او میکوں یاد نہ کر اِس قابل ناں میڈی چاہت کُوں ٹھکرا ڈے
جہیڑے پیار دے محل اُساڑے ہاسے بے رخیاں نال تُوں ڈھا ڈے
میڈی یاد دے ہر دروازے توں میڈے ناں دے حرف مٹا ڈے
او جئیں کُوں پیار کیتا اِی او شاد راوئی بیوس دا پیار بھلا ڈے
ڈھولے نُوں گل سمجھاؤ ہا ساڈی تانگ لاہا چھوڑے
اَساں اُوہنوں بُھل گئے ہاں سانوں او وی بھلا چھوڑے
اَساں وی اُس دے گھر نہ ویسوں اُو وی ساڈے گھر نہ آوے
اَساں وی پاسہ کر کے لنگھسوں او وی کنڈ کر کے لنگ جاوے
اَساں در بند کیتے ہن بوہے او وی ولا چھوڑے
ڈھولے نُوں گل سمجھاؤ ہا ساڈی تاھنگ لا ہا چھوڑے
نہ ہُن دل دیاں باریاں کھلسن نہ اکھیاں دے تاک لاہیسُن
اے گل طے ہے اُس تے ساڈے زندگی بھر ہُن میل نہ تیھسُن
اَساں وی ہُن نئیں روونڑاں ہنجوں او وی سُکھا چھوڑے
ڈھولے نُوں گل سمجھاؤ ہا ساڈی تاھنگ لاہا چھوڑے
اُس نُوں آکھو مہندیاں لاوے سرمہ پاوے ویس وٹاوے
اَساں تاں وکھری عید منیسوں او کیندے نال عید مناوے
خوشیاں پیار دیاں میری جولی وچ پا چھوڑے
ڈھولے نُوں گل سمجھاؤ ہا ساڈی تاھنگ لاہا چھوڑے
اَساں وی اُس دی یاد دے ڈیوے بلدے ہوئے مسما چھوڑے ہن
خواب خیال تے منظر سارے چُپ کر کے دَفنا چھوڑے ہن
دِل دے شیشے توں ساڈی یاد مٹا چھوڑے
ڈھولے نُوں گل سمجھاؤ ہا ساڈی تاھنگ لا ہا چھوڑے
