مینارِ اُردو جنوری ۲۰۲۲ء

مجھ کو صد خاک ضعیفی میں قضا یاد آئی
جام چھلکے تو جوانی کی ادا یاد آئی
دشت ہجراں کے مسافر ہیں کہ ہم کو سر شام
طاق میں جلتے چراغوں کی ضیا یاد آئی
راہ الفت میں نکل آئے ہم اتنا آگے
مڑ کے دیکھا تو زمانے کی صدا یاد آئی
باغباں کا ہے نہ شاخوں سے بچھڑنے کا ملال
برگِ خستہ کو بہاروں کی جفا یاد آئی
خیر ہو ابر گریزاں کیوں جم کر برسا
سنگ دل کو مرے اشکوں کی ادا یاد آئی
وہ پشیمانِ ستم خود سے لپٹ کر رویا
اس ستمگر کو مری آج وفا یاد آئی
اس تبسم پہ فقط ، ختم ہوا بابِ شفا
درد دل کی نہ طبیبوں کو دوا یاد آئی