مینارِ اُردو فروری ۲۰۲۲ء

ہَوا کا لَمس جو اَپنے کِواڑ کھولتا ہے
تَو دير تَک مِرے گھر کا سُکُوت بولتا ہے
ہَم اَيسے خاک نَشِيں کَب لُبھا سکيں گے اُسے
وہ اَپنا عَکس بھی مِيزانِ زَر ميں تَولتا ہے
جو ہوسکے تَو يہی رات اوڑھ لے تَن پر
بُجھا چراغ اَندھیرے ميں کيوں ٹَٹولتا ہے
اُسی سے مانگ لو خيرات اُس کے خوابوں کی
وہ جاگتی ہُوئی آنکھوں ميں نِيند گھولتا ہے
سُنا ہے زَلزلے آتے ہیں عرش پر محسنؔ
کہ بے گُناہ لَہُو جَب سِناں پہ بولتا ہے