مینارِ اُردو مارچ ۲۰۲۲ء

نہ جشنِ بادہ کی خواہش، نہ تابِ عِشوہ گری
ہمیں تو بس ہے عطائے عتابِ نا قدری
ہے ریزہ ریزہ یقیں اور دُھواں دُھواں ہے گُماں
یُوں چھا رہا کے دلوں پر سحابِ بے بصری
میں کون ہوُں میں کہاں ہُوں ، مُجھے نہیں معلُوم
کہ ایسے روند رہا ہے عذابِ در بدری
ہے دِل فِگار ، جگر پارہ پارہ، خستہ جان
طلسم کوئی دکھا اے حبابِ بے ہُنری
ہے لمحہ عبارت ورق ورق پہ مِرے
تُجھے عزیز ہے لیکن نصابِ بے خبری
خُوشا کہ چاروں طرف ہے ہجُومِ چارہ گراں
بتائے ان کو کوئی جو آدابِ چارہ گری
زمین بولے گی اور مہر و مہ بھی ہوں گے گواہ
جو پُوچھا جائے گا تُم سے حسابِ کم نظری