نور خدا

کہاں سے آرہی ہو فریحہ ۔۔۔۔ کیا بات ہے بڑی خوش لگ رہی ہو ۔۔۔ دروازے سے اندر آتی فریحہ کو چہکتے ہوئے دیکھ کر لائونج میں بیٹھی فاطمہ اس سے ملنے کے لئے اُٹھی ۔۔۔
بات ہی ایسی ہے بھابھی ۔۔۔ مجھ سے رہا نہیں گیا ۔۔۔ فون پر بتانے میں بات کا سارا مزا خراب ہو جاتا ہے ۔۔۔ میں نے سوچا گھر جا کر بتائوں سب کو ۔۔۔ یہی وجہ ہے کہ گھر جانے سے پہلے سیدھا یہاں آگئی ۔۔۔ فریحہ نے صوفے پر بیٹھتے ہوئے کہا ۔۔
بہت اچھا کیا تم نے ۔۔۔ مگر بات تو بتائو ۔۔۔ اب مجھ سے تو صبر نہیں ہو رہا بھئی ۔۔۔ تمہاری خوشی دیکھ کر تو محسوس ہو رہا ہے جیسے دانش کا رشتہ ۔۔۔ فاطمہ نے سوچتے ہوئے کہا ۔۔۔
ارے واہ ۔۔۔ بھابھی ۔۔۔ آپ نے تو بڑی جلدی اندازا لگا لیا ۔۔۔ ہاہا ۔۔۔ یہی بات ہے ۔۔۔
امی کدھر ہیں ۔۔۔ ؟ وہ آجائیں تو تفصیل سے بات کرتے ہیں ۔۔۔
بانو ۔۔۔ یہ میٹھائی پلیٹ میں نکال لائو ۔۔۔ فریحہ نے ملازمہ کو آواز دی ۔۔۔
اور ساتھ چائے کا اچھا سا اہتمام کرو ۔۔۔ جلدی سے ۔۔۔ فاطمہ نے جاتی ملازمہ کو روک کر کہا ۔۔۔
جی بیگم صاحبہ ۔۔۔ میں ابھی سب تیار کر دیتی ہوں ۔۔۔
جاوید بھائی نہیں آئے ۔۔۔ فریحہ ۔۔۔ ؟
نہیں بھابھی اُن کو کسی ضروری کام سے جانا پڑ گیا ۔۔۔ ورنہ انہوں نے بھی یہیں رُکنا تھا ۔۔۔
اچھا ۔۔۔ چلو ۔۔۔ آج تو وہ یہاں نہیں ہیں ۔۔۔ مگر بہت جلد ہی ہم اُن سے کوئی بڑی ٹریٹ لینے والے ہیں ۔۔۔ فاطمہ نے مسکراتے ہوئے کہا ۔۔۔
جی ضرور بھابھی ۔۔۔ ہم سیلیبریٹ کریں گے ۔۔۔
انشاءاللہ ۔۔۔ اللہ تم دونوں کو اور خوشیاں نصیب کرے ۔۔۔
آمین ۔۔۔ بھابھی ۔۔۔ فریحہ مسکرائی ۔۔۔
_____________
آئیے امی ۔۔۔ خورشید سلطان کے آتے ہی فریحہ اُن سے ملنے کے لئے اُٹھ کھڑی ہوئی ۔۔۔
منہ میٹھا کریں امی ۔۔۔ اُنہوں نے اپنی امی کو میٹھائی کھلاتے ہوئے کہا ۔۔۔
کس خوشی میں بیٹا ۔۔۔ ؟ خورشید سلطان تجسس سے بولی ۔۔۔
امی میں دانش کا رشتہ پکا کر آئی ہوں ۔۔۔ فریحہ نے خوشی سے کہا ۔۔۔
ارے بہت مبارک ہو میری جان ۔۔۔ کہاں بات کی ۔۔۔ ؟
میں نے آپ کو بتایا تھا نا ایک بار کہ میرے سسرال میں ایک دو لڑکیاں ہیں ۔۔۔ میں دانش کے رشتے کی بات چلائوں گی وہاں ۔۔۔۔ بس انہی میں سے ایک پسند آگئی ہم سب کو ۔۔۔
دانش سے پوچھا ہے ۔۔۔ ؟
جی امی اُس سے پوچھا ہے ۔۔۔ اسے کوئی اعتراض نہیں ہے ۔۔۔ ہم شادی جلد ہی کرنے کا سوچ رہے ہیں ۔۔۔
روشک سے بات ہوئی ہے ۔۔۔ ؟ کیسی ہے میری بچی ۔۔۔ ؟
ہاں ۔۔۔ وہ بڑا ناراض ہوئی کہ جیسے ہی میں یہاں آئی آپ نے تب ہی بھائی کا رشتہ طے کیا ۔۔۔ میرا انتظار کر لیتی ۔۔۔ اُس کی بات بھی ٹھیک ہے بہنوں کے سو ارمان ہوتے ہیں ۔۔۔
ہاہاہا ۔۔۔ تو کب کا ارادا ہے اب ۔۔۔ ؟
بس اب دو ۔۔۔ تین مہینوں تک شادی کرنی ہے انشاءاللہ ۔۔۔ وہ دونوں چھٹی لے کر آئیں نا پھر تیاریاں شروع کرتے ہیں ۔۔۔ اور پھر میرا زکی بھی تو یہاں نہیں ہے ۔۔۔ بھائی کی شادی ہے آخر ۔۔۔ سب انتظامات تو اُسی کو دیکھنے ہیں ۔۔۔۔ وہ سب مسکرائی ۔۔۔
***************
فضےگل ۔۔۔ زکی نے گوہر کا ہاتھ پکڑے چلتی ہوئی فضےگل کو آہستہ سے آواز دی ۔۔۔
جییی ۔۔۔۔ اُس نے بھی دھیمے سے کہا ۔۔۔
آئسکریم کھائو گی ۔۔۔ ؟ زکی نے جیسے اُس کے کان میں کہا تھا ۔۔۔
ہاں ۔۔۔ لیکن گوہر ۔۔۔۔ ؟ یہ نہیں مانے گی ۔۔۔۔ اُس نے معصومانہ سی شکل بنائی تو زکی اُس کو دیکھ کر مسکرا اُٹھا ۔۔۔
میں ہوں نا ۔۔۔ میں بات کرتا ہوں ۔۔۔ زکی نے فضےگل کو تسلی دیتے ہوئے اپنی طرف اشارہ کیا ۔۔۔
گوہر جو کھڑی ان دونوں میں ہوئی سب باتوں سے واقف تھی ۔۔۔۔ نقاب کے اندر مسکرا رہی تھی ۔۔۔
گوہر ۔۔۔ تمہیں آئسکریم میں کونسا فلیور پسند ہے ۔۔۔ ؟ زکی نے فضےگل کو اشارہ کرتے ہوئے کہا ۔۔۔
زکی اتنی سردی میں آپ آئسکریم کی بات بھی کیسے کر رہے ہیں ۔۔۔ آپ کو ٹھنڈ نہیں لگ رہی ۔۔۔ ؟ مجھے تو سردیوں میں آئسکریم کے فلیورز یاد تک نہیں رہتے ۔۔۔ چلیں آئیں میں آپ کو یہاں کی بیسٹ کافی پلاتی ہوں ۔۔۔ ہم اکثر یہاں کافی پینے آتے ہیں ۔۔۔ گوہر نے ہنستے ہوئے کہا ۔۔۔۔
کیا ۔۔۔۔ ؟ کافی ۔۔۔ ؟
کیوں کیا ہوا ۔۔۔ ؟ آپ کو تو کافی بہت پسند ہے نا ۔۔۔ ؟
ہاں مجھے کافی اچھی لگتی ہے ۔۔۔ چلو آئو ۔۔۔ کافی پیتے ہیں ۔۔۔ زکی نے منہ بناتے ہوئے کہا ۔۔۔
زکی ۔۔۔۔ چاچو ۔۔۔ آپ کو کافی کا دل نہیں کر رہا تو کچھ اور آرڈر کر لیتے ہیں ۔۔۔ فضےگل نے ریسٹرونٹ میں بیٹھے زکی کو مخاطب کیا ۔۔۔
ہاں ۔۔۔ فضےگل ۔۔۔ بتائو یہاں اور کیا اچھا ملتا ہے ۔۔۔ ؟
آئسکریم ۔۔۔ فضےگل اُچھلتے ہوئے بولی ۔۔۔
وہ جانتی تھی کہ گوہر سردی میں نہ خود آئسکریم کھاتی ہے اور نہ ہی اسے کھانے دیتی ہے ۔۔۔ مگر اسے بےحد پسند ہے ۔۔۔ ٹھنڈ میں آئسکریم کھانا ۔۔۔
آج زکی ساتھ تھا تو اسے پوری اُمید تھی کہ آج یہ اپنا شوق پورا کر لے گی ۔۔۔۔۔
ٹھیک ہے ۔۔۔ آئسکریم آرڈر کر لیتے ہیں پھر ۔۔۔۔ کونسا فلیور فضےگل ۔۔۔ ؟
چاکلیٹ ۔۔۔۔ اُس نے مسکراتے ہوئے کہا ۔۔۔
کوئی نہیں ۔۔۔۔ چاکلیٹ کی بچی ۔۔۔ تم نہیں کھائو گی ۔۔۔
ایک چاکلیٹ اور دو ونیلا ۔۔۔۔ زکی نے جب ویٹر کو یہ فلیورز لانے کو کہا تو گوہر نے فوراً زکی کو دیکھا ۔۔۔
گوہر حیران تھی کہ زکی کو اب تک یاد ہے وہ ونیلا کے علاوہ کوئی فلیور نہیں کھاتی تھی ۔۔۔۔
***************
گوہر ۔۔۔۔ دروازے سے اندر داخل ہوتے وقت زکی نے اُسے باہر سے روکتے ہوئے کہا ۔۔۔۔
جی ۔۔۔ وہ مُڑی ۔۔۔
تھینکیو ۔۔۔۔ زکی نے مسکراتے ہوئے اُس کی طرف ہاتھ بڑھایا ۔۔۔ اُس نے ہاتھ میں ٹیولپ اُٹھا رکھے تھے ۔۔۔۔۔
گوہر نے بغیر کچھ بھی کہے زکی کی طرف دیکھا ۔۔۔
رکھ لو ۔۔۔ تم نے مجھے اپنا قیمتی وقت دیا اُس کا شکریہ تو ادا کرنے کا فرض بنتا ہے نا میرا ۔۔۔
اوکے ۔۔۔ گوہر نے مسکراتے ہوئے اُس کے ہاتھ سے ٹیولپ لے لئے ۔۔۔
گوہر تم بہت اچھی ہو ۔۔۔ گوہر کے ساتھ اندر آتے ہوئے زکی نے ہچکچاتے ہوئے کہا ۔۔۔
اچھا ۔۔۔ ؟ سچ میں ۔۔۔ ؟ گوہر نے رُک کر زکی کی طرف دیکھا ۔۔۔
ہاں ۔۔۔ اس میں کوئی شک ۔۔۔ ؟ زکی نے شانے اچکائے ۔۔۔
آپ کے خیالات تو میرے بارے میں بلکل مختلف تھے نہیں ۔۔۔ ؟
نہیں تو ۔۔۔ زکی نے آگے پیچھے دیکھتے ہوئے کہا ۔۔۔
میں مغرور نہیں ہوں ۔۔۔ ؟ میں اپنے آپ کو بہت کچھ نہیں سمجھتی ۔۔۔ ؟ گوہر مسکراتے ہوئے بول کر اندر چلی گئی ۔۔۔
اوو میرے خدا ۔۔۔۔ اُس دن گوہر نے سب باتیں سُن لی تھی ؟ ۔۔۔ زکی نے من ہی من میں سوچا ۔۔۔
_____________________
بابا ۔۔۔۔ زکی اپنے بابا کو بیٹھا دیکھ کر دوڑتا ہوا اُن کے پاس آیا ۔۔۔
کیسا ہے میرا بیٹا ۔۔۔ ؟ زخم ٹھیک ہوگئے ہیں ۔۔۔ ؟
جی بابا ۔۔۔ اب ٹھیک ہوں ۔۔۔ آپ سب کو بہت یاد کیا میں نے ۔۔۔ آپ ٹھیک ہیں ۔۔۔ ؟
جی بیٹا ۔۔۔ الحمدللہ ۔۔۔
اسلام و علیکم تایا ابا ۔۔۔ گوہر نے اپنے تایا کو دیکھتے ہی سلام کیا ۔۔۔ اور اُن سے ملنے کے لئے آگے آئی ۔۔۔
وعلیکم اسلام میری بچی ۔۔۔ ماشائاللہ اتنی بڑی ہوگئی ہے ۔۔۔ رضا سلطان نے گوہر کو پیار کرتے ہوئے کہا ۔۔۔
نہیں بھائی صاحب ۔۔۔ آپ نے اس کو بہت سالوں بعد دیکھا نا ۔۔۔ اس وجہ سے تھوڑی بڑی لگ رہی ہوگی ۔۔۔ ہے تو یہ ابھی بھی چھوٹی سی ہی ۔۔۔ میری چھوٹی سی چڑیا ۔۔۔ عامر سلطان نے گوہر کو پیار سے دیکھتے ہوئے کہا ۔۔۔
بابا ۔۔۔ تایا ابا ٹھیک کہہ رہے ہیں ۔۔۔ دیکھا اُن کو بھی لگا کہ میں بڑی ہوئی ہوں ۔۔۔ بس آپ ہی ہیں جن کو میں چھوٹی سی چڑیا لگتی ہوں ۔۔۔ گوہر نے مسکراتے ہوئے کہا ۔۔۔
ہاہا ۔۔۔۔ جی جی ۔۔۔ میری گڑیا ۔۔۔ تایا ابا کے لئے کافی تو بنا کر لائو ۔۔۔
جی بابا ۔۔۔ ابھی لائی ۔۔۔ گوہر کچن میں جاتے ہوئے بولی ۔۔۔
کچھ لوگ کہتے ہیں ۔۔۔ ہم بڑے ہوگئے ہیں ۔۔۔ پر اصل میں وہ ابھی بھی بہت چھوٹے ہوتے ہیں ۔۔۔ زکی میز سے سیب اُٹھا کر کھاتا ہوا کچن کے پاس آکھڑا ہوا ۔۔۔
کس کی بات کر رہے ہو بیٹا ۔۔۔ ؟ عامر سلطان نے زکی سے اشارة پوچھا ۔۔۔
نہیں ۔۔۔ ایسے ہی ۔۔۔ زکی نے گوہر کی طرف اشارہ کیا ۔۔۔
اب کوئی بھلا ان کو بتائے کہ چھُپ کر کسی کی باتیں نہیں سُنا کرتے ۔۔۔ دروازے سے کان لگائے کھڑا ہونا شریف لوگوں کا کام نہیں ۔۔۔ کیوں چچا جان ۔۔۔ ؟
زکی نے کچن کے باہر کھڑے اونچی آواز میں ابھی یہی کہا تھا کہ ۔۔۔۔
میں کوئی جان بوجھ کر کمرے کے باہر کھڑی نہیں ہوئی تھی ۔۔۔ اور نہ ہی مجھے یہ جاننے میں کوئی دلچسپی تھی کہ آپ اور دادو کیا باتیں کر رہے ہیں ۔۔۔ میں تو بس موبائل دینے آئی ۔۔۔۔ گوہر غصے میں یہ بولتی ہوئی کچن سے باہر آئی ۔۔۔ تایا ابا اور بابا کو ہنستا دیکھ کر بولتے ہوئے رُک گئی ۔۔۔
ہاہاہاہاہا ۔۔۔۔ بیٹا ۔۔۔ زکی تو ایسے ہی بات کر رہا تھا ۔۔۔ عامر سلطان نے ہنستے ہوئے کہا ۔۔۔
جی چچا جان میں تو ایسے ہی کسی اور کی بات کر رہا تھا ۔۔۔ گوہر تمہیں کیا ہوگیا اچانک سے ۔۔۔ ؟ زکی گوہر کی طرف دیکھ کر مسکراتے ہوئے بولا ۔۔۔
کچھ نہیں ۔۔۔ گوہر یہ کہہ کر واپس چلی گئی ۔۔۔
ارے زکی بیٹا ۔۔۔ تم نے تو ناراض ہی کر دیا بچی کو ۔۔۔ جائو جا کر منائو اُس کو ۔۔۔ رضا صاحب نے زکی کو جانے کا کہا ۔۔۔
****************
Hello Sir!!
دوسری طرف سے فون اُٹھائے جانے پر زکی بولا ۔۔۔
ہیلو ۔۔۔ اووو زکی ۔۔۔۔ اُس نے موبائل کان سے ہٹا کر نام دیکھا ۔۔۔
How are you ... ?
الحمدللہ سر ۔۔۔
تمہارے ایکسیڈنٹ کا سُنا تھا ۔۔۔ کیسے ہو اب ۔۔۔ ؟
ٹھیک ہوں اب ۔۔۔ آپ بتائیں ۔۔۔ سر ۔۔۔ ؟ باسط کہہ رہا تھا کہ آپ بات کرنا چاہ رہے تھے مجھ سے ۔۔۔
کوئی کام .۔۔۔ ؟
ہاں وہ تمہارا حال چال پوچھنا تھا ۔۔۔ اور کنسرٹ کے بعد بھی کوئی بات نہ ہوسکی تھی ہماری ۔۔۔
مبارک ہو بہت بہت ۔۔۔ تمہارا کنسرٹ تو ہماری اُمیدوں سے بھی زیادہ ہٹ ہوا ہے ۔۔۔۔
Congratulations young boy!!!
تھینکیو سر ۔۔۔ یہ سب آپ ہی کی بدولت ہے ۔۔۔ آپ کی سپورٹ ۔۔۔ اگر آپ ہمیں سہی سے گائیڈ نہ کرتے تو یہ ممکن نہیں تھا ۔۔۔ زکی نے مسکراتے ہوئے کہا ۔۔۔
مستقبل میں اس سے بھی بڑے شوز کرنے ہیں تمہیں ۔۔۔ تم پاکستان واپس کب تک آرہے ہو ۔۔۔ ؟
بس ابھی کل ہی کی فلائیٹ ہے ۔۔۔
ٹھیک ہے پھر تم آجائو ۔۔۔ پھر ہم مل کر اس بارے میں بات کرتے ہیں ۔۔۔
ok .... Bye ...
****************
کل تم چلے جائو گے زکی ۔۔۔۔ ؟ اُس نے منہ پھلائے افسردگی سے کہا ۔۔۔
ہیییم ۔۔۔۔ زکی نے بھی اداسی ظاہر کی ۔۔۔
تم اتنی جلدی جا رہے ہو ۔۔۔ میرا کیا ہوگا ۔۔۔ اُس کی آنکھ سے آنسو اُس کے ننھے گالوں پر ٹپکے ۔۔۔
اووو ۔۔۔ میری ننھی شہزادی ۔۔۔ تم بلکل بھی اُداس نہ ہو ۔۔۔ ہم روزانہ ویڈیو کال پر بات کیا کریں گے .۔۔۔ زکی نے اُس کے آنسو صاف کئے ۔۔۔
پکا ۔۔۔ ؟ وہ جیسے کھل اُٹھی ۔۔۔
ہاں جی ۔۔۔ پکا ۔۔۔۔ زکی نے مسکرا کر کہا ۔۔۔
اچھا اب بہت دیر ہو گئی ہے ۔۔۔ گوہر مجھے ڈانٹے گی ۔۔۔ کل ملیں گے ۔۔۔
شبخیر ۔۔۔ اُس نے جاتے ہوئے کہا ۔۔۔
زکی مسکرایا ۔۔۔۔
Cute !!!
***************
پہلے زکی بھی اپنے گھر واپس جانے کے لئے بےتاب ہورہا تھا مگر اب جب اُسے یہاں رہتے ہوئے تقریباً 2 مہینے ہوچکے تھے ۔۔۔۔ یہاں کے لوگوں سے اچھی طرح واقفیت ہونے لگی تھی ۔۔۔ اُن کے پیار ، خلوص کو سمجھنے لگا تھا ۔۔۔ اُن سے اپنائیت محسوس کرنے لگا تھا ۔۔۔ تب اس کے جانے کا وقت آگیا ۔۔۔ اب جب زکی واپس جا رہا تھا ۔۔۔ اس کا دل بہت اداس تھا ۔۔۔ کاش اُس کے پاس کوئی دوسرا آپشن ہوتا ۔۔۔ وہ یہیں رُک جاتا ۔۔۔ یا پھر یہ لوگ ہمیشہ کے لئے پاکستان چلے جائیں ۔۔۔۔
آج ساری رات زکی بہت بےچین رہا ۔۔۔ وہ فیصلہ نہیں کر پا رہا تھا کہ گوہر کو بتائے یا نہ بتائے ۔۔۔ اگر بتا دیا تو گوہر کا کیا ردِعمل ہوگا ۔۔۔ اور بتائے گا کیسے ۔۔۔ اسی چکر میں تمام رات گزر گئی ۔۔۔
_______________
" گوہر ۔۔۔۔ میں تمہیں بہت پسند کرتا ہوں ۔۔۔ تم سے شادی کرنا چاہتا ہوں ۔۔۔ میں تمہیں ہمیشہ خوش رکھوں گا ۔۔۔۔ "
زکی گوہر کے ساتھ والے صوفے پر بیٹھ کر بغیر رُکے بولتا گیا ۔۔۔
کیا کہا ۔۔۔ زکی آپ ہوش میں تو ہیں ۔۔۔ ؟ یہ کہنا تھا کہ گوہر نے زوردار تھپڑ زکی کے منہ پر دے مارا ۔۔۔ "
______________
لیٹے لیٹے زکی کو خیال آیا ۔۔۔ فوراً سے اُٹھ کھڑا ہوا ۔۔۔۔ آئینے میں اپنا چہرا دیکھا ۔۔۔
نہیں نہیں ۔۔۔۔ شکر ہے ۔۔۔ خواب تھا یہ ۔۔۔
کیا کروں ۔۔۔۔ کہا کہوں گوہر کو ۔۔۔۔ آج آخری دن ہے ۔۔۔ سارا دن سب ساتھ ہوں گے ۔۔۔ کیسے بات کروں گا ۔۔۔
یہی سوچتے ہوئے زکی بالکنی میں جاکر کھڑا ہوگیا ۔۔۔ کھلے آسمان کو دیکھا ۔۔۔ طلوع ہوتے سورج کو دیکھ کر اسے گوہر کا خیال آیا ۔۔۔
" اس وقت گوہر جاگ رہی ہوتی ہے ۔۔۔ چھت پر ہوگی ۔۔۔۔۔۔ "
زکی نے اپنا حُلیا درست کیا اور چھت پر جانے کے لئے نکل گیا ۔۔۔
****************
اہم اہم ۔۔۔۔ گوہر میں آجائوں ۔۔۔ ؟ اُس نے سیڑھیوں پر کھڑے رہ کر پوچھا ۔۔۔
جی زکی ۔۔۔ آجائیں ۔۔۔ گوہر نے کینوس پر برش چلاتے ہوئے کہا ۔۔۔
پینٹنگ کر رہی ہو ۔۔۔ ؟
جی ۔۔۔ آپ کو کوئی کام تھا ۔۔۔ ؟
نہیں ۔۔۔۔ بس ایسے ہی ۔۔۔ تم کرو کام ۔۔۔۔ زکی وہیں سائیڈ پر کھڑا ہوگیا ۔۔۔
اہم ۔۔۔۔ اہم ۔۔۔۔ کافی دیر بعد زکی بس یہی بولا ۔۔۔
کیا ہوا زکی ۔۔۔ ؟ کوئی بات کرنا چاہ رہے ہیں ۔۔۔ ؟
ہاں ۔۔۔ وہ ۔۔۔ نہیں ۔۔۔۔ کچھ نہیں ۔۔۔ بلکہ ہاں ۔۔۔ ایک بات ۔۔۔ کرنی ہے ۔۔۔ اگر تم برا نہ مانو تو ۔۔۔ کہوں ۔۔۔ ؟
جی جی ۔۔۔ کہیے میں سن رہی ہوں ۔۔۔
گوہر ۔۔۔۔ تم نے شادی کے بارے میں کچھ سوچا ہے ۔۔۔ کب کرو گی ۔۔۔ کس سے کرو گی ۔۔۔ ؟ میرا مطلب ہے کوئی پسند ہے تمہیں ۔۔۔ ؟
نہیں ۔۔۔ میں نے ابھی اس بارے میں کچھ نہیں سوچا ۔۔۔ اور نہ ہی مجھے سوچنے کی ضرورت ہے ۔۔۔ میرے والدین بہتر جانتے ہیں ۔۔۔۔ وہ جو فیصلہ کریں گے میرے لئے بیسٹ ہوگا ۔۔۔
اچھا ۔۔۔۔ گریٹ ۔۔۔ میں نے تمہیں جس لڑکی کا بتایا تھا نا ۔۔۔ وہ ترکی میں ہی رہتی ہے ۔۔۔ میں اُس کو اچھی طرح جان گیا ہوں ۔۔۔ اُس تک پہنچ بھی گیا ہوں ۔۔۔ بس اُس سے بات نہیں کر پا رہا ۔۔۔
اچھا ۔۔۔ کون ہے وہ ۔۔۔ ؟ گوہر نے زکی کی بات پر غور کرتے کہا ۔۔۔
تم ۔۔۔۔ وہ لڑکی تم ہو گوہر ۔۔۔ میں تمہیں بہت چاہتا ہوں ۔۔۔ مجھ سے شادی کرو گی ۔۔۔۔ گوہر ۔۔۔ ؟ زکی نے آنکھیں بند رکھے کہا ۔۔۔
اسلام و علیکم بابا ۔۔۔ کیسے ہیں آپ ۔۔۔ ؟ ائیرپورٹ پر کھڑے اپنے بابا اور زکی کا انتظار کرتے ہوئے آویز نے اُن کو سامنے پا کر کہا ۔۔۔
وعلیکم اسلام بیٹا ۔۔۔ الحمدللہ ۔۔۔
ائوے زکی ۔۔۔ کیسا ہے میرا بھائی ۔۔۔ آویز زکی سے ملنے کے لئے آگے ہوا ۔۔۔
میں ٹھیک ہوں بھائی ۔۔۔ اور سب فٹ ہے ۔۔۔ ؟ زکی آویز سے گلے لگتے ہوئے بولا ۔۔۔
ہاں جی سب سہی ہے ۔۔۔ تُجھے بڑا یاد کیا سب نے ۔۔۔ چل گھر چلتے ہیں ۔۔۔ جاکر ساری باتیں کریں گے ۔۔۔ آویز نے گاڑی کا دروازہ کھولتے ہوئے کہا ۔۔۔۔
بابا سفر کیسا رہا ۔۔۔ ؟ آویز نے فرنٹ مرر میں زکی کو دیکھتے ہوئے کہا ۔۔۔
سفر بھی کافی اچھا اور پرُسکون گزرا بیٹا ۔۔۔ رضا صاحب نے آویز کی طرف دیکھے کہا جو ناجانے کب سے زکی کو دیکھ رہا تھا ۔۔۔
کیا ہوا بابا ۔۔۔ ؟ آویز نے اپنے بابا سے زکی کے بارے میں اشارةً پوچھا ۔۔۔
معلوم نہیں ۔۔۔ اُنہوں نے شانے اُچکائے ۔۔۔
زکی ۔۔۔۔ زکی ۔۔۔۔ کہاں گُم ہو یار ۔۔۔ ؟ آویز نے شیشے سے باہر دیکھتے کھوئے ہوئے زکی کو مخاطب کیا ۔۔۔
کچھ نہیں بھائی ۔۔۔ بس ۔۔۔ اللہ کا شکر ادا کر رہا ہوں ۔۔۔ اُس نے مجھے یہ دن پھر سے دکھائے ۔۔۔ میں زندہ سلامت پاکستان واپس آگیا ۔۔۔ زکی اپنی ہی دھن میں کہتا گیا ۔۔۔
اچھا ۔۔۔۔ ٹھیک ہے ۔۔۔ آویز کو زکی کی باتیں سُن کر تسلی نہیں ہوئی تھی ۔۔۔ اُسے زکی خاصا بدلا ہوا لگ رہا تھا ۔۔۔ یہ وہ زکی نہیں تھا جو ترکی گیا تھا ۔۔۔ یہ تو کوئی اور ہی لگ رہا تھا ۔۔۔۔
ائوے زکی ۔۔۔ تجھے پتا ہے ۔۔۔ ؟ دانش کی شادی ہو رہی ہے ۔۔۔۔۔۔ خوب مستی کریں گے ۔۔۔ میری شادی کے بعد خاندان میں کوئی اور شادی ہی نہیں ہوئی ۔۔۔ اب سہی انجوائے کریں گے ۔۔۔۔ بچے بھی بہت خوش ہوئے ہیں جب سے پتا چلا کہ چاچو کی شادی ہونے والی ہے ۔۔۔ آویز نے زکی کا موڈ سیٹ کرنے کے لئے یہ بات چھیڑی ۔۔۔
جی بھائی ۔۔۔ مجھے معلوم ہوا ۔۔۔ یہاں پر آپ غلطی کر رہے ہیں بھائی ۔۔۔ آپ کے بعد دائود بھائی کی شادی ہوئی تھی ۔۔۔۔ وہ الگ بات ہے کہ آپ لوگوں نے ہمیشہ نفرتوں کو محبتوں پر فوقیت دی ۔۔۔۔ ورنہ آپ اُن کو گنتی میں ضرور لاتے ۔۔۔۔
ہاں اُس کی شادی ہوئی تھی ۔۔۔ مگر ہم ساتھ تو نہیں تھے نا ۔۔۔ چلو اب دانش کی شادی میں سب مل کر انجوائے کریں گے ۔۔۔
ہیییمممم ۔۔۔۔
زکی نے ہمیشہ اپنے جذبات کو قابو میں رکھا ۔۔۔ اپنی اور گوہر کی بچپن کی دوستی ٹوٹ جانے کا اسے بہت دُکھ ہوتا تھا ۔۔۔ مگر اس نے کبھی بڑوں کی باتوں میں دخل اندازی نہیں کرنا چاہی تھی ۔۔۔ مگر آج جب ایک بار پھر سے گوہر اس سے دُور جا چکی تھی ۔۔۔۔۔ زکی اپنے حواس کھوتا جا رہا تھا ۔۔۔ اس کے اندر کا زکی چیخ چیخ کر انصاف مانگ رہا تھا ۔۔۔ جانے انجانے میں بڑوں سے جو غلطیاں سرزد ہوئیں ۔۔۔ کہیں نا کہیں اُن کی قیمت زکی چُکا رہا تھا ۔۔۔۔ گوہر سے دُوری اُس کو اندر سے کھا رہی تھی ۔۔۔ اور وہ آہستہ آہستہ ٹوٹ کر بکھر رہا تھا ۔۔۔
_______________________
آجائو میرے بچو ۔۔۔ اللہ تم لوگوں کو خوش رکھے ۔۔۔ آباد رہو ۔۔۔ دروازے پر کھڑی خورشید سلطان اُن کو آتا دیکھ کر بولی ۔۔۔
فاطمہ ۔۔۔۔ سحر ۔۔۔ جلدی سے آئو ۔۔۔ وہ لوگ آگئے ہیں بیٹا ۔۔۔۔۔
جی ممی ۔۔۔ ابھی آرہی ہوں ۔۔۔ فاطمہ نے اندر سے آتے ہوئے کہا ۔۔۔۔
کیسی ہیں اماں جی ۔۔۔ ؟ فاطمہ بتا رہی تھی کل آپ کا Blood Pressure بہت ہائی تھا ۔۔۔ رضا نے اپنی امی کو دیکھتے ہی پوچھا ۔۔۔۔
تم آگئے ہو بیٹا ۔۔۔ میں بلکل فٹ ہو گئی ہوں ۔۔۔ اندر آجائو میرے بچو ۔۔۔
دادو ۔۔۔ یہ میں کیا سُن رہا ہوں ۔۔۔ گاڑی سے نکلتے زکی نے دادی کے قریب آتے کہا ۔۔۔
پہلے آکر مُجھ سے مل تو سہی ۔۔۔ بعد میں میری خبر لیتے رہنا ۔۔۔ اب تو میں تجھے کہیں نہیں جانے دوں گی ۔۔۔
میری پیاری دادو ۔۔۔۔ دادی سے گلے لگتے وقت زکی کی آنکھیں نم ہو گئیں ۔۔۔ اس کا من کیا کہ یہیں کھڑے دادو کو اپنے دل کی سب باتیں بتادوں ۔۔۔ ایک دادو ہی تو تھیں جن سے بات کر کے زکی اپنے دُکھوں کا بوجھ کم کر سکتا تھا ۔۔۔
میری جان ۔۔۔۔ میرا شہزادہ زکی ۔۔۔ زکی سے ملتے ہوئے دادو کے آنسو آنکھوں سے نکلتے ہوئے رخساروں پر آگرے ۔۔۔۔۔۔۔
چل شاباش ۔۔۔ میرا بچہ اندر آ جلدی سے تیری موم بھی انتظار کر رہی ہیں تیرا ۔۔۔ دادی نے اداس پڑتے زکی کو پیار کیا ۔۔۔۔
موم ۔۔۔ کیسی ہیں آپ ۔۔۔ ؟ زکی دوڑتا ہوا اپنی موم کے گلے لگ گیا ۔۔۔
میرا بیٹا ۔۔۔ کیا حال بنا لیا اپنا ۔۔۔ میری تو جان ہی نکال دی تھی تُم نے ۔۔۔۔ اگر تُجھے کچھ ہو جاتا تو میرا کیا ہوتا ۔۔۔۔۔۔ اُس کی موم روتے ہوئے بولی ۔۔۔
ارے موم ۔۔۔ اب تو میں آگیا ہوں نا ۔۔۔ بلکل ٹھیک ۔۔۔ فٹ ۔۔۔ آپ کے سامنے کھڑا ہوں ۔۔۔ دیکھیں ۔۔۔ اب آپ نہیں روئیں گی ۔۔۔ اوکے ۔۔۔ زکی نے موم کے آنسو صاف کئے ۔۔۔
ہائے بھابھی ۔۔۔ علی اور نشاء کدھر ہیں ۔۔۔ ؟ زکی نے سحر کو مخاطب کیا ۔۔۔
کیسے ہو زکی ۔۔۔ ؟
میں ٹھیک ہوں ۔۔۔ بھابھی ۔۔۔ اُس نے مسکراتے ہوئے کہا ۔۔۔
بچے باہر پارک میں کھیلنے گئے ہیں ۔۔۔ ابھی بلواتی ہوں ۔۔۔۔
ارے زکی ۔۔۔ تو بیٹھ نا ۔۔۔ ابھی تیری حالت ٹھیک نہیں ہے ۔۔۔۔۔ دادی نے تفکر سے کہا ۔۔۔
دادو اب میں بلکل ٹھیک ہوں ۔۔۔ بلکہ کل سے جوگنگ پر بھی جائوں گا ۔۔۔ زکی نے دادی کو چھیڑنے کے انداز سے کہا ۔۔۔
کیا کہا ۔۔۔ جوگنگ پر ۔۔۔ ہر گز نہیں ۔۔۔ رنگ دیکھا ہے اپنا ۔۔۔ کس قدر پیلا پڑ گیا ہے ۔۔۔ چُپ چاپ آرام کر ۔۔۔ دادی نے خفگی سے کہا ۔۔۔
ہاہاہا ۔۔۔ اوکے دادو ۔۔۔
بابا ۔۔۔ آپ لوگوں کے لئے کھانا لگائوں یا پہلے چائے پئیں گے ۔۔۔۔۔ ؟؟ سحر نے کچن میں جاتے ہوئے پوچھا ۔۔۔
نہیں بیٹا جی ۔۔۔ کھانا ہم لوگ کھا کر آئے تھے ۔۔۔ چائے پئیں گے ۔۔۔ رضا صاحب نے کوٹ اُتار کر فاطمہ کو پکڑایا ۔۔۔۔۔۔
ٹھیک ہے آپ لوگ فریش ہو لیں ۔۔۔ میں چائے کا انتظام کرتی ہوں ۔۔۔
اہم اہم ۔۔۔ بیگم زرا دھیان سے ۔۔۔ کہیں پچھلی بار کی طرح چینی کی جگہ نمک نہ پڑ جائے ۔۔۔ پتا چلے آپ ایک کپ میں دو چمچ نمک ڈال کر پیش کر رہی ہوں ۔۔۔ آویز نے کچن میں جاتی سحر کو مخاطب کر کے مزاق کیا ۔۔۔
آویز ۔۔۔۔ سحر وہیں کھڑے کھڑے ہنسی ۔۔۔
بہت غلط بات ہے بیٹا ۔۔۔ اُس بیچاری سے ایک بار غلطی کیا ہوگئی تم تو پکڑ کر ہی بیٹھ گئے ۔۔۔۔ دادی نے آویز کو تنبیہی نگاہوں سے دیکھا ۔۔۔
ہاہاہاہاہاہا ۔۔۔ دادو مزاق کر رہا ہوں ۔۔۔۔ آویز نے ہنستے ہوئے کہا ۔۔۔
__________________________
زکی تُو کہاں جا رہا ہے ۔۔۔ ؟ دادی نے خاموشی سے اُٹھ کر اپنے کمرے کی طرف جاتے زکی کو روک کر پوچھا ۔۔۔
دادو تھک گیا ہوں ۔۔۔ تھوڑا آرام کرنا چاہتا ہوں ۔۔۔ دوسری سیڑھی پر رُک کر زکی نے کہا ۔۔۔
اچھا ٹھیک ہے بیٹا تُو آرام کر لے ۔۔۔ مگر چائے تو پی کر جا نا ۔۔۔۔ تھکاوٹ کم ہو جائے گی ۔۔۔
نہیں دادو من نہیں کر رہا ۔۔۔ صبح بات ہوگی انشاءاللہ ۔۔۔
جا میری جان ۔۔۔
دادو آپ کو نہیں فیل ہو رہا کہ زکی بدل سا گیا ہے ۔۔۔ ؟ سارے رستے میں اسے دیکھتا رہا ۔۔۔ نہ کوئی بات کر رہا تھا اور نہ ہی کسی بات کا سہی سے جواب دے رہا تھا ۔۔۔ مجھے لگ رہا ہے جیسے زکی کسی بات کو لے کر پریشان ہے ۔۔۔
ہں ۔۔۔۔ ؟ تجھے ایسا کیوں لگا ۔۔۔ بس بیٹا اُس کا ایکسیڈنٹ ہوا ہے جب سے تھوڑا اداس رہنے لگا ہے اسی وجہ سے ۔۔۔ اور اوپر سے اس طرح کی حالت ہو اور اپنے گھر میں بھی نہ ہو انسان تو کچھ تبدیلی تو آہی جاتی ہے ۔۔۔۔۔ میری بات ہوتی رہی تھی اس سے ترکی میں بہت تنہائ محسوس کرتا تھا ۔۔۔ وقت کے ساتھ ساتھ دیکھنا ٹھیک ہو جائے گا ۔۔۔
آپ کہہ رہی ہیں تو ٹھیک ہی ہو گا ۔۔۔ بس ایسے ہی مجھے فیل ہوا ۔۔۔
*********************
زکی اپنی اداسی چھپانے کے لئے جلدی اپنے کمرے میں تو آگیا ۔۔۔ مگر وہ یہ نہیں جانتا تھا کہ گھر والے اُس کا بدلتا ہوا رویہ دیکھ رہے ہیں ۔۔۔ محسوس کر رہے ہیں ۔۔۔۔ اُسے یوں لگا کہ حیسے اگر وہ تھوڑی دیر اور دادو کے پاس بیٹھا تو اُن کے گلے لگ کر رو دے گا ۔۔۔ اور وہ سب باتیں جان جائیں گی جو وہ انہیں بتانا نہیں چاہ رہا تھا ۔۔۔ اسے واپس پاکستان آکر کچھ بھی اچھا نہیں لگ رہا تھا ۔۔۔۔۔۔ جب کہ عام طور پر کوئی اپنے گھر اتنے عرصے بعد واپس آئے تو جو جذبات ہوتے ہیں ۔۔۔ اُن کی بات ہی الگ ہوتی ہے ۔۔۔ مگر زکی ایسا کچھ بھی محسوس نہیں کر پا رہا تھا ۔۔۔۔ اس کو ہر چیز سے نفرت سی ہونے لگی تھی ۔۔۔۔ زکی اپنے کمرے کی بالکنی میں جاتا تو اسے ترکی والے کمرے کی بالکنی یاد آجاتی ۔۔۔ اپنے کمرے میں پڑی ہر چیز سے بےزاری سی ہونے لگی تھی ۔۔۔
____________________
قریباً تین گھنٹے زکی بستر پر یوں ہی لیٹا پنکھے کی طرف دیکھتا رہا ۔۔۔ کبھی کڑوٹیں بدلتا ۔۔۔ کبھی کمبل اتار کر نیچے پھینک دیتا ۔۔۔ تو کبھی سردی کی شدت محسوس کر کے واپس اوڑ لیتا ۔۔۔ اس کا وقت جیسے تھم سا گیا تھا ۔۔۔ رات تھی کہ ختم ہونے کا نام نہیں لے رہی تھی ۔۔۔۔
آخر تنگ آکر وہ بستر سے نیچے اترا ۔۔۔ جوتے پہن کر بالکنی میں جا ہی رہا تھا کہ اسے صوفے پر پڑا گٹار دکھائی دیا ۔۔۔ اس نے غصے میں آکر بغیر کچھ بھی سوچے سمجھے وہ گٹار اُٹھایا اور بالکنی میں جاکر لگی بارش میں نیچے لان میں پھینک دیا ۔۔۔ اس وقت زکی یہ خود بھی نہیں سمجھ رہا تھا کہ اس نے یہ حرکت کیوں کی ۔۔۔ شاید اُسے اپنا غصہ نکالنا تھا اور اس کے سامنے گٹار پڑی تھی تو اسی پر سارا غصہ نکال دیا ۔۔۔
چونکہ زکی کو بارش بہت پسند تھی اور بالکنی میں کھڑے رہ کر اسے تھوڑا سکون حاصل ہو رہا تھا تو وہ وہیں رُک گیا ۔۔۔ اور اس نے کئی گھنٹے وہاں کھڑے گزار دئے ۔۔۔
کیوں لگتا ہے اس بادل کا بھی دل ٹوٹا ہے ۔۔۔ بولتا تو کچھ بھی نہیں بس رئوے جا رہا ہے ۔۔۔۔ کوئی ان بادلوں کو دلاسہ دو ۔۔۔ بڑی بھول ہوئی جو میں انہیں حالِ دل سُنا بیٹھا ۔۔۔۔ بادلوں کے زور زور سے گرجنے پر زکی نے من ہی من میں سوچا ۔۔۔
**********************
تم ۔۔۔۔ وہ لڑکی تم ہو گوہر ۔۔۔ میں تمہیں بہت چاہتا ہوں ۔۔۔ مجھ سے شادی کرو گی ۔۔۔۔ گوہر ۔۔۔ ؟ بالکنی میں کھڑی گوہر اپنی سوچوں میں گم تھی ۔۔۔
گوہر ۔۔۔۔
گوہر ۔۔۔۔ ؟ گوہر کے جواب نہ دینے پر اُس کی بھابھی نے پھر سے آواز دی ۔۔۔
جی بھابھی ۔۔۔۔
کہاں گم ہو ۔۔۔ ؟ کیا سوچ رہی ہو ۔۔۔ ؟
کچھ نہیں ۔۔۔ ایسے ہی ۔۔۔ آپ بتائیں کوئی کام تھا ۔۔۔ ؟
ہاں وہ ۔۔۔ میں فضےگل کو لینے جا رہی ہوں ۔۔۔ تم نے جانا ہے ۔۔۔ ؟
نہیں بھابھی آپ چلی جائیں ۔۔۔ مجھے کچھ کام ہے ۔۔۔
اچھا ٹھیک ۔۔۔ میں چلتی ہوں پھر ۔۔۔
اور ہاں ۔۔۔۔ یہ سب پھول مُرجھا گئے ہیں ۔۔۔ ان کو گلدانوں میں سے نکال دو ۔۔۔۔ آج وہ اور لے آئے گی ۔۔۔ اس کی بھابھی نے باہر جاتے ہوئے کہا ۔۔۔
گوہر سب گلدان خالی کر رہی تھی ۔۔۔۔ اپنے کمرے میں رکھے گلدان سے پھول نکالنے لگی تو ۔۔۔۔
**** تھینکیو ۔۔۔۔ زکی نے مسکراتے ہوئے اُس کی طرف ہاتھ بڑھایا ۔۔۔ اُس نے ہاتھ میں ٹیولپ اُٹھا رکھے تھے ۔۔۔۔۔
گوہر نے بغیر کچھ بھی کہے زکی کی طرف دیکھا ۔۔۔
رکھ لو ۔۔۔ تم نے مجھے اپنا قیمتی وقت دیا اُس کا شکریہ تو ادا کرنے کا فرض بنتا ہے نا میرا ۔۔۔
اوکے ۔۔۔ گوہر نے مسکراتے ہوئے اُس کے ہاتھ سے ٹیولپ لے ،لئے ۔۔۔۔ *****
اسے اس دن زکی کے دئے ہوئے پھولوں کا خیال آیا ۔۔۔
یہ کیا ہے ۔۔۔۔ ؟ اُس نے وہ پھول اپنے ہاتھ میں اُٹھائے تو ایک پھول میں سے کوئی چمکتی ہوئی چیز دکھائی دی ۔۔۔
گوہر نے اُس چمکتے ہوئے پھول کو کھول کر دیکھنا چاہا تو اُس میں سے ایک ہیرے کی انگوٹھی نکلی ۔۔۔ جو کہ زکی نے اس کو دی تھی ۔۔۔۔ اور اس نے آج دیکھی ۔۔۔۔
گوہر نے وہ انگوٹھی دراز میں رکھ دی ۔۔۔ جہاں زکی کی اور بھی کچھ چیزیں رکھی تھیں ۔۔۔ جوکہ زکی لے جانا بھول گیا تھا ۔۔۔ اُس نے یہ سب چیزیں ایک جگہ پر رکھی تھی کہ جب وہ پاکستان جائے گی تو یہ سب زکی کے سپرد کرے گی ۔۔۔
یااللہ مجھے معاف کردیں ۔۔۔ میں بہت گنہگار ہوں ۔۔۔ میں نے زکی کا دل توڑا ہے ۔۔۔ آپ تو جانتے ہیں میری نیت صاف ہے ۔۔۔ میں ساری زندگی ایک ایسے شخص کے ساتھ کیسے گزار سکتی ہوں ۔۔۔ جو مجھ سے بلکل مختلف ہے ۔۔۔ اُس کے اور میرے خیالات ایک دوسرے کے برعکس ہیں ۔۔۔
**********************
تم ۔۔۔۔ وہ لڑکی تم ہو گوہر ۔۔۔ میں تمہیں بہت چاہتا ہوں ۔۔۔ مجھ سے شادی کرو گی ۔۔۔۔ گوہر ۔۔۔ ؟
کیا کہہ رہے ہیں زکی ۔۔۔ ؟ ضرور آپ نے یہ فیصلہ جلد بازی میں کیا ہوگا ۔۔۔ تبہی آپ یہ بھول رہے ہیں کہ ہم دونوں کبھی ایک نہیں ہو سکتے ۔۔۔
کیوں گوہر ۔۔۔ ؟ تم ایسا کیوں کہہ رہی ہو ۔۔۔ ؟ اس بات کا کیا مطلب ہوا ۔۔۔ کیا میں اس کو تمہارا انکار سمجھوں ۔۔۔ ؟
جی ۔۔۔ بلکل ٹھیک سمجھ رہے ہیں آپ ۔۔۔
مگر کیوں ۔۔۔ ؟
زکی آپ زرا غور کریں تو آپ کو محسوس ہوگا کہ ۔۔۔ آپ اور میں دو الگ الگ کشتیوں کے مسافر ہیں ۔۔۔ جن کی منزل تک ایک نہیں ہے ۔۔۔ دونوں نے الگ الگ ساحلوں پر اُترنا ہے ۔۔۔ ایسے میں کیا وہ دو مسافر ایک کشتی میں سوار ہو سکتے ہیں ۔۔۔۔ ؟
گوہر پلیز ایسے مت کہو ۔۔۔ میں ٹوٹ جائوں گا ۔۔۔ میں نے تم سے بےپناہ محبت کی ہے ۔۔۔
مجھے معاف کر دیجئے گا زکی ۔۔۔ میرا مقصد ہر گز آپ کا دل دُکھانا نہیں ہے ۔۔۔ میں بس آپ کو حقیقت سے آگاہ کرنا چاہتی ہوں ۔۔۔ میں آپ کو کسی دھوکے میں نہیں رکھ سکتی ۔۔۔ ہم دونوں ایک دوسرے کے برعکس ہیں ۔۔۔ ہماری سوچ ۔۔۔ ہمارے خیالات ۔۔۔ ہمارا اُٹھنا بیٹھنا ۔۔۔۔ ہماری کمپنیز ۔۔۔۔ ہمارا رہن سہن ۔۔۔ سب کچھ ہی ایک دوسرے سے مختلف ہے ۔۔۔ آپ خود بتائیں ۔۔۔ کیا ہم ایک ساتھ خوش رہ سکیں گے ۔۔۔۔ آپ کی منزل ۔۔۔ میری منزل سے جُدا ہے ۔۔۔ نہ آپ کبھی مجھے سمجھ سکیں گے اور نہ ہی میں آپ کو ۔۔۔۔ یہ کہہ کر گوہر وہاں سے چلی گئی ۔۔۔
گوہر ۔۔۔۔ رُکو ۔۔۔ بات تو سُنو ۔۔۔
*******************