میز کے نیچے بیٹھی گوہر ۔۔ زکی کو یہ بتاتے ہوئے رئوے جا رہی تھی ۔۔۔۔۔
اوف ہو ۔۔۔ یہ سب تم سے روشک نے کہا نا ۔۔۔۔؟ میں نے تو نہیں نا ۔۔۔؟ اور کیا تمہیں ایسا لگتا ہے کہ میں اس کے کہنے پر اپنی بیسٹ فرینڈ کو چھوڑ سکتا ہوں ۔۔۔۔ ۔۔۔۔ پاگل لڑکی ۔۔۔۔ وہ تم سے چھوٹی ہے ۔۔۔ پھر بھی تم اس کی باتوں میں آجاتی ہو ۔۔۔ اور ناجانے کب سے رئوے جا رہی ہو ۔۔۔۔
ایک بات ہمیشہ یاد رکھنا ۔۔۔ تم ہی میری بیسٹ فرینڈ تھی ۔۔۔ ہو ۔۔۔ اور ہمیشہ رہو گی ۔۔۔۔
زکی نے گوہر کا ہاتھ پکڑ کر اس کو میز کے نیچے سے باہر نکالا اور باہر باغ میں لے گیا ۔۔۔۔
***********