نور خدا

جی ۔۔۔ موم ۔۔۔ آپ نے بلایا ۔۔۔ ؟ سب ٹھیک تو ہے نا ۔۔۔؟ زکی نے کمرے میں داخل ہوتے ہوئے اپنی موم اور بابا کو دیکھ کر قدرے حیرانی سے پوچھا ۔۔۔
ہاں بیٹا آئو ۔۔۔ سب ٹھیک ہے ہمیں تم سے ایک ضروری بات کرنی ہے ۔۔۔۔ فاطمہ نے زکی کو بیٹھنے کا اشارہ کیا ۔۔۔۔
اچھا ۔۔۔۔۔ چلو ۔۔۔ آپ دونوں کو یاد تو آئی کہ آپ کا ایک اور بیٹا بھی ہے آوارہ ۔۔۔ نکمہ سا ۔۔۔ اس سے بھی کوئی ضروری بات کی جاسکتی ہے ۔۔۔۔۔ زکی استہزائیہ سے انداز سے مسکرایا ۔۔۔۔۔۔۔
زکی ۔۔۔۔ بی سیرئیس ۔۔۔ اب میں جو کہنے لگی ہوں وہ سنو ۔۔۔۔ فاطمہ نے زکی کو تنبیہی نگاہوں سے دیکھا ۔۔۔
او کے ۔۔۔ موم ۔۔۔۔ کہئیے ۔۔۔ اب نو مذاق ۔۔۔ زکی اپنی موم کے پاس آ کر بیٹھتے ہوئے بولا ۔۔۔۔
بیٹا ۔۔۔ تمہیں قدسیہ کیسی لگتی ہے ۔۔۔؟
فضول سی ہی ہے ۔۔۔ آپ کیوں پوچھ رہی ہیں ۔۔۔ ؟ زکی نے قریب پڑی میز پر رکھی ٹوکڑی سے سیب اٹھاتے ہوئے کہا ۔۔۔
زکی ۔۔۔ یہ کونسا طریقہ ہے ۔۔۔ بات کرنے کا ۔۔۔؟ فاطمہ نے زکی کو خفگی سے دیکھا ۔۔۔۔
ہاں تو ۔۔۔ جو جیسا ہوگا ۔۔۔ اس کو ویسا ہی بولوں گا نا ۔۔۔ آپ نے مجھ سے قدسیہ کے بارے میں پوچھا کہ وہ کیسی لگتی ہے ۔۔۔ مجھے اچھی نہیں لگتی تو میں نے کہہ دیا ۔۔۔ زکی نے سیب کا ایک بائیٹ لیا ۔۔۔
فاطمہ ۔۔۔ اس نے پہلے کبھی کسی بات کا ٹھیک سے جواب دیا ہے جو آج دے گا ۔۔۔ اس کے بابا اخبار پڑھتے ہوئے بولے ۔۔۔۔
پھر بھی رضا صاحب ۔۔۔ اس کی مرضی جاننا تو ضروری ہے نا ۔۔۔ آخر شادی تو اسی نے کرنی ہے ۔۔۔۔
کیا ۔۔۔۔ ؟ شادی ۔۔۔؟ زکی کھانستے ہوئے بولا ۔۔۔
ہاں ۔۔۔ بیٹا تمہاری شادی ۔۔۔ کی بات کر رہے ہیں ۔۔۔ فاطمہ سلطان نے مسکراتے ہوئے کہا ۔۔۔
میری شادی ۔۔۔ ؟ کس سے ۔۔۔؟ زکی نے اپنی موم کو حیرت سے دیکھا ۔۔۔
قدسیہ سے ۔۔۔ تب ہی تو پوچھ رہی ہوں ۔۔۔۔ اچھی لگتی ہے نا وہ تمہیں ۔۔۔؟
موم کہہ دیں کہ یہ مذاق ہے ۔۔۔ میری شادی اور وہ بھی قدسیہ سے ۔۔۔۔ ؟
شادی تو کرنی ہی ہے نا ایک نہ ایک دن بیٹا ۔۔۔ قدسیہ سے ہو یا جس سے بھی ۔۔۔۔
موم آپ لوگ ایسا کیسے کر سکتے ہیں ۔۔۔ اتنا بڑا فیصلہ میرے سے پوچھے بغیر ہی کر لیا ۔۔۔۔ ؟
نہیں زکی ۔۔۔ ابھی ہم نے ہاں نہیں کی ۔۔۔ الیان صاحب آئے تھے تمہاری اور قدسیہ کی بات کرنے ۔۔۔ ہم نے ابھی یہی کہا کہ زکی سے پوچھیں گے ۔۔۔ پھر بتائیں گے ۔۔۔
موم پھر تو آپ انکار ہی کریں ۔۔۔ بلکہ آج ہی ان کو فون کریں اور صاف صاف منع کردیں ۔۔۔
کیوں بیٹا ۔۔۔ آخر قدسیہ میں برائی کیا ہے ۔۔۔؟ اتنی اچھی تو ہے وہ ۔۔۔ ہمیں تو بہت پسند ہے ۔۔۔۔
موم ۔۔۔ آپ یہ بتائیں کہ اس میں اچھائی کیا ہے ۔۔۔؟ اس قدر بےباک لڑکی ہے وہ ۔۔۔ ہر دوسرے لڑکے سے دوستی رکھی ہوئی ہے اس نے ۔۔۔ اور آپ کہہ رہی ہیں کہ برائی کیا ہے ۔۔۔؟ کبھی آپ نے غور کیا ۔۔۔ وہ کس قسم کے لباس زیب تن کرتی ہے ۔۔۔؟
زکی یہ تم کہہ رہے ہو ۔۔۔؟ تمہارا اپنے بارے میں کیا خیال ہے بیٹا ۔۔۔؟ تم نے دوستی نہیں رکھی ہوئی ہر ایک لڑکی سے ۔۔۔؟ کسی کے بارے میں ایسے نہیں کہتے زکی ۔۔۔
فاطمہ ۔۔۔ لگتا ہے ہمارے صاحبزادے نے کسی باپردہ لڑکی سے شادی کرنے کا فیصلہ کر لیا ہے اس کے لئے اب تمہیں عبایا پہننے والی سیدھی سادی سی لڑکی ڈھونڈ کر لانی پڑے گی ۔۔۔ کیوں بیٹا جی۔۔۔ سہی کہہ رہا ہوں نا میں ۔۔۔؟ رضا صاحب استہزائیہ مسکرائے ۔۔۔
بس موم ۔۔۔ میں نے کہہ دیا میں قدسیہ سے شادی نہیں کروں گا ۔۔۔ اور بابا ۔۔۔ آپ نے بالکل درست اندازا لگایا ۔۔۔
بیٹا ۔۔۔ تم کسی کو پسند کرتے ہو ۔۔۔؟ اگر ایسی کوئی بات ہے تو بتائو ہمیں ۔۔۔ کوئی اعتراض نہیں ہوگا ۔۔۔
لو ۔۔۔ بھئی ہم تو مذاق کر رہے تھے ۔۔۔ برخوردار تو برا ہی مان گئے ۔۔۔ رضا سلطان پھر سے اخبار پر دیکھتے ہوئے بولے ۔۔۔
آپ تو خاموش رہئے نا ۔۔۔۔ مجھے اس سے بات کرنے دیں ۔۔۔۔۔ بتائو بیٹا ۔۔۔۔؟
موم ۔۔۔ ایسی کوئی بات نہیں ہے ۔۔۔ اگر میری زندگی میں کوئی لڑکی آئی تو میں آپ کو بتا دوں گا ۔۔۔ مگر میں ابھی اس بارے میں کوئی بات نہیں کرنا چاہتا ۔۔۔
پھر تو طے ہے ۔۔۔ ہم تمہاری شادی قدسیہ سے ہی کریں گے ۔۔۔ اگر تمہیں کوئی اور لڑکی پسند ہوتی تو کوئی وجہ ۔۔۔ بنتی انکار کی ۔۔۔ اب تو کوئی سوال ہی نہیں پیدا ہوتا کہ میں الیان بھائی صاحب کو اس رشتے سے منع کروں ۔۔۔۔
تم تیاری رکھو ۔۔۔۔ ہم رشتے کی میٹھائی لے کر کل ہی وہاں جائیں گے ۔۔۔
موم ۔۔۔۔ آپ ایسا کیسے کر سکتی ہیں ۔۔۔ میں قدسیہ سے کبھی شادی نہیں کروں گا ۔۔۔ کبھی بھی نہیں ۔۔۔
بس بہت ہو گیا زکی ۔۔۔ ہم کل وہاں جا رہے ہیں ۔۔۔۔
زکی غصے میں کمرے سے باہر نکل گیا ۔۔۔۔
**************
آنٹی آپ کیوں فکر کرتی ہیں ۔۔۔ اللہ پر بھروسا رکھیں ۔۔۔ گوہر نے اس خاتون کو تسلی دیتے ہوئے کہا ۔۔۔
بیٹا تمہاری ہمت ہے ۔۔۔ جو روز یہاں میرے سے ملنی آجاتی ہو ۔۔۔ ورنہ مجھ غریب کو کون پوچھتا ۔۔۔ بہت شکریہ بیٹا ۔۔۔ خاتون نے روتے ہوئے کہا ۔۔۔
آنٹی آپ ایسی باتیں کیوں کرتی ہیں ۔۔۔ آپ کو معلوم ہے نا آپ مجھے کتنی عزیز ہیں ۔۔۔ مایوسی اچھی نہیں ہوتی ۔۔۔ آپ دعا کریں ۔۔۔ اللہ بڑا رحیم ہے ۔۔۔ وہ ضرور آپ کی پکار سنے گا ۔۔۔۔ آپ مکمل صحت یاب ہو جائیں گی ۔۔۔ انشاءاللہ ۔۔۔۔
****************
یہ تو غلط بات ہے نا دادو ۔۔۔ میری شادی ہے اور میری ہی کوئی مرضی شامل نہیں ۔۔۔ زکی منہ پھلائے دادی کے کمرے میں آتا ہوا بولا ۔۔۔۔
کیا ہوا میری جان ۔۔۔؟ کون تجھ سے پوچھے بنا تیری شادی کر سکتا ہے ۔۔۔ دادی نے مسکراتے ہوئے کہا ۔۔۔
موم ۔۔۔ اور کون ۔۔ ؟ قدسیہ سے میری شادی کروانے لگی ہیں ۔۔۔ دادو آپ تو جانتی ہیں نا کہ میں قدسیہ کو کتنا ناپسند کرتا ہوں ۔۔۔ مجھے قدسیہ تو کیا ۔۔۔ ابھی کسی لڑکی سے شادی نہیں کرنی ۔۔۔ میں ویسے ہی بہت پریشان ہوں ۔۔۔ آپ پلیز موم سے بات کریں ۔۔۔۔
اچھا ۔۔۔ میرے بچے میں بات کروں گی ۔۔۔ تو فکر نہ کر ۔۔۔ ایسا کچھ نہیں ہوگا ۔۔ چاہتی تو میں بھی یہی ہوں کہ تیری شادی ۔۔۔۔۔ خیر ۔۔ تو پریشان کیوں ہے ۔۔۔؟ دادی نے زکی کے پاس آکر بیٹھتے ہوئے کہا ۔۔۔
دادو آپ کو تو معلوم ہے نا ۔۔۔ میں خوابوں کی وجہ سے کتنا الجھا ہوا رہتا ہوں ۔۔۔۔۔۔ ابھی میں شادی کے بارے میں نہیں سوچ سکتا ۔۔۔ اچھا میں چلتا ہوں ۔۔۔ مجھے کسی کام سے باہر جانا ہے ۔۔۔ زکی باہر جاتا ہوا بولا ۔۔۔
****************
سحر ۔۔۔ آ بھی جائو اب ۔۔۔۔ کتنا میک اپ کرو گی ۔۔۔ ؟ ہمیں دیر ہو رہی ہے یار ۔۔۔ آویز نے نشاء کا ہاتھ پکڑے کمرے سے نکلتے ہوئے کہا ۔۔۔
آ گئی بس دو منٹ اور ۔۔۔۔ سحر سُرخی لگاتے ہوئے بولی ۔۔۔۔۔
کہاں کی تیاریاں ہیں بھائی ۔۔۔ ؟ اوئے علی تو کدھر غائب ہوتا ہے ۔۔۔ نظر ہی نہیں آتا ۔۔۔۔ زکی نے اپنے کمرے میں جاتے ہوئے آویز کو کھڑا دیکھا تو رُکھ کر پوچھا ۔۔۔
سحر کی آپی نے انوائیٹ کیا ہے ۔۔۔ ان کا بیٹا ہے نا ۔۔۔ احمد ۔۔۔ اس نے میٹرک میں اول پوزیشن حاصل کی ہے ۔۔۔ اسی خوشی میں ایک پارٹی رکھی ہے انہوں نے ۔۔۔ سحر ۔۔۔۔ تمہارے دو منٹ ابھی ختم نہیں ہوئے ۔۔۔؟ آویز نے پھر سے سحر کو آواز لگائی ۔۔۔۔
اوو وائو ۔۔۔ بھائی ۔۔۔ میرے خیال سے بھابھی آدھے گھنٹے بعد ہی تیار ہوکر آئیں گی ۔۔۔ آپ تھک جائیں گے ۔۔۔ میری مانیں تو آئیں بیٹھ کر ایک کپ چائے ہی پی لیں جب تک ۔۔۔۔ زکی استہزائیہ مسکرایا ۔۔۔۔
ہاہاہاہا ۔۔۔ کہہ تو ٹھیک رہا ہے ویسے تو ۔۔۔ جب تیری بیگم آئے گی نا ۔۔۔ تب پوچھوں گا تجھ سے ۔۔۔۔ آویز نے ہنستے ہوئے کہا ۔۔۔
ہاہا بھائی ۔۔۔ میں تو ایسی بیگم لائوں گا ۔۔۔ جس کو اس سب میں کوئی دلچسپی ہی نہیں ہوگی ۔۔۔۔ سادہ سی طبیعت والی ۔۔۔۔ زکی ہنستے ہوئے بولا ۔۔۔۔
اچھا ۔۔۔۔ ؟ چل ٹھیک ہے پھر ۔۔۔ دیکھتے ہیں ۔۔۔ میری بیگم تو آ گئی تیار ہو کر ۔۔۔ چلو علی بیٹا ۔۔۔ آویز نے شانے اچکائے ۔۔۔
بابا ۔۔۔ میں نے پارٹی میں نہیں جانا ۔۔۔ میرا دل نہیں ہے وہاں جانے کو ۔۔۔ میں تنگ پڑھ جاتا ہوں ۔۔۔۔ میں گھر پر رُکوں گا چاچو کے پاس ۔۔ علی منہ بنائے زکی کا ہاتھ پکڑے بولا ۔۔۔
علی بیٹا ۔۔۔ زد نہیں کرو ۔۔۔ چپ چاپ ہمارے ساتھ چلو ۔۔۔ سحر نے علی کو خفگی سے دیکھا ۔۔۔۔
نہیں ۔۔۔ ماما ۔۔۔ آپ ہمیشہ مجھے اپنے ساتھ لے جاتی ہیں ۔۔۔۔۔ میرے ساتھ کوئی کھیلنے والا ہی نہیں ہوتا ۔۔۔چاچو آپ ماما کو بولیں نا ۔۔۔۔ علی نے زکی کا ہاتھ مضبوطی سے پکڑتے ہوئے اس کو اشارہ کیا ۔۔۔
بھابھی اگر اس کا دل نہیں ہے جانے کو تو ۔۔۔ چھوڑ جائیں نا اس کو ۔۔۔۔ زکی نے علی کے چہرے پر معصومیت دیکھ کر پیار کا اظہار کیا ۔۔۔
تمہیں پریشان کرے گا زکی ۔۔۔ بہت شیطان ہو گیا ہے یہ ۔۔۔۔۔ سحر نے اپنی نظریں علی پر رکھے کہا ۔۔۔۔
اوو ۔۔۔ بھابھی کوئی مسلہ ہی نہیں ۔۔۔ میرے ساتھ ہوتے ہوئے یہ کہاں کوئی شیطانی کر سکتا ہے ۔۔۔ زکی نے علی کو آنکھ مارتے ہوئے کہا ۔۔۔۔
اچھا ٹھیک ہے ۔۔۔ علی ۔۔۔ چاچو کو تنگ نہیں کرنا ۔۔۔ سمجھ آئی ۔۔۔؟ چلیں آویز ۔۔۔ سحر نے علی کو سمجھاتے ہوئے کہا ۔۔۔
*******************
اوو ییس ۔۔۔ علی نے اپنے ماما ۔۔۔ بابا کے جانے کے بعد خوشی سے اُچھلتے ہوئے کہا ۔۔۔
تھینکیو چاچو ۔۔۔ علی ۔۔۔ زکی کے گلے لگتے ہوئے بولا ۔۔۔
چل اب بتا ۔۔۔ یہ سارا ڈرامہ کیوں کیا تو نے ۔۔۔ ہاں ۔۔۔؟ زکی نے علی کو تنبیہی نگاہوں سے دیکھا ۔۔۔
کان آگے کریں ۔۔۔ کریں نا ۔۔۔ علی نے زکی کو اشارہ کرتے ہوئے کہا ۔۔۔
آپ کے ساتھ ویڈیو گیمز کھیلنے کے لئے ۔۔۔ زکی کے آگے آنے پر علی نے اس کے کان میں سر گوشی کی ۔۔۔
بدمعاش ۔۔۔ چل نکل ۔۔۔ ہاہاہا ۔۔۔ زکی نے ہنستے ہوئے کہا ۔۔۔۔
سلیم ۔۔۔ سلیم ۔۔۔؟ زکی نے ملازم کو آواز لگائی ۔۔۔
جی صاحب جی ۔۔۔ ؟
پاپ کونز اور جوس میرے کمرے میں لے آئو ۔۔۔ زکی نے ملازم کے آنے پر کہا ۔۔۔
چل ۔۔۔ آجا ۔۔۔۔ میرے شیر ۔۔۔ پارٹی سین اون کریں ۔۔۔
*************
چاچو نہیں ۔۔۔ اس کے بعد کچھ نہیں بولوں گا ۔۔۔ پلیز مارنا نہیں ۔۔۔ علی نے بیڈ سے چھلانگ لگاتے ہوئے کہا ۔۔۔۔
نہیں بولے گا ۔۔۔ ؟ میں تو پھر بھی ماروں گا ۔۔۔ یہ کہتے ہوئے زکی نے کشن پوری قوت سے علی کو دے مارا ۔۔۔ اور مارتا ہی گیا ۔۔۔۔
ہاہاہا ۔۔۔ اب میری باری ۔۔۔ علی نے ایک کشن اٹھایا اور زکی پر حملہ کیا ۔۔۔ اس طرح دونوں ایک دوسرے کو کشن مارتے رہے اور تب تک مارتے رہے جب تک کشن کی ساری روئی پھٹ کر باہر نہیں آگئی ۔۔۔۔ کچھ ہی لمحوں بعد کمرے میں ہر طرف روئی ہی روئی بکھری پڑی تھی ۔۔۔۔۔۔۔۔
بس ۔۔۔ بس ۔۔۔ علی ۔۔۔۔ ہنس ہنس کر پیٹ دکھنے لگا میرا ۔۔۔۔۔ زکی نے ہنستے ہوئے علی کو روکا ۔۔۔۔
****************
آگے دیکھ ۔۔۔ آگے دیکھ کر کھیل نا ۔۔۔۔ نیلی گاڑی آگے نکل گئی ۔۔۔ مار اُس کو ۔۔۔ ٹھیک ہے ۔۔۔ اب نکل ۔۔۔ جلدی ۔۔۔ سپیڈ تیز کر اپنی ۔۔۔ اوو ۔۔۔ وہ سفید والی بھی گئی ۔۔۔ زکی ۔۔۔ ہاتھوں میں رموٹ تھمائے ۔۔۔۔ اپنی گیم کھیلتے ہوئے علی کی سکرین پر دیکھ کہ اس کی گیم ٹھیک کرواتے ہوئے بولا ۔۔۔۔
آہ ہ ۔۔۔ یہ چیز ۔۔۔ ہم جیت گئے چاچو ۔۔۔۔ علی نے خوشی سے چہکتے ہوئے کہا ۔۔۔۔
ییس میرے شیر ۔۔۔ چل اب بس ۔۔۔ خوش ۔۔۔؟ کافی ٹائیم ہو گیا اب سونا ہے ۔۔۔ زکی نے علی کے ہاتھ سے رموٹ لیا ۔۔۔۔۔۔
اتنی جلدی ۔۔۔۔؟ ابھی تو بارہ بھی نہیں ہوئے ۔۔۔ علی نے گھڑی پر دیکھا ۔۔۔
مجھے کل صبح جلدی کسی کام سے جانا ہے ۔۔۔ میری جان ۔۔۔۔۔ چلو اب سوتے ہیں ۔۔۔ گڈ نائیٹ ۔۔۔ زکی نے علی پر کمبل رکھا ۔۔۔
ابھی زکی سونے کے لئے بستر پر لیٹا ہی تھا کہ اس کے موبائل پر کسی نمبر سے فون آنے لگی ۔۔۔۔ یہ اس وقت کون فون کر رہا ہوگا ۔۔۔؟ زکی نے بیڈ سے نیچے اترتے ہوئے کہا ۔۔۔۔
اس کا موبائل صوفے کے قریب ۔۔۔ میز پر پڑا تھا تو وہ فون سننے کے لئے وہیں صوفے پر بیٹھ گیا ۔۔۔۔
ہیلو ۔۔۔ زکی کے فون اٹھانے پر دوسری طرف سے آواز آئی ۔۔۔۔
کون ۔۔۔۔؟ زکی نے کسی لڑکی کی آواز سن کر حیرت کا مظاہرہ کیا ۔۔۔۔
زلقرنین ۔۔۔ کیسے ہو ۔۔؟ میں قدسیہ
ہاں کہو ۔۔۔ اس وقت کیسے فون کیا ۔۔۔ کوئی کام تھا ۔۔۔؟ زکی بیزاری سے بولا ۔۔۔۔
کوئی کام ہوگا تب ہی میں تمہیں یاد کروں گی کیا ۔۔۔ ؟ ہم ویسے بات نہیں کر سکتے کیا ۔۔۔؟
دیکھو قدسیہ ۔۔۔۔۔۔ ہمارا ایسا کوئی رشتہ نہیں ہے کہ ہم اس وقت بغیر کسی کام کے بات کریں ۔۔۔۔۔۔ آئیندہ مجھے فون نہ کرنا پلیز ۔۔۔ زکی نے یہ کہہ کر فون رکھ دیا ۔۔۔
زکی کے فون رکھتے ہی قدسیہ نے پھر سے فون کیا ۔۔۔۔ اس بار فون آنے کی دیر تھی کہ زکی نے موبائل سائیلنٹ پر لگا دیا ۔۔۔۔
*****************
یااللہ ۔۔۔ مجھ پر رحم کر ۔۔۔۔۔ میرے بچوں پر رحم کر ۔۔۔۔ میں صرف تجھ پر بھروسہ کرتی ہوں ۔۔۔ صرف تجھ ہی سے مدد طلب کرتی ہوں ۔۔۔۔ زکی اور گوہر کو ملا دے ۔۔۔۔ ان کے نصیب جوڑ دے ۔۔۔ میرے دونوں بیٹوں کے دلوں سے نفرتیں ختم کر دے ۔۔۔۔ دونوں خاندانوں کو ایک بار پھر سے ملوادے ۔۔۔۔ ان کے دلوں میں محبتیں ڈال دے ۔۔۔ مولا کرم کر دے ۔۔۔۔ خورشید سلطان جائےنماز پر بیٹھی اللہ سے گڑگڑا کر دعا مانگتے ہوئے بولی ۔۔۔۔
****************
مجھے نیند کیوں نہیں آ رہی ۔۔۔۔؟ کافی دیر بستر پر لیٹنے کے بعد نیند نہ آنے پر زکی نے جھنجھلا کر کمبل ہٹایا ۔۔۔۔۔ باہر بارش ہو رہی ہے ۔۔۔؟ چھل چھل کرتے پانی کی آوازیں اس کے کانوں میں پڑی تو وہ بالکنی کی طرف جاتا ہوا بولا ۔۔۔۔۔
کتنی خوبصورت بارش ہے ۔۔۔۔ آہ ۔۔۔۔ زکی ۔۔۔ بالکنی میں کھڑا زمین پر پڑتی بارش سے لطف اٹھاتے ہوئے بولا ۔۔۔
جب جب بجلی چمکتی تو باغ میں لگے ۔۔۔ سب درخت ۔۔۔ پودے ایک لمحے کے لئے روشن ہوجاتے اور پھر وہی گُھپ اندھیرا ۔۔۔۔
آہ ہ ۔۔۔۔ خوبصورت ۔۔۔۔ حسین ۔۔۔ باوقار خاتون ۔۔۔۔
بجلی کی روشنی سے ایک لمحے کے ہزارہویں حصے میں اسے خواب میں آنے والی لڑکی کا خیال آگیا ۔۔۔ بجلی کی چمک کی طرح وہ اس کے خوابوں میں آتی ہے اور ایک دم سے چلی جاتی ہے ۔۔۔۔ لیکن اُس کی روشنی کا تاثر اس کے دل و دماغ پر کئی دنوں تک رہتا ہے ۔۔۔۔
یہ نیند بھی کیا کمبخت چیز ہے ۔۔۔ آتی ہے تو سب بھلا دیتی ہے ۔۔۔ نہیں آتی تو سب یاد دلا دیتی ہے ۔۔۔۔۔۔ زکی نے آہ بھرتے ہوئے کہا ۔۔۔۔
********************
ہیلو ۔۔۔ باسط تُو اب تک سو رہا ہے ۔۔۔؟ ایک منٹ میں تیار ہو کر باہر آ ۔۔۔ میں تیرے گھر کے باہر گاڑی میں بیٹھا تیرا انتظار کر رہا ہوں ۔۔۔ زکی نے گاڑی کا ہارن بجایا ۔۔۔۔
کیا موت ہے تجھے ۔۔۔؟ صبح صبح کیوں میری نیند خراب کرنے آ گیا تُو ۔۔۔ ؟ باسط انگڑاتے ہوئے بولا ۔۔۔۔
باہر آ نا ۔۔۔ بتاتا ہوں تجھے ۔۔۔۔ زکی نے پھر سے ہارن بجایا ۔۔۔۔۔
بول ۔۔۔ کیا تکلیف ہے ۔۔۔۔؟ باسط نے گاڑی میں بیٹھتے
ہوئے کہا ۔۔۔۔۔
میں نے کل تجھے کہا تھا نا کہ وجاہت سر کے آفس جانا ہے ۔۔۔ صبح جلدی اُٹھ جانا ۔۔۔۔ تُو ہے کہ کسی بات کا اثر ہی نہیں ہوتا تجھ پر ۔۔۔۔ زکی نے خفگی سے باسط کو دیکھا ۔۔۔۔
اچھا بس بس ۔۔۔ زیادہ لیکچر نہ دیا کر ۔۔۔۔ اب اس میں میرا کیا قصور ہے اگر تجھے لڑکیاں رات میں فون نہیں کرتی تو ۔۔۔۔؟ باسط نے یہ کہتے ہوئے ترچھی نگاہ زکی پر دوڑائی ۔۔۔۔
کیا مطلب ۔۔۔۔ ؟
مطلب یہ کہ ۔۔۔۔ تجھے کوئی لڑکی رات میں فون نہیں کرتی ۔۔۔ مجھے کرتی ہیں تو ۔۔۔ میرا کیا قصور ۔۔۔ تُو مجھ پر کیوں غصہ نکال رہا ہے ۔۔۔۔؟ باسط نے زکی کو چھیڑنے کے انداز سے کہا ۔۔۔۔
بےغیرت انسان ۔۔۔۔ چپ کر جا ۔۔ اب ایسی بھی کوئی بات نہیں ہے ۔۔۔۔۔ فون تو اب بھی بہت آتے ہیں ۔۔۔ مگر میرا من نہیں کرتا کسی ایک سے بھی بات کرنے کا .۔۔۔ اب مجھے یہ سب بُرا لگنے لگا ہے یار ۔۔۔۔ زکی نے ہنستے ہوئے کہا ۔۔۔۔
تُجھے عشق جو ہو گیا ہے ۔۔۔ اپنی خوابوں کی ملکہ سے ۔۔۔ وہ گانا سنا ہے ۔۔۔؟؟ ۔۔۔۔۔ اے خوابوں کی ملکہ ۔۔۔ اپنا نام تو بتا ۔۔۔۔ باسط نے پھر سے زکی کو چھیڑنے کی کوشش کی ۔۔۔۔
بکواس نہ کر ۔۔۔۔ اور پلیز رات کو زرا جلدی سو جایا کر ۔۔۔۔۔۔۔
ہاہاہاہا ۔۔۔۔ اب کیا کروں یار ۔۔۔ اگر ایک سے بھی بات نہ کروں تو ناراض ہو جاتی ہے ۔۔۔۔ باسط ہنستے ہوئے بولا ۔۔۔۔
تو ضرورت کیا ہے ۔۔۔ اتنی گرل فرینڈز رکھنے کی ۔۔۔۔ زکی استہزائیہ سے انداز میں مسکرایا ۔۔۔۔
*******************
کیا یار ۔۔۔ یہ ٹریفک ہمیشہ ۔۔۔۔ رُک میں سر کے لئے پھول لے لیتا ہوں ۔۔۔ زکی کچھ سوچتا ہوا بولا ۔۔۔۔
صاحب ۔۔۔۔ پیسے دے دو صاحب ۔۔۔ کل سے کھانا نہیں کھایا صاحب ۔۔۔ زکی پھول لے کر گاڑی کے قریب آ ہی رہا تھا کہ پھٹے پُرانے کپڑے پہنے ہوئے ایک بچہ اس کے ساتھ ساتھ چلنے لگا ۔۔۔۔
راستہ چھوڑو ۔۔۔۔ جانے دو زکی ایسے ہی تنگ کرنے آ جاتے ہیں ہر جگہ ۔۔۔ جلدی آئو ۔۔۔ دیر ہو رہی ہے ۔۔۔۔ زکی گاڑی میں بیٹھ رہا تھا تو باسط نے اس کو جلدی کرنے کو کہا ۔۔۔۔
بنا مٹی سے ۔۔۔ ملنا بھی تجھے مٹی میں ۔۔۔۔ پھر یہ اکڑ کیسی ہے ۔۔۔۔ اے انسان ۔۔۔۔ تجھے تیری اوقات تو اس دن پتا چلے گی جب لوگ ۔۔۔ تیرے اوپر مٹی ڈالیں گے ۔۔۔ اور تیرے اوپر ہی ہاتھ جھاڑیں گے ۔۔۔۔۔۔ ابھی زکی گاڑی میں بیٹھا ہی تھا کہ اس کے کانوں میں اس بزرگ کی آواز گونجنے لگی ۔۔۔۔
رُکو ۔۔۔۔ بچے ۔۔۔ بات سنو ۔۔۔ کچھ ہی لمحوں بعد زکی دوڑتا ہوا اس بچے کے پیچھے آیا ۔۔۔ اور اس کو پیسے دئیے ۔۔۔۔ اللہ آپ کو بہت خوش رکھے صاحب ۔۔۔۔ بچے نے خوش ہو کر زکی کو دعا دی ۔۔۔۔
زکی مسکراتے ہوئے ۔۔۔ گاڑی میں آبیٹھا ۔۔۔۔
*****************
ہاں بھئی زلقرنین ۔۔۔ تم ترکی میں کنسرٹ کرنے کا کہہ رہے تھے نا ۔۔۔۔؟ وجاہت علی نے اپنے سامنے بیٹھے زکی کو مخاطب کیا ۔۔۔۔
جی سر ۔۔۔۔ اگر ایسا ہو جائے تو بیسٹ ہے ۔۔۔۔ زکی نے مسکراتے ہوئے کہا ۔۔۔
یہ لیں جناب ۔۔۔۔ وجاہت نے اپنے آگے رکھے بڑے سے میز پر ایک انویلپ رکھا ۔۔۔۔
یہ کیا ہے سر ۔۔۔؟ باسط نے وجاہت علی کو حیرت سے دیکھا ۔۔۔۔
یہ تم دونوں کے ترکی کے ٹکٹس ۔۔۔ تیاری کرو ۔۔۔ ترکی جانے کی ۔۔۔۔ وجاہت نے مسکراتے ہوئے کہا ۔۔۔۔
اووہ ۔۔۔ تھینکیو سو مچ سر ۔۔۔ آپ نہیں جانتے آپ نے میری کتنی بڑی خواہش پوری کی ہے ۔۔۔۔ یہ سننا تھا کہ زکی کا چہرہ خوشی سے کھل اُٹھا ۔۔۔۔
******************
اگر آپ اُڑ نہیں سکتے تو دوڑو ۔۔ اگر آپ دوڑ نہیں سکتے تو چلو ۔۔ اگر آپ چل نہیں سکتے تو رینگ کر آگے بڑھتے رہو ۔۔۔ اپنی سوچ اور سمت کو درست رکھو ۔۔۔ کامیابی آپ کے قدم چومے گی ۔۔۔ اگر راستے میں کنکر ہی کنکر پڑیں ہوں تو ایک اچھا جوتا پہن کر اس پر بھی چلا جا سکتا ہے ۔۔۔ لیکن اگر ایک اچھے جوتے کے اندر ایک بھی کنکر ہو تو ایک صاف ستھرے راستے پر بھی کچھ قدم چلنا مشکل ہو جاتا ہے ۔۔۔۔ یعنی باہر کے چیلنجوں سے نہیں ہم اپنی اندر کی کمزوریوں سے ہارتے ہیں ۔۔۔۔ ہماری سوچ اور خیالات ہی ہمارا مستقبل طے کرتے ہیں ۔۔۔۔ خورشید سلطان ڈرائینگ روم میں بیٹھی کچھ خواتین سے مخاطب تھیں ۔۔۔۔
بلکل صحیح کہا آپ نے ۔۔۔ جب تک انسان خود ہار نہ مان لے ۔۔۔ دنیا کی کوئی طاقت اسے ہرا نہیں سکتی ۔۔۔ ایک خاتون ۔۔۔ خورشید سلطان کے جواب میں بولی ۔۔۔۔
آپ چائے لیں نا ۔۔۔ اور آپ نے تو کچھ لیا ہی نہیں ۔۔۔ ابھی دادی مہمانوں کو چائے لینے کا کہہ ہی رہی تھی کہ دروازے پر کھڑے زکی نے باہر آنے کا اشارہ کیا ۔۔۔۔
آپ لوگ چائے لیں ۔۔۔۔ میں ایک منٹ تک آتی ہوں ۔۔۔ دادی واپس آنے کا کہہ کر اُٹھیں ۔۔۔
کیا ہوا بیٹا ۔۔۔؟ انہوں نے باہر آکر زکی سے بُلانے کی وجہ دریافت کی ۔۔۔۔
دادو ایک منٹ میرے ساتھ آئیں ۔۔۔ زکی نے دادی کا ہاتھ پکڑے کہا ۔۔۔
ابھی نہیں ۔۔۔ میرے کچھ مہمان آئے ہوئے ہیں ۔۔۔ میں تجھ سے بعد میں بات کروں گی ۔۔۔۔ دادی نے پلٹتے ہوئے کہا ۔۔۔۔۔
آئیں نا ۔۔۔۔ ادھر بیٹھیں ۔۔۔ زکی دادو کا ہاتھ پکڑے ان کو لائونج سے اپنے کمرے میں لاتا ہوا بولا ۔۔۔
ارے ۔۔۔۔ بتا تو بات کیا ہے ۔۔۔ دادی زکی کی خوشی دیکھ کر مسکراتے ہوئے بولی ۔۔۔
بیٹھیں تو ۔۔۔ بتاتا ہوں ۔۔۔۔ یہ دیکھیں ذرا ۔۔۔ زکی نے دادو کے ہاتھ میں وہ انویلپ تھمایا ۔۔۔
بیٹا یہ کیا ہے ۔۔۔؟ کوئی ٹکٹس لگ رہے ہیں ۔۔۔ دادو نے انویلپ سے کاغذ نکال کر اُن پر غور کرتے ہوئے کہا ۔۔۔۔
جی ۔۔۔ میری پیاری دادو ۔۔۔ یہ ٹکٹس ہی ہیں ۔۔۔ ہمارے اگلے کنسرٹ کے ۔۔۔
ارے واہ ۔۔۔ میری جان ۔۔۔۔ دادی نے زکی کو پیار دیتے ہوئے کہا ۔۔۔۔
اللہ تجھے بہت ترقی دے میرے بچے ۔۔۔ اچھا اب جو تو یہ کنسرٹ کرلے نا تو اپنے سر سے بات کرنا کہ تجھے ترکی میں کوئی کام دیں ۔۔۔۔ کیا پتا وہ تیری بات مان لیں اور تجھے کنسرٹ کے لئے ترکی بھیج ہی دیں ۔۔۔۔ دادی نے حسرت بھری نظروں سے دیکھا ۔۔۔۔
یہ نہیں پوچھیں گی کہ اگلے کنسرٹ کے لئے جا کہاں رہے ہو ۔۔۔؟ زکی دادی کے برابر والے صوفے پر بیٹھتے ہوئے بولا ۔۔۔
اوہاں ۔۔۔ میں یہ پوچھنا تو بھول ہی گئی ۔۔۔ کدھر جا رہا ہے تُو اس بار ۔۔۔؟ دادی مسکرائی ۔۔۔
دادو اس بار ہم ترکی جارہے ہیں ۔۔۔ زکی نے دادو کے چہرے کے بدلتے تاثرات دیکھتے ہوئے کہا ۔۔۔
کیا کہا تو نے ۔۔۔ ؟ ترکی ۔۔۔ دادی کی آنکھ نم ہو گئی ۔۔۔
جی ۔۔۔ میری پیاری دادو ۔۔۔ میں نے کہا میں ترکی جا رہا ہوں ۔۔۔۔۔ زکی نے دادو کو گلے لگایا ۔۔۔
یااللہ تیرا شکر ہے ۔۔۔ دادو کے آنسو آنکھوں سے نکل کر رخساروں پر آگرے ۔۔۔
بس دادو ۔۔۔ بہت ہو گیا ۔۔۔ اب آپ بلکل بھی نہیں روئیں گی ۔۔۔ بہت رو لیا آپ نے ۔۔۔ زکی نے دادی کے چہرے پر گرتے آنسو صاف کئے ۔۔۔
بیٹا تو میرا کام کرے گا نا ۔۔۔؟ اپنے چچا کو منوا کر پاکستان لے آئے گا نا ۔۔۔؟ دادی نے زکی کے ہاتھ کو چومتے ہوئے کہا ۔۔۔
دادو یہ سب آپ کی دعائوں ہی سے تو ہوا ہے ۔۔۔ آپ کی دعائیں اور آنسو ہی تو مجھے ترکی جانے پر اکسا رہے ہیں ۔۔۔۔۔ میں نے آپ سے وعدہ کیا ہے ۔۔ میں ضرور نبھائوں گا دادو ۔۔۔ میں چچا کو پاکستان لے کر آئوں گا ۔۔۔۔
انشاءاللہ ۔۔۔ جیتا رہے میرا بچہ ۔۔۔ تو ہمیشہ سلامت رہے ۔۔۔ دادی نے زکی کو پیار دیتے ہوئے کہا ۔۔۔
دادو ۔۔۔۔ شاید آپ بھول گئی ۔۔۔ ڈرائینگ روم میں آپ کے کچھ مہمان بیٹھے ہوئے ہیں ۔۔۔ زکی نے ہنستے ہوئے کہا ۔۔۔
اوہاں ۔۔۔ چل میں چلتی ہوں ۔۔۔ آکر بات کرتی ہوں تجھ سے ۔۔۔ دادی مسکراتے ہوئے باہر چلی گئی ۔۔۔
***************
اوہوں ۔۔۔ بچے ۔۔۔ یہ کیا ہو رہا ہے ۔۔۔؟ گوہر اپنے مدرسے کی کسی طالب علم کو تنبیہی نگاہوں سے دیکھتے ہوئے بولی ۔۔۔
کچھ بھی تو نہیں ۔۔۔ نماز پڑھ رہی ہوں ۔۔۔ وہ بچی گھبراتے ہوئے بولی ۔۔۔
نماز ۔۔۔ ؟ ایسے پڑھتے ہیں نماز ۔۔۔ اتنی تیز تیز ۔۔۔۔ ؟ گوہر نے حیرت سے اس بچی کو دیکھا ۔۔۔
سوری ۔۔۔ آئیندہ ایسے نہیں ہوگا ۔۔۔ وہ شرمسار نگاہوں سے دیکھتے ہوئے بولی ۔۔۔
دیکھو بیٹا ۔۔۔ مجھے سوری کہنے سے کچھ نہیں ہوگا ۔۔۔ میرے سے کیوں ڈر رہی ہو بچے ۔۔۔ میرا کیا ہے ۔۔۔ آج میں نے دیکھا ۔۔۔ کیا معلوم میں پھر کبھی آپ کو نماز پڑھتے ہوئے دیکھوں یا نہ ۔۔۔ مگر اللہ تو ہمیشہ دیکھ رہا ہوتا ہے نا ۔۔۔ بس ذہن میں یہ بات رکھا کرو کہ اللہ دیکھ رہا ہے ۔۔۔ کوئی ہماری چوری پکڑے یا نہ ۔۔۔ اللہ ہماری چوری پکڑ لیتا ہے ۔۔۔ اور نماز میں چوری اللہ کو سخت ناپسند ہے بیٹا ۔۔۔ سمجھ آ گئی بات ۔۔۔؟ گوہر نے خاصے نرم لہجے سے اس بچی کو ساری بات سمجھائی ۔۔۔
نبیؐ نے مرمایا ۔۔۔ بدترین چور وہ ہے جو نماز میں چوری کرتا ہے ۔۔۔ صحابہ کرامؓ نے عرض کی کہ نماز میں کس طرح چوری کرے گا ۔۔۔۔ ارشاد فرمایا کہ اُسکا رکوع اور سجدہ اچھی طرح نہ کرے ۔۔۔۔
سمجھ گئی ۔۔۔ میں آئیندہ کبھی ایسے نہیں کروں گیی ۔۔۔ شاباش ۔۔۔ گوہر نے اس کو پیار سے دیکھا ۔۔۔
****************
نشاء ۔۔۔۔ مجھے پانی لا کر دو ۔۔۔ علی نے ہوم ورک کرتے ہوئے اپنی بہن کو پانی لانے کا کہا ۔۔۔۔
میں نہیں لاتی ۔۔۔ نشاء کارٹون دیکھتے ہوئے بولی ۔۔۔
بُری بات بیٹا ۔۔۔۔ ایسے نہیں کہتے اگر کوئی پانی مانگے تو اسے فوراً دے دینا چائیے ۔۔۔ بہت ثواب کا کام ہے ۔۔۔ اور آپ کو پتا ہے پانی دینے سے دس نیکیاں ملتی ہیں ۔۔۔ قریب بیٹھی دادی نے قرآن پاک پڑھتے ہوئے بچوں کی بات سنی تو سمجھاتے ہوئے بولی ۔۔۔
اچھا بھائی ۔۔۔ لے کر آتی ہوں ۔۔۔ دادی کی بات سن کر نشاء دوڑ کر گئی ۔۔۔
یہ لو ۔۔۔ پانی ۔۔۔ اس نے علی کو پانی کا گلاس دیتے ہوئے کہا ۔۔۔
دادو ۔۔۔ میں نے بھائی کو پانی دے دیا ۔۔۔ اب مجھے جلدی سے دیں ۔۔۔ نشاء نے دادی کے آگے ہاتھ رکھے کہا ۔۔۔۔۔
کیا دوں ۔۔۔ ؟ میری جان ۔۔۔
دس نیکیاں ۔۔۔ نشاء قدرے معصومیت سے بولی ۔۔۔۔
ہاہاہا ۔۔۔۔ بیٹا دس نیکیاں کوئی ایسی چیز تو نہیں ہوتی جو میں آپ کو دوں ۔۔۔۔ وہ فرشتے لکھ دیتے ہیں ۔۔۔ آپ یہ سمجھ لو کہ آپ کو ثواب ملا ہے ۔۔ آپ ان لوگوں میں شامل ہو گئی ہو جو اچھے کام کرتے ہیں ۔۔۔۔۔۔ دادی نے مسکراتے ہوئے کہا ۔۔۔
ہاہاہا ۔۔۔۔ دادو اس نے سمجھا ہوگا کہ دس نیکیاں کوئی کھانے کی مزےدار سی چیز ہوگی ۔۔۔ علی کاپی پر بنے ہوئے سیب میں رنگ بھرتے ہوئے نشاء کی بات پر ہنسا ۔۔۔
کیا ہوا ۔۔۔ کس بات پر اتنا ہنسا جا رہا ہے ۔۔۔ علی صاحب ۔۔۔۔۔ ؟ زکی باہر سے آکر علی کے پاس بیٹھتے ہوئے بولا ۔۔۔
چاچو ۔۔۔ یہ نشاء پاگل ہے ۔۔۔ میں نے اس سے پانی مانگا تو ۔۔۔۔ علی نے زکی کو نشاء کی بات بتائی ۔۔۔
ہاہا ۔۔۔ ادھر آئو ۔۔۔ میری گڑیا ۔۔۔۔ زکی نے نشاء کو اپنے پاس بلایا ۔۔۔
ہنس لیا تو نے ۔۔۔ چل اب کام کر آگے دیکھ کر ۔۔۔ ایسے رنگ بھرتے ہیں ۔۔۔ دکھا ادھر ۔۔۔ زکی نے علی کے ہاتھ سے پیلا رنگ لیا ۔۔۔
یہ دیکھو ۔۔۔ اس کو ایسے رکھ کے کرتے ہیں ۔۔۔ اور باہر نہیں نکالتے اب جہاں جہاں سے باہر نکلا ہوا ہے اس کو ریز کرو ۔۔۔ سمجھ آ گئی ۔۔۔
ٹھیک ہے ۔۔۔ اب دیں میں کرتا ہوں ۔۔۔ علی نے زکی سے رنگ واپس لیتے ہوئے کہا ۔۔۔
کیا کررہا تھا میرا بےبی ۔۔۔؟ زکی نے نشاء کو گود میں اُٹھاتے ہوئے کہا ۔۔۔
کارٹون دیکھ رہی ہوں ۔۔۔ نشاء نے نظریں ٹی وی پر رکھے کہا ۔۔۔
****************
نہیں بھائی ۔۔۔ میں امریکہ نہیں جانا چاہتی ۔۔۔ روشک نے منہ پھلائے سامنے رکھے لیپ ٹاپ پر دیکھتے ہوئے کہا ۔۔۔
بس چھوٹی ۔۔۔ بہت ہوگیا ۔۔۔ اب میں تمہارا ایک بہانہ نہیں سنوں گا ۔۔۔ پاکستان کی کسی یونیورسٹی میں تم ایڈمیشن لے نہیں رہی ۔۔۔ تو کیا ساری زندگی یوں ہی بیٹھے رہنا ہے تم نے ۔۔۔؟ میں نے ماما بابا سے بات کر لی ہے ۔۔۔ میں کچھ دنوں تک تمہاری سیٹ کنفرم کروا لوں گا ۔۔۔ تم اپنی تیاری شروع کر دو ۔۔۔ ویڈیو کال پر دوسری جانب دانش نے ۔۔ روشک کو خفگی سے سمجھاتے ہوئے کہا ۔۔۔
اوکے بھائی ۔۔۔ میں پیکنگ سٹارٹ کر دیتی ہوں ۔۔۔ روشک قدرے بیزاری سے بولی ۔۔۔
******************
میں اس لڑکی کو ڈھونڈوں گا کہاں ۔۔۔ کیسے اُس تک پہنچوں گا ۔۔۔ یااللہ مدد کریں ۔۔۔ جہاں اتنی ہنٹس دے دیں ۔۔۔ وہاں ایک اور نشانی دے دیں پلیز ۔۔۔ زکی دونوں بازوں باندھے سر کے نیچے رکھے پلنگ پر سیدھا لیٹا ہوا پنکھے کی طرف دیکھتے ہوئے بولا ۔۔۔
ترکی پہنچنے کے ٹھیک ایک دن بعد ہمارا کنسرٹ ہے ۔۔ پہلا دن تو کنسرٹ کی تیاریوں میں گزر جائے گا ۔۔۔ اُس کے بعد میں نے ایک لمحہ بھی ضائع نہیں کرنا ۔۔۔ سب سے پہلے استنبول میں ہی اُسے تلاش کروں گا ۔۔۔ پھر کہیں اور جائوں گا ۔۔۔ ہو سکتا ہے کہ وہ استنبول میں ہی مل جائے مجھے ۔۔۔ زکی نے من ہی من میں سوچتے ہوئے کہا ۔۔۔۔۔
*****************
آپ کی آواز بہت اچھی ہے ۔۔۔۔ آپ بہت ہینڈسم ہیں ۔۔۔ گاتے ہوئے تو آپ اور بھی حسین لگتے ہیں ۔۔۔۔ آٹوگراف پلیز ۔۔۔ سر پلیز سیلفی ۔۔۔۔۔ زکی نے اپنے اردگرد سب لوگوں کو اس کی تعریفیں کرتے سنا ۔۔۔ کوئی اس کا آٹوگراف مانگ رہا تھا تو کوئی اس کے ساتھ سیلفی لینے کے لئے بےتاب تھا ۔۔۔
وہ ایک تخت نما شے پر بیٹھا ہوا تھا ۔۔۔ اور لوگ اس کے آس پاس بیٹھنے کے لئے بےچین تھے ۔۔۔ پھر اچانک زکی وہاں سے اٹھا اور اپنی کچھ چیزیں جو اسے بہت زیادہ عزیز ہیں ان کو جلانے لگا ۔۔۔ وہاں بیٹھے سب لوگوں نے اسے روکا ۔۔۔ مگر اس نے کسی کی نہ سنی ۔۔۔۔ پھر کچھ ہی لمحوں کے بعد اس نے محسوس کیا کہ وہ تنہائ رہ گیا ہے ۔۔۔ اُس کے پاس اب کچھ بھی نہیں رہا ۔۔۔۔ نہ وہ شہرت ۔۔۔۔ نہ ہی وہ لوگ جو اس سے ملنے کے لئے بےچین تھے ۔۔۔ اسے تخت سے اٹھا کر نیچے گرا دیا گیا ۔۔ اور اب وہ زمین پر گرا عام سا شخص کسی کو مدد کے لئے پکار رہا تھا ۔۔۔ کوئی اس کو اُٹھانے کے لئے نہ آیا ۔۔۔۔ اچانک زکی نے دیکھا کہ وہی لڑکی چلتے ہوئے اس کے قریب آ رہی ہے ۔۔۔ آج پھر وہ ویسے ہی حلیے میں تھی جس حلیے میں وہ ہمیشہ آیا کرتی تھی ۔۔۔ اور آج بھی اُس نے زکی کو ایک کاغذ دیا ۔۔۔۔۔ جس میں لکھا تھا ۔۔۔۔ جو چیز تم سے لے لی گئی ہے ۔۔۔ ایک وقت ایسا بھی آئے گا کہ اُس کی یاد تمہارے ذہن و دماغ سے مٹا دی جائے گی اور عنقریب اللہ تمہیں وہ چیز عطا کرے گا جس کی تمہیں توقع بھی نہ تھی ۔۔۔۔ ہر چیز اللہ کے ہاتھ میں ہے اس کا بھروسہ رکھو ۔۔۔ کبھی بے سہارا نہیں رہو گے ۔۔۔۔
اس نے جیسے ہی یہ پڑھ کر اوپر دیکھا ۔۔۔ اُس لڑکی نے اپنا ہاتھ زکی کی طرف بڑھایا ۔۔۔ زکی نے اس کا ہاتھ تھام لیا ۔۔۔ اور اس کے سہارے سے اُٹھ کھڑا ہوا ۔۔۔ اپنے ہاتھ جھاڑے اور اُس لڑکی کے ساتھ چل پڑا ۔۔۔۔ آج وہ لڑکی اسے اکیلا چھوڑ کر نہیں جا رہی تھی بلکہ ۔۔۔۔۔ آج وہ زکی کو اندھیرے سے روشنی کی طرف اپنے ساتھ لے کر جا رہی تھی ۔۔۔۔
*********
آہ ہ ۔۔۔ زکی نے لمبے لمبے سانس لیتے ہوئے لیمپ اون کیا ۔۔۔ اور ٹیبل پر رکھا گلاس اٹھایا ۔۔۔۔
اس کا کیا مطلب ہوا ۔۔۔؟ زکی نے پانی کے ایک دو گھونٹ لئے ۔۔۔
وہ کیا چیز تھی جو میں جلا رہا تھا ۔۔۔۔ ایسا کیا تھا جس کے جلتے ہی سب مجھ سے دور ہو گئے ۔۔۔ یہ سب کیا ہے ۔۔۔ کچھ سمجھ نہیں آ رہا ۔۔۔۔ زکی نے ذہن پر دبائو ڈالا ۔۔۔۔
جو چیز تم سے لے لی گئی ہے ۔۔۔ ایک وقت ایسا بھی آئے گا کہ اُس کی یاد تمہارے ذہن و دماغ سے مٹا دی جائے گی ۔۔۔۔۔ کیا چیز ہے وہ ۔۔۔ جو مجھ سے چھن جائے گی ۔۔۔ زکی نے کنپٹی پر ہاتھ رکھے کہا ۔۔۔
****************
توبہ ایک ایسا دروازہ ہے جو موت کی ہچکی تک کھلا رہتا ہے ۔۔۔۔
دعا ایک ایسا عمل ہے جو تقدیر کو بھی مات دے سکتا ہے ۔۔۔۔
ضمیر ایک ایسا ساتھی ہے جو ہمیشہ حق کی راہ دکھاتا ہے ۔۔۔
گوہر پُرسکون سی بیٹھی بیان سن رہی تھی ۔۔۔۔ کہ اتنے میں اس کے موبائل پر کسی غیر نمبر سے فون آنے لگی ۔۔۔
وعلیکم اسلام ۔۔۔ جی میں گوہر ہی بات کر رہی ہوں ۔۔۔۔ کہئے ۔۔۔ دوسری طرف سے کسی کے پوچھنے پر گوہر نے جواب دیا ۔۔۔
******************
آمنہ مجھے ڈاکٹر کی فون آئی تھی ۔۔۔ انہوں نے آنٹی کو
استنبول کے ہسپتال میں شفٹ کر دیا ہے ۔۔۔ آنٹی کی طبیعت بہت زیادہ خراب ہے ۔۔۔۔ گوہر نے مسجد سے نکلتے ہوئے آمنہ کو بتایا ۔۔۔
اوہو ۔۔۔ تم فکر نہیں کرو ۔۔۔ سب ٹھیک ہو جائے گا ۔۔۔ انشاءاللہ ۔۔۔ آمنہ نے گوہر کو تسلی دیتے ہوِئے کہا ۔۔۔
مجھے وہاں جانا ہوگا ۔۔۔
کیسے جائو گی تم ۔۔۔ ؟
پتا نہیں یار ۔۔۔ مگر مجھے لازمی جانا ہے آنٹی کی خیریت معلوم کرنے کے لئے ۔۔۔
اچھا تم نے جس دن جانا ہوا ۔۔۔ مجھے بتانا ۔۔۔ میں تمہارے ساتھ چلوں گی ۔۔۔۔
*************
ہمیں اس رشتے پر کوئی اعتراض نہیں ہے ۔۔۔ کل ہم سب آئیں گے آپ کی طرف رسم کرنے کے لئے ۔۔۔۔۔ قدسیہ کو میرا بہت سارا پیار دینا ۔۔۔ فاطمہ سلطان مسز الیان سے فون پر بات کرتے ہوئے بولی ۔۔۔
بہت مبارک ہو آپ کو ۔۔۔
آپ کو بھی بہت مبارک ہو ۔۔۔ بھابھی ۔۔۔ چلیں میں فون رکھتی ہوں ۔۔۔ کل ملاقات ہوتی ہے ۔۔۔
اوکے ۔۔۔ خداحافظ ۔۔۔ مسز الیان نے فون رکھا ۔۔۔
کس سے بات کر رہی تھی ممی ۔۔۔؟ قدسیہ نے ناشتے کی میز پر بیٹھتے ہوئے پوچھا ۔۔۔
زکی کی موم سے ۔۔۔ رشتے کے لئے ہاں کر دی انہوں نے ۔۔۔
اچھا ۔۔۔ قدسیہ نے جوس کا گھونٹ بھرا ۔۔۔
کیا ہوا بیٹا ۔۔۔ تم خوش نہیں ہو ۔۔۔؟ قدسیہ کی ممی نے اس کے چہرے کے بدلتے ہوئے تاثرات دیکھ کر پوچھا ۔۔۔
ممی ۔۔۔ زلقرنین بہت عجیب قسم کا انسان ہے ۔۔۔
کیوں کیا ہوا ۔۔۔؟ کل تک تو تم اسے بہت پسند کرتی تھی اب کیا ۔۔۔؟
کل رات میں نے اس کو فون کیا ۔۔۔ پہلے تو اٹھا نہیں رہا تھا ۔۔۔ جب فون اٹھا لیا اتنے بُرے طریقے سے بات کی اس نے مجھ سے ۔۔۔۔۔
بیٹا ۔۔۔ مصروف ہوگا کسی کام میں ۔۔۔ زلقرنین اچھا لڑکا ہے ۔۔۔ تمہیں بہت خوش رکھے گا ۔۔۔۔
*********