پڑھ پیار والے قاعدے چوں کہانیاں کم سوکھا نئیں لگیاں نبھانڑیاں
دِل روز بدلان والی چیز نئیں پیار پیار ہوندا اے گل دی قمیض نئیں
رَکھیں یاد نہ بھلاویں دِل جانیاں کم سوکھا نئیں لگیاں نبھانڑیاں
پہلے پیار والی پہلی گل بات دَا بڑا آیا اِے سواد ملاقات دَا
پایا شور بڑا وَنگاں مر جانیاں کم سوکھا نئیں لگیاں نبھانڑیاں
تتی ہیر نوں جدائی تھاں مار گئی سسی تپدیاں ریتاں اَگے ہار گئی
چنگی کیتی نئیں سوہنی دِے نال پانڑیاں کم سوکھا نئیں لگیاں نبھانڑیاں
بھانویں لکھ واری چلی جاوے جان وے سوچا جاندا نئیں او فائدہ نقصان وے
پیار منگ لیوے جدوں قربانیاں کم سوکھا نئیں لگیاں نبھانڑیاں
