منظور حسین منظورؔ کی شاعری

یاراں دی ہر خوشی توں نیلام تھئی گے آں بدنام تھیونا ہا بدنام تھئی گے آں

ہس کھل کے سہہ گے آں ہر ظلم دوستاں دا توڑے لٹی وی گے آں لب تے گلہ نہیں آندا
بربادیاں دا آخر پیغام تھئی گے آں یاراں دی ہر خوشی توں نیلام تھئی گے آں

جیں شخص جو وی آکھیا اے اعتبار کر گئے آں ہتھاں نال ہر خوشی کو سنگسار کر گئے آں
ہنٹر اپنٹریں ذات تے وہ الزام تھئی گئے آں یاراں دی ہر خوشی توں نیلام تھئی گے آں

ساکوں محبتاں دا بس اے صلہ ملا ہے دکھ درد تے جفا دا اک سلسلہ ملا ہے
اساں پیار دے وفا توں ناکام تھئی گے آں یاراں دی ہر خوشی توں نیلام تھئی گے آں

قسمت جو رس گئی اے سنگتی وی چھوڑ گے ہن منظور سارے سانگھے پل وچ او تڑور گے ہن
انمول چیز ہا سے بے دام تھئی گے آں یاراں دی ہر خوشی توں نیلام تھئی گے آں