مینارِ اُردو مارچ ۲۰۲۲ء

ھوتا ھے نیا روز وقوعہ مرے آگے
آتا ھے سرخم وہ شناسا مرے آگے
وہ گل تھا کلی تھی کہ وہ غنچہ سمن تھا
اے کاش! مرا بن کے نکھرتا مرے آگے
پاگل ھیں جو کرتے ھیں تلاش اھلِ وفا کی
کہتا ھے یہ ھر روز فرشتہ مرے آگے
جنت کی ھے چاھت وہ ھے حوروں کا طلبگار
نکلا ھے ثناخوان بھی جھوٹا مرے آگے
اک اس کی ھی عزت کا ھمیں پاس تھا ورنہ
میں دیکھتا وہ کیسے مکرتا مرے آگے
ھے واسطہ مجھ کو بھی فقیروں سے سراسر
کوئی نہیں قارون کا رتبہ مرے آگے
خاموش سمندر ھوں محبت کا میں لیکن
آیا ھی نہیں کوئی بھی پیاسا مرے آگے
اب ترک مراسم کے سوا کچھ نہیں طالبؔ
اب اور نہیں کوئی بھی رستہ مرے آگے