جدوں ویکھاں چن چڑھدا تینوں یاد کراں تینوں پیار کراں
توں نظر جے آویں مینوں ربا شکر ہزار کراں
توں پیار دی مورت حسین تیرا جواب نہیں
رنگین ادا سوہنڑی وفا ایسا شباب نہیں
تیرے حسن دا میں رج رج کے اج کیوں نہ دیدار کراں
جدوں ویکھاں چن چڑھدا تینوں یاد کراں تینوں پیار کراں
لفظاں اچ توں گیتاں اچ توں شاعر دا ارمان توں
تیرے بناں میں کچھ وی نہیں بنڑ میری پہچان توں
میری سوچاں وچ وسدی ایں میں کیویں انکار کراں
جدوں ویکھاں چن چڑھدا تینوں یاد کراں تینوں پیار کراں
روز ازل تینوں ویکھ کے کیتا سی اے فیصلہ
اج دا نہیں صدیاں دا اے تیرا میرا سلسلہ
وعدہ کیتا سی نال میں تیرے اج او اظہار کراں
جدوں ویکھاں چن چڑھدا تینوں یاد کراں تینوں پیار کراں
