جس دھج سے کوئی مقتل میں گیا

ﻋﺒﺪﺍﻟﺒﺎﺭﯼ ﺍﯾﮏ ﺩﻡ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺪﺭ ﺩﺍﺧﻞ ﮨﻮﺍ ﺗﮭﺎ۔ ﺍﺑﮭﯽ ﺑﮭﯽ ﻓﻞ ﯾﻮﻧﯽ ﻓﺎﺭﻡ ﻣﯿﮟ ﺗﮭﺎ۔ ﻋﺒﺪﺍﻟﺒﺎﺭﯼ ﮐﻮ ﺩﯾﮑﮭﺘﮯ ﮨﯽ ﺑﮍﯼ ﺍﻣﯽ ﻧﮯ ﭼﮩﺮﮦ ﻣﻮﮌ ﻟﯿﺎ ﺗﮭﺎ۔ ﺑﮭﺎﺑﯽ ﺳﺮﺟﮭﮑﺎ ﮔﺌﯽ ﺗﮭﯿﮟ ﺍﻭﺭ ﻭﮦ ﺍﺱ ﮐﮯ ﯾﻮﮞ ﺩﻧﺪﻧﺎﺗﮯ ﺍﻧﺪﺍﺯ ﻣﯿﮟ ﮐﻤﺮﮮ ﻣﯿﮟ ﺩﺍﺧﻞ ﮨﻮﻧﮯ ﭘﺮ ﮔﮭﻮﺭﻧﮯ ﻟﮕﯽ ﺗﮭﯿﮟ۔
’’ ﺍﻟﺴﻼﻡ ﻋﻠﯿﮑﻢ ‘‘… ﺍﺣﺴﺎﻥ ﮐﺮﻧﮯ ﻭﺍﻻ ﺍﻧﺪﺍﺯ ﺗﮭﺎ۔ ’’ ﺁﭖ ﺩﻭﻧﻮﮞ ﯾﮩﺎﮞﺒﯿﭩﮭﯽ ﮨﻮﺋﯽ ﮨﯿﮟ ﺍﻭﺭ ﻣﯿﮟ ﺳﺎﺭﮮ ﮔﮭﺮ ﻣﯿﮟ ﮈﮬﻮﻧﮉ ﺭﮨﺎ ﮨﻮﮞ۔ ‘‘ ﻭﮦ ﮐﻤﺮﮮ ﻣﯿﮟ ﺁﮔﯿﺎ ﺗﮭﺎ۔ ﺭﺍﺑﯿﻞ ﻧﮯ ﺑﻤﺸﮑﻞ ﺿﺒﻂ ﮐﯿﺎ ﺗﮭﺎ۔ ﺩﻥ ﺑﺪﻥ ﺍﺱ ﮐﮯ ﺍﻧﺪﺍﺯ ﻭ ﺍﻃﻮﺍﺭ ﻧﺎﻗﺎﺑﻞ ﺑﺮﺩﺍﺷﺖ ﮨﻮﺗﮯ ﺟﺎﺭﮨﮯ ﺗﮭﮯ۔
’’ ﮐﯿﻮﮞ ﮐﻮﺋﯽ ﮐﺎﻡ ﺗﮭﺎ ﮨﻢ ﺳﮯ؟ ‘‘ ﺑﮍﯼ ﺍﻣﯽ ﺍﺑﮭﯽ ﺑﮭﯽ ﺧﺎﻣﻮﺵ ﺗﮭﯿﮟ۔ ﺑﮭﺎﺑﯽ ﻧﮯ ﮨﯽ ﭘﻮﭼﮭﺎ ﺗﮭﺎ۔ ﻭﮦ ﺟﻮ ﺑﻐﻮﺭ ﺭﺍﺑﯿﻞ ﮐﮯ ﺗﯿﻮﺭ ﺟﺎﻧﭻ ﺭﮨﺎ ﺗﮭﺎ ‘ ﮨﻨﺴﻨﮯ ﻟﮕﺎ ﺗﮭﺎ۔
’’ ﮐﯿﻮﮞ ﺑﮭﺎﺑﯽ ﺟﺎﻥ ! ﺑﻐﯿﺮ ﺧﯿﺮﯾﺖ ﮐﮯ ﺁﭖ ﮐﻮ ﯾﺎﺩ ﻧﮩﯿﮟ ﮐﯿﺎ ﺟﺎﺳﮑﺘﺎ۔ ﻭﯾﺴﮯ ﺍﻃﻼﻋﺎً ﻋﺮﺽ ﮨﮯ ﺁﺝ ﺗﯿﻦ ‘ ﭼﺎﺭ ﺩﻧﻮﮞ ﺑﻌﺪ ﮔﮭﺮ ﺁﯾﺎﮨﻮﮞ ﺗﻮ ﺳﺎﻣﻨﮯ ﮐﻮﺋﯽ ﻧﻈﺮ ﻧﮩﯿﮟ ﺁﯾﺎ ‘ ﺳﻮ ﺗﺠﺴﺲ ﻓﻄﺮﯼ ﺍﻣﺮ ﮨﮯ۔ ‘‘ ﻭﮦ ﮐﺎﻓﯽ ﻻﭘﺮﻭﺍﺋﯽ ﺳﮯ ﮐﻨﺪﮬﮯ ﺍﭼﮑﺎﺋﮯ ﮐﮩﮧ ﺭﮨﺎ ﺗﮭﺎ۔ ﺭﺍﺑﯿﻞ ﻣﮩﺮ ﺑﮧ ﻟﺐ ﺭﮨﯽ۔ ﺍﻣﯽ ﻧﮯ ﺍﯾﮏ ﺑﮭﺮﭘﻮﺭ ﺷﮑﺎﯾﺘﯽ ﻧﻈﺮ ﺍﭘﻨﮯ ﺑﯿﭩﮯ ﭘﺮ ﮈﺍﻟﯽ ﺟﺲ ﭘﺮ ﺍﻥ ﮐﯽ ﺗﺮﺑﯿﺖ ﮐﺎ ﺫﺭﺍ ﺑﮭﯽ ﺍﺛﺮ ﻧﮩﯿﮟ ﮨﻮﺍ ﺗﮭﺎ ‘ ﺻﺮﻑ ﺑﺎﭖ ﺩﺍﺩﺍ ﮐﺎ ﻧﺎﻡ ﮈﺑﻮﺭﮨﺎ ﺗﮭﺎ۔
’’ ﺑﮭﺎﺑﯽ ! ﻣﯿﮟ ﺑﺎﺑﺎ ﮐﮯ ﭘﺎﺱ ﺟﺎﺭﮨﯽ ﮨﻮﮞ ‘ ﺟﺐ ﮐﻤﺮﮦ ﺧﺎﻟﯽ ﮨﻮﺟﺎﺋﮯ ﺗﻮ ﺑﺘﺎﺩﯾﺠﺌﮯ ﮔﺎ۔ ‘‘ ﺭﺍﺑﯿﻞ ﮐﮯ ﻟﺌﮯ ﺍﺱ ﺳﮯ ﺯﯾﺎﺩﮦ ﺍﺱ ﮐﯽ ﻣﻮﺟﻮﺩﮔﯽ ﺑﺮﺩﺍﺷﺖ ﮐﺮﻧﺎ ﻧﺎﻣﻤﮑﻦ ﺗﮭﺎ۔ ﭼﺎﺋﮯ ﮐﺎ ﺑﮭﺮﺍ ﮐﭗ ﺍﯾﮏ ﻃﺮﻑ ﺭﮐﮫ ﮐﺮ ﺑﺴﺘﺮ ﺳﮯ ﺍﺗﺮﯼ ﺗﮭﯽ۔ ﺍﺱ ﺳﮯ ﭘﮩﻠﮯ ﮐﮧ ﻭﮦ ﮐﻮﺋﯽ ﭘﯿﺶ ﻗﺪﻣﯽ ﮐﺮﺗﯽ ﻋﺒﺪﺍﻟﺒﺎﺭﯼ ﻧﮯ ﺍﯾﮏ ﺩﻡ ﺳﺎﻣﻨﮯ ﺁﮐﺮ ﺍﺱ ﮐﺎ ﺭﺍﺳﺘﮧ ﺭﻭﮎ ﻟﯿﺎ ﺗﮭﺎ۔
’’ ﻋﺒﺪﺍﻟﺒﺎﺭﯼ !… ﯾﮧ ﮐﯿﺎ ﺣﺮﮐﺖ ﮨﮯ … ﺭﺍﺳﺘﮧ ﺩﻭ ﺭﺍﺑﯿﻞ ﮐﻮ۔ ‘‘ ﺍﻣﯽ ﮐﻮ ﺳﺨﺖ ﻧﺎﮔﻮﺍﺭ ﮔﺰﺭﺍ ﺗﮭﺎ ﺟﻮ ﺍﺗﻨﯽ ﺩﯾﺮ ﺳﮯ ﺧﺎﻣﻮﺵ ﻧﺎﺭﺍﺽ ﺑﯿﭩﮭﯽ ﺗﮭﯿﮟ ‘ ﺍﯾﮏ ﺩﻡ ﮐﮩﮧ ﺍﭨﮭﯿﮟ۔
’’ ﺿﺮﻭﺭ ﺭﺍﺳﺘﮧ ﺩﻭﮞ ﮔﺎ ‘ ﭘﮩﻠﮯ ﺍﯾﮏ ﺩﻭ ﺣﺴﺎﺏ ﮨﯿﮟ ﻭﮦ ﺗﻮ ﮐﻠﯿﺌﺮ ﮐﺮﻟﻮﮞ ‘‘… ﻋﺒﺪﺍﻟﺒﺎﺭﯼ ﮐﻮ ﺗﻮ ﺟﯿﺴﮯ ﻣﺎﮞ ﮐﯽ ﺑﮭﯽ ﭘﺮﻭﺍ ﻧﮩﯿﮟ ﺭﮨﯽ ﺗﮭﯽ۔ ﺑﮭﺎﺑﯽ ﺍﻭﺭ ﺍﻣﯽ ﻧﮯ ﺑﮯ ﺑﺴﯽ ﺳﮯ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ ﺟﺐ ﮐﮧ ﺭﺍﺑﯿﻞ ﺿﺒﻂ ﮐﮯ ﺁﺧﺮﯼ ﺳﺮﮮ ﭘﺮ ﺗﮭﯽ۔
’’ ﺗﻮ ﮐﯿﺎ ﻓﯿﺼﻠﮧ ﮐﯿﺎ ﮨﮯ ﺗﻢ ﻧﮯ؟ ﻧﻮﺍﺯ ﮐﺎ ﮐﯿﺲ ﺧﺘﻢ ﮨﻮﺳﮑﺘﺎ ﮨﮯ ﺍﮔﺮ ﺗﻢ ﮨﺎﻣﯽ ﺑﮭﺮﻭ ﺗﻮ۔ ‘‘ ﻭﮦ ﺑﺎﺕ ﺍﺩﮬﻮﺭﯼ ﭼﮭﻮﮌ ﮐﺮ ﺭﺍﺑﯿﻞ ﮐﺎ ﭼﮩﺮﮦ ﺗﮑﻨﮯ ﻟﮕﺎ ﺟﻮ ﺑﺮﯼ ﻃﺮﺡ ﺧﻮﺩ ﭘﺮ ﺟﺒﺮ ﮐﺮﺗﯽ ﺍﭘﻨﮯ ﮨﻮﻧﭧ ﮐﺎﭦ ﺭﮨﯽ ﺗﮭﯽ۔
’’ ﺍﺱ ﺳﮯ ﮐﯿﺎ ﭘﻮﭼﮭﺘﮯ ﮨﻮ ‘ ﻣﺠﮫ ﺳﮯ ﭘﻮﭼﮭﻮ ‘‘… ﺍﻣﯽ ﺍﯾﮏ ﺩﻡ ﺑﺴﺘﺮ ﺳﮯ ﺍﺗﺮ ﮐﺮ ﺭﺍﺑﯿﻞ ﮐﻮ ﭘﯿﭽﮭﮯ ﮐﺮﮐﮯ ﺳﺎﻣﻨﮯ ﺁﮐﮭﮍﯼ ﮨﻮﺋﯿﮟ۔ ’’ ﮐﯿﺎ ﺳﻮﺩﮮ ﺑﺎﺯﯼ ﮐﺮﻧﺎ ﭼﺎﮨﺘﮯ ﮨﻮ ﺗﻢ … ﻣﺠﮫ ﺳﮯ ﮐﺮﻭ۔ ‘‘ ﺍﺳﮯ ﺍﻧﮩﻮﮞ ﻧﮯ ﺑﺮﯼ ﻃﺮﺡ ﮔﮭﻮﺭﺍ ﺗﮭﺎ۔
’’ ﺁﭖ ﻣﯿﮟ ﮐﻮﻥ ﺳﺎ ﺍﻧﺼﺎﻑ ﮨﮯ ﺟﻮ ﺁﭖ ﺳﮯ ﺳﻮﺩﮮ ﺑﺎﺯﯼ ﮐﺮﻭﮞ ﮔﺎ۔ ‘‘ ﺍﺱ ﻧﮯ ﺑﮭﯽ ﺗﻠﺨﯽ ﺳﮯ ﮐﮩﺎ ﺗﮭﺎ۔ ’’ ﺍﮔﺮ ﺫﺭﺍ ﺑﮭﯽ ﻣﯿﺮﯼ ﭘﺮﻭﺍ ﮨﻮﺗﯽ ﺗﻮ ﺍﺱ ﺳﻮﺩﮮ ﺑﺎﺯﯼ ﭘﺮ ﻧﮧ ﺍﺗﺮﺗﺎ۔ ‘‘ ﺍﺱ ﮐﺎ ﻟﮩﺠﮧ ﺯﮨﺮﺧﻨﺪ ﺗﮭﺎ۔ ﺍﻣﯽ ﺟﻮ ﻧﮧ ﺟﺎﻧﮯ ﮐﺐ ﺳﮯ ﺑﮭﺮﯼ ﺑﯿﭩﮭﯽ ﺗﮭﯿﮟ ‘ ﺍﻧﮩﻮﮞ ﻧﮯ ﺍﯾﮏ ﺩﻡ ﻋﺒﺪﺍﻟﺒﺎﺭﯼ ﮐﺎ ﮔﺮﯾﺒﺎﻥ ﭘﮑﮍﺍ ﺗﮭﺎ۔
’’ ﮐﻮﻥ ﺳﮯ ﺍﻧﺼﺎﻑ ﮐﯽ ﺑﺎﺕ ﮐﺮﺗﮯ ﮨﻮﺗﻢ … ﺗﻢ ﺍﺱ ﻗﺎﺑﻞ ﮨﯽ ﮐﮩﺎﮞ ﮨﻮ ﮐﮧ ﺗﻢ ﺳﮯ ﮐﻮﺋﯽ ﺍﻧﺼﺎﻑ ﮐﺮﮮ۔ ﭘﮩﻠﮯ ﺍﭘﻨﮯ ﮐﺮﺗﻮﺕ ﺩﯾﮑﮭﻮ ‘ ﺍﭘﻨﮯ ﮔﺮﯾﺒﺎﻥ ﻣﯿﮟ ﺟﮭﺎﻧﮑﻮ ‘ ﺳﻮﭼﻮ ﮐﻦ ﻟﻮﮔﻮﮞ ﻣﯿﮟ ﺍﭨﮭﺘﮯ ﺑﯿﭩﮭﺘﮯ ﮨﻮ۔ ﮐﻮﺋﯽ ﺷﺮﯾﻒ ﺍﻟﻨﻔﺲ ﺗﻤﮩﯿﮟ ﺍﭘﻨﯽ ﺑﯿﭩﯽ ﺩﮮ ﮔﺎ ‘ ﺗﻢ ﭘﺮ ﺗﻮ ﺗﮭﻮﮐﮯ ﮔﺎ ﺑﮭﯽ ﻧﮩﯿﮟ ﺍﻭﺭ ﭼﻠﮯ ﮨﻮ ﺗﻢ ﺭﺍﺑﯿﻞ ﮐﺎ ﻧﺎﻡ ﻟﯿﻨﮯ۔ ﺯﺑﺎﻥ ﮐﮭﯿﻨﭻ ﻟﻮﮞ ﮔﯽ ﻣﯿﮟ ﺗﻤﮩﺎﺭﯼ ‘ ﺍﮔﺮ ﻇﻠﻢ ﮐﮯ ﻟﺌﮯ ﺍﭨﮭﻨﮯ ﻭﺍﻟﮯ ﯾﮧ ﮨﺎﺗﮫ ﻣﯿﺮﮮ ﺷﮑﻢ ﻣﯿﮟ ﮈﮬﻞ ﺳﮑﺘﮯ ﮨﯿﮟ ﺗﻮ ﻣﯿﮟ ﺍﻧﮩﯿﮟ ﺗﻮﮌ ﺑﮭﯽ ﺳﮑﺘﯽ ﮨﻮﮞ۔ ﺳﻨﺎ ﺗﻢ ﻧﮯ ‘‘! ﺍﻧﮩﻮﮞ ﻧﮯ ﺟﮭﻨﺠﻮﮌ ﮈﺍﻻ ﺗﮭﺎ۔
’’ ﺍﻣﯽ ﺟﺎﻥ ﭘﻠﯿﺰ ﭼﮭﻮﮌﯾﮟ … ﮐﺲ ﺳﮯ ﺳﺮ ﮐﮭﭙﺎﺭﮨﯽ ﮨﯿﮟ۔ ﺍﻥ ﺗﻠﻮﮞ ﻣﯿﮟ ﺗﯿﻞ ﻧﮩﯿﮟ ﮨﮯ۔ ﺍﮔﺮ ﺍﺳﮯ ﺍﺗﻨﯽ ﺳﻤﺠﮫ ﮨﻮ ﺗﻮ ﯾﮧ ﺳﺐ ﮐﺮﮮ ﮨﯽ ﮐﯿﻮﮞ … ﺭﺍﺑﯿﻞ ﻏﯿﺮ ﺗﻮ ﻧﮩﯿﮟ ‘ ﺍﭘﻨﯽ ﻋﺰﺕ ﮨﮯ۔ ﯾﻮﮞ ﺳﺮﻋﺎﻡ ﭼﻮﺭﺍﮨﮯ ﭘﺮ ﺗﻮ ﻧﮧ ﻻﺋﮯ۔ ‘‘ ﺑﮭﺎﺑﯽ ﺁﮔﮯ ﺑﮍﮪ ﺁﺋﯽ ﺗﮭﯿﮟ۔ ﺭﺍﺑﯿﻞ ﮨﺎﺗﮭﻮﮞ ﻣﯿﮟ ﭼﮩﺮﮦ ﭼﮭﭙﺎﮔﺌﯽ۔ ﺁﺝ ﭘﮩﻠﯽ ﺩﻓﻌﮧ ﺍﯾﺴﺎ ﮨﻮﺍ ﺗﮭﺎ ﮐﮧ ﺑﮍﯼ ﺍﻣﯽ ﻋﺒﺪﺍﻟﺒﺎﺭﯼ ﭘﺮ ﺍﺱ ﻃﺮﺡ ﺑﺮﮨﻢ ﮨﻮﺭﮨﯽ ﺗﮭﯿﮟ ﻭﺭﻧﮧ ﮨﻤﯿﺸﮧ ﺻﺒﺮ ﮐﮯ ﮔﮭﻮﻧﭧ ﭘﯽ ﮐﺮ ﺭﮦ ﺟﺎﺗﯽ ﺗﮭﯿﮟ ‘ ﻭﮦ ﺑﮭﯽ ﺻﺮﻑ ﺭﺍﺑﯿﻞ ﮐﯽ ﺧﺎﻃﺮ۔
’’ ﻧﮩﯿﮟ ﭼﮭﻮﮌﻭﮞ ﮔﯽ ﮐﻨﺰﯼٰ ﻣﯿﮟ ﺍﺳﮯ … ﮐﺲ ﮔﻨﺎﮦ ﮐﯽ ﺳﺰﺍ ﮨﮯ ﯾﮧ … ﻟﮯ ﻟﮯ ﯾﮧ ﺍﻧﮕﻮﭨﮭﯽ۔ ﺧﻮﺵ ﮨﻮﺟﺎﺋﮯ ‘ ﺗﻮﮌ ﺩﯼ ﮨﮯ ﺭﺍﺑﯿﻞ ﻧﮯ ﯾﮧ ﻣﻨﮕﻨﯽ ﺑﮭﯽ … ﺍﺏ ﮐﯿﺎ ﭼﺎﮨﺘﺎ ﮨﮯ ﯾﮧ ‘‘… ﺍﻧﮩﻮﮞ ﻧﮯ ﮨﺎﺗﮫ ﻣﯿﮟ ﭘﮑﮍﯼ ﮨﻮﺋﯽ ﺍﻧﮕﻮﭨﮭﯽ ﻋﺒﺪﺍﻟﺒﺎﺭﯼ ﮐﮯ ﻣﻨﮧ ﭘﺮ ﺩﮮ ﻣﺎﺭﯼ ﺗﮭﯽ ﺟﻮ ﭼﮩﺮﮮ ﭘﺮ ﻟﮕﻨﮯ ﮐﮯ ﺑﻌﺪ ﺯﻣﯿﻦ ﭘﺮ ﺟﺎﮔﺮﯼ ﺗﮭﯽ۔ ﺑﮍﯼ ﺍﻣﯽ ﺍﺱ ﮐﺎ ﮔﺮﯾﺒﺎﻥ ﭼﮭﻮﮌ ﮐﺮ ﭘﮭﻮﭦ ﭘﮭﻮﭦ ﮐﺮ ﺭﻭﻧﮯ ﻟﮕﯿﮟ۔ﺭﻭﻧﮯ ﻟﮕﯿﮟ۔
’’ ﮐﯿﺎ ﮨﻮﺍ … ؟ ‘‘ ﻓﺮﻗﺎﻥ ﺑﮭﯿﺎ ﺟﻮ ﺷﻮﺭ ﮐﯽ ﺁﻭﺍﺯ ﺳﻦ ﮐﺮ ﮔﮭﺒﺮﺍ ﮔﺌﮯ ﺗﮭﮯ ‘ ﻓﻮﺭﺍً ﺑﮭﺎﮔﮯ ﺁﺋﮯ ﺗﮭﮯ۔
’’ ﮨﻮﻧﺎ ﮐﯿﺎ ﮨﮯ … ؟ ﺍﭘﻨﮯ ﻧﺼﯿﺒﻮﮞ ﮐﻮ ﺭﻭ ﺭﮨﯽ ﮨﻮﮞ ﮐﮧ ﻣﺠﮫ ﻧﺼﯿﺒﻮﮞ ﺟﻠﯽ ﻧﮯ ﺍﯾﺴﮯ ﺑﯿﭩﮯ ﮐﻮ ﺟﻨﻢ ﺩﯾﺎ۔ ‘‘ ﺭﺍﺑﯿﻞ ﻧﮯ ﺑﮍﯼ ﺍﻣﯽ ﮐﻮ ﺳﺎﺗﮫ ﻟﮕﺎﻟﯿﺎ۔ ﻓﺮﻗﺎﻥ ﺑﮭﺎﺋﯽ ﺑﮭﯽ ﻋﺒﺪﺍﻟﺒﺎﺭﯼ ﮐﻮ ﺩﯾﮑﮫ ﮐﺮ ﺳﺐ ﺳﻤﺠﮫ ﮔﺌﮯ ﺗﮭﮯ۔
’’ ﮐﯿﻮﮞ ﺁﺋﮯ ﮨﻮ ﺍﺏ ﺗﻢ ﯾﮩﺎﮞ … ﯾﮧ ﺗﻤﺎﺷﺎ ﺩﯾﮑﮭﻨﮯ ﮐﮧ ﺍﺱ ﺫﻟﺖ ﮐﮯ ﺑﻌﺪ ﮨﻢ ﮐﯿﺴﮯ ﺯﻧﺪﮦ ﮨﯿﮟ۔ ﺍﮔﺮ ﮨﻤﺎﺭﺍ ﺗﻤﺎﺷﺎ ﺩﯾﮑﮭﻨﮯ ﮐﺎ ﺷﻮﻕ ﺗﻤﮩﯿﮟ ﯾﮩﺎﮞ ﺗﯿﻦ ‘ ﭼﺎﺭ ﺩﻥ ﺑﻌﺪ ﮐﮭﯿﻨﭻ ﻻﯾﺎ ﮨﮯ ﺗﻮ ﺟﺎﺅ ﺟﺎﮐﺮ ﺍﺑﻮ ﮐﺎ ﺗﻤﺎﺷﺎ ﺩﯾﮑﮭﻮ ‘ ﺗﻤﮩﺎﺭﮮ ﺩﯾﺌﮯ ﮔﺌﮯ ﺯﺧﻤﻮﮞ ﺳﮯ ﮐﺲ ﻃﺮﺡ ﺗﮍﭖ ﺭﮨﮯ ﮨﯿﮟ۔ ‘‘ ﻓﺮﻗﺎﻥ ﺑﮭﯿﺎ ﻧﮯ ﮐﮩﺎ ﺗﮭﺎ۔ ﺭﺍﺑﯿﻞ ﭘﮭﻮﭦ ﭘﮭﻮﭦ ﮐﺮ ﺭﻭﺗﯽ ﺑﮍﯼ ﺍﻣﯽ ﮐﻮ ﮐﻨﺪﮬﻮﮞ ﺳﮯ ﺗﮭﺎﻡ ﮐﺮ ﺑﺎﮨﺮ ﻟﮯ ﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﻧﮯ ﺟﮭﮏ ﮐﺮ ﺯﻣﯿﻦ ﭘﺮ ﮔﺮﯼ ﺍﻧﮕﻮﭨﮭﯽ ﺍﭨﮭﺎﻟﯽ۔ ﻓﺮﻗﺎﻥ ﺑﮭﺎﺋﯽ ﮐﻮ ﻟﮕﺎ ﮐﮧ ﺟﯿﺴﮯ ﻭﮦ ﺻﺮﻑ ﺑﮑﻮﺍﺱ ﮐﺮﺭﮨﮯ ﮨﯿﮟ۔ ﺍﺱ ﭘﺘﮭﺮ ﮐﻮ ﺗﻮ ﺟﯿﺴﮯ ﭘﺮﻭﺍ ﮨﯽ ﻧﮧ ﺗﮭﯽ۔ ﺑﮯ ﭘﻨﺎﮦ ﻏﺼﮧ ﺁﯾﺎ۔ ﻋﺒﺪﺍﻟﺒﺎﺭﯼ ﺳﮯ ﻣﺰﯾﺪ ﺳﺮ ﭘﮭﻮﮌﻧﺎ ﻓﻀﻮﻝ ﺗﮭﺎ۔ ﻭﮦ ﺍﯾﮏ ﻏﺼﯿﻠﯽ ﻧﮕﺎﮦ ﮈﺍﻝ ﮐﺮ ﺩﺭﻭﺍﺯﮮ ﮐﯽ ﻃﺮﻑ ﺑﮍﮬﮯ۔
’’ ﮐﻨﺰﯼٰ ! ﺗﻢ ﺑﮭﯽ ﺍﭘﻨﮯ ﺭﻭﻡ ﻣﯿﮟ ﭼﻠﻮ … ﮐﻮﺋﯽ ﺿﺮﻭﺭﺕ ﻧﮩﯿﮟ ﺍﯾﺴﮯ ﺷﺨﺺ ﮐﮯ ﻣﻨﮧ ﻟﮕﻨﮯ ﮐﯽ۔ ‘‘ ﺍﻧﮩﻮﮞ ﻧﮯ ﺑﮭﺎﺑﯽ ﮐﻮ ﺣﮑﻢ ﺩﯾﺎ ﺗﮭﺎ۔ ﺩﻭﻧﻮﮞ ﭼﻠﮯ ﮔﺌﮯ ﺗﻮ ﻭﮦ ﻏﺼﮯ ﺳﮯ ﮐﮭﮍﺍ ﺍﻧﮕﻮﭨﮭﯽ ﮐﻮ ﮔﮭﻮﺭﺗﺎ ﺭﮨﺎ۔
’’ ﺁﺋﯽ ﮈﯾﻢ ﺍﭦ ‘‘… ﺑﮯ ﭘﻨﺎﮦ ﺗﻨﻔﺮ ﺳﮯ ﺍﺱ ﻧﮯ ﮨﺎﺗﮫ ﮐﺎ ﻣﮑﺎ ﺩﯾﻮﺍﺭ ﭘﺮ ﻣﺎﺭﺍ ﺗﮭﺎ۔
ﺅ … ﺅ … ﺅ
ﺭﺍﺑﯿﻞ ﮐﮯ ﻭﺍﻟﺪ ﻋﺒﺪﺍﻟﻮﺩﻭﺩ ﺻﺎﺣﺐ ﺍﻭﺭ ﺳﺠﺎﺩ ﻋﻠﯽ ﺩﻭﻧﻮﮞ ﺳﮕﮯ ﺑﮭﺎﺋﯽ ﺗﮭﮯ۔ ﺷﺮﻭﻉ ﺳﮯ ﮨﯽ ﺩﻭﻧﻮﮞ ﺧﺎﻧﺪﺍﻥ ﺍﯾﮏ ﮔﮭﺮ ﻣﯿﮟ ﮨﯽ ﺭﮨﺘﮯ ﺗﮭﮯ۔ ﺳﺠﺎﺩ ﻋﻠﯽ ﺻﺎﺣﺐ ﮐﮯ ﺻﺮﻑ ﭼﺎﺭ ﺑﭽﮯ ﺗﮭﮯ ‘ ﺩﻭ ﺑﮍﯼ ﺑﯿﭩﯿﺎﮞ ﻋﺼﻤﮧ ﺍﻭﺭ ﺣﻔﻈﮧ ﺩﻭﻧﻮﮞ ﺷﺎﺩﯼ ﺷﺪﮦ ﺗﮭﯿﮟ ‘ ﭘﮭﺮ ﻓﺮﻗﺎﻥ ﺗﮭﮯ ‘ ﺍﻥ ﮐﯽ ﺑﮭﯽ ﺷﺎﺩﯼ ﮨﻮﭼﮑﯽ ﺗﮭﯽ ﭘﮭﺮ ﻋﺒﺪﺍﻟﺒﺎﺭﯼ ﺗﮭﺎ۔ ﻋﺒﺪﺍﻟﻮﺩﻭﺩ ﺻﺎﺣﺐ ﮐﮯ ﺻﺮﻑ ﺩﻭ ﮨﯽ ﺑﭽﮯ ﺗﮭﮯ ﺩﺍﻧﺶ ﺟﻮ ﺷﺎﺩﯼ ﮐﮯ ﺑﻌﺪ ﺳﻌﻮﺩﯾﮧ ﭼﻠﮯ ﮔﺌﮯ ﺗﻮ ﻭﮨﯿﮟ ﮐﮯ ﮨﻮﮐﺮ ﺭﮦ ﮔﺌﮯ ﺗﮭﮯ ﺟﺐ ﮐﮧ ﻭﮦ ﺍﻣﯽ ﺍﺑﻮ ﮐﯽ ﻭﻓﺎﺕ ﮐﮯ ﺑﻌﺪ ﭘﺎﮐﺴﺘﺎﻥ ﻣﯿﮟ ﮨﯽ ﺭﮨﻨﺎ ﭼﺎﮨﺘﯽ ﺗﮭﯽ۔ ﺩﻭﺳﺮﮮ ﻭﮦ ﺷﺮﻭﻉ ﺳﮯ ﮨﯽ ﺍﺱ ﮔﮭﺮ ﻣﯿﮟ ﺭﮨﯽ ﺗﮭﯽ۔ ﺍﯾﮏ ﺩﻓﻌﮧ ﺑﮭﺎﺋﯽ ﮐﮯ ﺳﺎﺗﮫ ﺳﻌﻮﺩﯾﮧ ﮔﺌﯽ ﺗﻮﺻﺮﻑ ﭼﻨﺪ ﻣﺎﮦ ﮨﯽ ﺭﮦ ﺳﮑﯽ ‘ ﺍﯾﺴﯽ ﺑﯿﻤﺎﺭ ﮨﻮﺋﯽ ﮐﮧ ﻓﻮﺭﺍً ﻟﻮﭦ ﺁﺋﯽ۔ ﺩﻭﺑﺎﺭﮦ ﺟﺎﻧﮯ ﮐﻮ ﺩﻝ ﺑﮭﯽ ﻧﮩﯿﮟ ﭼﺎﮨﺎ ﺗﮭﺎ۔
ﻋﺒﺪﺍﻟﺒﺎﺭﯼ ﺍﻭﺭ ﺍﺱ ﮐﯽ ﻋﻤﺮﻭﮞ ‘ ﻣﺰﺍﺟﻮﮞ ﺑﻠﮑﮧ ﺍﻧﺪﺍﺯ ﻭ ﺍﻃﻮﺍﺭ ﺍﻭﺭ ﻋﺎﺩﺍﺕ ﻭﻏﯿﺮﮦ ﻣﯿﮟ ﺑﮭﯽ ﺑﮩﺖ ﻓﺮﻕ ﺗﮭﺎ۔ ﻋﺒﺪﺍﻟﺒﺎﺭﯼ ﺍﺱ ﺳﮯ ﻋﻤﺮ ﻣﯿﮟ ﮐﺎﻓﯽ ﺑﮍﺍ ﺗﮭﺎ ﺟﺐ ﻭﮦ ﭼﮭﭩﯽ ﻣﯿﮟ ﺗﮭﯽ ﺗﻮ ﻋﺒﺪﺍﻟﺒﺎﺭﯼ ﻧﮯ ﺍﯾﻒ ﺍﮮ ﮐﺎ ﺍﻣﺘﺤﺎﻥ ﮐﻠﯿﺌﺮ ﮐﯿﺎ ﺗﮭﺎ۔ ﻭﮦ ﺷﺮﻭﻉ ﺳﮯ ﮨﯽ ﻻﺋﻖ ﺗﮭﺎ ‘ ﭘﻮﺯﯾﺸﻦ ﮨﻮﻟﮉﺭ ﺭﮨﺎ ﺗﮭﺎ۔ ﺍﺱ ﮐﮯ ﻭﺍﻟﺪ ﻋﺒﺪﺍﻟﻮﺩﻭﺩ ﺳﺮﮐﺎﺭﯼ ﻣﻼﺯﻡ ﺗﮭﮯ ﺍﻭﺭ ﺳﺠﺎﺩ ﻋﻠﯽ ﺁﺭﻣﯽ ﻣﯿﮟ ﺗﮭﮯ۔ ﭘﺎﮐﺴﺘﺎﻧﯽ ﻓﻮﺝ ﮐﮯ ﻟﺌﮯ ﺍﻥ ﮐﯽ ﺑﮩﺖ ﺍﻋﻠﯽٰ ﻭ ﻧﻤﺎﯾﺎﮞ ﺧﺪﻣﺎﺕ ﺗﮭﯿﮟ ﺍﺳﯽ ﻟﺌﮯ ﻭﮦ ﻧﮧ ﺻﺮﻑ ﺟﺬﺑﮧٔ ﺣﺐ ﺍﻟﻮﻃﻨﯽ ﺳﮯ ﻟﺒﺮﯾﺰ ﺗﮭﮯ ﺑﻠﮑﮧ ﺍﻧﮩﻮﮞ ﻧﮯ ﺍﭘﻨﯽ ﺍﻭﻻﺩ ﮐﯽ ﺗﺮﺑﯿﺖ ﺑﮭﯽ ﺍﻥ ﮨﯽ ﺧﻄﻮﻁ ﭘﺮ ﮐﯽ ﺗﮭﯽ ﺟﺐ ﺗﮏ ﻋﺒﺪﺍﻟﺒﺎﺭﯼ ﺍﻥ ﮐﮯ ﺯﯾﺮﺳﺎﯾﮧ ﺭﮨﺎ ﺗﮭﺎ ‘ ﺑﮩﺖ ﻓﺮﻣﺎﮞ ﺑﺮﺩﺍﺭ ‘ ﻣﻮٔﺩﺏ ﺍﻭﺭ ﺷﺮﯾﻒ ﻟﮍﮐﺎ ﺗﮭﺎ ‘ ﺍﭘﻨﯽ ﺭﯾﭩﺎﺋﺮﻣﻨﭧ ﮐﮯ ﺑﻌﺪ ﺳﺠﺎﺩ ﻋﻠﯽ ﺻﺎﺣﺐ ﻧﮯ ﺍﭘﻨﺎ ﺫﺍﺗﯽ ﺍﺳﮑﻮﻝ ﮐﮭﻮﻝ ﻟﯿﺎ ﺗﮭﺎ ﺟﮩﺎﮞ ﺍﻥ ﮐﺎ ﺍﭼﮭﺎ ﻭﻗﺖ ﮔﺰﺭﻧﮯ ﻟﮕﺎ ﺗﮭﺎ ‘ ﺟﺐ ﺗﮏ ﺍﻧﮩﻮﮞ ﻧﮯ ﻋﺒﺪﺍﻟﺒﺎﺭﯼ ﭘﺮ ﺗﻮﺟﮧ ﺩﯼ ﺗﮭﯽ ﻭﮦ ﭨﮭﯿﮏ ﺭﮨﺎ ﺗﮭﺎ ﻣﮕﺮ ﺟﯿﺴﮯ ﮨﯽ ﺍﻧﮩﻮﮞ ﻧﮯ ﺍﭘﻨﺎ ﮨﺎﺗﮫ ﮐﮭﯿﻨﭽﺎ ﻭﮦ ﺑﮭﯽ ﻗﺎﺑﻮ ﺳﮯ ﺑﺎﮨﺮ ﮨﻮﮔﯿﺎ۔
ﻋﺒﺪﺍﻟﺒﺎﺭﯼ ﮐﺎ ﺷﻤﺎﺭ ﮐﺒﮭﯽ ﺑﮭﯽ ﻧﺎﺭﻣﻞ ﺑﭽﻮﮞ ﻣﯿﮟ ﻧﮩﯿﮟ ﺭﮨﺎ ﺗﮭﺎ۔ ﺍﺱ ﮐﮯ ﺍﻧﺪﺭ ﺷﺮﻭﻉ ﺳﮯ ﮨﯽ ﺍﯾﮏ ﺍﺿﻄﺮﺍﺑﯽ ﮐﯿﻔﯿﺖ ﭘﺎﺋﯽ ﺟﺎﺗﯽ ﺗﮭﯽ۔ ﺟﻨﻮﻧﯽ ﻭ ﻣﻨﺘﻘﻤﺎﻧﮧ ﺳﻮﭺ ﮐﺎ ﺣﺎﻣﻞ ﻓﺮﺩ ﺗﮭﺎ۔ ﺍﻭﺍﺋﻞ ﻋﻤﺮﯼ ﻣﯿﮟ ﺍﺱ ﮐﯽ ﺗﺮﺑﯿﺖ ﭘﺮ ﺧﺼﻮﺻﯽ ﺗﻮﺟﮧ ﺩﯼ ﮔﺌﯽ ﺗﮭﯽ ‘ ﮐﯿﮉﭦ ﺍﺳﮑﻮﻟﺰ ﺍﻭﺭ ﮨﺎﺳﭩﻠﺰ ﻭﻏﯿﺮﮦ ﻣﯿﮟ ﺭﮨﻨﮯ ﺳﮯ ﻭﮦ ﮐﺎﻓﯽ ﺳﺪﮬﺮﺍ ﺗﮭﺎ ﻣﮕﺮ ﺟﺐ ﺗﻌﻠﯿﻢ ﮐﮯ ﺑﻌﺪ ﺍﺱ ﻧﮯ ﯾﮧ ﺳﻮﻝ ﺳﺮﻭﺱ ﺟﻮﺍﺋﻦ ﮐﯽ ﺗﻮ ﻭﮦ ﺑﮕﮍﻧﺎ ﺷﺮﻭﻉ ﮨﻮﮔﯿﺎ ﺗﮭﺎ۔ ﺍﯾﺲ ﭘﯽ ﮐﮯ ﻋﮩﺪﮮ ﭘﺮ ﻓﺎﺋﺰ ﮨﻮﺗﮯ ﮨﯽ ﺍﺱ ﮐﯽ ﺳﺮﮔﺮﻣﯿﺎﮞ ﻣﺸﮑﻮﮎ ﮨﻮﮔﺌﯽ ﺗﮭﯿﮟ۔ ﺑﺎﺑﺎ ‘ ﺟﻨﮩﻮﮞ ﻧﮯ ﺍﭘﻨﯽ ﺳﺎﺭﯼ ﺯﻧﺪﮔﯽ ﻣﺤﺒﺖ ‘ ﺷﺮﺍﻓﺖ ‘ ﺩﯾﺎﻧﺖ ﺩﺍﺭﯼ ‘ ﺍﯾﻤﺎﻥ ﺩﺍﺭﯼ ‘ ﺣﺐ ﺍﻟﻮﻃﻨﯽ ‘ ﻭﻓﺎﺩﺍﺭﯼ ﺟﯿﺴﮯ ﺍﺻﻮﻟﻮﮞ ﮐﺎ ﭘﺮﭼﺎﺭ ﮐﺮﺗﮯ ﮔﺰﺍﺭﺩﯼ ﺗﮭﯽ ﺍﻥ ﮐﮯ ﻟﺌﮯ ﯾﮧ ﺳﺮﮔﺮﻣﯿﺎﮞ ﺑﮩﺖ ﺗﮑﻠﯿﻒ ﺩﮦ ﺗﮭﯿﮟ۔ ﺳﺐ ﻧﮯ ﺍﭘﻨﯽ ﻃﺮﻑ ﺳﮯ ﺑﮭﺮﭘﻮﺭ ﮐﻮﺷﺶ ﮐﯽ ﺗﮭﯽ ﮐﮧ ﻭﮦ ﺳﺪﮬﺮ ﺟﺎﺋﮯ ﻣﮕﺮ ﺍﺏ ﺟﻮ ﮐﭽﮫ ﻭﮦ ﮐﺮﺭﮨﺎ ﺗﮭﺎ ﻭﮦ ﺳﺐ ﭘﺮ ﺣﺎﻭﯼ ﺗﮭﺎ۔ ﺭﺷﻮﺕ ﺧﻮﺭﯼ ‘ ﻏﻨﮉﮦ ﮔﺮﺩﯼ ﺍﻭﺭ ﻇﻠﻢ ﻭ ﺟﺒﺮ ﮐﺎ ﺟﻮ ﺑﺎﺯﺍﺭ ﻭﮦ ﮔﺮﻡ ﮐﺌﮯ ﮨﻮﺋﮯ ﺗﮭﺎ ﺍﻥ ﺳﮯ ﺍﻥ ﮐﺎ ﺩﻝ ﺍﺏ ﺍﭼﺎﭦ ﮨﻮﻧﮯ ﻟﮕﺎ ﺗﮭﺎ۔ ﺭﮨﯽ ﺳﮩﯽ ﮐﺴﺮ ﺍﺏ ﺍﺱ ﮐﯽ ﺍﺱ ﺿﺪ ﻧﮯ ﭘﻮﺭﯼ ﮐﺮﺩﯼ ﺗﮭﯽ۔ﺑﺮﺳﻮﮞ ﭘﮩﻠﮯ ﺳﺠﺎﺩ ﺻﺎﺣﺐ ﻧﮯ ﺟﺐ ﻋﺒﺪﺍﻟﺒﺎﺭﯼ ﻧﮯ ﺍﻧﭩﺮ ﻣﯿﮟ ﭘﻮﺯﯾﺸﻦ ﻟﯽ ﺗﮭﯽ ﺗﻮ ﺳﺮﺳﺮﯼ ﻟﮩﺠﮯ ﻣﯿﮟ ﻋﺒﺪﺍﻟﻮﺩﻭﺩ ﺳﮯ ﺭﺍﺑﯿﻞ ﮐﮯ ﻟﺌﮯ ﺑﺎﺕ ﮐﯽ ﺗﮭﯽ ‘ ﺗﺐ ﻋﺒﺪﺍﻟﻮﺩﻭﺩ ﻭﻗﺖ ﺁﺋﮯ ﮔﺎ ﺗﻮ ﺩﯾﮑﮭﺎ ﺟﺎﺋﮯ ﮔﺎ ﮐﮩﮧ ﮐﺮ ﭨﺎﻝ ﮔﺌﮯ ﺗﮭﮯ۔ ﻧﮧ ﺟﺎﻧﮯ ﻋﺒﺪﺍﻟﺒﺎﺭﯼ ﮐﻮ ﺍﺱ ﺑﺎﺕ ﮐﯽ ﮐﯿﺴﮯ ﺑﮭﻨﮏ ﭘﮍﮔﺌﯽ ﺗﮭﯽ ﮐﮧ ﺟﯿﺴﮯ ﮨﯽ ﺭﺍﺑﯿﻞ ﻧﮯ ﺑﯽ ﺍﮮ ﮐﺎ ﺍﻣﺘﺤﺎﻥ ﺩﯾﺎ ﺗﮭﺎ ﺍﺱ ﻧﮯ ﺍﭘﻨﺎ ﻣﺪﻋﺎ ﺑﯿﺎﻥ ﮐﺮﺩﯾﺎ ﺗﮭﺎ۔ ﺍﯾﮏ ﺳﺎﻝ ﭘﮩﻠﮯ ﮨﯽ ﺭﺍﺑﯿﻞ ﮐﮯ ﻭﺍﻟﺪﯾﻦ ﮐﺎ ﺍﻧﺘﻘﺎﻝ ﮨﻮﺍ ﺗﮭﺎ ‘ ﺍﺏ ﺳﺎﺭﯼ ﺫﻣﮧ ﺩﺍﺭﯼ ﺳﺠﺎﺩ ﻋﻠﯽ ﯾﺎ ﭘﮭﺮ ﺩﺍﻧﺶ ﮐﮯ ﮐﻨﺪﮬﻮﮞ ﭘﺮ ﺗﮭﯽ۔ ﺳﺠﺎﺩ ﻋﻠﯽ ﺍﻭﺭ ﺍﻣﯽ ﻧﮯ ﺭﺍﺑﯿﻞ ﺳﮯ ﺑﺎﺕ ﮐﯽ ﺗﻮ ﺍﺱ ﻧﮯ ﺍﻧﮑﺎﺭ ﮐﺮﺩﯾﺎ ﺍﻭﺭ ﭘﮭﺮ ﮐﯿﺎ ﺗﮭﺎ ﺭﺍﺑﯿﻞ ‘ ﻋﺒﺪﺍﻟﺒﺎﺭﯼ ﮐﯽ ﺿﺪ ﺑﻦ ﮔﺌﯽ ﺗﮭﯽ۔ ﻭﮦ ﺍﺳﮯ ﮨﺮ ﻗﯿﻤﺖ ﭘﺮ ﺣﺎﺻﻞ ﮐﺮﻧﺎ ﭼﺎﮨﺘﺎ ﺗﮭﺎ ﭼﺎﮨﮯ ﺍﺳﮯ ﺍﺱ ﮐﮯ ﻟﺌﮯ ﮐﭽﮫ ﺑﮭﯽ ﮐﺮﻧﺎ ﭘﮍﮮ۔
ﺭﺍﺑﯿﻞ ﮐﯽ ﭘﮩﻠﯽ ﻣﻨﮕﻨﯽ ﮐﻨﺰﯼٰ ﺑﮭﺎﺑﯽ ﮐﮯ ﮐﺴﯽ ﮐﺰﻥ ﻓﯿﺼﻞ ﺳﮯ ﮨﻮﺋﯽ ﺗﮭﯽ ‘ ﺑﻈﺎﮨﺮ ﮐﻮﺋﯽ ﺑﺎﺕ ﻧﮩﯿﮟ ﮨﻮﺋﯽ ﺗﮭﯽ ﻣﮕﺮ ﻧﮧ ﺟﺎﻧﮯ ﻋﺒﺪﺍﻟﺒﺎﺭﯼ ﻧﮯ ﻓﯿﺼﻞ ﮐﻮ ﮐﯿﺴﮯ ﺍﻭﺭ ﮐﯿﻮﮞ ﺭﺍﺿﯽ ﮐﺮﻟﯿﺎ ﺗﮭﺎ ﮐﮧ ﺍﺱ ﻧﮯ ﻭﺍﻟﺪﯾﻦ ﮐﯽ ﭘﺮﻭﺍ ﮐﺌﮯ ﺑﻐﯿﺮ ﺭﺍﺑﯿﻞ ﺳﮯ ﻣﻨﮕﻨﯽ ﺗﻮﮌ ﺩﯼ ﺗﮭﯽ ﭘﮭﺮ ﺍﺏ ﺩﻭ ﻣﺎﮦ ﭘﮩﻠﮯ ﮨﯽ ﺍﺱ ﮐﺎ ﺭﺷﺘﮧ ﺳﺠﺎﺩ ﻋﻠﯽ ﺻﺎﺣﺐ ﮐﮯ ﺩﻭﺳﺖ ﺍﻣﯿﺮﺍﻟﺪﯾﻦ ﮐﮯ ﺻﺎﺣﺒﺰﺍﺩﮮ ﻧﻮﺍﺯ ﺳﮯ ﻃﮯ ﮨﻮﺍ ﺗﮭﺎ ‘ ﺭﺷﺘﮧ ﻃﮯ ﮐﺮﺗﮯ ﻭﻗﺖ ﺍﻧﮩﻮﮞ ﻧﮯ ﻣﺨﺘﺼﺮﺍً ﺍﻣﯿﺮﺍﻟﺪﯾﻦ ﮐﻮ ﺍﭘﻨﮯ ﺑﯿﭩﮯ ﮐﯽ ﺿﺪ ﺳﮯ ﻣﺘﻌﻠﻖ ﺑﺘﺎﺩﯾﺎ ﺗﮭﺎ ﺳﻮ ﺩﻭ ﻣﺎﮦ ﮔﺰﺭﻧﮯ ﮐﮯ ﺑﺎﻭﺟﻮﺩ ﻣﻨﮕﻨﯽ ﺑﺮﻗﺮﺍﺭ ﺗﮭﯽ ﻋﺒﺪﺍﻟﺒﺎﺭﯼ ﮐﺎ ﮨﺮ ﺣﺮﺑﮧ ﺍﺳﺘﻌﻤﺎﻝ ﮐﺮﻧﮯ ﮐﮯ ﺑﺎﻭﺟﻮﺩ۔ ﻟﯿﮑﻦ ﺍﺏ ﺍﺱ ﻧﮯ ﺟﻮ ﻃﺮﯾﻘﮧ ﺍﺧﺘﯿﺎﺭ ﮐﯿﺎ ﺗﮭﺎ ﺍﺱ ﺳﮯ ﺭﺍﺑﯿﻞ ﻣﺠﺒﻮﺭ ﮨﻮﮔﺌﯽ ﺗﮭﯽ ﮐﮧ ﻭﮦ ﯾﮧ ﺭﺷﺘﮧ ﺧﺘﻢ ﮐﺮﺩﮮ۔
ﺅ … ﺅ … ﺅ
ﻭﮦ ﮐﻤﺮﮮ ﮐﯽ ﮐﮭﮍﮐﯽ ﮐﮭﻮﻟﮯ ﻣﺴﻠﺴﻞ ﮐﺴﯽ ﻏﯿﺮﻣﺮﺋﯽ ﻧﻘﻄﮯ ﮐﻮ ﮔﮭﻮﺭ ﺭﮨﯽ ﺗﮭﯽ۔ ﺩﻝ ﮐﯽ ﺣﺎﻟﺖ ﻋﺠﺐ ﺳﯽ ﺗﮭﯽ۔ ﻧﮧ ﮨﯽ ﮐﻮﺋﯽ ﺧﻮﺍﺏ ﺗﮭﺎ ﺍﻭﺭ ﻧﮧ ﮨﯽ ﮐﻮﺋﯽ ﺗﺼﻮﺭ۔
ﺍﺱ ﮐﯽ ﺁﻧﮑﮭﯿﮟ ﺑﺲ ﺳﺎﮐﺖ ﺳﯽ ﺗﮭﯿﮟ۔ ﺍﭘﻨﯽ ﮐﻢ ﻧﺼﯿﺒﯽ ﮐﺎ ﺍﯾﮏ ﺩﺭﺩ ﺍﻧﺪﺭ ﮨﯽ ﺍﻧﺪﺭ ﺑﮩﮧ ﺭﮨﺎ ﺗﮭﺎ۔ ﺍﺏ ﺷﺎﯾﺪ ﺗﺎﻋﻤﺮ ﺍﺱ ﺩﺭﺩ ﺳﮯ ﭼﮭﭩﮑﺎﺭﺍ ﻧﮩﯿﮟ ﺗﮭﺎ۔ ﻋﺒﺪﺍﻟﺒﺎﺭﯼ ﮐﺎ ﺧﻮﻑ ﺍﺱ ﮐﯽ ﻭﺣﺸﺖ ‘ ﺍﺱ ﮐﮯ ﮐﭽﮫ ﺑﮭﯽ ﮐﺮﮔﺰﺭﻧﮯ ﮐﺎ ﺍﻧﺪﺍﺯ ﺍﯾﺴﺎ ﮨﯽ ﺟﺎﮞ ﮔﺴﻞ ﺗﮭﺎ ﮐﮧ ﺑﮩﺖ ﻣﺠﺒﻮﺭ ﮨﻮﮐﺮ ﺍﺱ ﻧﮯ ﺍﺗﻨﺎ ﺑﮍﺍ ﻗﺪﻡ ﺍﭨﮭﺎﻟﯿﺎ۔ ﺍﺏ ﺍﯾﮏ ﺩﻓﻌﮧ ﭘﮭﺮ ﺍﺱ ﮐﯽ ﺫﺍﺕ ﺍﺷﺘﮩﺎﺭ ﺑﻨﻨﮯ ﻭﺍﻟﯽ ﺗﮭﯽ ﻣﮕﺮ ﺍﺏ ﺍﺱ ﻧﮯ ﺳﻮﭺ ﻟﯿﺎ ﺗﮭﺎ ﻣﺰﯾﺪ ﮐﻮﺋﯽ ﺫﻟﺖ ‘ ﮐﻮﺋﯽ ﺭﺳﻮﺍﺋﯽ ‘ ﮐﻮﺋﯽ ﺟﺒﺮ ﻧﮩﯿﮟ ﺳﮩﻨﺎ۔ ﺧﺎﻣﻮﺷﯽ ﺳﮯ ﯾﮩﺎﮞ ﺳﮯ ﺩﺍﻧﺶ ﺑﮭﯿﺎ ﮐﮯ ﭘﺎﺱ ﭼﻠﮯ ﺟﺎﻧﺎ ﮨﮯ۔
ﻭﮦ ﮐﮭﮍﮐﯽ ﺑﻨﺪ ﮐﺮﮐﮯ ﺑﺎﮨﺮ ﻧﮑﻞ ﺁﺋﯽ ﺗﮭﯽ۔ ﺍﺑﮭﯽ ﺍﺱ ﮐﺎ ﺍﺭﺍﺩﮦ ﺑﮍﯼ ﺍﻣﯽ ﮐﮯ ﮐﻤﺮﮮ ﻣﯿﮟ ﺟﺎﻧﮯ ﮐﺎ ﺗﮭﺎ ﺟﺐ ﺍﭘﻨﮯ ﮐﻤﺮﮮ ﺳﮯ ﻋﺒﺪﺍﻟﺒﺎﺭﯼ ﮐﻮ ﻧﮑﻠﺘﮯ ﺩﯾﮑﮫ ﮐﺮ ﺭﮎ ﮔﺌﯽ۔ ﻭﮦ ﺍﺱ ﻭﻗﺖ ﺷﺎﯾﺪ ﮈﯾﻮﭨﯽ ﮐﮯ ﻟﺌﮯ ﻧﮑﻞ ﺭﮨﺎ ﺗﮭﺎ۔ ﻓﻞ ﯾﻮﻧﯽ ﻓﺎﺭﻡ ﻣﯿﮟ ﺗﮭﺎ ‘ ﺍﭘﻨﮯ ﺩﮬﯿﺎﻥ ﻣﯿﮟ ﺗﮭﺎ ‘ ﺭﺍﺑﯿﻞ ﮐﻮ ﻧﮩﯿﮟ ﺩﯾﮑﮭﺎ ﺗﮭﺎ۔ ﺭﺍﺑﯿﻞ ﺗﯿﺰ ﺗﯿﺰ ﻗﺪﻡ ﺍﭨﮭﺎﺗﯽ ﺁﮔﮯ ﺑﮍﮪ ﺁﺋﯽ ﺗﻮ ﻭﮦ ﺍﺳﮯ ﺍﭘﻨﯽ ﻃﺮﻑ ﺁﺗﮯ ﺩﯾﮑﮫ ﮐﺮ ﭼﻮﻧﮑﺎ۔
’’ ﻣﺠﮭﮯ ﺗﻢ ﺳﮯ ﺑﺎﺕ ﮐﺮﻧﯽ ﮨﮯ۔ ‘‘ ﻭﮦ ﺁﺝ ﭘﮩﻠﯽ ﺩﻓﻌﮧ ﺑﮩﺖ ﻋﺮﺻﮯ ﺑﻌﺪ ﺑﻐﯿﺮ ﮐﻮﺋﯽ ﺣﻮﺍﻟﮧ ﺩﯾﺌﮯ ﮐﮩﮧ ﺭﮨﯽ ﺗﮭﯽ۔ ﻋﺒﺪﺍﻟﺒﺎﺭﯼ ﮐﮯ ﻟﺌﮯ ﯾﮧ ﺍﻣﺮ ﺑﮩﺖ ﺣﯿﺮﺍﻥ ﮐﻦ ﺗﮭﺎ۔ ﺍﺱ ﻧﮯ ﺑﻐﻮﺭ ﺭﺍﺑﯿﻞ ﮐﻮ ﺩﯾﮑﮭﺎ۔ ﻧﮧ ﺟﺎﻧﮯ ﺿﺪ ﺗﮭﯽ ﮐﮧ ﮐﯿﺎ ﺗﮭﺎ؟ ﻃﻠﺐ ﺍﺳﯽ ﭼﮩﺮﮮ ﭘﺮ ﺁﮐﺮ ﻣﭩﺘﯽ ﻣﺤﺴﻮﺱ ﮨﻮﺗﯽ ﺗﮭﯽ۔ ﺣﺴﯿﻦ ﺧﺪﻭﺧﺎﻝ ﺳﮯ ﺳﺠﺎ ﺑﮭﺮﭘﻮﺭ ﺣُﺴﻦ ﻟﺌﮯ ﺩﻟﮑﺶ ﻭ ﺩﻟﻔﺮﯾﺐ ‘ ﺳُﺮﺥ ﭨﻤﭩﻤﺎﺗﺎ ﭼﮩﺮﮦ ‘ ﮔﮩﺮﯼ ﻣﻮﭨﯽ ﻣﻮﭨﯽ ﺁﻧﮑﮭﻮﮞ ﭘﺮﺳﺎﯾﮧ ﻓﮕﻦ ﻻﻧﺒﯽ ﭘﻠﮑﯿﮟ ﺍﻭﺭ ﺍﻥ ﮐﮯ ﺳﻮﺟﮯ ﺳُﺮﺥ ﻣﻮﭨﮯ ﮈﻭﺭﮮ۔ ﺍﯾﮏ ﺑﮭﺮﭘﻮﺭ ﮐﺸﺶ ﺗﮭﯽ ﺍﺱ ﭼﮩﺮﮮ ﻣﯿﮟ۔ ﻧﮧ ﺟﺎﻧﮯ ﻋﺒﺪﺍﻟﺒﺎﺭﯼ ﮐﯽ ﻧﻈﺮ ﮐﯽ ﻭﺳﻌﺖ ﺍﺗﻨﯽ ﻣﺤﺪﻭﺩ ﺗﮭﯽ ﯾﺎ ﭘﮭﺮ ﺍﺱ ﭼﮩﺮﮮ ﮐﺎ ﺗﺎﺛﺮ ﮨﯽ ﺍﺗﻨﺎ ﺑﮭﺮﭘﻮﺭ ﺗﮭﺎ ﮐﮧ ﺳﺎﺭﯼ ﺩﻧﯿﺎ ﮐﺎ ﺣُﺴﻦ ﺍﺱ ﭼﮩﺮﮮ ﭘﺮ ﺁﮐﺮ ﺧﺘﻢ ﮨﻮﺗﺎ ﻣﺤﺴﻮﺱ ﮨﻮﺗﺎ ﺗﮭﺎ۔ ﻋﺒﺪﺍﻟﺒﺎﺭﯼ ﮐﯽ ﻧﻈﺮﻭﮞ ﮐﯽ ﺗﭙﺶ ﺳﮯ ﯾﮧ ﺳﺎﺣﺮﺍﻧﮧ ﻧﻘﺶ ﻭ ﻧﮕﺎﺭ ﺳﮯ ﺳﺠﺎ ﺯﯾﺮﺷﮑﻦ ﻭﺟﻮﺩ ﻧﺎﻗﺎﺑﻞ ﺑﺮﺩﺍﺷﺖ ﻟﮩﺮ ﮐﯽ ﻟﭙﯿﭧ ﻣﯿﮟ ﺁﮔﯿﺎ ﺗﮭﺎ۔ ﺭﺍﺑﯿﻞ ﮐﺎ ﺟﯽ ﭼﺎﮦ ﺭﮨﺎ ﺗﮭﺎ ﮐﮧ ﺍﺱ ﮐﯽ ﺁﻧﮑﮭﯿﮟ ﭘﮭﻮﮌ ﺩﮮ۔ ﺟﺐ ﺳﮯ ﺍﺱ ﻧﮯ ﺍﭘﻨﺎ ﻧﺎﻡ ﺍﺱ ﮐﮯ ﻣﻨﮧ ﺳﮯ ﺳﻨﺎ ﺗﮭﺎ ﺍﯾﮏ ﻧﻔﺮﺕ ﺳﯽ ﮨﻮﻧﮯ ﻟﮕﯽ ﺗﮭﯽ۔ ﻋﺒﺪﺍﻟﺒﺎﺭﯼ ﮐﯽ ﻧﮕﺎﮨﻮﮞ ﻣﯿﮟ ﺳﻮﺍﺋﮯ ﺑﮯ ﺣﯿﺎﺋﯽ ﮐﮯ ﮐﭽﮫ ﺍﻭﺭ ﻧﻈﺮ ﺁﺗﺎ ﮨﯽ ﻧﮩﯿﮟ ﺗﮭﺎ۔ ﮐﭽﮫ ﻏﺼﮯ ﺍﻭﺭ ﮐﭽﮫ ﻋﺒﺪﺍﻟﺒﺎﺭﯼ ﮐﯽ ﻧﻈﺮﻭﮞ ﮐﯽ ﮔﺮﻓﺖ ﺳﮯ ﻭﮦ ﻣﺰﯾﺪ ﺳُﺮﺥ ﺳﯽ ﮨﻮﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﻧﮯ ﺑﮭﺮﭘﻮﺭ ﺗﻮﺟﮧ ﺳﮯ ﺩﯾﮑﮭﺎ۔ ﭼﮩﺮﮮ ﺳﮯ ﺻﺎﻑ ﻟﮓ ﺭﮨﺎ ﺗﮭﺎ ﮐﮧ ﻭﮦ ﺳﺎﺭﯼ ﺭﺍﺕ ﺍﯾﮏ ﭘﻞ ﮐﻮ ﺑﮭﯽ ﻧﮩﯿﮟ ﺳﻮﺳﮑﯽ۔ ﺁﻧﮑﮭﯿﮟ ﻋﻠﯿﺤﺪﮦ ﻣﺴﻠﺴﻞ ﮔﺮﯾﮧ ﻭﺯﺍﺭﯼ ﮐﯽ ﮐﮩﺎﻧﯽ ﺳُﻨﺎﺭﮨﯽ ﺗﮭﯿﮟ۔ ﻋﺒﺪﺍﻟﺒﺎﺭﯼ ﻧﮯ ﺑﮭﺮﭘﻮﺭ ﺍﻧﺪﺍﺯ ﻣﯿﮟ ﺍﺱ ﮐﺎ ﯾﮧ ﺭﻭﭖ ﻧﻈﺮﻭﮞ ﻣﯿﮟ ﺑﺴﺎﯾﺎ ﺗﮭﺎ۔ ﺭﺍﺑﯿﻞ ﺑﻤﺸﮑﻞ ﺑﺮﺩﺍﺷﺖ ﮐﺮﭘﺎﺭﮨﯽ ﺗﮭﯽ ﻭﺭﻧﮧ ﺩﻝ ﺗﻮ ﭼﺎﮦ ﺭﮨﺎ ﺗﮭﺎ ﮐﮧ ﺧﻮﺩ ﭘﺮ ﺍﺱ ﻗﺪﺭ ﺑﮯ ﺑﺎﮐﯽ ﻭ ﺑﮯ ﻏﯿﺮﺗﯽ ﺳﮯ ﺍُﭨﮭﻨﮯ ﻭﺍﻟﯽ ﺁﻧﮑﮭﻮﮞ ﮐﻮ ﻧﻮﭺ ﮈﺍﻟﮯ۔ ﻭﮦ ﺍﯾﺴﺎ ﮐﺮ ﺑﮭﯽ ﺩﯾﺘﯽ ﺍﮔﺮ ﺳﺎﻣﻨﮯ ﻋﺒﺪﺍﻟﺒﺎﺭﯼ ﻧﮧ ﮨﻮﺗﺎ۔
’’ ﺧﯿﺮﯾﺖ؟ ‘‘ ﺍﺱ ﮐﮯ ﺻﺒﺮ ﮐﺎ ﺍﻣﺘﺤﺎﻥ ﺑﮩﺖ ﺗﮭﺎ۔ ﺑﮩﺖ ﺑﺎﺭﯾﮏ ﺑﯿﻨﯽ ﺳﮯ ﺍﺱ ﮐﮯ ﺗﺎﺛﺮﺍﺕ ﻧﻮﭦ ﮐﺮﺗﮯ ﮨﻮﺋﮯ ﻣﺴﮑﺮﺍﮐﺮ ﻃﻨﺰﺍً ﭘﻮﭼﮭﺎ ﺗﮭﺎ۔
ﺭﺍﺑﯿﻞ ﻧﮯ ﮐﺎﭦ ﺩﺍﺭ ﻧﻈﺮ ﮈﺍﻟﯽ۔ ’’ ﺑﮭﻼ ﺗﻤﮩﺎﺭﯼ ﻣﻮﺟﻮﺩﮔﯽ ﻣﯿﮟ ﮐﻮﺋﯽ ﺧﯿﺮﯾﺖ ﮨﻮﺳﮑﺘﯽ ﮨﮯ۔ ‘‘ ﺩﻝ ﮨﯽ ﺩﻝ ﻣﯿﮟ ﺳﻮﭼﺎ۔
’’ ﺗﻢ ﯾﮧ ﻧﻮﺍﺯ ﻭﺍﻻ ﻗﺼﮧ ﺧﺘﻢ ﮐﺮﻭ ‘ ﺟﻮ ﺗﻢ ﭼﺎﮨﺘﮯ ﮨﻮ ﻭﮦ ﮨﻮﮔﯿﺎ ﮨﮯ۔ ﺍﺻﻮﻻً ﺗﻮ ﺗﻤﮩﯿﮟ ﺍﺳﮯ ﺭﺍﺕ ﮐﻮ ﮨﯽ ﭼﮭﻮﮌ ﺩﯾﻨﺎ ﭼﺎﮨﺌﮯ ﺗﮭﺎ ﮐﯿﻮﮞ ﮐﮧ ﺗﻤﮩﺎﺭﯼ ﮈﯾﻤﺎﻧﮉ ﮐﻞ ﮨﯽ ﭘﻮﺭﯼ ﮨﻮﮔﺌﯽ ﺗﮭﯽ ﻣﮕﺮ ﺍﺱ ﮐﮯ ﻭﺍﻟﺪ ﮐﺎ ﻓﻮﻥ ﺁﯾﺎ ﮨﮯ ﻭﮦ ﺍﺏ ﺑﮭﯽ ﺗﻤﮩﺎﺭﮮ ﻻﮎ ﺍﭖ ﻣﯿﮟ ﺑﻨﺪ ﮨﮯ … ﺁﺧﺮ ﭼﺎﮨﺘﮯ ﮐﯿﺎ ﮨﻮ ﺗﻢ؟ ‘‘ ﻭﮦ ﭼﭩﺦ ﮔﺌﯽ ﺗﮭﯽ۔ ﮐﺎﻓﯽ ﺗﻠﺨﯽ ﺳﮯ ﭘﻮﭼﮭﺎ ﺗﮭﺎ۔ ﺟﻮﺍﺑﺎً ﺭﺍﺑﯿﻞ ﮐﯽ ﭘﺮﯾﺸﺎﻧﯽ ﻭ ﺗﻔﮑﺮ ﮐﯽ ﭘﺮﻭﺍ ﮐﺌﮯ ﺑﻐﯿﺮ ﻭﮦ ﻣﺴﮑﺮﺍﯾﺎ۔ ﻭﮦ ﻣﺰﯾﺪ ﺳﻠﮓ ﮔﺌﯽ۔
’’ ﻣﯿﮟ ﮐﯿﺎ ﭼﺎﮨﺘﺎ ﮨﻮﮞ … ؟ ‘‘ ﭘﺮﺳﻮﭺ ﺍﻧﺪﺍﺯ ﻣﯿﮟ ﺩﮨﺮﺍﯾﺎ۔ ’’ ﮐﺎﺵ ﺭﺍﺑﯿﻞ ﺑﯿﮕﻢ ! ﺗﻢ ﯾﮧ ﺳﻮﺍﻝ ﺍﺱ ﻭﻗﺖ ﭘﻮﭼﮭﺘﯿﮟ ﺟﺐ ﺗﻢ ﻧﮯ ﻣﯿﺮﮮ ﻟﺌﮯ ﺍﻧﮑﺎﺭ ﮐﯿﺎ ﺗﮭﺎ۔ ﻣﯿﺮﯼ ﮈﯾﻤﺎﻧﮉ ﮐﯿﺎ ﮨﮯ ﺗﻢ ﺑﺨﻮﺑﯽ ﺟﺎﻧﺘﯽ ﮨﻮ … ﻣﯿﮟ ﮐﯿﺎ ﭼﺎﮨﺘﺎ ﮨﻮﮞ ﺗﻢ ﺑﮯ ﺧﺒﺮ ﻧﮩﯿﮞﮩﻮ۔ ‘‘ ﻭﮦ ﺍﺱ ﮐﯽ ﻃﺮﻑ ﺑﮍﮪ ﺁﯾﺎ ﺗﮭﺎ۔ ﺭﺍﺑﯿﻞ ﻟﺐ ﺑﮭﯿﻨﭽﮯ ﮐﮭﮍﯼ ﺭﮨﯽ۔
’’ ﻧﻮﺍﺯ ﮐﺎ ﺍﺗﻨﺎ ﺩﺭﺩ ﮨﮯ ﺗﻤﮩﺎﺭﮮ ﺳﯿﻨﮯ ﻣﯿﮟ … ﺍﺱ ﮐﮯ ﻟﺌﮯ ﺍﺗﻨﺎ ﺗﮍﭖ ﺭﮨﯽ ﮨﻮ ﺍﻭﺭ ﺟﻮ ﻣﯿﮟ ﭼﺎﮦ ﺭﮨﺎ ﮨﻮﮞ ﺍﺱ ﮐﮯ ﻟﺌﮯ ﮐﺒﮭﯽ ﻧﻈﺮ ﺍﭨﮭﺎﮐﺮ ﺩﯾﮑﮭﺎ ﻧﮩﯿﮟ ‘‘… ﻭﮦ ﺍﺱ ﺳﮯ ﮨﺮ ﻗﺴﻢ ﮐﯽ ﺗﻮﻗﻊ ﮐﺮﺳﮑﺘﯽ ﺗﮭﯽ ‘ ﺍﺱ ﻭﻗﺖ ﺗﻮ ﺣﺪ ﺗﮭﯽ۔ ﻭﮦ ﺑﻤﺸﮑﻞ ﺧﻮﺩ ﮐﻮ ﮐﭽﮫ ﺳﺨﺖ ﺳﺴﺖ ﮐﮩﻨﮯ ﺳﮯ ﺭﻭﮎ ﭘﺎﺋﯽ ﺗﮭﯽ۔ ﻭﮦ ﺍﺱ ﮐﯽ ﮐﯿﻔﯿﺖ ﻣﺤﺴﻮﺱ ﮐﺮﮐﮯ ﻣﺴﮑﺮﺍﯾﺎ ﺗﻮ ﻭﮦ ﺍﻧﮕﺎﺭﻭﮞ ﭘﺮ ﻟﻮﭨﻨﮯ ﻟﮕﯽ۔
’’ ﺗﻢ ﻧﻮﺍﺯ ﮐﻮ ﮐﺐ ﭼﮭﻮﮌ ﺭﮨﮯ ﮨﻮ … ؟ ‘‘ ﻭﮦ ﺻﺮﻑ ﺍﺗﻨﺎ ﮨﯽ ﭘﻮﭼﮫ ﺳﮑﯽ۔
’’ ﺍﺗﻨﯽ ﺟﻠﺪﯼ ﺑﮭﯽ ﮐﯿﺎ ﮨﮯ ﺗﻤﮩﯿﮟ؟ ﺗﻤﮩﺎﺭﮮ ﺣﻮﺍﻟﮯ ﺳﮯ ﺭﺷﺘﮯ ﺩﺍﺭﯼ ﺗﻮ ﺗﮭﯽ ﮨﯽ ‘ ﮐﭽﮫ ﻋﺮﺻﮧ ﺭﺷﺘﮧ ﻧﻮﺍﺯﯼ ﺑﮭﯽ ﻧﺒﮭﺎﻧﺎ ﭼﺎﮨﺘﺎ ﮨﻮﮞ ﺗﺎﮐﮧ ﻣﺤﺘﺮﻡ ﺭﺷﺘﮯ ﺩﺍﺭﯼ ﮐﯽ ﻧﻮﻋﯿﺖ ﭘﺮ ﻏﻮﺭ ﺗﻮ ﮐﺮﺳﮑﯿﮟ … ﺍﺗﻨﺎ ﺗﻮ ﺟﺎﻥ ﻟﮯ ﮐﮧ ﮐﺲ ﺳﮯ ﺍﻟﺠﮭﺎ ﮨﮯ … ﺍﺳﮯ ﺍﻧﺪﺍﺯﮦ ﺗﻮ ﮨﻮﻧﺎ ﭼﺎﮨﺌﮯ ﻧﺎﮞ ﮐﮧ ﻋﺒﺪﺍﻟﺒﺎﺭﯼ ﮐﯽ ﻣﻨﻈﻮﺭِ ﻧﻈﺮ ﺍﺗﻨﯽ ﺳﺴﺘﯽ ﺗﻮ ﻧﮩﯿﮟ۔ ‘‘ ﻭﮦ ﺍﺱ ﮐﮯ ﺍﻧﺪﺍﺯِ ﮔﻔﺘﮕﻮ ‘ ﺍﻟﻔﺎﻅ ﺍﻭﺭ ﻟﺐ ﻭ ﻟﮩﺠﮯ ﭘﺮ ﺁﻧﮑﮭﯿﮟ ﭘﮭﺎﮌﮮ ﺍﺳﮯ ﺩﯾﮑﮭﮯ ﮔﺌﯽ۔ ﮐﺘﻨﺎ ﻏﻠﻂ ﺗﮭﺎ ﯾﮧ ﺷﺨﺺ ‘ ﮐﺘﻨﺎ ﮐﺮﭘﭧ ﺍﻭﺭ ﺩﮬﻮﮐﮯ ﺑﺎﺯ … ﻭﮦ ﺩﮐﮫ ﺳﮯ ﺍﭘﻨﮯ ﻣﻨﮧ ﭘﺮ ﮨﺎﺗﮫ ﺭﮐﮫ ﮔﺌﯽ۔
’’ ﮐﺘﻨﺎ ﻇﻠﻢ ﮐﻤﺎﺅ ﮔﮯ ﺍﻭﺭ؟ ﻣﺖ ﺁﮨﯿﮟ ﻟﻮ ﮐﺴﯽ ﻣﻈﻠﻮﻡ ﮐﯽ … ﺟﺲ ﻋﮩﺪﮮ ﭘﺮ ﺗﻤﮩﯿﮟ ﺍﺗﻨﺎ ﮔﮭﻤﻨﮉ ﮨﮯ ﻭﮦ ﮐﺒﮭﯽ ﺑﮭﯽ ﮨﻤﯿﺸﮧ ﺗﻤﮩﺎﺭﺍ ﺳﺎﺗﮫ ﻧﮩﯿﮟ ﺩﮮ ﮔﺎ۔ ﺍﻟﻠﮧ ﺑﮭﯽ ﮨﮯ ‘ ﺍﺱ ﮐﻮ ﻣﺖ ﺑﮭﻮﻟﻮ … ﺗﻢ ﺟﯿﺴﮯ ﻟﻮﮔﻮﮞ ﮐﺎ ﺍﻧﺠﺎﻡ ﺑﮩﺖ ﻋﺒﺮﺕ ﻧﺎﮎ ﮨﻮﺗﺎ ﮨﮯ۔ ﺍﯾﺴﮯ ﺩﺭﻧﺪﮮ ﮨﻮ ﺗﻢ ﮐﮧ ﺟﺲ ﻣﯿﮟ ﺍﻧﺴﺎﻧﯿﺖ ﻧﺎﻡ ﮐﻮ ﻧﮩﯿﮟ۔ ‘‘ ﻭﮦ ﻏﺼﮯ ﺳﮯ ﺧﻮﺩ ﭘﺮ ﻗﺎﺑﻮ ﻧﮩﯿﮟ ﺭﮐﮫ ﭘﺎﺋﯽ ﺗﮭﯽ۔ ﺍﺳﮯ ﺳﺐ ﺳﻨﺎﺗﮯ ﮨﻮﺋﮯ ﮨﺎﻧﭙﻨﮯ ﻟﮕﯽ ﺗﮭﯽ ﺟﺐ ﮐﮧ ﻭﮦ ﺻﺮﻑ ﻣﺴﮑﺮﺍﯾﺎ ﺗﮭﺎ۔
’’ ﻭﯾﻞ ﮈﻥ … ﺑﮩﺖ ﺍﭼﮭﺎ ﺑﻮﻝ ﻟﯿﺘﯽ ﮨﻮ ﺗﻢ ﺗﻮ … ﯾﮧ ﺟﻮﮨﺮ ﺑﮭﯽ ﭼُﮭﭙﺎ ﺭﮐﮭﮯ ﮨﯿﮟ ﺗﻢ ﻧﮯ ﺍﭘﻨﮯ ﺍﻧﺪﺭ ‘ ﻋﻠﻢ ﮨﯽ ﻧﮩﯿﮟ ﺗﮭﺎﻣﺠﮭﮯ۔ ﺩﻝ ﺗﻮ ﭼﺎﮦ ﺭﮨﺎ ﮨﮯ ﮐﮧ ﺍﭼﮭﺎ ﺳﺎ ﭘﺮﺍﺋﺰ ﺩﻭﮞ ‘‘… ﻭﮦ ﮨﻮﻧﭩﻮﮞ ﻣﯿﮟ ﻣﺴﮑﺮﺍﮨﭧ ﺩﺑﺎﺋﮯ ﺧﺎﻣﻮﺵ ﮨﻮﺍ ﺗﮭﺎ ‘ ﻭﮦ ﺑﮭﻮﻧﭽﮑﺎ ﮨﻮ ﮐﺮ ﺩﯾﮑﮭﺘﯽ ﺭﮦ ﮔﺌﯽ ﯾﻌﻨﯽ ﮐﭽﮫ ﺍﺛﺮ ﮨﯽ ﻧﮩﯿﮟ ﺗﮭﺎ۔
’’ ﻣﮕﺮ ﮐﯿﺎ ﮐﺮﻭﮞ ﺍﮔﺮ ﺍﻧﻌﺎﻡ ﺩﯾﻨﮯ ﻟﮕﺎ ﺗﻮ ﺗﻢ ﺍﻧﻌﺎﻡ ﺩﯾﮑﮫ ﮐﺮ ﻧﺎﺭﺍﺽ ﮨﻮﺟﺎﺅ ﮔﯽ۔ ﭼﻠﻮ ﭘﮭﺮ ﮐﺒﮭﯽ ﺳﮩﯽ ‘ ﺳﺎﺭﯼ ﻋﻤﺮ ﺗﻤﮩﯿﮟ ﮨﯽ ﺳﻨﻨﺎ ﮨﮯ … ﯾﮧ ﻟﻮ ‘ ﺩﯾﮑﮭﻮ ﺗﻤﮩﺎﺭﮮ ﭼﮑﺮ ﻣﯿﮟ ﻣﯿﺮﺍ ﮐﺘﻨﺎ ﻭﻗﺖ ﻧﮑﻞ ﮔﯿﺎ ﮨﮯ۔ ﻣﯿﺮﮮ ﭘﺎﺱ ﺍﺱ ﻭﻗﺖ ﺑﺎﻟﮑﻞ ﺑﮭﯽ ﻭﻗﺖ ﻧﮩﯿﮟ ﮨﮯ ﻣﺎﺋﯽ ﮈﯾﺌﺮ ! ﭘﮭﺮ ﮐﺒﮭﯽ ﺑﺎﺕ ﮐﺮﻭﮞ ﮔﺎ … ﺍﻭﮐﮯ ﭨﯿﮏ ﮐﯿﺌﺮ ‘ ﺍﻟﻠﮧ ﺣﺎﻓﻆ ‘‘!
ﺍﺱ ﮐﮯ ﺑﺖ ﺑﻨﮯ ﻭﺟﻮﺩ ﭘﺮ ﺍﯾﮏ ﮔﮩﺮﯼ ﻧﻈﺮ ﮈﺍﻝ ﮐﺮ ﮔﮩﺮﯼ ﻣﺴﮑﺮﺍﺗﯽ ﻧﮕﺎﮨﻮﮞ ﺳﮯ ﺩﯾﮑﮭﺘﮯ ﺍﻧﮕﻠﯿﻮﮞ ﺳﮯ ﺭﺧﺴﺎﺭ ﮐﻮ ﭼﮭﻮﺗﮯ ﺍﺱ ﮐﻮ ﺍﭘﻨﮯ ﺭﺍﺳﺘﮯ ﺳﮯ ﮨﭩﺎﮐﺮ ﻭﮦ ﺁﮔﮯ ﺑﮍﮬﺎ ﺗﻮ ﻭﮦ ﺑﮭﯽ ﺟﯿﺴﮯ ﭼﻮﻧﮑﯽ۔
’’ ﺩﯾﮑﮭﻮ … ﺑﺎﺭﯼ ! ﭘﻠﯿﺰ ﻣﯿﺮﯼ ﺑﺎﺕ ﺳﻨﻮ … ﺗﻢ ﺍﺳﮯ ﭼﮭﻮﮌ ﺩﻭ … ﺍﺱ ﮐﺎ ﺑﺎﭖ ﮨﺎﺭﭦ ﭘﯿﺸﻨﭧ ﮨﮯ ‘ ﻣﺎﮞ ﺑﮭﯽ ﺑﯿﻤﺎﺭ ﮨﮯ۔ ﻭﮦ ﻟﻮﮒ ﻣﺮﺟﺎﺋﯿﮟ ﮔﮯ۔ ﻭﮦ ﺍﻥ ﮐﺎ ﺍﮐﻠﻮﺗﺎ ﺑﯿﭩﺎ ﮨﮯ … ﺍﺳﮯ ﭼﮭﻮﮌ ﺩﻭ ﭘﻠﯿﺰ ‘‘… ﺍﺱ ﻧﮯ ﮐﺒﮭﯽ ﺑﮭﯽ ﻧﮩﯿﮟ ﺳﻮﭼﺎ ﺗﮭﺎ ﮐﮧ ﻭﮦ ﮐﺒﮭﯽ ﺍﺱ ﭘﺘﮭﺮ ﺩﻝ ﺍﺣﺴﺎﺱ ﻭ ﺭﺣﻢ ﺳﮯ ﻋﺎﺭﯼ ﺷﺨﺺ ﮐﮯ ﺳﺎﻣﻨﮯ ﮔﮍﮔﮍﺍﺋﮯ ﮔﯽ ﺑﮭﯽ۔ ﺍﺱ ﮐﺎ ﺭﺍﺳﺘﮧ ﺭﻭﮐﮯ ﮐﮭﮍﯼ ﮨﻮﮔﺌﯽ ﺗﮭﯽ ‘ ﺁﻧﺴﻮ ﺍﻟﮓ ﺑﮩﻨﮯ ﻟﮕﮯ ﺗﮭﮯ۔
’’ ﻟﮕﺘﺎ ﮨﮯ ﻭﮦ ﺭﻗﯿﺐ ﺭﻭﺳﯿﺎ ﺑﮩﺖ ﺍﮨﻢ ﮨﻮﮔﯿﺎ ﮨﮯ ﺗﻤﮩﺎﺭﮮ ﻟﺌﮯ … ﯾﮧ ﺁﻧﺴﻮ ‘ ﯾﮧ ﺍﻧﺪﺍﺯ۔ ﮨﯿﮟ ﻧﺎﮞ ‘‘… ﻭﮦ ﺍﺱ ﮔﻮﮨﺮ ﺍﻓﺸﺎﻧﯽ ﭘﺮ ﮐﭽﮫ ﮐﮩﮧ ﺑﮭﯽ ﻧﮧ ﺳﮑﯽ۔
’’ ﺩﯾﮑﮭﻮ … ﺍﺑﮭﯽ ﺳﮯ ﺳﻮﭺ ﻟﻮ … ﻣﺤﺒﺖ ﻭﺣﺒﺖ ﮐﮯ ﭼﮑﺮ ﻣﯿﮟ ﻣﺖ ﭘﮍﻧﺎ ﻭﺭﻧﮧ ﺯﻧﺪﮦ ﻧﮩﯿﮟ ﭼﮭﻮﮌﻭﮞ ﮔﺎ ﻣﯿﮟ ﺍﺳﮯ ‘‘… ﺑﮯ ﺭﺣﻢ ‘ ﺳﻨﮓ ﺩﻝ ﻟﮩﺠﮧ ﮨﻮﮔﯿﺎ ﺗﮭﺎ۔
’’ ﺑﮑﻮﺍﺱ ﻣﺖ ﮐﺮﻭ ﺗﻢ … ﺍﻧﺴﺎﻧﯿﺖ ﺑﮭﯽ ﮐﻮﺋﯽ ﭼﯿﺰ ﮨﻮﺗﯽ ﮨﮯ۔ ‘‘
’’ ﻭﺍﻗﻌﯽ ‘‘… ﻋﺒﺪﺍﻟﺒﺎﺭﯼ ﻧﮯ ﺭﺍﺑﯿﻞ ﮐﯽ ﺁﻧﮑﮭﻮﮞ ﻣﯿﮟ ﺟﮭﺎﻧﮑﺎﺗﮭﺎ۔ ﻭﮦ ﺑﮯ ﺑﺴﯽ ﺳﮯ ﮨﻮﻧﭧ ﮐﭽﻠﻨﮯ ﻟﮕﯽ۔ ’’ ﭼﻠﻮ ﺟﺎﺅ ﮐﯿﺎ ﯾﺎﺩ ﮐﺮﻭﮔﯽ … ﭘﮩﻠﯽ ﺩﻓﻌﮧ ﺍﭘﻨﯽ ﺯﺑﺎﻥ ﺳﮯ ﮐﭽﮫ ﻣﺎﻧﮓ ﺭﮨﯽ ﮨﻮ ‘ ﺑﮭﻠﮯ ﻭﮦ ﮨﻤﺎﺭﺍ ﺭﻗﯿﺐ ﮨﯽ ﺳﮩﯽ … ﺍﻥ ﺁﻧﺴﻮﺅﮞ ﮐﺎ ﮐﭽﮫ ﺗﻮ ﭘﺎﺱ ﺭﮐﮭﻨﺎ ﮨﮯ۔ ﻣﮕﺮ ﺧﯿﺎﻝ ﺭﮨﮯ ﻣﯿﺮﯼ ﺟﺎﻥ … ﺍﯾﺴﯽ ﺁﺋﻨﺪﮦ ﮐﺒﮭﯽ ﺻﻮﺭﺕ ﺣﺎﻝ ﭘﯿﺶ ﻧﮧ ﺁﺋﮯ۔ ﯾﮧ ﺗﻮ ﺯﻧﺪﮦ ﺑﭻ ﺭﮨﺎ ﮨﮯ۔ ﮐﺴﯽ ﺍﻭﺭ ﮐﻮ ﺳﺎﻧﺲ ﻟﯿﻨﮯ ﮐﯽ ﻣﮩﻠﺖ ﺑﮭﯽ ﻧﮩﯿﮟ ﺩﻭﮞ ﮔﺎ۔ ﻋﻘﻞ ﻣﻨﺪ ﮨﻮ ‘ ﺍﺷﺎﺭﮦ ﮨﯽ ﮐﺎﻓﯽ ﮨﮯ … ﺳﻤﺠﮭﯿﮟ ﺗﻢ ‘‘!
ﺭﺍﺑﯿﻞ ﮐﻮ ﺍﯾﮏ ﻃﺮﻑ ﮨﭩﺎﮐﺮ ﻭﮦ ﻧﮑﻞ ﮔﯿﺎ ﺗﮭﺎ۔ ﺍﺱ ﻧﮯ ﺑﻤﺸﮑﻞ ﺍﭘﻨﯽ ﺑﺮﺳﺘﯽ ﺁﻧﮑﮭﯿﮟ ﺻﺎﻑ ﮐﯿﮟ ﺍﻭﺭ ﻋﺒﺪﺍﻟﺒﺎﺭﯼ ﮐﮯ ﻏﺮﻭﺭ ‘ ﮔﮭﻤﻨﮉ ﺳﮯ ﺍﭨﮭﺘﮯ ﻗﺪﻡ ﺩﯾﮑﮭﺘﯽ ﺭﮦ ﮔﺌﯽ۔