نور خدا

کیا کہا ۔۔۔ ؟ زکی تم کل ترکی جا رہے ہو ۔۔۔ ؟ رضا سلطان نے کانٹے کی مدد سے آملیٹ منہ میں ڈالا ۔۔۔
جی بابا ۔۔۔ میں کل شام کی فلائیٹ سے ترکی جائوں گا ۔۔۔۔ زکی ہچکچایا ۔۔۔
اگر تمہارے کنسرٹ کی بات نہ ہوتی تو میں تمہیں وہاں جانے کی اجازت کبھی نہ دیتا ۔۔۔۔ زکی کے بابا نے ٹشو سے منہ تھپتھپاتے ہوئے کہا ۔۔۔
جانتا ہوں بابا ۔۔۔ مگر ایسا بھی کیا ہو گیا تھا کہ آپ چچا سے اس قدر ناراض ہیں ۔۔۔ ؟ زکی نے جوس کا گھونٹ لیا ۔۔۔۔۔
میں اس بارے میں کوئی بات نہیں کرنا چاہتا ۔۔۔ رضا سلطان کرسی سے اٹھتے ہوئے بولے ۔۔۔
لیکن مجھے آج اس بارے میں بات کرنی ہے بابا ۔۔۔ زکی نے دونوں ہاتھ میز پر رکھے نیچے دیکھتے ہوئے کہا ۔۔۔
زکی ۔۔۔ بابا نے کہا نا وہ کوئی بات نہیں کرنا چاہتے ۔۔۔ تو پھر کیوں تم گڑھے مردے اکھاڑنے بیٹھ گئے ہو ۔۔۔۔ آویز قدرے خفگی سے بولا ۔۔۔۔
زکی کی موم نے بھی اس کو خاموش رہنے کا اشارہ کیا ۔۔۔۔
ایک منٹ آویز ۔۔۔ کیا بات کرنی ہے زکی ۔۔۔ کہو ۔۔۔ میں سن رہا ہوں ۔۔۔ رضا سلطان وہیں کھڑے آویز کو ہاتھ سے اشارہ کرتے ہوئے بولے ۔۔۔
ایسی بھی کیا غلطی ہوئی چچا سے ۔۔۔ جس کی سزا دادا اور آپ نے اُس وقت بھی ان کو دی اور آج تک چچا اپنی اسی ناکردہ غلطی کی سزا بھگت رہے ہیں ۔۔۔
ابا جان کی مرضی کے خلاف جا کر اس نے ناچنے گانے والی ایک طوائف سے شادی کر لی اور تم کہہ رہے ہو کہ عامر نے ایسا کیا کیا تھا ۔۔۔ ؟ رضا سلطان اپنے غصے کو قابو کرتے ہوئے بولے ۔۔۔
طوائف نہیں ہیں وہ ۔۔۔ چچی ایک نہایت ہی نیک اور باپردہ خاتون ہیں ۔۔۔ اپنے ہاتھوں سے اللہتعالٰی کے نام اور اس کی آیتیں لکھتی ہیں ۔۔۔ ان کے پاس وہ ہنر ہے جو ہم میں سے کسی کے پاس نہیں ۔۔۔۔
آپ جس لڑکی کو اپنی بہو بنانے کا سوچ رہے ہیں ۔۔۔ میری مرضی جانے بغیر ہی اس سے میرا رشتہ پکا کر آئے ۔۔۔۔ کچھ جانتے بھی ہیں آپ لوگ قدسیہ کے بارے میں ۔۔۔ کس قدر بے باک لڑکی ہے وہ ۔۔۔ چچی کو تو آپ نے بغیر جانے ہی طوائف کہہ دیا ۔۔۔ وہ لڑکی جو پارٹیز میں جاکر لڑکوں کے ساتھ مل کر ناچ گانا کرتی ہے اُس کو کیا کہیں گے آپ ۔۔۔۔؟؟؟ زکی زمین پر دیکھتے ہوئے ناجانے کیا کیا بول گیا اسے اس بات کا اندازا ہی نہ ہوا ۔۔۔
زکی ۔۔۔۔ زکی کی بات سنتے ہی رضا سلطان نے اُس کے منہ پر زوردار تھپڑ دے مارا ۔۔۔۔
فاطمہ سلطان اپنی کرسی سے اٹھ کر دوڑتی ہوئی زکی کے پاس آئی ۔۔۔
فاطمہ اس کو یہاں سے لے جائو ۔۔۔ ہاتھوں کے پلے اب بتائیں گے کہ کیا ٹھیک ہے اور کیا غلط ۔۔۔ ؟ رضا سلطان نے اپنے کمرے میں جاتے ہوئے کہا ۔۔۔
****************
یہ تم کیا کر رہی ہو ۔۔۔۔ ؟ ہوش میں تو ہو ؟ گوہر نے ایک لڑکی کو جھٹکے سے پیچھے کرتے ہوئے کہا ۔۔۔ جو پانی میں چھلانگ مار کر خودکشی کا ارادہ کر رہی تھی ۔۔۔
وہ لڑکی بنا کچھ بولے بس رئوے جا رہی تھی ۔۔۔۔
کیا ہوا ہے ۔۔۔ ؟ کچھ تو بتائو ۔۔۔ شاید میں تمہاری کچھ مدد کر سکوں ۔۔۔۔ یہ سامان تمہارا ہے ۔۔۔ ؟ گوہر نے اس کے آنسو صاف کئے ۔۔۔۔
میں اپنے گھر والوں کو چھوڑ کر آ گئی ۔۔۔ صرف اور صرف اس کی خاطر ۔۔۔ اور وہ نہیں آیا ۔۔۔۔۔ رسوا کر دیا مجھے ۔۔۔ اب میں کس منہ سے واپس اپنے گھر جائوں ۔۔۔۔ وہ مجھ سے بہت محبت کرتا تھا ۔۔۔۔۔ اُس لڑکی نے روتے ہوئے بتایا ۔۔۔
کب سے جانتے ہو دونوں ۔۔۔ ایک دوسرے کو ۔۔۔ ؟
چار سال سے ۔۔۔ ہم یونیورسٹی میں ساتھ پڑھتے تھے ۔۔۔ جب ہمیں اندازا ہوا کہ اب ہم ایک دوسرے کے بغیر نہیں رہ سکتے ۔۔۔ تبھی میں گھر چھوڑ کر آ گئی ۔۔۔۔ اور یہاں آکر معلوم ہوا ۔۔۔ وہ مجھے کب سے دھوکہ دے رہا تھا اور میں اسے ۔۔۔ اُس کمبخت کی محبت سمجھ رہی تھی ۔۔۔
کاش کہ لوگ سمجھ سکیں کہ رشتے بنانا اصل بات نہیں ۔۔۔۔ بلکہ اصل بات اُن رشتوں کو نبھانا ہوتا ہے ۔۔۔
اُس نے شادی کا وعدہ کیا تھا تم سے ۔۔۔ ؟ اصل محبت تو وہ ہے جو نکاح کے دو بولوں کے بعد دل کی زمین پر خودبخود اس طرح اُگتی ہے جیسے بارش کے بعد خودبخود ہریالی ۔۔۔ لیکن اگر اس ہریالی کو نکاح کے بندھن سے پہلے کاشت کرنے کی کوشش کی جائے تو وہ دل کی زمین کو ہی سیم زدہ بنجر بنا دیتی ہے ۔۔۔۔
تم اپنے گھر والوں سے ایک بار بات کر کے تو دیکھتی ۔۔۔۔ والدین اپنی اولاد سے بےپناہ محبت کرتے ہیں ۔۔۔۔ وہ وہی فیصلہ کرتے ہیں جو اُن کی اولاد کے حق میں بہتر ہو ۔۔۔۔
مجھے لگا وہ نہیں مانیں گے ۔۔۔ اب مجھے کیا کرنا چاہئے ۔۔۔ کچھ سمجھ نہیں آ رہا کیا کروں ۔۔۔۔ وہ لڑکی سر پر ہاتھ رکھے روتے ہوئے بولی ۔۔۔۔
تم اللہ سے دعا کرو ۔۔۔ وہ رب آہٹیں بھی سنتا ہے اور پکار بھی بس وہ ہمارا صبر آزماتا ہے ۔۔۔۔
اپنے گھر جائو ۔۔۔۔ اور اپنے والدین سے معافی مانگو وہ تمہیں معاف کردیں گے انشااللہ ۔۔۔۔
****************
زکی ۔۔ فکر مت کر میری جان ۔۔۔۔ رضا ابھی غصے میں ہے ۔۔۔۔ بعد میں سمجھائوں گی میں اُس کو ۔۔۔۔ مان جائے گا ۔۔۔۔ دادی زکی کو سمجھاتے ہوئے بولی ۔۔۔
کیسے دادو ۔۔۔ بابا کے دل میں چچا کے لئے اس قدر نفرت ہے ۔۔۔۔ یہ ناراضگی کیسے ختم کروں میں ۔۔۔ کچھ سمجھ نہیں آ رہی مجھے ۔۔۔۔
بیٹا میں نے سب کچھ اللہ پر چھوڑ دیا ۔۔۔۔ تو بھی اللہ سے دعا کر ۔۔۔ اللہ کا ذکر کرتا رہا کر ۔۔۔۔
جو تم سے نہیں ہو رہا اُسے اللہ کے حوالے کر دو اور پھر اللہ کی رحمت دیکھو ۔۔۔۔
جس طرح شبنم کے قطرے مرجھائے ہوئے پھولوں کو تازگی بخشتے ہیں اُسی طرح اللہ کا ذکر مایوس دلوں کو روشنی بخشتا ہے ۔۔۔
***************
اسلام و علیکم نانو ۔۔۔ باہر سے آتی روشک نے نانو کو باغ میں بیٹھے دیکھا تو دوڑتی ہوئی آکر گلے لگ گئی ۔۔۔۔
وعلیکم السلام ۔۔۔ میری بچی ۔۔۔۔ جیتی رہو ۔۔۔۔ نانو نے روشک کو پیار دیتے ہوئے کہا ۔۔۔۔
فریحہ ٹھیک ہے ۔۔۔ ؟ اتنے دن گزر گئے چکر ہی نہیں لگایا اُس نے ۔۔۔۔
جی نانو ۔۔۔ ماما ٹھیک ہیں ۔۔۔۔ آج یہاں ۔۔۔ باہر بیٹھی ہیں آپ ۔۔۔۔
ہاں بس دھوپ میں بیٹھنے کا من ہو رہا تھا ۔۔۔۔۔۔ سلیم ۔۔۔ روشک کے لئے کافی لے آئو ۔۔۔۔ خرشید سلطان نے ملازم کو آواز لگائی ۔۔۔۔
اور زکی کے لئے بھی ۔۔۔۔ زکی باہر آتا ہوا بولا ۔۔۔۔
ہے روشک ۔۔۔۔ چڑیل ۔۔۔
چڑیل نہیں ہوں میں ۔۔۔۔ روشک نے منہ پھلائے کہا ۔۔۔
اچھا رُکو ۔۔۔ لو اب بن گئی چڑیل ۔۔۔ زکی نے روشک کے بال خراب کرتے ہوئے کہا اور بھاگ گیا ۔۔۔۔
زکی ۔۔۔۔ نانو اس کو دیکھیں نا ۔۔۔ روشک زکی کے پیچھے بھاگی ۔۔۔
ہاہا ۔۔۔۔ میرے بچو ۔۔۔ یہاں آکر بیٹھ جائو میرے پاس ۔۔۔ تم لوگوں سے ہی تو میرے گھر میں رونقیں ہیں ۔۔۔ دونوں چلے جائو گے تو میں کیا ۔۔۔
نانو ۔۔۔ میں آپ کو بہت یاد کروں گی ۔۔۔ روشک نے نانو کو گلے لگایا ۔۔۔
زکی تم کہاں جا رہے ہو ۔۔۔ ؟
ترکی ۔۔۔ زکی نے فٹ بال کو کک مارا اور آکر دادو کے پاس بیٹھا ۔۔۔۔
اووو کنسرٹ ۔۔۔ ؟
یسس ۔۔۔ زکی مسکرایا ۔۔۔
یار چھوڑو کافی کو ۔۔۔ آئس کریم کھانے چلتے ہیں ۔۔۔ زکی سیدھا ہوکر بیٹھا ۔۔۔
گریٹ ۔۔۔ چلو ۔۔۔۔ روشک نے ہامی بھری
دادو چلیں اُٹھیں ۔۔۔
مجھ بوڑھی پر کیوں ظلم کرنے لگے ہو ۔۔۔۔ اتنی سردی میں آئس کریم کھلائو گے ۔۔۔۔۔ پاگلو ۔۔۔ بلکہ تم لوگ بھی نہ جائو ۔۔۔۔ بیمار ہو جائو گے ۔۔۔۔
روشک ۔۔۔۔ زکی نے اس کو اشارہ کیا ۔۔۔
آپ چل رہی ہیں دادو ۔۔۔۔ دونوں نے خرشید سلطان کا ایک ایک ہاتھ پکڑا اور زبردستی اُٹھا کر گاڑی تک لے گئے ۔۔۔۔
شیطانو ۔۔۔۔ دادی مسکرائی ۔۔۔
دادو ۔۔۔۔ ٹھنڈے ٹھنڈے پانی سے نہانا چاہئے ۔۔۔ سردیوں میں بھی جتنا مرضی دل چاہے آئس کریم کھانی چاہئے ۔۔۔۔ زکی نے آئس کریم پارلر میں بیٹھے اپنی فیورٹ چاکلیٹ آئس کریم کھاتے ہوئے کہا ۔۔۔
***************
موم میں نہیں جائوں گا ۔۔۔۔ زکی سرد لہجے سے بولا ۔۔۔۔
بیٹا ۔۔۔ تم سمجھ نہیں رہے ۔۔۔ تمہارا جانا ضروری ہے تمہیں ہمارے ساتھ جانا پڑے گا ۔۔۔ فاطمہ سلطان زکی کے کمرے کے دروازے میں کھڑی اس کو قدسیہ کے گھر جانے کے لئے منا رہی تھیں ۔۔۔۔
آپ بھی تو سمجھیں نا موم ۔۔۔۔ مجھے ابھی شادی نہیں کرنی ۔۔۔۔
شادی کرنے کو کون کہہ رہا ہے ابھی تو صرف رسم کرنے جانا ہے بیٹا ۔۔۔۔
کون کون جا رہا ہے ۔۔۔ ؟
تمہارے بابا ۔۔۔۔ میں اور ممی ۔۔۔۔
اچھا آپ جائیں ۔۔۔۔ میں آتا ہوں ۔۔۔۔
جلدی آنا بیٹا ہم ویٹ کر رہے ہیں ۔۔۔۔
**********
دادو ۔۔۔۔ آپ موم کو منع کیوں نہیں کر رہی ۔۔۔۔ ؟ اوپر سے اُن کے ساتھ جا بھی رہی ہیں ۔۔۔۔
ابھی تو ہم صرف بات کرنے جا رہے ہیں میرے بچے ۔۔۔۔ تو فکر مت کر ۔۔۔۔
میں خود یہ نہیں چاہتی کہ تیری شادی قدسیہ سے ہو ۔۔۔۔ چل اب جلدی سے تیار ہو کر آ جا ۔۔۔۔
************
خورشید ۔۔۔ آج جو میں اس مقام پر پہنچا ہوں صرف تمہاری وجہ سے ۔۔۔ تم نے ہمیشہ میرا ساتھ دیا ۔۔۔ میری ہر چھوٹی سے چھوٹی غلطی سدھارنے میں میری مدد کی ۔۔ ہمیشہ میری ہر کامیابی کو سراہا ہے تم نے ۔۔۔۔تم میری بیوی ، میرے بچوں کی ماں اور میری بہترین دوست ہو۔ میں نے تمہاری آنکھوں میں ہمیشہ اپنے لئے عزت اور محبت ہی پائی ہے ۔ میری آنکھوں کی ٹھنڈک اور دل کا قرار ہو تم ۔۔ تمہارے ساتھ گزارے ہوئے لمحات میری زندگی کے سب سے انمول ترین لمحات ہیں ۔ میں اپنے آپ کو اس دنیا کا سب سے خوش قسمت انسان سمجھتا ہوں کہ مجھے تمہارا ساتھ ملا ۔۔۔۔۔ میری محبوب ۔۔۔ مجھے منتخب کرنے کے لئے تمہارا بہت شکریہ ۔۔۔۔ بابر سلطان اپنی بیوی کا ہاتھ تھامے مسکراتے ہوئے بولے۔
صاحب ۔۔۔ میں اللہ کا شکر ادا کرتی ہوں کہ اُس نے مجھے آپ سے ملوایا ۔۔۔ آپ نے میری زندگی خوشیوں سے بھر دی ۔۔۔ اے کاش ساری عورتیں مجھ جیسی خوش نصیب ہوتیں کہ آپ جیسا اُن کا بھی ایک عظیم اور پروقار شوہر ہوتا ۔۔۔۔ خورشید سلطان نے اپنے میاں کا ہاتھ تھامے حویلی میں داخل ہوتے کہا ۔۔۔
ادھر آئو میرے بچو ۔۔۔ یہ تم دونوں بھائیوں کا کمرا ہے ۔۔۔۔۔ بابر اپنی بیوی اور دونوں بیٹوں کو پہلی دفعہ حویلی دکھا رہے تھے ۔۔۔
حویلی تو بہت شاندار ہے ۔۔۔۔ مگر صاحب ۔۔۔۔ کمرے بہت زیادہ نہیں ہیں ۔۔۔ ؟ ہم اتنے کمروں کا کیا کریں گے ۔۔۔۔ خورشید سلطان مسکراتے ہوئے بولی ۔۔۔۔۔۔۔۔
ہاں ۔۔۔ کمرے بہت زیادہ ہیں ۔۔۔۔ وہ اس لئے ۔۔۔۔ میں چاہتا ہوں کہ جب میرے بچے بڑے ہوں ۔۔۔ ہم اُن کی شادیاں کریں تب وہ اپنے خاندانوں کے ساتھ یہیں پر رہیں ۔۔۔۔ بابر نے مسکراتے ہوئے کہا ۔۔۔۔۔
انشاءاللہ ہمیں اپنی اولاد کی اولاد دیکھنا نصیب ہوگی ۔۔۔۔ اور ہم اسی حویلی کے آنگن میں اپنے پوتے پوتیوں کو کھیلتے ہوئے دیکھیں گے ۔۔۔۔ خورشید ۔۔۔ بابر کے کندھے پر سر رکھتے ہوئے بولی ۔۔۔۔
انشاءاللہ ۔۔۔۔ ہمیں یہ خوشی نصیب ہوگی ۔۔۔۔ اللہ ہمارے بچوں میں اتفاق ڈالے ۔۔۔۔ بابر نے خورشید کو مسکرا کر دیکھا ۔۔۔۔
آمین ۔۔۔۔۔ خورشید نے مسکراتے ہوئے آہ بھری ۔۔۔۔
***************
برسوں پہلے بابر سلطان نے اپنی بیگم خورشید سلطان کی محبت میں لاہور کے ایک قصبے میں شاندار سی حویلی تعمیر کروائی ۔۔۔ اس وقت ان کے دو بیٹے ہی تھے رضا اور عامر ۔۔۔۔۔۔۔ حویلی اس قدر قابل آفریں تھی کہ دور دراز کے علاقوں کے لوگ خاص طور پر اس کو دیکھنے آتے ۔۔۔۔۔۔ بابر سلطان اپنے وقت کے ان لوگوں میں شمار ہوتے تھے جو دولت کے باعث خاصے مشہور و معروف تھے ۔۔۔
***********************
بابر ۔۔۔۔ خورشید سلطان بیڈ کے تاج سے ٹیک لگائے روتے ہوئے بولی ۔۔۔۔
دادو جاگ رہی ہیں ؟؟ ۔۔۔۔ زکی نے دروازے پر دستک دیتے ہوئے کہا ۔۔۔۔
جی میرا بچہ ۔۔۔ دادی نے آنسو صاف کرتے کہا ۔۔۔۔
دادو ۔۔۔۔ دادو آپ رو رہی ہیں ۔۔۔۔ ؟ زکی دادی کے چہرے کو دیکھتے ہی جان گیا ۔۔۔۔۔۔
نہیں ۔۔۔ میری جان ۔۔۔۔ تو بتا کوئی کام تھا ؟ ۔۔۔۔ ابھی تک سویا نہیں ؟ کل صبح کی فلائیٹ ہے نا تیری ۔۔۔ ؟؟ دادی نے آنسو چھپاتے ہوئے جیسے سوال کے جواب میں سوال کیا ۔۔۔
دادو ۔۔۔۔ میں نے آپ سے کیا پوچھا ہے ۔۔۔۔ کیا ہوا ہے آپ کو ۔۔۔ ؟؟ زکی نے دادی کے آنسو پونچتے ہوئے کہا ۔۔۔۔
کچھ نہیں بیٹا ۔۔۔۔ بس ۔۔۔۔ جب بچھڑے لوگوں کی یاد آئے تو آنکھ میں آنسو آ ہی جاتے ہیں ۔۔۔۔ دادی دھیمے سے مسکرائی ۔۔۔۔
یار دادو ۔۔۔۔ زکی نے دادی کو گلے لگایا ۔۔۔۔
اچھا چھوڑ ۔۔۔۔ تو بتا سب تیاری ہو گئی ۔۔۔۔ ؟؟ دادی نے بات بدلتے ہوئے کہا
جی میری پیاری دادو ۔۔۔۔ موم نے ساری پیکنگ کر دی تھی ۔۔۔۔ زکی نے مسکراتے ہوئے کہا ۔۔۔۔
دادو ۔۔۔ مجھے کچھ کچھ یاد ہے ۔۔۔ میری اور گوہر کی بہت اچھی دوستی ہوا کرتی تھی ۔۔۔ ہے نا ۔۔۔۔ ؟؟ زکی نے متذبذب سے انداز میں پوچھا ۔۔۔۔
ہاں میرے بچے ۔۔۔ تیری اور گوہر کی بڑی پکی دوستی تھی ۔۔۔ تم دونوں ایک دوسرے سے کبھی ناراض بھی نہیں ہوتے تھے ۔۔۔۔
اچھا دادو ۔۔۔۔ ؟ زکی نے حیرت سے پوچھا ۔۔۔۔
ہیم ۔۔۔۔۔۔ ایک دن تم دونوں کھو گئے تھے ۔۔۔۔ اُس قصے کو تو عرصے تک سب نے یاد رکھا ۔۔۔۔ یاد رہتا بھی کیسے نہ ۔۔۔ کام ہی تم دونوں نے کچھ ایسا کیا تھا ۔۔۔۔ دادی ہنستے ہوئے بولی ۔۔۔۔
مجھے بتائیں نا دادو ۔۔۔ کیا ہوا تھا ۔۔۔ ؟ زکی نے تجسس بھری نظروں سے دادی کو دیکھا ۔۔۔
تم چھ سال کے بھی نہیں تھے شاید اور گوہر ہوئی ہوگی تین سال کی ۔۔۔۔ ایک روز دوپہر کے کھانے کے وقت دسترخوان پر سب موجود تھے سوائے تم دونوں کے ۔۔۔ ایک ملازم کو بھیجا بلوانے کے لئے ۔۔۔ اُس نے بتایا کہ تم دونوں نہ ہی کسی کمرے میں کھیل رہے ہو ۔۔۔ اور نہ ہی باغ میں ہو ۔۔۔ بس وہاں سے ہماری پریشانی شروع ہوگئی کہ کہاں چلے گئے یہ دونوں ۔۔۔۔ سب نے پوری حویلی چھان ماری ۔۔۔ مگر تم دونوں کسی کو نہیں ملے ۔۔۔۔
پھر کیا ہوا تھا ۔۔۔۔۔ کہاں تھے ہم ۔۔۔۔ دادو ۔۔۔۔ ؟؟ زکی نے ہنستے ہوئے پوچھا ۔۔۔۔
بتاتی ہوں ۔۔۔۔۔۔ سب ملازموں کو باہر بھیج دیا ۔۔۔۔ سب گھر والے بھی تم دونوں کو ڈھونڈنے نکل گئے ۔۔۔۔ تیرے دادا اپنے ڈرائیور کے ساتھ گاڑی لے کر نکلے ۔۔۔۔ عامر الگ موٹر سائیکل لے کر نکلا ۔۔۔۔ رضا مسجدوں میں اعلان کروانے نکل گیا ۔۔۔۔ پھر کہیں جا کر دو تین گھنٹوں کے بعد تم دونوں ملے اور ہماری جان میں جان آئی ۔۔۔۔
قصبے کی ایک عورت آئی تم دونوں کو لے کر ۔۔۔۔ پہلے تو ہم نے شکر ادا کیا تم دونوں مل گئے ۔۔۔ پھر پوچھنے کا خیال آیا کہ ملے کہاں سے ۔۔۔۔ وہ کہنے لگی ۔۔۔ میرے میاں کہیں جا رہے تھے ۔۔۔ یہ دونوں بچے اکیلے ۔۔۔ پریشان کھڑے تھے پوچھنے پر بتایا کہ گھر کا راستہ بھول گئے ہیں ۔۔۔۔ تو انہوں نے ان دونوں کو اپنی سائیکل پر بیٹھا لیا کہ ہم چلتے جائیں گے جو گھر تمہارا ہوا بتا دینا ۔۔۔ ایسے معلوم ہو جائے گا اور بچے آرام سے اپنے گھر چلے جائیں گے ۔۔۔ کافی دیر سائیکل پر گھر تلاش کرنے کے بعد بھی بچوں کو ان کا گھر نہ ملا تو وہ ان کو کھانا کھلانے اپنے گھر لے آئے ۔۔۔۔ میں بچوں کو کھانا کھلا رہی تھی کہ انہی بچوں کے لئے کروائے گئے اعلان کی آواز میرے کانوں میں پڑی ۔۔۔۔ میں فورا پریشان ہو کر انہیں یہاں لے آئی ۔۔۔۔
جب تم دونوں سے پوچھا کہ بغیر بتائے گھر سے کیوں نکلے تھے تو ۔۔۔۔ تم بتانے لگے کہ غباروں والا آیا تھا ۔۔۔۔ گوہر کہنے لگی میں نے غبارے لینے ہیں ۔۔۔۔ ہم باہر گئے تو وہ چلا گیا ۔۔۔۔ گوہر رونے لگی ۔۔۔
پھر گوہر بولی کہ ۔۔۔۔ زکی کہہ رہا تھا کہ مجھے پتا ہے یہ غباروں والا کہاں جاتا ہے ۔۔۔۔ اور یہ میرا ہاتھ پکڑ کر لے گیا ۔۔۔۔ اور غبارے بھی نہیں ملے ۔۔۔۔ گوہر یہ بتاتے ہوئے رونے لگ گئی ۔۔۔۔
اگر تم دونوں وہیں کہیں کھڑے رہتے تو ڈھونڈنے میں مسلہ نہ ہوتا ۔۔۔۔ مسلہ تب ہوا کہ وہ آدمی تم دونوں کو اپنے ساتھ گھر لے گیا تھا ۔۔۔ تم لوگ مزے سے وہاں بیٹھے تھے ۔۔۔۔ اور یہاں ہماری جان نکلے جا رہی تھی ۔۔۔۔ خیر اس بندے نے بھی تو بھلائی ہی کی تھی ۔۔۔۔ دادی ہنستے ہوئے زکی کو ساری کہانی بتا رہی تھی ۔۔۔۔
ہاہاہا ۔۔۔ دادو ۔۔۔۔ کیا ڈرامے تھے ہم لوگ بھی ۔۔۔۔۔ ہائے ہمارا پیارا بچپن ۔۔۔ وہ حسین یادیں ۔۔۔ وہ وقت ۔۔۔ہماری حویلی ۔۔ سب کچھ بہت یاد آتا ہے دادو ۔۔ زکی نے مسکراتے ہوئے آہ بھری ۔۔۔
مجھے جب تیرے دادا ۔۔ اور ۔۔ عامر ۔۔۔ کی بہت یاد آتی تھی تو میں سوچتی تھی کہ حویلی ہی چلی جائوں ۔۔۔ پھر ذہن میں یہ بات بھی آتی تھی کہ کس کو کہوں کہیں رضا ۔۔۔۔ خفا نہ ہو جائے ۔۔۔۔ کس کے ساتھ جائوں ۔۔۔۔ مگر اب تو بڑا ہو گیا ہے ۔۔۔ اب مجھے میرا بچہ حویلی لے کر جائے گا ۔۔۔
جی دادو ۔۔۔۔ ہم ضرور جائیں گے ۔۔۔۔ میں ترکی سے واپس آ جائوں تو ہم سب ساتھ چلیں گے ۔۔۔۔
انشاءاللہ ۔۔۔۔ میری جان ۔۔۔۔ اب جا تو سو جا ۔۔۔ صبح جلدی اُٹھنا ہے نا تو نے ۔۔۔۔ جیتا رہ ۔۔۔۔
********************
حضرت علیؓ نے فرمایا ۔۔۔۔
کسی کے بُرا کہہ دینے سے نہ ہم بُرے ہو جاتے ہیں نہ اچھے ۔۔۔ اپنی زبان سے ہر شخص اپنا ظرف دکھاتا ہے دوسرے کا عکس نہیں ۔۔۔۔
گوہر بیان دینے والی ترک لڑکی کو مسکرا کر دیکھ رہی تھی ۔۔۔۔
لگتا ہے آج کوئی مجھ سے خفا ہے ۔۔۔۔ مسجد سے نکلتے وقت گوہر نے فضےگل کے چہرے کے تاثرات دیکھ کر مسکراتے ہوئے کہا ۔۔۔
گوہر ۔۔۔۔ مجھ سے بات نہ کرو ۔۔۔۔ فضے گل نے گوہر کو بنا دیکھے کہا ۔۔۔۔
اچھا ٹھیک ہے ۔۔۔۔ پھر میں اکیلے ہی چاکلیٹ کھا لیتی ہوں ۔۔۔۔ تم تو میرے سے ناراض ہو ۔۔۔۔ گوہر نے فضے گل کی ناراضگی دیکھ کر مسکراتے ہوئے کہا ۔۔۔۔
چاکلیٹ ۔۔۔۔ ہییم ۔۔۔۔۔
لیکن اب مجھے اکیلے ہی کھانی پڑے گی ۔۔۔۔ شاید ۔۔۔۔ اب کیا کر سکتے ہیں ۔۔۔۔
ہاں ٹھیک ہے ۔۔۔ میں تم سے خفا ہوں ۔۔۔۔ مگر چاکلیٹ تو کھا ہی سکتی ہوں ۔۔۔۔
اُس نے اس قدر معصومانا انداز سے کہا کہ گوہر کے لب مسکرا اُٹھے ۔۔۔۔
*****************
اسلام و علیکم بابا ۔۔۔۔ چھت پر کھڑی پینٹنگ کرتی گوہر نے اپنے بابا کو آتے دیکھا تو فورا سلام کیا ۔۔۔۔
وعلیکم سلام ۔۔۔ میری گڑیا ۔۔۔۔۔ عامر سلطان نے کافی کے مگ میز پر رکھے اور گوہر کے سر پر پیار دیتے ہوئے کہا ۔۔۔۔
بابا ۔۔۔۔ آج پھر آپ خود ہی کافی بنا لائے ۔۔۔۔ مجھے کہا کریں نا ۔۔۔۔ گوہر نے برش پر رنگ لگا کر اسے کاغذ پر چلایا ۔۔۔۔
بیٹا ۔۔۔ آپ کو اس لئے نہیں کہتا کیوں کہ آپ پھیکی کافی ۔۔۔۔ پھیکی چائے بنا کر لے آتی ہیں ۔۔۔۔ انہوں نے مذاق کے انداز سے کہا ۔۔۔۔
بابا ۔۔۔۔ اس کا مطلب آپ اپنی کافی میں خوب چینی ڈال کر لائے ہیں ۔۔۔۔ ؟ شوگر لیول دیکھا ہے ۔۔۔ آپ نے اپنا ۔۔۔۔ زرا خیال نہیں رکھتے ۔۔۔۔ گوہر خفگی سے بولی ۔۔۔۔
ارے نہیں ۔۔۔۔ مذاق کر رہا ہوں بیٹا ۔۔۔۔ بغیر چینی کے کافی ہے ۔۔۔ خود چیک کر لو ۔۔۔ عامر سلطان نے قریب رکھے رنگوں میں سے ایک رنگ اپنی انگلی پر لگا کر گوہر کے گال پر لگا دیا ۔۔۔۔
بابا ۔۔۔۔۔۔۔ گوہر نے ہنستے ہوئے کہا ۔۔۔۔
آج کیا بنا رہی ہے میری بیٹی ۔۔۔۔ ؟ انہوں نے آدھ بنی تصویر پر غور کرتے کہا ۔۔۔۔
حویلی ۔۔۔۔ گوہر نے برش پر سفید رنگ لگایا اور کاغذ پر بنی دیواروں پر رنگ بھرنا شروع کیا ۔۔۔۔
حویلی ۔۔۔ کونسی حویلی ۔۔۔۔ ؟ عامر سلطان نے حیرت کا مظاہرہ کیا ۔۔۔۔
ہیم ۔۔۔ ہو گیا ۔۔۔۔ دادا جی کی حویلی ۔۔۔۔ گوہر نے لمبا سانس لیا ۔۔۔۔
اوو ہاں ۔۔۔ میں نے تو غور ہی نہیں کیا ۔۔۔۔ بالکل ویسی ہی بنائی ہے بیٹا ۔۔۔۔ شاباش ۔۔۔۔ عامر سلطان بات کر کے واپس جانے لگے ۔۔۔۔
بابا ۔۔۔۔ گوہر نے اپنے بابا کو روکا ۔۔۔۔
جی بیٹا ۔۔۔۔ ؟ وہ پلٹے ۔۔۔۔
بابا ۔۔۔۔۔ معاف کر دیں نا سب کو ۔۔۔۔ گوہر نے اپنے برش میز پر رکھے ۔۔۔۔
میں نے تو برسوں پہلے ہی سب کو معاف کر دیا تھا ۔۔۔۔۔
بابا ۔۔۔۔ ایسا نہیں ہو سکتا کہ ہم پچھلی سب باتیں بھلا دیں ۔۔۔۔ ؟؟ اگر آپ نے سب کو معاف کر دیا ہے ۔۔۔ تو اب بھی ہم پاکستان کیوں نہیں جا سکتے ۔۔۔۔ بابا ۔۔۔۔ ؟
رضا بھائی صاحب نے آج تک ہمیں معاف نہیں کیا ۔۔۔۔ ایسے میں ہم کیسے وہاں جا سکتے ہیں ۔۔۔۔ ؟
دادو ۔۔۔ تائی جان ۔۔۔ پھپو ۔۔۔۔ یہ سب تو خفا نہیں ہیں نا ہم سے ۔۔۔۔ ؟ اگر آپ مانیں تو ہم وہاں جا کر تایا جان کو منا سکتے ہیں ۔۔۔۔ پلیز بابا ۔۔۔۔ پلیز ۔۔۔۔
اوکے بیٹا ۔۔۔۔ ہم پاکستان جائیں گے ۔۔۔۔ عامر سلطان نے مسکراتے ہوئے کہا ۔۔۔۔
تھینکیو ۔۔۔۔ بابا ۔۔۔۔ گوہر نے خوشی سے چہکتے ہوئے کہا ۔۔۔۔
********************
دائود بیٹا ۔۔۔۔ آپ اور گوہر میرے ساتھ پاکستان چلو ۔۔۔۔ وہاں آویز اور زکی بھی تو ہیں ۔۔۔ آپ دونوں کے بیسٹ فرینڈز ۔۔۔۔ ہم سب وہاں ساتھ مل کر رہیں گے ۔۔۔۔
نہیں تایا جان ۔۔۔۔ ہمیں وہاں رہنا ہے ۔۔۔۔ جہاں ہمارے بابا اور امی رہیں گے ۔۔۔۔
بیٹا یہ آپ کی امی نہیں ہیں ۔۔۔۔ یہ بلکل بھی اچھی نہیں ہیں ۔۔۔۔ پاکستان میں دادو ۔۔۔ تائی جان ہیں نا وہ آپ دونوں کا بہت خیال رکھیں گی ۔۔۔
نہیں تایا جان ۔۔۔۔۔ ہماری امی بہت اچھی ہیں ۔۔۔۔ ہمارا بہت خیال رکھتی ہیں ۔۔۔ اور میں اور گوہر یہیں رہیں گے ان کے ساتھ ۔۔۔۔ آپ واپس پاکستان چلے جائیں ۔۔۔۔۔۔ ہم نہیں جائیں گے ۔۔۔۔
دائود بیٹا ۔۔۔۔۔ بیٹا بات تو سنو ۔۔۔۔
رضا ۔۔۔۔ رضا ۔۔۔۔ فاطمہ نے کمرے میں آکر سوچوں میں گم ہوئے رضا سلطان کو آواز دی ۔۔۔۔
جی ۔۔۔۔ کیا ہوا ۔۔۔ ؟ رضا سلطان بوکھلا کر بولے ۔۔۔
کدھر گُم ہیں آپ ۔۔۔ ؟ کب سے بُلا رہی ہوں ۔۔۔۔ زکی خیریت سے ترکی پہنچ گیا ۔۔۔۔ ابھی بات ہوئی میری اُس سے ۔۔۔۔
شکر ہے خدا کا ۔۔۔۔ رضا سلطان مسکرائے ۔۔۔۔
*******************
امی ۔۔۔ بابا پلیز مان جائیں نا ۔۔۔۔ صرف ایک دن کی ہی تو بات ہے کل واپس آ جائوں گی ۔۔۔۔ گوہر ممتاز بیگم اور عامر سلطان کو منواتے ہوئے بولی ۔۔۔۔
دیکھو بیٹا ۔۔۔ ہم جانتے ہیں مریضوں کا خیال رکھنا بہت اچھی بات ہے ۔۔۔ لیکن ہم تمہیں استنبول کیسے بھیج دیں ۔۔۔۔ عامر سلطان نے تفکر سے انداز میں کہا ۔۔۔۔۔۔۔۔
وہی تو ۔۔۔ یہاں بیوک ادا میں چاہے تم روزانہ ہسپتال جائو
ہمیں کوئی مسلہ نہیں ہے ۔۔۔ مگر استنبول ۔۔۔۔ ہم کیسے تمہیں دو دنوں کے لئے وہاں اکیلے جانے دے سکتے ہیں بیٹا ۔۔۔۔ ممتاز بیگم گوہر کو سمجھاتے ہوئے بولی ۔۔۔۔
میری عزیز از جان امی جان ۔۔۔۔ آپ لوگ کیوں اتنی فکر کرتے ہیں اب میں بڑی ہو گئی ہوں ۔۔۔ اور میرے ساتھ آمنہ بھی تو ہو گی ۔۔۔ پھر کیسی پریشانی ۔۔۔۔ گوہر نے اپنی امی کا ہاتھ چومتے ہوئے کہا ۔۔۔۔۔
اچھا ٹھیک ہے بیٹا ۔۔۔۔ چلی جائو ۔۔۔ مگر کل رات سے پہلے پہلے گھر واپس آجانا ۔۔۔۔۔۔ عامر سلطان مسکراتے ہوئے بولے ۔۔۔۔
بہت شکریہ بابا ۔۔۔۔۔۔ گوہر نے خوشی سے چہکتے ہوئے کہا ۔۔۔۔
*******************
دن کے قریباً دو بج چکے تھے ۔۔۔ گوہر اور آمنہ فیری میں سوار ہو کر استنبول کے ایکیبیڈیم ہسپتال جا رہیں تھیں۔ بیوک ادا سے استنبول فیری میں ٹھیک ایک گھنٹا اور پینتس منٹ لگتے تھے اور چار بجے سے پہلے پہلے ان دونوں نے استنبول پہنچ جانا تھا ۔۔۔ آج رات انہوں نے وہیں رہ کر آنٹی کی دیکھ بھال کرنی تھی ۔۔۔ اور اگلے روز شام کے چھ بجے واپس اپنے گھر روانہ ہونا تھا۔
***************
گوہر ۔۔۔۔ ایک سوال پوچھ لوں ۔۔۔۔ بُرا تو نہیں مانو گی ۔۔۔ ؟ فیری میں سوار آمنہ سمندر کا نظارا کرتے ہوئے بولی ۔۔۔
ہیم پوچھو ۔۔۔ اور یہ تم مجھ سے اجازت لے کر کب سے بات کرنے لگی ۔۔۔ ؟ گوہر نے چھل چھل کرتے پانی کو دیکھتے ہوئے مسکرا کر کہا ۔۔۔
ہاہا ۔۔۔ ابھی سے ۔۔۔۔ آمنہ ہنستے ہوئے بولی ۔۔۔
یار آنٹی مجھے بتا رہی تھی کہ تمہارا رشتہ آیا تھا اور تم نے انکار کر دیا ۔۔۔۔ ؟
ہاں ۔۔۔ میں نے انکار کر دیا ۔۔۔ گوہر آمنہ کی طرف متوجہ ہوئی
مگر کیوں ۔۔۔۔ ؟ آمنہ نے اُس کو حیرت سے دیکھا ۔۔۔۔
یار میں ابھی شادی نہیں کرنا چاہتی ۔۔۔۔ گوہر نے ہوا کے باعث اپنے اُڑتے ہوئے سکارف پر ہاتھ رکھے کہا ۔۔۔
تم نے مجھے بتایا تھا کہ تم اپنے کزن کو پسند کرتی ہو ۔۔۔ اگر تم اُس سے شادی کرنا چاہتی ہو تو ۔۔۔ مجھے بتائو ۔۔۔ میں آنٹی سے بات کروں گی تمہارے لئے ۔۔۔ آمنہ نے سنجیدگی سے کہا ۔۔۔
نہیں آمنہ ۔۔۔۔ ایسی کوئی بات نہیں ہے ۔۔۔ ہاں یہ سچ ہے کہ مجھے اپنے کزن سے محبت تھی ۔۔۔ مگر اُس وقت میں نادان تھی ۔۔۔ بھول گئی تھی کہ وہ میرا نامحرم ہے ۔۔۔۔ میرے انکار کی وجہ زکی ہر گز نہیں ہے ۔۔۔ گوہر نے آمنہ کو تسلی دیتے ہوئے کہا ۔۔۔۔
پھر کیا وجہ ہے گوہر ۔۔۔ ؟
میں اپنی دادو کی خواہش پوری کرنا چاہتی ہوں ۔۔۔ دونوں خاندانوں کی ناراضگیاں ختم کر کے اُنہیں پھر سے ملوانا چاہتی ہوں ۔۔۔ ایسے میں اگر ابھی میں نے شادی کر لی تو پھر یہ کام کون کرے گا ۔۔۔ یقین کرو میری اُن سے جب جب بات ہوئی میں نے انہیں اپنے بیٹوں کے لئے متفکر ہی پایا ۔۔۔۔ میں اپنی دادو کو ہر پل ہر لمحہ بےچین نہیں دیکھ سکتی یار ۔۔۔ تم دعا کرو ۔۔۔ میں جلد از جلد یہ کام پورا کر لوں ۔۔۔ گوہر آسمان کی طرف دیکھتے ہوئے بولی ۔۔۔
اللہ تمہیں کامیاب کرے ۔۔۔ آمنہ نے مسکراتے ہوئے کہا ۔۔۔
***********
آہ ۔۔۔۔۔ باسط بیڈ پر گرتے ہوئے بولا ۔۔۔۔
ائوے تو کہیں سونے کی تیاری تو نہیں کر رہا ۔۔۔ ؟ زکی نے سامان سیٹ کرتے ہوئے کہا ۔۔۔۔
اور نہیں تو کیا ۔۔۔ میں سونے لگا ۔۔۔۔ تو بھی آرام کر ۔۔۔۔ باسط اونگتے ہوئے بولا ۔۔۔۔ ۔۔۔۔
میں نے نہیں سونا ۔۔۔۔ اور تو بھی نہیں سوئے گا ۔۔۔۔ سمجھا ۔۔۔۔ کل ہمارا کنسرٹ ہے تیاری کس نے کرنی ہے ۔۔۔ ؟ اچھا میں فریش ہو کر آیا ۔۔۔۔ زکی نے سوٹ کیس سے تولیہ نکالا ۔۔۔۔
ٹھیک ہے ۔۔۔۔ تو جا ۔۔۔۔ باسط آدھا سوتے ہوئے بولا ۔۔۔۔
ائوے یار تو سو گیا ۔۔۔۔ اُٹھ ۔۔۔۔ زکی تولیے سے بالوں کو خشک کرتے ہوئے باہر آیا ۔۔۔۔۔ باسط کو سوتا دیکھ کر ہنستے ہوئے اُس کو ٹانگ مارتا ہوا بولا ۔۔۔۔
چل تو اپنی نیند پوری کر ۔۔۔۔ میں باہر جا رہا ہوں ۔۔۔۔
***********
زکی نے بالوں میں کنگھی کر کے انہیں ڈھیلا چھوڑ دیا ۔۔۔۔ وہی قلین شیو ۔۔۔ سیاہ جینز کے اوپر سفید رنگ کا سویٹر اور آنکھوں پر کالا چشمہ ۔۔۔۔ ترکی میں پاکستان سے کئی زیادہ سردی ہے اس بات کا تو اس کو یہاں آتے ہی اندازا ہو گیا تھا ۔۔۔ آج اس نے بالوں میں جیل سپرے نہیں کیا تھا ۔۔۔۔۔ اور تیار ہونے میں زیادہ وقت نہیں لگایا ۔۔۔۔۔ کیونکہ وہ ترکی آنے کے بعد ایک لمحہ بھی ضائع نہیں کرنا چاہتا تھا ۔۔۔۔ یہی وجہ تھی کہ اُس نے کچھ دیر آرام بھی نہ کرنا چاہا اور خواب والی اُس لڑکی کی کھوج میں استنبول کی سڑکوں میں ٹہلنے کے لئے نکل گیا ۔۔۔۔
********************
ان کی فلائیٹ صبح سات بجے کی تھی اور پونے بارہ بجے تک یہ دونوں استنبول کے ائیر پورٹ پہنچ گئے تھے ۔۔۔۔ پاکستان سے ترکی آنے میں تقریباً چار گھنٹے اور انتالیس منٹ لگتے ہیں ۔۔۔ ہوٹل پہنچتے ہی زکی نے سب سے پہلے اپنے بیگز کھولے اور سامان سیٹ کیا اور بنا ٹائم ضائع کئے فریش ہو کر ٹھیک پونے چار بجے ہوٹل سے نکلا ۔۔۔ اور باہر ٹہلنے لگا ۔۔۔ چلتے چلتے وہ استقلال سٹریٹ تک آپہنچا ۔۔۔۔ اُسے وہ جگہ خاصی انٹرسٹنگ لگی تبھی بغیر کچھ بھی سوچے سمجھے آگے بڑھنے لگا ۔۔۔۔
***********
زکی اور باسط استنبول کے ہوٹل لامارٹائن کے ایک روم میں ٹھہرے ہوئے تھے ۔۔۔۔۔۔۔۔ لامارٹائن استنبول کے ایک ایسے علاقے میں واقع ہے جو حال ہی میں استنبول ہوٹلوں کے ضلع کے نام سے جانا جانے لگا ہے۔ تکسم کو آج کے دور میں استنبول کا شہر کا مرکز سمجھا جاتا ہے اور یہ مسافروں کو چلنے کے چند منٹ کے اندر بہت سارے ثقافتی پرکشش تفریحی مراکز اور ریستوران تک رسائی فراہم کرتا ہے۔ استنبول بہت ساری تہذیبوں کا دارالحکومت رہا ہے لیکن آج کل کے استنبول میں اپنے متعدد تاریخ اور ثقافت کو اپنے ہوٹلوں کے ضلع میں تفریح اور تفریح کے ساتھ جوڑنے کی پیش کش کی جارہی ہے۔ آپ پیرا تک پہنچ سکتے ہیں یا جیسا کہ آج ہوٹل لاامارٹائن سے چند منٹ کے اندر بییوغلو کے نام سے جانا جاتا ہے۔ اگرچہ تاکسم کو آج بھی کاروباری مسافروں کے لئے سب سے آسان مقام سمجھا جاتا ہے ، یہ پرانے شہر سے دور صرف 5 منٹ کی ایک ٹیکسی کی مسافت پر ہے جہاں آپ گرینڈ بازار جا سکتے ہیں۔۔۔۔
*************
لامارٹائن ہوٹل استقلال سٹریٹ سے چند منٹوں کے فاصلے پر ہے ۔۔۔۔ اگر گاڑی میں جائیں تو ٹھیک پانچ منٹ ۔۔۔ اور پیدل جائیں تو بارہ منٹ تک آرام سے پہنچ سکتے ہیں ۔۔۔
یہی وجہ تھی کہ زکی ہوٹل سے نکلا تو ٹہلتے ہوئے سب سے پہلے وہ استقلال سٹریٹ تک ہی پہنچا ۔۔۔۔ زکی کے خیال میں ابھی اُس کی منزل خاصی دور تھی ۔۔۔۔ اُس لڑکی کو پانے کے لئے اسے بہت سارا سفر طے کرنا تھا ۔۔۔۔ مگر اسے کیا معلوم تھا کہ ترکی میں آکر وہ پہلی جگہ جہاں وہ گیا تھا اسے اس کی منزل وہیں مل جائے گی ۔۔۔۔
*************
استقلال سٹریٹ استنبول کی مشہور سٹریٹس میں سے ایک ہے ، جس میں ایک ہی دن میں قریبا تیس لاکھ لوگ ملتے ہیں ۔۔۔۔
تاریخی بییوالو ڈسٹرکٹ میں واقع ، یہ ایک خوبصورت پیدل سٹریٹ ہے ، جس کی لمبائی ایک اشاریہ چار کلومیٹر ہے ، جس میں بوتیک ، میوزک اسٹورز کتابوں کی دکانیں ، آرٹ
گیلری ، سنیما گھر ، تھیٹر ، لائبریری ، کیفے ، پب ، نائٹ کلب ہیں جن میں براہ راست میوزک ، تاریخی پیٹریسیریز ، چاکلیٹریز اور ریستوراں
یہ سٹریٹ عثمانی دور کی عمارتوں سے گھری ہوئی ہے جو نو کلاسیکل ، نو گوتھک اور پہلے ترکی کے قومی فن تعمیر کے طرز کے ساتھ ساتھ ترکی کے جمہوریہ کے ابتدائی برسوں سے آرٹ ڈیکو طرز کی کچھ عمارات کے ساتھ ڈیزائن کیا گیا تھا ، اور اس کی حالیہ متعدد مثالیں جدید فن تعمیر کا آغاز قرون وسطی کے جینیسی پڑوس سے گالٹا ٹاور کے آس پاس سے ہوتا ہے اور بالآخر تکسم چوک تک جاتا ہے۔
****************
گوہر اور کتنا دور ہے ۔۔۔ ؟ تم نے ٹھیک سے دیکھا نا یہی ہسپتال ہے ۔۔۔۔ ؟ آمنہ تیز تیز قدم ڈالتی ہوئی گوہر سے پوچھ رہی تھی ۔۔۔۔۔
ہیم ۔۔۔ ہسپتال تو یہی ہے ۔۔۔۔۔۔ رُکو میں چیک کر رہی ہوں ۔۔۔ گوہر نے چلتے ہوئے اپنے پرس سے موبائل نکالا اور لوکیشن معلوم کرنے لگی ۔۔۔۔
یار یہ ہم استقلال سٹریٹ میں ہیں نا ۔۔۔ ؟ گوہر نے آمنہ سے پوچھا ۔۔۔۔
ہاں ۔۔۔۔ آمنہ نے اپنے آگے لوگوں کا ہجوم دیکھا ۔۔۔
یہاں سے ہسپتال تک پندرہ منٹ اور لگیں گے ۔۔۔ گوہر نے موبائل پرس میں ڈالا ۔۔۔
اوو شکر ۔۔۔۔ آمنہ نے آہ بھری ۔۔۔
******************
ہوٹل سے تو زکی بڑے مزے سے بال سیٹ کر کے تیار ہوکر نکلا تھا مگر فروری کی اس سرد ترین شام نے اُس کی ساری تیاری پر پانی پھیر دیا ۔۔۔ جب زکی سردی سے کانپنے لگا تو بالآخر اس نے اپنے سویٹر کی ہڈ سر پر پہن لی ۔۔ اور ہاتھ جینز کی جیبوں میں ڈال لئے ۔۔۔۔
**************
ہاتھ جیبوں میں ڈالے ۔۔۔۔ زکی کبھی اپنی دائیں طرف کی دکانیں دیکھتا تو کبھی بائیں طرف کی رونقیں دیکھتے ہوئے آگے بڑھ رہا تھا ۔۔۔۔ کہ اسے ایک کافی شاپ نظر آئی ۔۔۔۔
ون کافی پلیز ۔۔۔۔ زکی نے دکاندار کو مخاطب کیا ۔۔۔
شیور ۔۔۔۔ وہ مسکرایا ۔۔۔
کتنے خوش اخلاق ہوتے ہیں نا یہ ترک لوگ ۔۔۔۔ اُمید ہے کہ چچا اور ان کی فیملی بھی ایسے ہی ہوں گے ۔۔۔۔ زکی نے آس پاس کے لوگوں سے متاثر ہو کر من ہی من میں سوچا ۔۔۔
یور کافی ۔۔۔ دکاندار نے کائونٹر پر کافی کا گلاس رکھا ۔۔۔
زکی وہیں شاپ میں بیٹھ کر کافی پینے لگا ۔۔۔۔ ابھی کافی کے چار پانچ گھونٹ ہی لئے تھے کہ اسے باہر سے باتیں کرتی ہوئی دو لڑکیاں جاتی دکھائی دیں ۔۔۔ اُن کو دیکھتے ہی زکی چونک سا گیا ۔۔۔ ایک لمحے کے لئے جیسے وہ شل ہو گیا تھا ۔۔۔۔ کافی کا گلاس منہ کے قریب جس پوزیشن میں رکھا تھا وہ وہیں ٹھہر گیا ۔۔۔
آہ ہ ۔۔۔ گرما گرم کافی ہاتھ پر گرنے سے جلن کے باعث وہ جیسے ہوش میں آیا ہو ۔۔۔
اوو نو ۔۔۔ وہ چلی گئی ۔۔۔۔ زکی یک دم اُٹھا ۔۔۔۔
تھینکس ۔۔۔ اس نے دکاندار کو پیسے دیتے ہوئے کہا اور دوڑا ۔۔۔۔
زکی کو بہت دور سے وہ دو لڑکیاں جاتی دکھائی دیں اور وہ ان کے پیچھے دوڑتا رہا ۔۔۔۔ مگر لوگوں کے ہجوم کی وجہ سے آج پھر وہ اُس لڑکی تک نہ پہنچ سکا ۔۔۔۔
اس وقت وہ خواب ایک بار پھر سے زکی کی آنکھوں کے سامنے آ گیا ۔۔۔ جب زکی لوگوں کی بھیڑ میں گھرا ہوا تھا ۔۔۔ تب وہ لڑکی اس کے پاس سے گزری تھی اور پھر نظروں سے اوجھل ہو گئی تھی ۔۔۔
کافی اتنی گرم تھی کہ اس کے ہاتھ پر چھالے بننے لگے مگر اُسے تکلیف ہو رہی تھی تو صرف اس بات سے کہ وہ اُس لڑکی تک نہیں پہنچ سکا ۔۔۔۔
**********
تینو کالا چشمہ جچدا اے ۔۔۔ جچدا اے گورے مخرے تے ۔۔۔ تینو کالا چشمہ ۔۔۔۔ ابھی زکی اسی دُکھ میں لپٹا ہوا تھا کہ اس کے موبائل پر کسی کی فون آئی ۔۔۔
گوہر کالنگ ۔۔۔ اس نے اپنی جیب سے موبائل نکال کر دیکھا اور کال رسیو کی ۔۔۔
اسلام و علیکم ۔۔۔ دوسری جانب سے گوہر پُر سکون سی بولی تھی ۔۔۔۔
وعلیکم اسلام ۔۔۔ آپ ٹھیک ہیں ۔۔۔ گوہر ۔۔۔ ؟ زکی واپس ہوٹل جاتے ہوئے بولا ۔۔۔
جی ۔۔۔ الحمدللہ ۔۔۔۔ آپ ٹھیک ہیں ۔۔۔ ؟ دادو نے بتایا کہ آپ ترکی آئے ہوئے ہیں ۔۔۔ آپ کو کوئی پریشانی تو نہیں ہے ۔۔ سب ٹھیک ہے ۔۔۔ ؟ گوہر فلحال آنٹی کا ٹریٹمنٹ شروع ہو جانے کی وجہ سے اُن سے نہیں مل سکی تھی ۔۔۔
سب ٹھیک ہے ۔۔۔ آپ کا بہت شکریہ ۔۔۔ زکی نے مسکراتے ہوئے کہا ۔۔۔
میں ابھی کسی کام کے سلسلے میں گھر سے باہر ہوں ۔۔۔ ورنہ میں خود آپ کو لینے کے لئے آجاتی ۔۔۔ میں جیسے ہی فری ہوتی ہوں ۔۔۔ آپ سے کنٹیکٹ کروں گی ۔۔۔
اٹس اوکے ۔۔۔ زکی روم میں داخل ہوتے ہوئے بولا اور فون بند کی ۔۔۔۔
سو سویٹ ۔۔۔ زکی مسکرایا ۔۔۔۔
ائوے ہوئے ۔۔۔ بڑے خوش ہو ۔۔۔۔ کس سے باتیں ہو رہی تھی ۔۔۔ مجھے بھی تو بتائو ۔۔۔۔ باسط انگڑاتے ہوئے بولا ۔۔۔
ہو گئی تیری نیند پوری ۔۔۔ ؟ زکی صوفے پر بیٹھتے ہوئے بولا ۔۔۔
ہو گئی ۔۔۔ باسط نے اُٹھتے ہوئے کہا ۔۔۔
ارے ۔۔۔ یہ ہاتھ پہ کیا ہوا ہے ۔۔۔ ؟؟ باسط نے حیرت سے دیکھا ۔۔۔
کچھ نہیں کافی گر گئی تھی بس ۔۔۔
کچھ نہیں ۔۔۔۔ ؟ اتنا زیادہ جلا ہوا ہے ۔۔۔۔ رُک میں تجھے مرہم دیتا ہوں ۔۔۔ لگا لے ۔۔۔۔
او ہاں ۔۔۔ یار ۔۔۔ مجھے وہ لڑکی مل گئی ۔۔۔ زکی نے مرہم لگاتے ہوئے کہا ۔۔۔
کیا کہا ۔۔۔ ؟ وہ لڑکی ۔۔۔ وہی خواب والی ۔۔۔ جس کے پیچھے تو ترکی آیا ۔۔۔۔۔ ؟ باسط قدرے حیرانی سے پلٹا ۔۔۔
ہاں نا ۔۔۔ وہی ۔۔۔
کہاں ملی ۔۔۔ کیسی تھی ۔۔۔ ؟ تو نے اُس سے کوئی بات کی ۔۔۔ ؟ ہیں ۔۔۔ ؟ باسط متذبذب سے انداز میں بولا ۔۔۔
استقلال سٹریٹ ۔۔۔ کہاں یار بات کدھر ۔۔۔ میں شاپ میں بیٹھا کافی پی رہا تھا وہ گزر گئی ۔۔۔ پھر ملی ہی نہیں ۔۔۔
واہ بھائی ۔۔۔ تو کافی ہی پیتا رہ بس ۔۔۔
کیا کرتا میں ۔۔۔ اتنی رش ہوتی ہے وہاں ۔۔۔ تو جا نا پتا لگ جانا تجھے ۔۔۔۔ اوپر سے دیکھ نا ہاتھ بھی جل گیا ۔۔۔
اووووو ۔۔۔۔ باسط زکی کو گھورتا ہوا بولا ۔۔۔۔
کیا ہے ۔۔۔ ؟ ایسے کیوں دیکھ رہا ہے ۔۔۔ ؟ زکی نے خفگی سے دیکھا ۔۔۔۔
کچھ نہیں ایک شعر یاد آ گیا ۔۔۔
**** مجھے پیار میں درد ملا اور ملا کچھ بھی نہیں
تیری خوشیوں کی مانگوں دعا اور دعا کچھ بھی نہیں ۔۔۔ واہ واہ واہ ۔۔۔ باسط زکی کو چھیڑنے کے انداز سے بولا ۔۔۔
منہ بند کر ۔۔۔ کیا چیز ہے تو ۔۔۔ زکی نے ہنستے ہوئے پوری قوت سے کشن باسط کو دے مارا ۔۔۔