کیسی ہو چچی ۔۔۔؟؟
ٹھیک ہو بیٹا تم کیسے ہو ۔۔۔؟؟پروین سب سے خوش اخلاقی سے بات کرتی تھی چاہے وہ اسے نا پسند ہی کیوں نہ ہو ۔۔
میں بھی ٹھیک ۔۔راحیل نے جواب دیا ۔۔۔
گڑیا اپنے دھیان میں کمرے سے آرہی تھی تب اسکی نظر راحیل پر پڑی ۔۔۔گڑیا نے ناگواری سے اسے دیکھا اور واپس اپنے کمرے کی طرف مڑی ۔۔۔
گڑیا ۔۔۔۔راحیل نے اسے واپس کمرے میں جاتے دیکھا تو اسے آواز دی ۔۔۔
ہاں بولوں ۔۔۔گڑیا سپاٹ لہجے میں بولی ۔۔۔
تمہے تمیز نہیں ہے بات کرنے کی ۔۔۔عمار سے تو بڑے ہنس کر بات کرتی ہو ۔۔؟؟راحیل نے اسے گھورتے ہوۓ کہا ۔۔۔
ہے پر تم سے بات کرنے کی نہیں۔۔۔ جیسا انسان ہوتا ہے میں اسکے ساتھ ویسے ہی بات کرتی ہو ۔۔۔اور رہی عمار بھائی کی بات تو وہ تم سے کہی بہتر ہے اور ہماری عزت کرتے ہیں ۔۔
گڑیا نے بھی اس کے انداز میں ہی جواب دیا ۔۔۔
دیکھ رہی ہے چچی یہ کیسے بات کر رہی ہے مجھ سے ۔۔۔آج چچا آئے گے تو میں انھے ہی بتاؤ گا اسکے بارے میں ۔۔۔
نہیں نہیں بیٹا عابد کو بتانے کی ضرورت نہیں ۔۔بچی ہے نہ اسلیے ایسا کرتی ہے میں سمجھا دو گی ۔۔۔
پروین جانتی تھی کہ راحیل عابد کو بتا دے گا پھر عابد گڑیا کو مارنے لگ جاۓ گا ۔۔۔
اماں بتانے دے جس کو بتانا ہے میں نہیں ڈرتی اسکی دھمکیوں سے ۔۔۔
تو چپ کر اور اندر جا ۔۔۔پروین غصےمیں گڑیا کو بولی ۔۔۔
اماں تم کیوں ڈرتی ہو ۔۔۔
میں نے کہا نہ اندر جا ۔۔۔۔
چچی آپ اسکی ڈھٹائی دیکھ رہی ہے کیسے زبان چلا رہی ہے آپ کے سامنے ۔۔۔
گڑیا کا بس چلتا تو اسکے سر پر کچھ دے مارتی ۔۔۔۔
عابد کا بڑا بھائی امجد اور ایک بہن رخسانہ تھی ۔۔۔امجد اور عابد کے گھر ساتھ ساتھ تھے درمیان میں ایک دیوار تھی پر دونوں کی چھت ایک ہی تھی ۔۔امجد کے دو بچے تھے ایک بیٹا راحیل جو شرابی تھا اور ایک بیٹی آمنہ جس کی شادی رخسانہ کے بیٹے سے ہوئی تھی ۔۔۔امجد نے بہت کوشش کی کے رخسانہ اپنی بیٹی ارم کا رشتہ راحیل سے کر دے پر اس نے یہ کہہ کر مانا کر دیا کہ وہ ایک شرابی کو اپنی بیٹی کبھی نہیں دے گئی ۔۔۔اب امجد اور اسکی بیوی کوثر کی یہ خواہش تھی کہ عابد اپنی دونوں بیٹیوں میں سے کسی ایک کا رشتہ راحیل کو دے دیے ۔۔۔۔
*********
کیا ہوا گڑیا تم رو کیوں رہی ہو ۔۔۔اسما اسے روتے دیکھ کر گھبرا گئی ۔۔۔
آپا یہ مر کیوں نہیں جاتا کیوں آتا ہے یہ ہمارے گھر ۔۔۔گڑیا مسلسل روے جا رہی تھی ۔۔۔
راحیل آیا ہے ۔۔؟؟اسما جانتی تھی وہ صرف اس کے لیے ہی ایسے بولتی ہے ۔۔۔
جی ۔۔۔گڑیا روتے ہوئے بولی ۔۔۔
چھوڑو اسے تم اس کے لیے کیوں اپنا دل جلاتی هو ۔۔اسما نے اسے گلے لگاکر کہا ۔۔۔
آپا یہ ہر دوسرے دن ہمارے گھر کیوں آجاتا ہے ۔۔۔؟؟
پگلی ساتھ ہی تو اسکا گھر ہے درمیان میں صرف ایک دیوار ہی تو ہے ۔۔
آپا پھر بھی مجھے اسکی غلیظ آنکھیں زہر لگتی ہے ۔۔۔تم نے دیکھا ہے نہ وہ ایک نمبر کاگھٹیا انسان ہمیں کیسے دیکھتا ہے ۔۔۔
ہاں جانتی ہو پر ہم کچھ کر بھی تو نہیں سکتے۔۔ جانتی ہو نہ ابا اسکے خلاف ایک لفظ نہیں سن سکتے ۔۔۔اسما اداسی سے بولی ۔۔۔
پتا نہیں یہ ہماری جان کب چھوڑے گا ۔۔۔
چلو بس چھوڑو اسے اور اپنا موڈ ٹھیک کرو ۔۔۔اور آیندہ اسکے منہ لگنے کی ضرورت نہیں ہے اسکا پتا ہے نہ ابا کو تمہاری شکایت لگا دے گا ۔۔۔
اچھا اب نہیں کرو گی ۔۔۔
شاباش میری جان ۔۔۔۔اسما نے اسکے سر پر پیار کیا ۔۔۔
************
ارمان اٹھوں اسکول نہیں جانا آپ نے ۔۔۔؟؟ماہم کب سے اسے اٹھا رہی تھی جو آرام سے سویا ہوا تھا ۔۔۔
ماما مجھے آج نہیں جانا ۔۔۔۔
کیوں بیٹا کیوں نہیں جانا ۔۔۔؟؟ماہم نے سوالیہ نظروں سے ارمان کو دیکھا ۔۔۔
ارمان اٹھ کر بیٹھ گیا ۔۔۔ماما میڈم کہتی ہے فیس لاؤ گے تو کلاس میں بیٹھنے دو گی ۔۔۔ورنہ کلاس سے باہر بیٹھو گئے ۔۔۔
ماہم خاموش ہوگئی ۔۔۔کہتی بھی تو کیا کہتی ۔۔۔
مجھے کل میڈم نے کلاس میں نہیں جانے دیا تھا ۔۔۔وہ اداسی سے بتا رہا تھا ۔۔۔
اور ماہم کی آنکھیں بھر آئی ۔۔۔۔۔اب تو اسکی آنکھیں رونے کی عادی ہوگئی تھی ۔۔۔پل بھر میں آنکھیں آنسوں سے تر ہوجاتی تھی ۔۔۔
میں کل آپکی فیس جمع کروا دو گی ۔۔۔آج آپ چھٹی کر لو ۔۔۔
تھنکس ماما ۔۔۔ارمان نے اسے گلے لگایا۔۔۔
اور ماہم یہ سوچ رہی تھی کہ کل فیس کہا سے آئے گی ابھی تو تنخواہ ملنے میں بھی کافی دن پڑے ہیں ۔۔۔
کیا میری زندگی ایسے ہی گزر جاۓ گی ۔۔۔؟؟کیا میرا خوشیوں پر کوئی حق نہیں ہے ۔۔۔یا شاید کچھ لوگوں کی قسمت میں خوشیاں لکھی ہی نہیں ہوتی اور یقینن میں انہی میں سے ہو ۔۔۔وہ خود سے سوال کر رہی تھی اور اپنے سوالوں کاخود ہی جواب دے رہی تھی ۔۔۔
""مجھے ۔۔۔۔۔۔۔۔۔ شاخ شاخ سے توڑنا !
پھر ۔۔۔۔۔۔۔۔۔۔۔۔۔۔۔ بیچ بیچ سے جوڑنا !
یہ ادا ادا بھی ۔۔۔۔۔۔۔۔۔۔۔۔۔۔۔ کمال ہے !!
یہ سزا سزا بھی ۔۔۔۔۔۔۔۔۔۔ کمال ہے !!
یہ ۔۔۔۔۔۔۔۔۔ شام شام کے دُھندلکے،،،،
اور ۔۔۔۔۔۔۔ قطرہ قطرہ سی بارِشیں،،،
مجھے پیاس پیاس میں ڈال کے۔۔۔۔۔۔۔
پھر ۔۔۔۔۔۔۔ دشت دشت میں چھوڑنا !!
یہ اُداس اُداس ۔۔۔۔۔۔۔۔۔۔۔۔۔۔۔۔۔۔ اُداسیاں !
اور دُور دُور ۔۔۔۔۔۔۔۔۔۔۔ کی دُوریاں،،،
مجھے ۔۔۔۔۔۔۔۔ اشک اشک بکھیر کے
پھر ۔۔۔۔۔۔۔۔۔۔۔۔۔۔ ہنس ہنس کر سمیٹنا !!
یہ ۔۔۔۔۔۔۔۔۔۔۔۔۔۔۔۔۔۔ آگ آگ کا کھیل ہے
اسے روز روز ۔۔۔۔۔۔۔۔۔۔ نہیں کھیلنا !
مجھے ۔۔۔۔۔۔۔۔۔۔ ورق ورق کھولنا ،،،
پھر ۔۔۔۔۔۔۔۔ حرف حرف پہ سوچنا،،،
یہ ۔۔۔۔۔۔۔۔۔ جفا جفا کے راستے ،،،،
اور ۔۔۔۔۔۔۔۔۔۔۔۔۔۔۔۔۔۔۔ وفا وفا کی منزلیں
مجھے ڈھونڈ ڈھونڈ کے ڈھونڈنا !!
پھر ۔۔۔۔۔ چھوڑ چھوڑ کے چھوڑنا !
وہ چہرہ چہرہ ۔۔۔۔۔۔۔۔۔۔حِجاب ہے !!
میرے درد درد کا علاج ہے ۔۔۔۔۔۔ !!
مجھے ۔۔۔۔۔۔۔۔۔ دُور دُور سے دیکھنا
مجھے مرض مرض کا بھولنا !!!!!
یہ ادا ادا بھی ۔۔۔۔۔۔۔۔۔۔۔۔۔۔۔ کمال ہے !!
یہ سزا سزا بھی ۔۔۔۔۔۔۔۔۔۔ کمال ہے !
گڑیا کاکالج میں ایڈمشن عمار نے کروا دیا تھا۔۔۔کالج نزدیک ہونے کی وجہ سے وہ اکیلی ہی آتی جاتی تھی ۔۔۔
گڑیا نے کالج میں کوئی بھی دوست نہیں بنائی تھی لیکن ہر لڑکی یہ ضرور چاہتی تھی کہ گڑیا اسکی دوست بنے ۔۔۔
یار پتا کل ماما کی برتھ ڈے تھی اور بابا کو یاد ہی نہیں رہا ۔۔۔۔رات جب بابا گھر آئے تو ہم نے انھے یاد کروایا ۔۔۔بابا نے ماما کو وش کیا پر انہوں نے بابا سے بات ہی نہیں کی پھر بابا نے ماما کو منایا اور وہ دونوں ڈنر پر گئے ۔۔۔
گڑیا کی کلاس فیلو اپنی دوست سے بات کر رہی تھی ۔۔۔
اور گڑیا یہ سوچ رہی تھی کہ اسکے ابا نے تو کبھی اسکی ماں سے سہی سے بات ہی نہیں کی برتھ ڈے وش کرنا تو دور کی بات ہے ۔۔۔۔
*********