مینارِ اُردو جنوری ۲۰۲۲ء

باقی جو دُوئی کا نہیں پردہ مِرے آگے
یَکساں ھُوئے کعبہ و کَلیسا مِرے آگے
تاب رُخِ دِلدار نہ تھی طُور کو دیکھا
کیا فَخر کریں حَضرتِ مُوسیٰ مِرے آگے
وہ نالہء پُردَرد سے دَر پر نِکل آیا
قُدرت کا ہوا آج تَماشا مِرے آگے
ایماں کی تَمنّا ہے فِدا تُجھ پہ کرُوں مَیں
لِلّہ نِکل او بُتِ تَرسا مِرے آگـے
جے زِندگی اپنی بُتِ جاں بَخش پہ موقُوف
ھے بازیِ طِفلاں قُمِ عِیسیٰ مِرے آگے
پَروانے کی ہِمَّت ہے نہ پِھر ہِجر کو دیکھا
بُلبُل تُو نہ کر عِشق کا دَعویٰ مِرے آگے
معشُوق کو مَحبُوس کِیا وائے مُحبَّت
کیا عِشق کا لے نام زُلیخا مِرے آگے
ہے جُزو سے حاصِل مُجھے اب کُل کا تَماشا
قَطرہ کو جو دیکُھوں تو ہے دَریا مِرے آگے
مَیں رِندِ سبُوکش ہوں نہیں زُہد سے کُچھ کام
ھاں چاھِیے اِک ساغِر و مِینا مِرے آگے
کیفیّتِ قارُوں سے جو واقِف ہوں مَیں بِہرامؔ
کُچھ مال نَہیں دَولتِ دُنیا مِرے آگے