دُکھی کر کے ٹر گیا ایں ول حال وی نہ چایا تیڈے باہجھ رب گواہ اے ہک پل نئیں چین آیا
وَل وَل خیال آندن کیویں رات ڈیہنہ لنگھیسوں ہنٹر کیندی راہ بھلیسوں کہندے نال ہنٹر الیسوں
تیڈے بغیر دوجا کوئی یار نئیں بنایا دکھی کر کے ٹر گیا ایں ول حال وی نہ چایا
ہک او وی وقت ہا ہی تیڈے بہوں قریب ہاسے دل لا کے بُھل گہیو سے اساں بہوں غریب ہاسے
ساڈی زندگی آلائی ساڈا پیار وی آلایا دکھی کر کے ٹر گیا ایں ول حال وی نہ چایا
مر کے وی بُھل نی سگسوں اساں تیڈیاں وفائیں رج رج کے سیج مانڑیں ہن ساڈیاں دعائیں
کل ساڈا مانٹر ہاوی اَج تھئی گہیوں پرایا دکھی کر کے ٹر گیا ایں ول حال وی نہ چایا
اساں آخری ساہواں تک تیڈا انتظار کرسوں تیڈی یاد نال جیسوں تیڈی یاد نال مرسوں
تئیں ڈھول دے ہجر نیں ساکوں رات ڈیہنہ روایا دکھی کر کے ٹر گیا ایں ول حال وی نہ چایا
دل تے وچھوڑیاں دا بہوں بھار تھئی گیا اے منظورؔ زندگی توں بیزار تھئی گیا اے
جیکوں ڈھول دے ہجر نیں ویران کر ڈکھایا دکھی کر کے ٹر گیا ایں ول حال وی نہ چایا
