مینوں گودی دے وچ سیں بٹھاندی منہ چُمدی تے لاڈ سِیں لڈاوندی
نی اِک واری بول مائے
تیرے باہجوں کوئی نہیں او میرا مینوں جگ تے ہویا ہنیرا
میری کدھرے وی پیش نہیں جاندی نی اک واری بول مائے
خورے مینوں کی اَج ہویا ویکھ تے سہی میں کِناں رویا
کہیڑی گلو ں مینوں اَج نہیں بلاندی نی اِک واری بول مائے
میرا کونٹر ویکھے گا رُسنٹراں مینوں بابھیاں نے نہیں پُچھنڑاں
چنگی مندی سیں تُوں گل سمجھاندی نی اِک واری بول مائے
حالی تے میں بنڑیں سہرے رُسنٹر دے دن ہور بہتیرے
مُکھ موڑ کے نہ اَج میتھوں جاندی نی اِک واری بول مائے
کہیڑا میرے لاڈ لڈاوئے سُنجا ویڑا وڈھ وڈھ کھاوے
پئی کلی میری جِند کُرلاندی نی اِک واری بول مائے
