مینارِ اُردو مارچ ۲۰۲۲ء

آئے بھی تو ھو مُنھ کو چُھپائے مِرے آگے
اِس طَرح سے آئے کہ نہ آئے مِرے آگے
دِل میں نے لگایا ھے مَگر دیکھیئے کیا ھو
سب جِھینکتے ھیں اپنے پَرائے مِرے آگے
بُجھتے ھُوئے دیکھوں گا نہ میں دِل کی لگی کو
کوئی نہ کبھی شَمع بُجھائے مِرے آگے
کیا دَم کا بَھروسہ ھے پِھر آئے کہ نہ آئے
جانا ھو قاصِد کو تو جائے مِرے آگے
کُچھ تَذکرہ رنجِش معشُوق جو آیا!
دُشمن کے بھی آنسُو نِکل آئے مِرے آگے
مانگی ھے دُعا وَصل کی اور کُچھ نہ سَمجھو
کوسا ھُوا اگر میں نے تو آئے مِرے آگے
تَیور یہی کہتے تھے کہ یہ نام ھے میرا
لِکھ کر حَرف اُس نے مِٹائے مِرے آگے
دیکھـے تو کـوئی قاصِد جاناں کی دلیری
واپِس مِرے خَطّ لا کے جَلائے مِرے آگے
بِچھڑے ھُوئے معشُوق مِلیں سب کو الٰہی
تنہا کوئی جَنَّت میں نہ جائے مِرے آگے
مَحشر میں بھی ھے خُواھش خِلوت مُجھے اُن سے
کہتا ھُوں کیا میرا نہ آئے مِرے آگے
کُچھ داغ کا مذکُور جو آیا تو وہ بولے
آئے تھے بُرا حال بَنائے مِرے آگے