جیندا پیار نہ ہووے غرضاں دَا اُوندے پیار دیاں کیا باتاں
جہڑا دُکھ سُکھ سے وِچ نال ہووے غمخار دیاں کیا باتاں
جہڑا مخلص تے بےلوث ہووئے دِلدار دِیاں کیا باتاں
جہڑا مظہرؔ راوے بس اِک دا اُس یار دیاں کیا باتاں
پیار کرئیوے تاں گلے یار کریندے نئیں اِک اَدھ خان پچھے سارے خان پُنڑیندے نئیں
اِے وی تاں ہو سکدا اِے تُوں خود گنگار ہوویں یاد تاں کر توں وی متاں ہور دا پیار ہوویں
مَن وچ پا جھاتی کیندے عیب گنڑیندے نئیں اِک اَدھ خان پچھے سارے خان پُنڑیندے نئیں
پیار پریتاں دا سلطان نہیں ہو سکدا متاں کوئی ہور ہووے اُو خان نہیں ہو سکدا
ذات ڈکھیندی اِے اِیویں دِل وَٹویندے نئیں اِک اَدھ خان پچھے سارے خان پُنڑیندے نئیں
پیار کرن جہیڑے کڈاں لُک لُک روندے ہِن عاشق بندیاں دے وڈے حوصلے ہوندے ہِن
نیویں جے نبھا سکدے وَت یار بنڑیندے نئیں اِک اَدھ خان پچھے سارے خان پُنڑیندے نئیں
اللہ جانے تُوں کردا اِیں قصہ کہڑے جہاناں دا ساڈے نال لا یاری پتہ لگے تینوں خاناں دا
خان تاں آدھے ہِن میدان چھڑیندے نئیں اِک اَدھ خان پچھے سارے خان پُنڑیندے نئیں
