چھوڑ لاہور دے بنگلے ڈھولا چنگا اِے اپنا شہر وے آ میانوالی راواں دِلدار وے آ میانوالی راواں دِلدار
شام دے ویلے سرکار ونج پتناں تے بہسوں چھیڑ کے دلاں والے تار اہدے ہک با توں رہسوں
سندھ دریا دی منٹر تے باہ کے رج رج کرسوں پیار وے آ میانوالی راواں دِلدار وے آ میانوالی راواں دِلدار
رُس جے پوسوں اک وار ول ول کے منیسوں وکھ نہ تیسوں اِک وار اِنج تانگاں رَکھیسوں
تینڈیاں ساڈیاں ویکھ کے سنگتاں ریساں کریسی سارا شہر وے آ میانوالی راواں دِلدار وے آ میانوالی راواں دِلدار
باغاں بہاراں وِچکار پُھل سجرے چنڑیسوں صبح سویرے منٹھار سوہنٹریں گجرے بنڑیسوں
پیار دی خوشبو گھاٹی تھیسی پُھلاں دے پیسوں ہار وے آ میانوالی راواں دِلدار وے آ میانوالی راواں دِلدار
سوہنٹرے تے سخی لجپال میاں ذکری تے ویسوں لے کے مراداں سب نال اَساں دیوے بلیسوں
ہتھ بن مظہرؔ عرض کریسوں نالے کریسوں اِقرار وے آ میانوالی راواں دِلدار وے آ میانوالی راواں دِلدار
