میرے محرم

اور آ نکھ کھلنے پر اس کی ساری دنیا بدل چکی تھی۔۔۔۔۔۔
اب اس کی آ نکھوں کے سامنے اندھیرا نہیں تھا۔۔۔۔
لیکن اب اس کی ساری کی ساری زندگی میں اندھیرا چھانے والا تھا۔۔۔۔
وہ ایک بڑا سا روشن اور صاف ستھرا بیڈ روم تھا۔۔۔۔۔
لیکن اس میں کوئ کھڑکی۔۔۔ کوئ روزن نہیں تھا۔۔۔۔
بس ایک مضبوط سا دروازہ تھا۔۔ جو کہ لاکڈ تھا۔۔۔۔۔
ہوش آنے پر اس کا ذہن آہستہ آہستہ بیدار ہوا اور خود کے ساتھ ہوا حادثہ تمام جزئیات سمیت اسے یاد آیا ۔۔۔۔
وہ بوکھلا کر اٹھی۔۔۔۔۔
دروازے کو زور زور سے پیٹتے ہوۓ وہ بہت زیادہ چیخی چلائ۔۔۔۔۔۔
مدد کے لیے پکارتی رہی۔۔۔
کتنے گھنٹے گزر گۓ لیکن۔۔۔۔ ایسے لگتا تھا جیسے باہر کوئ ذی روح موجود نہ تھا۔۔۔۔۔۔
جیسے کسی جنگل میں موجود کسی ویران کھنڈر کے ایک کمرے میں قید کر دی گئ تھی۔۔۔۔۔۔
"کوئ تو سن لو پلیز۔۔۔ ہیلپ می۔۔۔۔ مجھے گھر جانا ہے۔۔۔۔۔۔ ابا جان پریشان ہوں گے بہت۔ سب میری راہ دیکھ رہے ہوں گے۔۔۔۔۔ "
وہ تھک کر دروازے کے پاس بیٹھ گئ۔۔۔ اور پھوٹ پھوٹ کر رو دی۔۔۔۔۔۔
لیکن کوئ نہیں آیا۔۔۔۔۔ ساری رات گزر گئ۔۔۔۔۔۔
اور اگلا آدھا دن۔۔۔۔
وہ چلا چلا کر تھک چکی تھی۔۔۔ گلا خراب اور آ نکھیں سوج چکی تھیں۔۔
پھررات ہو گئ۔۔۔ جانے کون سے پہر دروازہ کھلا۔۔۔۔۔
کوئ آ ہستگی سے کمرے میں داخل ہوا۔۔۔۔۔
وہ بیڈ کا سہارا لے کے بمشکل اٹھی۔۔۔
وہ کوئ خادمہ تھی۔۔۔۔ بڑی سی چادر کا گھونگھٹ نکالے, نظریں جھکاۓ کمرے میں داخل ہوئ۔۔۔ اور ٹیبل پر کھانا رکھ کے خاموشی سے مڑنے لگی۔۔۔۔۔
مہر نے لپک کر اسے دبوچا۔۔۔۔۔ اور جھنجھوڑ ڈالا۔۔۔۔۔۔۔
"پلیز میری ہیلپ کرو۔۔۔ مجھے باہر جانے دو۔۔۔۔ کسی کو بلاؤ مدد کے لیے پلیز۔۔۔۔۔ "
وہ اس کی منتیں کر رہی تھی۔۔۔۔۔
لیکن وہ۔۔۔ نظریں جھکاۓ خاموش سی کھڑی تھی۔۔۔۔۔ ایسے جیسے وہ کوئ روبوٹ ہو۔۔۔۔۔۔
ایسے۔۔ جیسے اس کہ منہ میں زبان نہ ہو۔۔۔۔۔
دروازہ کھلا تو وہ خادمہ دروازے کی جانب چل پڑی۔۔۔۔
مہر اس سے زیادہ تیزی سے دروازے کی جانب بھاگی۔۔۔۔ دروازے کی ہلکی سی درز سے اسے باہر اندھیرا دکھائ دیا۔۔۔۔۔
گھپ اندھیرا۔۔۔۔۔۔
باہر نکلنے کی کوشش میں سامنے سے کسی مردانہ ہاتھ نے سخت سی گرفت سے اس کا بازو دبوچا اور کمرے میں دھکیل دیا۔۔۔۔۔۔
وہ دیکھ سکتی تھی۔۔۔۔۔ باہر مسلح پہرہ دار موجود تھا۔۔۔۔
اس ملازمہ کے جانے کے بعد دروازہ پھر سے لاکڈ ہو گیا۔۔۔۔۔۔
"نہیں۔۔۔۔۔ مجھے جانے دو۔۔۔۔ "
وہ چیختی ہوئ دروازے کی طرف لپکی۔۔۔۔۔۔
"کھولو دروازہ پلیز۔۔۔۔ "
اس نے دروازہ پیٹا۔۔۔
"ایسا کیوں کر رہے ہو میرے ساتھ۔۔۔۔ ؟"
وہ سسکتی ہوئ نیچے بیٹھ گئ۔۔۔۔
____
اگلے دن وہی ملازمہ کمرے سے جوں کی توں بھری ہوئ ٹرے اٹھا کر خاموشی سے واپس لے گئ۔۔۔۔۔
اور مہر۔۔۔۔
دیوار سے ٹیک لگاۓ۔۔۔ خاموش سی بیٹھی اسے دیکھتی رہی۔۔۔۔۔۔
ہر روز تین وقت کا کھانا اس کے کمرے میں آ تا اور ویسے کا ویسے ہی واپس چلا جاتا۔۔۔۔۔
اس کمرے میں آ نے والی اس واحد ملازمہ نے جیسے اپنے ہونٹ سی رکھے تھے۔۔۔۔۔۔
وہ زیادہ دن کھانے سے منہ نہ موڑ سکی۔۔۔۔
چوتھے دن بھوک سے بے حال ہوتے ہوۓ۔۔۔ بمشکل خود کو گھسیٹ کر کھانے تک لے گئ اور کھانا کھانے لگی۔۔۔۔۔
پہلی بار وہ زندگی میں کھانا کھاتے ہوۓ پھوٹ پھوٹ کر روئ تھی۔۔۔۔۔
_____
_____
دن گزرتے گیۓ ۔۔۔۔
وہ اب نہ روتی تھی, نہ چلاتی تھی۔۔۔۔۔ نہ ہی کسی سے کوئ سوال کرتی تھی۔۔۔۔
اس کی ضرورت کی ہر شے کمرے میں رکھ دی جاتی۔۔۔۔۔۔۔
اسے دنوں کا حساب اور رات دن کی تفریق بھول چکی تھی۔۔۔۔
پتا نہیں وہ کب سے یہاں تھی۔۔۔۔ دو ہفتے, تین ہفتے۔۔۔ ایک مہینہ۔۔۔۔ ڈیڑھ مہینہ۔۔۔۔۔۔
اس کے ہونٹوں پر مستقل چپ کی مہر تھی۔۔۔۔۔
کوئ بھی انسانی آ واز,
یہاں تک کہ خود کی آ واز بھی سنے اسے جانے کتنا وقت بیت گیا تھا۔۔۔۔۔۔
وہ جو آ زادی کی خواہاں تھی۔۔۔۔۔
اس لڑکی نے کئ دن ہوۓ۔۔۔ کھلا آ سمان نہیں دیکھا تھا۔۔۔۔۔۔۔
آ زاد فضا نہیں دیکھی تھی۔۔۔۔۔۔۔
زندگی ایک بند کمرے تک محدود ہو کر رہ گئ تھی۔۔۔۔۔
وہ جو ہر وقت کھلکھلاتی تھی۔۔۔۔۔
جس کی ہنسی ہر پل اسکے ارد گرد گونجتی تھی۔۔۔۔۔۔
آ ج وہ ہنسنا بھول چکی تھی۔۔۔۔
جامد ہونٹوں اور۔۔۔۔ پتھر آ نکھوں کے ساتھ خلا میں گھورتی رہتی۔۔۔۔۔۔
ایک حادثہ۔۔۔۔۔۔۔۔۔
صرف ایک حادثہ۔۔۔۔
انسان کو اندر باہر سے بدل کر رکھ دیتا ہے۔۔۔
اور یہ ایک حادثہ۔۔۔ جانے کب سے ہماری تقدیر میں لکھا ہوتا ہے۔۔۔۔ کتنے عرصے سے اس کی پلاننگ ہو رہی ہوتی ہے۔۔۔۔۔۔
کب سے یہ صحیح وقت کے آ نے کا انتظار کر رہا ہوتا ہے۔۔۔۔۔۔۔
"وقت کرتا ہے پرورش برسوں۔۔۔۔۔۔۔
حادثہ ایکدم سے نہیں ہوتا۔۔۔۔۔۔۔۔۔۔ "
_____
_____
فاطمہ فیری ٹیلز کی باتیں کیا کرتی تھی۔۔۔۔۔
شہزادوں کی کہانیاں۔۔۔۔۔
پریوں , ظالم جنات اور جادوگروں کے قصے سنایا کرتی تھی۔۔۔۔۔۔۔
لیکن اسے فیری ٹیلز نہیں پسند تھیں۔۔۔۔ کیونکہ اس کے نزدیک یہ ایک سہانے خواب سے زیادہ کچھ نہیں۔۔۔۔۔
فاطمہ اکثر اس سے پوچھا کرتی تھی۔۔۔۔۔ "تمہیں کوئ پرنس چاہیے ؟"""
اور وہ کہتی تھی" نہیں۔۔۔۔"
لیکن کاش آ ج فاطمہ اس کے سامنے ہوتی تو وہ اسے کہتی ۔۔۔
"ہاں مجھے ایک پرنس چاہیے۔۔۔۔۔۔۔ مجھےچاہیے ایک شہزادہ۔۔۔ "
کیونکہ فاطمہ نے اسے بتایا۔۔۔۔۔
ہر فیری ٹیل میں مظلوم پریوں۔۔۔ اور قید شہزادیوں کو آ زادی دلوانے کے لیے کوئ پرنس۔۔۔۔ کوئ شہزادہ آ یا کرتا تھا۔۔۔۔۔۔۔۔"مجھے یہاں سے آ زاد کروا دیں اللہ۔۔۔۔ کسی کو بھیج دیں۔۔۔۔۔ میری مدد کے لیے۔۔۔ کسی پرنس کو بھیج دیں پلیز۔۔۔۔۔ """
وہ تڑپ تڑپ کر رو رہی تھی۔۔۔۔۔
فرش پر بیٹھی ۔۔۔ بیڈ سے سر ٹکاۓ۔۔۔۔ سفید, صاف ستھرے, کھلے لمبے سے لباس اور بکھرے بالوں کے ساتھ۔۔۔۔ وہ کوئ قید پری ہی لگ رہی تھی۔۔۔۔۔
آ نکھوں کے گرد حلقے۔۔۔۔ مرجھایا چہرہ۔۔۔۔
وہ کیا تھی۔۔۔ اور کیا بن گئ تھی۔۔۔۔۔
آ ہستگی سے دروازے پر دستک کی آ واز سنائ دی۔۔۔۔
دستک۔۔۔ مدھم سی۔۔۔ میٹھی سی۔۔۔۔۔
وہ چونکی۔۔۔۔۔
چند لمحوں بعد دروازہ ہولے سے کھلا۔۔۔۔ اور کوئ اندر داخل ہوا ۔۔۔۔کھلے دروازے سے باہر سورج کی تیز ,چبھتی ہوئ روشنی کی شعاعیں اندر داخل ہوئیں۔۔۔۔
اس کی آ نکھیں ایک لمحے کیلیۓ۔۔۔۔ چندھیا سی گئیں۔۔۔۔
اس نے جھٹکے سے آ نکھوں پر ہاتھ رکھا۔۔۔۔۔
دروازہ بند ہوا تو اس نے دیکھا۔۔ وہ ایک دراز قد شخص تھا۔۔۔۔۔
سیاہ شلوار قمیص میں ملبوس۔۔۔۔ کندھوں پر چادر ڈالے۔۔۔۔ سیاہ آ نکھوں, سیاہ بالوں والا وہ شخص۔۔۔۔ بے انتہا خوبصورت شخص۔۔۔۔
اسے وہ اس دنیا کا نہیں لگا۔۔۔۔۔۔
وہ کسی شہزادے جیسا تھا۔۔۔۔۔۔۔
"شہزادہ۔۔۔۔۔ " وہ بے آ واز بڑبڑائ۔۔۔۔۔
دل ایکدم زور سے دھڑکنے لگا۔۔۔۔
"مہر سلیمان۔۔۔۔۔۔۔ "
وہ خاموش۔۔ بے تاثر نظروں سے اسے دیکھتے یوۓ بولا۔۔۔۔۔
اور عرصے بعد اس نے کوئ انسانی آ واز سنی۔۔۔۔۔
کسی کے منہ سے اپنا خود کا نام سنا۔۔۔۔۔
وہ آ واز, وہ لہجہ۔۔۔ وہ شخص, اس کا چہرہ۔۔۔۔۔ اس کا ایک ایک نقش اس کے ذہن کی پرتوں میں محفوظ ہوتا چلا گیا۔۔۔۔۔۔۔۔۔۔
وہ ایکدم مسکرائ۔۔۔۔ اور لڑکھڑاتی ہوئ اٹھ کھڑی ہوئ۔۔۔۔۔
"آ پ پرنس ہیں۔۔۔۔ ہے نا ؟"
وہ آنکھوں میں امیدوں کے ہزاروں دیے جلاۓ, سوالیہ نظروں سے اس سے پوچھ رہی تھی۔۔۔۔۔۔۔
"فاطمہ نے کہا تھا۔۔۔۔ پرنس آ تے ہیں۔۔۔ آ زادی دلوانے۔۔۔۔۔ آ پ پرنس ہیں نا؟؟؟؟؟
اسے اس معصوم لڑکی کی آ نکھوں میں ایکدم سے اتنی چمک۔۔۔۔ اتنی روشنی محسوس ہوئ کہ نظریں ہٹانا مشکل ہو گیا۔۔۔۔۔
"مجھے یہاں سے باہر نکال دیں۔۔۔۔ مجھے گھر جانا ہے۔۔۔۔
پلیز آ پ ہیلپ کریں میری۔۔۔۔۔ "
وہ کتنی آ س۔۔۔ کتنی التجا آ نکھوں میں لیے بول رہی تھی۔۔۔۔۔
"پلیزمیری مدد کریں۔۔۔۔ "
لیکن۔۔۔
وہ شخص خاموش تھا ۔۔۔۔۔۔
بالکل خاموش۔۔۔۔۔ لبوں کو سیے ہوۓ ۔۔۔۔۔۔
وہ ایکدم ٹھٹھکی۔۔۔۔
"آ پ مجھے آ زاد کروائیں گے نا۔۔۔۔۔ ؟"
اس کے لہجے میں کسی چیز کا خوف تھا۔۔۔۔ کوئ ڈر تھا۔۔۔۔۔
"آ پ بول کیوں نہیں رہے۔۔۔۔ مجھے یہاں سے نکالنے آ ۓ ہیں ناں۔۔۔ ؟ آ پ کوئ پرنس ہیں۔۔۔۔ ہے ناں ؟"
اس لڑکی کے لہجے میں اب مایوسی کی جھلک۔۔۔ بے تحاشا خوف اور ٹوٹتی ہوئ امید کی ذرا سی رمق تھی۔۔۔۔۔
اس کی آ واز لرز رہی تھی۔۔۔۔۔۔
"میرا دم گھٹتا ہے یہاں۔۔۔۔ میں نے اتنے دن گزر گیۓ ۔۔۔ باہر کی دنیا نہیں دیکھی۔۔۔ کھلا آ سمان نہیں دیکھا۔۔۔۔۔۔
میں کسی اجنبی دنیا میں آ گئ ہوں۔۔۔۔۔ یہاں میرے اپنے نہیں ہیں۔۔۔۔ پلیز مجھے میری دنیا میں لے چلیں۔۔۔۔۔ "
وہ اس کے سامنے ہاتھ جوڑتی ہوئ سسک اٹھی۔۔۔۔۔۔
"مہر سلیمان۔۔۔۔ تمہاری وہ دنیا۔۔۔ تمہارے وہ اپنے۔۔۔۔ سب ماضی کا حصہ بن چکے۔۔۔۔ تمہاری وہ دنیا ختم ہو چکی۔۔۔ ہمیشہ کے لیے۔۔۔۔۔ "
وہ عجیب۔۔۔ سرد سے لہجے میں بولا۔۔۔۔۔
مہر ششدر سی اسے دیکھے گئ۔۔۔۔۔۔
"یہ۔۔۔ یہ کیا کہہ رہے آ پ۔۔۔۔ ؟"
اس کی آ واز کانپی۔۔۔۔
چند لمحے پہلے کا امیدوں کا محل دھڑام سے زمین بوس ہوا۔۔۔۔۔۔
"مم۔۔۔ میرے ابا جان۔۔۔ ابا جان ہیں وہاں۔۔۔۔ چھوٹی امی ہیں۔۔۔ گڈو۔۔۔ گڈو ہے۔۔۔۔ میری بہنیں۔۔۔ بھائ۔۔۔۔ "
وہ اٹک اٹک کر بول رہی تھی ۔۔۔۔۔ اس کا وجود خوف سے کانپنے لگا۔۔۔۔۔
"وہ سب میرا انتظار کر رہے ہیں۔۔۔ وہ سب میرا۔۔۔۔۔ "
اس کا گلا رندھ گیا۔۔۔ آ واز پھٹ سی گئ۔۔۔۔۔
"مم۔ ۔ میرا انتظار کر رہے ہیں۔۔۔۔۔ "
وہ کانپتے ہاتھوں سے۔۔ سر کے بال جکڑتی ہوئ بولی۔۔۔۔۔
اس کی آ نکھوں میں اتنا خوف تھا کہ سامنے کھڑے شخص کو اپنا دل ڈ وبتا ہوا محسوس ہوا۔۔۔۔۔
اسے لگا وہ نازک لڑکی۔۔۔ ابھی صدمے اور خوف سے مر جاۓ گی۔۔۔۔۔۔
"سنومہر سلیمان۔۔۔۔۔غور سے سنو مجھے۔۔۔۔"
وہ دو قدم اس کے قریب آ یا۔۔۔۔
مہر کی آ نکھوں میں بے تحاشا خوف تھا۔۔۔۔۔
"آ ج سے دو مہینے پہلے ایک حادثہ ہوا تھا۔۔۔۔۔ یہاں سے میلوں دور۔۔۔۔ تمہارے شہر میں۔۔۔۔ چند کالج کی لڑکیوں کے ساتھ ایک حادثہ ہوا تھا۔۔۔۔۔ "
اس نے ایک ایک لفظ پر زور دیا۔۔۔۔
مہر نے نا سمجھی سے اسے دیکھا۔۔۔۔
یہ۔۔ یہ کیا کہہ رہے تھے وہ۔۔۔۔۔۔
"مم۔۔۔۔ مطلب۔۔۔ ؟"
"مطلب یہ کہ۔۔۔ کالج کی کچھ لڑکیاں۔۔۔۔ کالج واپسی پر جا رہی تھیں۔۔۔ جب ان کے ساتھ ایک حادثہ ہوا۔۔۔۔
ان کی ایک دوست۔۔۔ جس کا نام مہر سلیمان تھا۔۔۔ جو تیرنا بھی نہیں جانتی تھی۔۔۔۔ ان کی آنکھوں کے سامنے تیز رفتار گاڑی سے ٹکرا کر سڑک کے ساتھ بہتی, منہ زور پانی سے بھری نہر میں جا گری ۔۔۔۔۔
کچھ لوگ اسے بچانے کی لیے کودے۔۔۔۔ لیکن پانی کی تیز لہریں اسے بہا کر لے جا چکی تھیں۔۔۔۔۔ "
مہر پھٹی آ نکھوں سے اسے دیکھ رہی تھی۔۔۔۔۔
لیکن وہ پتھریلے لہجے میں بولتا چلا جا رہا تھا۔۔۔
"مہر کی دوستوں نے۔۔۔ گاڑی والے اس شخص نے اور وہ لوگ جو پانی میں کودے تھے۔۔۔۔ سب نے اپنی آ نکھوں سے وہ حادثہ دیکھا۔۔۔۔۔ اور ان سب نے خود مہر سلیمان کے والد کو یہ آ نکھوں دیکھا واقعہ بتایا۔۔۔۔۔
وہ ہر احساس سے عاری لہجے میں بول رہے تھے۔۔۔۔ ان کا ایک ایک لفظ مہر کے کانوں میں پگھلے ہوۓ سیسے کی طرح لگ رہا تھا۔۔۔۔۔۔
اس کی آ نکھیں حیرت و خوف سے پھٹ سی گئیں۔۔۔
"یہ۔۔ یہ سب غلط ہے۔۔۔
جھوٹ۔۔۔۔ جھوٹ ہے یہ۔۔۔۔۔
ایک ایک لفظ جھوٹ۔۔۔ ایسا کچھ نہیں ہوا تھا۔۔۔۔۔ "
وہ نفی میں سر ہلاتی پیچھے ہٹی ۔۔۔۔
"ایسا ہوا تھا۔۔۔ مہر سلیمان کے والد نے کئ روز تک نہر کے گہرے۔۔۔ پر شور پانی میں اپنی بیٹی کی لاش تلاش کی۔۔۔۔۔ اور بالآخر مایوس ہو گیا۔۔۔۔۔۔ اتنے دن گزر گیۓ ۔۔۔۔۔۔
اب اسے اپنی بیٹی کی موت پر صبر بھی آ نے لگا ہے۔۔۔۔۔۔۔۔ "
"نہیں۔۔۔ یہ سب سازش ہے۔۔۔۔۔ سب لوگوں کی مل کر کی گئ سازش ہے۔۔۔۔ ان کو جھوٹ بتایا گیا۔۔۔ میرے ابا جان کو جھوٹ بتایا گیا۔۔۔۔۔
انہوں نے کیوں یقین کر لیا۔۔۔۔۔۔
انہوں نے کیوں۔۔۔۔۔ "
وہ بے دم سی ہو کر نیچے گری۔۔۔۔ اور پھوٹ پھوٹ کر رو دی۔۔۔۔
"اس حقیقت کو قبول کرو مہر سلیمان۔۔۔۔۔۔ تم۔۔۔ مر چکی ہو۔۔۔۔۔ "
اور وہ چیخ چیخ کر رو دی۔۔۔۔۔۔۔
اپنی خود کی موت پر۔۔۔۔۔
ایسا ہوتا ہے کیا کبھی۔۔۔۔ ؟
وہ اتنے دنوں سے اندر ہی اندر ٹوٹ رہی تھی۔۔۔۔ اور آ ج۔۔۔۔۔
آ ج وہ اندر سےواقعی مر گئ تھی۔۔۔۔۔۔۔
"اللہ۔۔۔۔۔۔۔۔ "
وہ چیخی۔۔۔۔۔
"میری سانسیں کیوں نہیں بند ہو جاتیں۔۔۔۔۔ کیوں میرا دل نہیں رک جاتا۔۔۔۔۔ "
وہ تڑپ رہی تھی۔۔۔۔۔
۔۔۔۔
سامنے کھڑے ظالم شہزادے نے ترحم سے اسے دیکھا۔۔۔۔
اور مڑ کر کمرے سے نکل گیا۔۔۔۔۔۔۔ 💔
___________