ﺗﯿﺮﮮ ﺭﻧﮓ‘ ﺭﻧﮓ‘ ﺗﯿﺮﮮ ﺭﻧﮓ ﺭﻧﮓ
ﻣﯿﮟ ﺟﮩﺎﮞ ﺑﮭﯽ ﺟﺎﺅﮞ ﺩُﻧﯿﺎ ﻣﯿﮟ
ﺗﯿﺮﮮ ﺟﻠﻮﮮ ﮨﯿﮟ ﻣﯿﺮﮮ ﺳﻨﮓ ﺳﻨﮓ
ﺗﯿﺮﮮ ﺟﻠﻮﮮ ﮨﯿﮟ ﻣﯿﺮﮮ ﺳﻨﮓ ﺳﻨﮓ
’’ ﭘﻠﯿﺰ ﻣﯿﮉﻡ ﮐﮩﮑﺸﺎﮞ ! ﺁﭖ ﺍﻥ ﺑﭽﻮﮞ ﮐﯽ ﺑﺎﮈﯼ ﻟﯿﻨﮕﻮﯾﺞ ﺗﻮ ﺩﺭﺳﺖ ﮐﺮﻭﺍﺋﯿﮟ۔ ‘‘ ﺑﭽﻮﮞ ﮐﯽ ﺭﯾﮩﺮﺳﻞ ﺩﯾﮑﮭﺘﮯ ﮨﻮﺋﮯ ﻭﮦ ﮐﮩﮑﺸﺎﮞ ﮐﯽ ﻃﺮﻑ ﻣﺘﻮﺟﮧ ﮨﻮﺋﯽ۔
’’ ﺯﻭﺑﺎ ! ﺁﭖ ﺭﺍﺋﭧ ﺍﺱ ﻃﺮﻑ ﻟﯿﮟ ﮔﯽ … ﺍﻭﮐﮯ ‘‘!
ﺍﺱ ﻧﮯ ﺯﻭﺑﺎ ﮐﻮ ﮐﻨﺪﮬﻮﮞ ﺳﮯ ﺗﮭﺎﻡ ﮐﺮ ﺻﺤﯿﺢ ﭘﻮﺯﯾﺸﻦ ﻣﯿﮟ ﮐﮭﮍﺍ ﮐﯿﺎ۔
ﺗُﻮ ﻧﮯ ﻋﻄﺎ ﮐﯿﺎ ‘ ﻧﮧ ﺷﮑﺮ ﮐﯿﺎ
ﺗُﻮ ﻧﮯ ﺍﻭﺭ ﺩﯾﺎ ﺍﻭﺭ ﺩﯾﺘﺎ ﮨﯽ ﮔﯿﺎ
ﺩﯾﺘﺎ ﮨﯽ ﮔﯿﺎ ‘ ﺩﯾﺘﺎ ﮨﯽ ﮔﯿﺎ
ﻣﯿﻮﺯﮎ ﭘﻮﺭﮮ ﮐﻤﺮﮮ ﻣﯿﮟ ﺍﭘﻨﺎ ﺍﺛﺮ ﻗﺎﺋﻢ ﺭﮐﮭﮯ ﮨﻮﺋﮯ ﺗﮭﺎ۔ ﻃﻠﺒﮧ ﺳﻤﯿﺖ ﻭﮦ ﺑﮭﯽ ﺍﺱ ﮐﮯ ﺯﯾﺮ ﺍﺛﺮ ﺗﮭﯽ۔
’’ ﺍﺭﺳﻼﻥ ﺑﯿﭩﮯ ! ﺁﭖ ﺑﺎﺯﻭ ﮐﻮ ﭨﮭﯿﮏ ﻧﮩﯿﮟ ﮔﮭﻤﺎﺭﮨﮯ۔ ﺩﺍﺋﯿﮟ ﺳﮯ ﺑﺎﺋﯿﮟ ﻃﺮﻑ ﻟﮯ ﮐﺮ ‘ ﺳﺮ ﺳﮯ ﺍﻭﭘﺮ ﮔﺰﺍﺭ ﮐﺮ ﭘﮭﺮ ﮔﻮﻝ ﭼﮑﺮ ﺑﻨﺎﻧﺎ ﮨﮯ ‘ ﯾﻮﮞ ﮐﮧ ﺳﺐ ﺑﭽﻮﮞ ﮐﮯ ﺑﺎﺯﻭﺅﮞ ﮐﺎ ﺍﯾﮏ ﮔﻮﻝ ﺩﺍﺋﺮﮦ ﺑﻦ ﺟﺎﺋﮯ ﺟﺐ ﮐﮧ ﺩﻭﺳﺮﺍ ﯾﮧ ﺩﺍﯾﺎﮞ ﮨﺎﺗﮫ ﺍﺱ ﻃﺮﺡ ﺳﯿﻨﮯ ﭘﺮ ﺭﮨﮯ ﮐﮧ ﻋﺎﺟﺰﯼ ﮐﺎ ﺍﻇﮩﺎﺭ ﮨﻮ … ﺭﺍﺋﭧ؟ ‘‘
ﺍﺭﺳﻼﻥ ﮐﻮ ﻏﻠﻂ ﺭﯾﮩﺮﺳﻞ ﮐﺮﺗﮯ ﺩﯾﮑﮫ ﮐﺮ ﺍﺱ ﻧﮯ ﺳﻤﺠﮭﺎﯾﺎ ﺗﻮ ﻭﮦ ﻓﻮﺭﺍً ﺍﻟﺮﭦ ﮐﮭﮍﺍ ﮨﻮﮔﯿﺎ۔
ﺗُﻮ ﻧﮯ ﻋﻄﺎ ﮐﯿﺎ ‘ ﻧﮧ ﺷﮑﺮ ﮐﯿﺎ
ﺗُﻮ ﻧﮯ ﺍﻭﺭ ﺩﯾﺎ ﺍﻭﺭ ﺩﯾﺘﺎ ﮨﯽ ﮔﯿﺎ
ﺭُﺥ ﻣﻮﮌ ﺩﯾﺌﮯ ﺩﺭﯾﺎﺅﮞ ﮐﮯ
ﻣﯿﮟ ﻧﮯ ﮨَﻮﺍﺅﮞ ﻣﯿﮟ ﺍُﮌﻧﺎ ﺳﯿﮑﮫ ﻟﯿﺎ
ﻣﯿﮟ ﻧﮯ ﮨَﻮﺍﺅﮞ ﻣﯿﮟ ﺍُﮌﻧﺎ ﺳﯿﮑﮫ ﻟﯿﺎ
ﻣﯿﺮﯼ ﺍﮔﻠﯽ ﻧﻈﺮ ﺳﺘﺎﺭﻭﮞ ﭘﺮ ‘ ﻣﯿﮟ ﭘﮭﺮ ﺑﮭﯽ ﺗﯿﺮﮮ ﺳﮩﺎﺭﻭﮞ ﭘﺮ
ﻣﯿﮟ ﭘﮭﺮ ﺑﮭﯽ ﺗﯿﺮﮮ ﺳﮩﺎﺭﻭﮞ ﭘﺮ
ﻣﯿﮟ ﭘﮭﺮ ﺑﮭﯽ ﺗﯿﺮﮮ ﺳﯿﺎﺭﻭﮞ ﭘﺮ
ﺗﯿﺮﮮ ﺭﻧﮓ ﺭﻧﮓ ‘ ﺗﯿﺮﮮ ﺭﻧﮓ ﺭﻧﮓ ‘ ﺗﯿﺮﮮ ﺭﻧﮓ ﺭﻧﮓ
ﺁﻭﺍﺯ ﮐﯽ ﻟﮯ ﮐﮯ ﺳﺎﺗﮫ ﺳﺎﺗﮫ ﻭﮦ ﺧﻮﺩ ﺑﮭﯽ ﺳُﺮﻣﻼﺭﮨﯽ ﺗﮭﯽ ﺳﺎﺗﮫ ﺳﺎﺗﮫ ﺑﭽﻮﮞ ﮐﻮ ﺭﯾﮩﺮﺳﻞ ﮐﺮﺗﮯ ﺩﯾﮑﮭﺘﯽ ﺟﺎﺭﮨﯽ ﺗﮭﯽ۔
’’ ﺍﻭﮐﮯ … ﮈﻥ ! ﻭﯾﺮﯼ ﻭﯾﻞ … ﮐﮩﮑﺸﺎﮞ ! ﺁﭖ ﻧﮯ ﺗﻮ ﮐﻤﺎﻝ ﮐﺮﺩﯾﺎ۔ ﺑﮩﺖ ﺍﭼﮭﺎ ﭨﯿﺒﻠﻮ ﮨﻮﮔﺎ۔ ﺑﺲ ﺧﯿﺎﻝ ﺭﮨﮯ ﮐﮧ ﺑﭽﮯ ﮐﺴﯽ ﺑﮭﯽ ﻗﺪﻡ ﭘﺮ ﻟﮍﮐﮭﮍﺍﺋﯿﮟ ﻧﮩﯿﮟ ﺍﻭﺭ ﺍﻥ ﮐﯽ ﺑﺎﮈﯼ ﻟﯿﻨﮕﻮﯾﺞ ﺑﺎﻟﮑﻞ ﺩﺭﺳﺖ ﮨﻮﮞ۔ ﺟﺐ ﺗﮏ ﻓﻨﮑﺸﻦ ﻧﮩﯿﮟ ﮨﻮﺟﺎﺗﺎ ﻣﺰﯾﺪ ﺭﯾﮩﺮﺳﻞ ﮐﺮﻭﺍﺗﯽ ﺭﮨﯿﮟ۔ ‘‘
’’ ﯾﺲ ﻣﯿﮉﻡ۔ ‘‘ ﺍﺱ ﮐﯽ ﮨﺪﺍﯾﺖ ﭘﺮ ﮐﮩﮑﺸﺎﮞ ﻧﮯ ﻓﻮﺭﺍً ﺳﺮ ﮨﻼﯾﺎ۔ ﻭﮦ ﮐﻤﺮﮮ ﺳﮯ ﻧﮑﻞ ﺁﺋﯽ۔ ﺍﺑﮭﯽ ﻭﮦ ﮐﻮﺭﯾﮉﻭﺭ ﺳﮯ ﮔﺰﺭ ﮨﯽ ﺭﮨﯽ ﺗﮭﯽ ﮐﮧ ﮔﯿﭧ ﺳﮯ ﭘﻮﻟﯿﺲ ﺟﯿﭗ ﺍﻧﺪﺭ ﺁﺗﮯ ﺩﯾﮑﮫ ﮐﺮ ﺭﮎ ﮔﺌﯽ۔ ﻋﺒﺪﺍﻟﺒﺎﺭﯼ ﮐﻮ ﺑﺎﮨﺮ ﻧﮑﻠﺘﮯ ﺩﯾﮑﮫ ﮐﺮ ﺍﺱ ﮐﯽ ﺑﮭﻨﻮﯾﮟ ﺗﻦ ﮔﺌﯿﮟ۔
’’ ﮨﯿﻠﻮ … ﮔﮉ ﺁﻓﭩﺮﻧﻮﻥ ﮈﯾﺌﺮ۔ ‘‘ ﻭﮦ ﺭﺍﺑﯿﻞ ﮐﻮ ﺩﯾﮑﮫ ﮐﺮ ﺗﯿﺰﯼ ﺳﮯ ﮈﮒ ﺑﮭﺮﺗﺎ ﺍﺱ ﮐﮯ ﻣﻘﺎﺑﻞ ﺁﮐﮭﮍﺍ ﮨﻮﺍ ﺗﮭﺎ۔
’’ ﮨﯿﻠﻮ۔ ‘‘ ﺭﺍﺑﯿﻞ ﻧﮯ ﺑﮭﯽ ﻟﭩﮫ ﻣﺎﺭ ﺍﻧﺪﺍﺯ ﻣﯿﮟ ﺍﺱ ﮐﮯ ﺳﻼﻡ ﮐﺎ ﺟﻮﺍﺏ ﺩﯾﺎ ﺗﮭﺎ۔
’’ ﺑﺎﺑﺎ ﺍﻭﺭ ﺍﻣﯽ ﮐﮩﺎﮞ ﮨﯿﮟ؟ ‘‘ ﺭﺍﺑﯿﻞ ﮐﮯ ﭼﮩﺮﮮ ﭘﺮ ﻧﺎﮔﻮﺍﺭﯼ ﮐﮯ ﻭﺍﺿﺢ ﺗﺎﺛﺮﺍﺕ ﺭﻗﻢ ﺗﮭﮯ۔ ﻭﮦ ﺳﺐ ﺩﯾﮑﮫ ﭼﮑﺎ ﺗﮭﺎ ﭘﮭﺮ ﺑﮭﯽ ﭘﻮﭼﮭﻨﮯ ﺳﮯ ﺑﺎﺯ ﻧﮩﯿﮟ ﺁﯾﺎ ﺗﮭﺎ۔ ﺭﺍﺑﯿﻞ ﻧﮯ ﺍﺱ ﺳﻮﺍﻝ ﭘﺮ ﻋﺠﯿﺐ ﻧﻈﺮﻭﮞ ﺳﮯ ﺩﯾﮑﮭﺎ ﺗﮭﺎ۔
’’ ﺍﻣﯽ ﮔﮭﺮ ﺟﺎﭼﮑﯽ ﮨﯿﮟ ﺍﻭﺭ ﺑﺎﺑﺎ ﺁﻓﺲ ﻣﯿﮟ ﮨﯿﮟ۔ ‘‘ ﻭﮦ ﺍﺳﮯ ﮨﺮﮔﺰ ﺟﻮﺍﺏ ﻧﮩﯿﮟ ﺩﯾﻨﺎ ﭼﺎﮨﺘﯽ ﺗﮭﯽ ﻣﮕﺮ ﺟﻮﺍﺏ ﺩﯾﺌﮯ ﺑﻨﺎ ﮐﻮﺋﯽ ﭼﺎﺭﮦ ﺑﮭﯽ ﻧﮩﯿﮟ ﺗﮭﺎ۔ ﻭﮦ ﮐﺴﯽ ﺑﮭﯽ ﻟﻤﺤﮯ ﮐﺴﯽ ﺑﮭﯽ ﺣﺮﮐﺖ ﭘﺮ ﺍﺗﺮ ﺳﮑﺘﺎ ﺗﮭﺎ ‘ ﺍﭘﻨﯽ ﻋﺰﺕ ﺍﺳﯽ ﻣﯿﮟ ﺗﮭﯽ ﺳﻮ ﻣﺠﺒﻮﺭ ﺗﮭﯽ۔
’’ ﯾﮧ ﮨﺮ ﻭﻗﺖ ﻣﺠﮭﮯ ﺩﯾﮑﮭﺘﮯ ﮨﯽ ﺗﻤﮩﺎﺭﮮ ﭼﮩﺮﮦٔ ﺷﺮﯾﻒ ﭘﺮ ﺑﺎﺭﮦ ﮐﯿﻮﮞ ﺑﺞ ﺟﺎﺗﮯ ﮨﯿﮟ۔ ﺍﺗﻨﯽ ﺑﺮﯼ ﺷﮑﻞ ﺗﻮ ﻧﮩﯿﮟ ﮨﮯ ﻣﯿﺮﯼ۔ ‘‘ ﻭﮦ ﺍﺱ ﮐﺎ ﻣﺰﯾﺪ ﺿﺒﻂ ﺁﺯﻣﺎﻧﮯ ﮐﻮ ﺍﺱ ﮐﮯ ﺳﺎﻣﻨﮯ ﮈﭦ ﮔﯿﺎ ﺗﮭﺎ۔ ﻃﻨﺰﯾﮧ ﻟﮩﺠﮧ ﺗﮭﺎ۔
ﺭﺍﺑﯿﻞ ﻧﮯ ﺯﮨﺮ ﺑﮭﺮﯼ ﻧﻈﺮﻭﮞ ﺳﮯ ﮔﮭﻮﺭﺍ ﺍﻭﺭ ﺑﻐﯿﺮ ﺟﻮﺍﺏ ﺩﯾﺌﮯ ﺁﮔﮯ ﺑﮍﮬﻨﮯ ﻟﮕﯽ ﺗﮭﯽ ﻟﯿﮑﻦ ﺑﺎﺯﻭ ﺍﺱ ﮐﯽ ﻣﻀﺒﻮﻁ ﮔﺮﻓﺖ ﻣﯿﮟ ﺁﮔﯿﺎ ﺗﮭﺎ۔
’’ ﯾﮧ ﮐﯿﺎ ﺣﺮﮐﺖ ﮨﮯ ‘ ﭼﮭﻮﮌﻭ ﻣﺠﮭﮯ ‘‘! ﻭﮦ ﺑﻠﺒﻼ ﮐﺮ ﻏﺼﮯ ﺳﮯ ﭘﻠﭩﯽ ﺗﮭﯽ۔ ﺍﺱ ﮐﯽ ﺭﻧﮕﺖ ﻣﺰﯾﺪ ﺁﺗﺶ ﻓﺸﺎﻧﯽ ﺑﻦ ﮔﺌﯽ ﺗﮭﯽ۔ ﻋﺒﺪﺍﻟﺒﺎﺭﯼ ﻧﮯ ﺑﻐﻮﺭ ﭼﮩﺮﮦ ﺟﺎﻧﭽﺎ ﺗﮭﺎ۔
’’ ﺗﻢ ﺳﮯ ﻣﯿﮟ ﻧﮯ ﮐﭽﮫ ﭘﻮﭼﮭﺎ ﮨﮯ۔ ‘‘ ﺭﻭﺋﯽ ﮐﯽ ﻃﺮﺡ ﻧﺮﻡ ﺑﺎﺯﻭ ﻣﯿﮟ ﺍﭘﻨﯽ ﺍﻧﮕﻠﯿﺎﮞ ﭘﯿﻮﺳﺖ ﮐﺮﺗﮯ ﮨﻮﺋﮯ ﺍﺱ ﻧﮯ ﺭﺍﺑﯿﻞ ﮐﻮ ﺟﮭﭩﮑﺎ ﺩﯾﺎ ﺗﮭﺎ ﺍﻭﺭ ﻭﮦ ﯾﻮﮞ ﺳﺮﻋﺎﻡ ﺍﺱ ﺗﻮﮨﯿﻦ ﻭ ﺗﺬﻟﯿﻞ ﭘﺮ ﺷﺸﺪﺭ ﺭﮦ ﮔﺌﯽ۔ ﺍﺭﺩﮔﺮﺩ ﮐﻼﺱ ﺭﻭﻣﺰ ﺗﮭﮯ ﺗﻘﺮﯾﺒﺎً ﺳﺐ ﮨﯽ ﮐﮯ ﺩﺭﻭﺍﺯﮮ ﻭﺍ ﺗﮭﮯ۔ ﮐﮭﮍﮐﯿﺎﮞ ﺍﻭﭘﻦ ﺗﮭﯿﮟ۔ ﻭﮦ ﺑﺎﻟﮑﻞ ﻭﺳﻂ ﻣﯿﮟ ﺗﮭﮯ ‘ ﭼﻨﺪ ﺍﯾﮏ ﭨﯿﭽﺮﺯ ﺗﻮ ﺑﺎﮨﺮ ﺩﺭﻭﺍﺯﮮ ﮐﮯ ﭘﺎﺱ ﺁﮐﺮ ﯾﮧ ﺳﯿﻦ ﻣﻼﺣﻈﮧ ﮐﺮﻧﮯ ﻟﮕﯽ ﺗﮭﯿﮟ ﺍﺱ ﮐﮯ ﻟﺌﮯ ﮈﻭﺏ ﻣﺮﻧﮯ ﮐﺎ ﻣﻘﺎﻡ ﺗﮭﺎ۔
’’ ﻣﯿﮟ ﺗﻤﮩﺎﺭﮮ ﻻﮎ ﺍﭖ ﻣﯿﮟ ﺑﻨﺪ ﮐﻮﺋﯽ ﻣﺠﺮﻡ ﯾﺎ ﻣﻠﺰﻡ ﻧﮩﯿﮟ ﮨﻮﮞ ﮐﮧ ﺟﺲ ﮐﮯ ﺳﺎﺗﮫ ﺗﻢ ﺟﺲ ﻃﺮﺡ ﻣﺮﺿﯽ ﺳﻠﻮﮎ ﮐﺮﻭ ﺍﻭﺭ ﻣﯿﮟ ﺧﺎﻣﻮﺵ ﺭﮨﻮﮞ۔ ﻇﻠﻢ ﮐﯽ ﺑﮭﯽ ﮐﻮﺋﯽ ﺣﺪ ﮨﻮﺗﯽ ﮨﮯ ﺍﻭﺭ ﺗﻢ ﺍﭘﻨﯽ ﺣﺪﻭﺩ ﺳﮯ ﺗﺠﺎﻭﺯ ﮐﺮﺭﮨﮯ ﮨﻮ۔ ﺑﮩﺘﺮ ﮨﮯ ﯾﮩﺎﮞ ﺗﻤﺎﺷﺎ ﺩﮐﮭﺎﻧﮯ ﮐﮯ ﺑﺠﺎﺋﮯ ﻣﯿﺮﺍ ﺑﺎﺯﻭ ﭼﮭﻮﮌﻭ۔ ‘‘ ﺍﺱ ﻧﮯ ﺍﺱ ﮐﮯ ﭘﻮﻟﯿﺲ ﻭﺭﺩﯼ ﻣﯿﮟ ﻣﻠﺒﻮﺱ ﺑﮭﺮﭘﻮﺭ ﺳﺮﺍﭘﮯ ﭘﺮ ﺍﯾﮏ ﻃﻨﺰﯾﮧ ﮐﺎﭦ ﺩﺍﺭ ﻧﻈﺮ ﮈﺍﻝ ﮐﺮ ﮐﮩﺎ ﺗﮭﺎ۔
’’ ﭼﻠﻮ ‘ ﻣﻠﺰﻡ ﻧﮩﯿﮟ ﮨﻮ ﺗﻮ ﺑﻨﺎﻟﻮﮞ ﮔﺎ ﻣﮕﺮ ﺧﯿﺎﻝ ﺭﮐﮭﻮ ‘ ﺑﮩﺖ ﭼﻠﻨﮯ ﻟﮕﯽ ﮨﮯ ﺗﻤﮩﺎﺭﯼ ﯾﮧ ﺯﺑﺎﻥ۔ ﺍﺳﮯ ﮐﻨﭩﺮﻭﻝ ﻣﯿﮟ ﺭﮐﮭﻮ ‘ ﺍﯾﺴﯽ ﺯﺑﺎﻧﯿﮟ ﻣﺠﮭﮯ ﮐﺎﭨﻨﺎ ﺑﮭﯽ ﺁﺗﯽ ﮨﯿﮟ۔ ‘‘ ﺟﻮﺍﺑﺎً ﻭﮦ ﺍﺱ ﺳﮯ ﺯﯾﺎﺩﮦ ﺩﺭﺷﺘﯽ ﻭ ﺳﺨﺘﯽ ﺳﮯ ﺑﻮﻻ ﺗﮭﺎ۔
’’ ﺍﭘﻨﯽ ﺯﺑﺎﻥ ﮐﻮ ﻟﮕﺎﻡ ﺩﻭ ‘‘… ﺍﯾﮏ ﺟﮭﭩﮑﮯ ﺳﮯ ﺍﭘﻨﺎ ﺑﺎﺯﻭ ﭼﮭﮍﻭﺍ ﮐﺮ ﻭﮦ ﺳﺮﻋﺖ ﺳﮯ ﺑﮭﺎﮔﯽ ﺗﮭﯽ۔ ﺟﺘﻨﯽ ﺗﺬﻟﯿﻞ ﻭﮦ ﯾﻮﮞ ﺳﺮﻋﺎﻡ ﮐﺮﭼﮑﺎ ﺗﮭﺎ ﮐﻢ ﺗﮭﯽ ﮐﯿﺎ۔
ﻭﮦ ﺍﯾﮏ ﺩﻡ ﺁﻓﺲ ﻣﯿﮟ ﺩﺍﺧﻞ ﮨﻮﺋﯽ ﺍﻭﺭ ﺻﻮﻓﮯ ﭘﺮ ﮔﺮﮔﺌﯽ ﺗﮭﯽ۔ ﺑﺎﺑﺎ ﺟﻮ ﺍﺱ ﮐﮯ ﺍﭼﺎﻧﮏ ﺩﺍﺧﻞ ﮨﻮﻧﮯ ﭘﺮ ﺍﺳﮯ ﺻﺮﻑ ﺩﯾﮑﮫ ﺭﮨﮯ ﺗﮭﮯ ‘ ﺍﺱ ﮐﮯ ﺩﮬﻮﺍﮞ ﺩﮬﺎﺭ ﺭﻭﻧﮯ ﭘﺮ ﻓﻮﺭﺍً ﭼﻮﻧﮑﮯ۔ ﺍﯾﮏ ﺩﻡ ﺍﭘﻨﯽ ﺳﯿﭧ ﭼﮭﻮﮌ ﮐﺮ ﺍﺱ ﮐﯽ ﻃﺮﻑ ﺁﺋﮯ ﺗﮭﮯ۔
’’ ﮐﯿﺎ ﮨﻮﺍ ﺭﺍﺑﯿﻞ؟ ‘‘ ﺍﺱ ﺳﮯ ﭘﮩﻠﮯ ﮐﮧ ﻭﮦ ﮐﻮﺋﯽ ﺟﻮﺍﺏ ﺩﯾﺘﯽ ‘ ﺍﯾﮏ ﺩﻡ ﺩﺭﻭﺍﺯﮦ ﮐﮭﻮﻝ ﮐﺮ ﻋﺒﺪﺍﻟﺒﺎﺭﯼ ﺑﮭﯽ ﺍﻧﺪﺭ ﺩﺍﺧﻞ ﮨﻮﺍ ﺗﮭﺎ۔ ﻭﮦ ﭼﭗ ﮐﯽ ﭼﭗ ﺭﮦ ﮔﺌﯽ۔
’’ ﺗﻢ … ﺍﺱ ﻭﻗﺖ ﯾﮩﺎﮞ … ؟ ‘‘ ﺑﺎﺑﺎ ﮐﺎ ﺭﺍﺑﯿﻞ ﮐﯽ ﻃﺮﻑ ﺳﮯ ﺩﮬﯿﺎﻥ ﮨﭧ ﮔﯿﺎ ﺗﮭﺎ۔ ﻋﺒﺪﺍﻟﺒﺎﺭﯼ ﮐﯽ ﻧﻈﺮﯾﮟ ﺁﻧﺴﻮ ﺑﮩﺎﺗﯽ ﺭﺍﺑﯿﻞ ﭘﺮ ﺗﮭﯿﮟ ﺟﺲ ﻧﮯ ﺍﺳﮯ ﺩﯾﮑﮭﺘﮯ ﮨﯽ ﻧﻔﺮﺕ ﺳﮯ ﻣﻨﮧ ﻣﻮﮌ ﻟﯿﺎ ﺗﮭﺎ۔
’’ ﮨﺎﮞ ﺍﯾﮏ ﮐﺎﻡ ﺗﮭﺎ ‘ ﺍﺳﯽ ﻟﺌﮯ ﯾﮩﺎﮞ ﺁﻧﺎ ﭘﮍﺍ۔ ‘‘ ﻋﺒﺪﺍﻟﺒﺎﺭﯼ ﺭﺍﺑﯿﻞ ﮐﮯ ﺳﺎﺗﮫ ﮨﯽ ﺻﻮﻓﮯ ﭘﺮ ﭨﮏ ﮔﯿﺎ ﺗﮭﺎ۔ ﺭﺍﺑﯿﻞ ﻓﻮﺭﺍً ﺍﭨﮫ ﮐﺮ ﺩﻭﺳﺮﮮ ﺻﻮﻓﮯ ﭘﺮ ﺑﯿﭩﮭﯽ ﺗﮭﯽ ﺟﺐ ﮐﮧ ﺑﺎﺑﺎ ﻧﮯ ﮐﭽﮫ ﻧﺎﭘﺴﻨﺪﯾﺪﮔﯽ ﺳﮯ ﺍﺳﮯ ﺩﯾﮑﮭﺎ۔
’’ ﮐﯿﺴﺎ ﮐﺎﻡ؟ ‘‘ ﺑﺎﺑﺎ ﺑﺮﺩﺍﺷﺖ ﮐﺮﮔﺌﮯ ﺗﮭﮯ ‘ ﺗﺤﻤﻞ ﺳﮯ ﭘﻮﭼﮭﺎ ﺗﮭﺎ۔
’’ ﻣﯿﺮﯼ ﺍﻣﯿﺮﺍﻟﺪﯾﻦ ﺳﮯ ﻣﻼﻗﺎﺕ ﮨﻮﺋﯽ ﮨﮯ۔ ﻧﻮﺍﺯ ﺍﺱ ﮐﺎ ﺑﯿﭩﺎ ﻣﯿﺮﮮ ﻻﮎ ﺍﭖ ﻣﯿﮞﮩﯿﮟ ‘ ﺑﺲ ﯾﮩﯽ ﺧﺒﺮ ﺳﻨﺎﻧﮯ ﺁﯾﺎ ﺗﮭﺎ۔ ‘‘ ﮐﺘﻨﺎ ﺳﻔﺎﮎ ﺍﻧﺪﺍﺯ ﺗﮭﺎ ‘ ﻭﮦ ﺣﯿﺮﺍﻥ ﺭﮦ ﮔﺌﮯ۔
’’ ﮐﯿﺎ … ؟ ‘‘ ﺑﺎﺑﺎ ﺍﻭﺭ ﺭﺍﺑﯿﻞ ﺩﻭﻧﻮﮞ ﺍﺳﮯ ﺩﯾﮑﮭﺘﮯ ﺭﮦ ﮔﺌﮯ ﺟﻮ ﻣﺰﮮ ﺳﮯ ﺍﻧﮑﺸﺎﻑ ﮐﺮﮐﮯ ﺩﻭﻧﻮﮞ ﮐﮯ ﭼﮩﺮﻭﮞ ﮐﺎ ﺑﻐﻮﺭ ﺟﺎﺋﺰﮦ ﻟﯿﺘﮯ ﮨﻮﺋﮯ ﭨﺎﻧﮓ ﭘﺮ ﭨﺎﻧﮓ ﺟﻤﺎﺋﮯ ﭘﺎﺅﮞ ﮨﻼﺭﮨﺎ ﺗﮭﺎ۔
’’ ﺁﭖ ﮐﺎ ﮐﯿﺎ ﺧﯿﺎﻝ ﺗﮭﺎ ﻣﯿﮟ ﺍﺗﻨﯽ ﺟﻠﺪﯼ ﺍﭘﻨﮯ ﺣﻖ ﺳﮯ ﺩﺳﺘﺒﺮﺩﺍﺭ ﮨﻮﺟﺎﺅﮞ ﮔﺎ۔ ﺍﺱ ﻧﻮﺍﺯ ﮐﻮ ﺍﺱ ﻗﺎﺑﻞ ﻧﮩﯿﮟ ﭼﮭﻮﮌﻭﮞ ﮔﺎ ﮐﮧ ﻭﮦ ﮐﮩﯿﮟ ﻣﻨﮧ ﺑﮭﯽ ﺩﮐﮭﺎﺋﮯ ﺍﻭﺭ ﺁﭖ ﺭﺍﺑﯿﻞ ﮐﮯ ﻟﺌﮯ ﺯﻣﯿﻦ ﺳﮯ ﺁﺳﻤﺎﻥ ﺗﮏ ﭼﺎﮨﮯ ﺧﺎﮎ ﺑﮭﯽ ﭼﮭﺎﻥ ﻟﯿﮟ ﮐﺴﯽ ﺍﻭﺭ ﮐﮯ ﻧﺎﻡ ﮐﺎ ﺍﺳﮯ ﮐﺒﮭﯽ ﻧﮩﯿﮟ ﮨﻮﻧﮯ ﺩﻭﮞ ﮔﺎ۔ ‘‘ ﻭﮦ ﺗﻠﻤﻼﺗﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔ ﺑﺎﺑﺎ ﺻﻮﻓﮯ ﭘﺮ ﮔﺮ ﺳﮯ ﮔﺌﮯ۔ ﺭﺍﺑﯿﻞ ﺍﯾﮏ ﺩﻡ ﺍﭨﮭﯽ ﺍﻭﺭ ﺑﮭﺎﮔﺘﯽ ﮨﻮﺋﯽ ﮐﻤﺮﮮ ﺳﮯ ﻧﮑﻞ ﮔﺌﯽ۔
’’ ﯾﮧ ﮐﯿﺎ ﮐﺮﺩﯾﺎ ﺗﻢ ﻧﮯ … ﻧﻮﺍﺯ ﺑﮩﺖ ﺍﭼﮭﺎ ﻟﮍﮐﺎ ﺗﮭﺎ۔ ‘‘ ﺍﺱ ﺳﻤﮯ ﺑﺎﺑﺎ ( ﺳﺠﺎﺩ ﻋﻠﯽ ﺻﺎﺣﺐ ) ﮐﻮ ﺍﭘﻨﯽ ﺁﻭﺍﺯ ﺑﮭﯽ ﻗﻄﻌﯽ ﺍﺟﻨﺒﯽ ﻟﮕﯽ ﺗﮭﯽ۔
’’ ﯾﮧ ﺳﺐ ﮐﺮﻧﮯ ﮐﮯ ﻟﺌﮯ ﺗﻮ ﺁﭖ ﻧﮯ ﻣﺠﮭﮯ ﻣﺠﺒﻮﺭ ﮐﯿﺎ ﮨﮯ۔ ﺳﯿﺪﮬﯽ ﻃﺮﺡ ﺩﻝ ﮐﯽ ﺑﺎﺕ ﮐﯽ ﺗﮭﯽ ﺟﻮ ﺁﭖ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺋﯽ ‘ ﺑﮩﺮﺣﺎﻝ ﻣﯿﮟ ﺍﺱ ﻭﻗﺖ ﺍﺱ ﻣﻮﺿﻮﻉ ﮐﻮ ﮈﺳﮑﺲ ﮐﺮﻧﮯ ﻧﮩﯿﮟ ﺁﯾﺎ ‘ ﺻﺮﻑ ﺍﻃﻼﻉ ﺩﯾﻨﺎ ﺗﮭﯽ۔ ﻓﻮﻥ ﭘﺮ ﺑﮭﯽ ﺩﮮ ﺳﮑﺘﺎ ﺗﮭﺎ ﻣﮕﺮ ﺗﺐ ﺁﭖ ﮐﮯ ﺗﺎﺛﺮﺍﺕ ﻧﮩﯿﮟ ﺩﯾﮑﮫ ﭘﺎﺗﺎ ﺷﺎﯾﺪ … ﺍﻣﯽ ﮐﻮ ﺑﮭﯽ ﺑﺘﺎﺩﯾﺠﺌﮯ ﮔﺎ ﺍﻭﺭ ﯾﮧ ﺑﮭﯽ ﺧﺎﻃﺮ ﺟﻤﻊ ﺭﮐﮭﯿﮯ ﮐﮧ ﺍﺱ ﺩﻓﻌﮧ ﺍﺗﻨﯽ ﮈﮬﯿﻞ ﺩﯼ ﮐﮧ ﻣﻨﮕﻨﯽ ﮨﻮﮔﺌﯽ ﺗﮭﯽ ‘ ﺍﮔﻠﯽ ﺩﻓﻌﮧ ﺍﺗﻨﯽ ﮈﮬﯿﻞ ﺑﮭﯽ ﻧﮩﯿﮟ ﺩﻭﮞ ﮔﺎ۔ ‘‘ ﻭﮦ ﺍﭨﮫ ﮐﮭﮍﺍ ﮨﻮﺍ ﺗﮭﺎ۔
’’ ﺗﻮ … ﭘﮭﺮ ﺗﻢ ﮐﯿﺎ ﮐﺮﻭ ﮔﮯ؟ ﺟﺎﻥ ﺳﮯ ﻣﺎﺭﺩﻭ ﮔﮯ ﮨﻤﯿﮟ … ﺗﻮ ﭘﮭﺮ ﻣﺎﺭﻭ … ﻣﮕﺮ ﮐﺎﻥ ﮐﮭﻮﻝ ﮐﺮ ﺳﻦ ﻟﻮ ‘ ﺗﻢ ﺭﺍﺑﯿﻞ ﮐﮯ ﻗﺎﺑﻞ ﮨﯽ ﻧﮩﯿﮟ۔ ﺍﮔﺮ ﺍﺱ ﻗﺎﺑﻞ ﮨﻮﺗﮯ ﺗﻮ ﭘﮭﺮ ﺭﻭﻧﺎ ﮐﺲ ﺑﺎﺕ ﮐﺎ ﺗﮭﺎ۔ ﺍﺱ ﮐﺎ ﻧﺎﻡ ﻟﯿﻨﮯ ﺳﮯ ﭘﮩﻠﮯ ﺧﻮﺩ ﮐﻮ ﺍﺱ ﮐﮯ ﻗﺎﺑﻞ ﺗﻮ ﺑﻨﺎﻟﻮ۔ ‘‘ ﺑﺎﺑﺎ ﺍﭘﻨﮯ ﺟﻮﺍﻥ ‘ ﻃﺎﻗﺖ ﻭﺭ ‘ ﺑﮩﺎﺩﺭ ﻭ ﺗﻮﺍﻧﺎ ‘ ﺍﮐﮭﮍ ‘ ﺗﻨﺪ ﻣﺰﺍﺝ ﺍﻭﺭ ﺑﮕﮍﮮ ﮨﻮﺋﮯ ﺑﯿﭩﮯ ﮐﻮ ﮔﮭﻮﺭ ﺭﮨﮯ ﺗﮭﮯ۔ ’’ ﺑﮩﺖ ﻏﻠﻂ ﮐﮭﯿﻞ ﮐﮭﯿﻞ ﺭﮨﮯ ﮨﻮ ﺗﻢ۔ ﮐﯿﻮﮞ ﺁﮨﯿﮟ ﻟﯿﻨﺎ ﭼﺎﮨﺘﮯ ﮨﻮ ﺍﺱ ﯾﺘﯿﻢ ﮐﯽ۔ ﻧﮩﯿﮟ ﻭﮦ ﺗﻢ ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﯽ ﺗﻮ ﺳﺨﺘﯽ ﺗﻮ ﻧﮩﯿﮟ ﮐﺮﺳﮑﺘﺎ ﺍﺱ ﭘﺮ۔ ﻋﺎﻗﻞ ﮨﮯ ‘ ﺑﺎﻟﻎ ﮨﮯ ‘ ﭘﮭﺮ ﺑﮭﯽ ﺍﺱ ﭘﺮ ﻇﻠﻢ ﮐﺎ ﯾﮧ ﭘﮩﺎﮌ ﺗﻮﮌﻭﮞ ﺑﮭﯽ ﺗﻮ ﮐﺲ ﺑﻨﯿﺎﺩ ﭘﺮ؟ ﮐﯿﻮﮞ … ﮐﯿﺎ ﮨﻮ ﺗﻢ؟ ﺩﻧﯿﺎ ﺑﮭﺮ ﮐﮯ ﺁﻭﺍﺭﮦ ‘ ﺭﺷﻮﺕ ﺧﻮﺭ ﺍﻭﺭ ﺑﮭﯽ ﻧﮧ ﺟﺎﻧﮯ ﮐﻮﻥ ﮐﻮﻥ ﺳﯽ ﺍﺧﻼﻗﯽ ﺑﺮﺍﺋﯿﺎﮞ ﮨﯿﮟ ﺗﻢ ﻣﯿﮟ۔ ‘‘
’’ ﺁﭖ … ﺁﭖ ‘‘… ﻭﮦ ﺍﭘﻨﯽ ﻣﭩﮭﯿﺎﮞ ﺑﮭﯿﻨﭻ ﮔﯿﺎ ﺗﮭﺎ۔ ’’ ﺍﺑﮭﯽ ﺗﻮ ﻧﻮﺍﺯ ﭘﺮ ﺻﺮﻑ ﭼﻮﺭﯼ ﮐﺎ ﻣﻘﺪﻣﮧ ﮈﺍﻻ ﮨﮯ ‘ ﺍﮔﺮ ﺁﭖ ﻧﮯ ﯾﺎ ﺍﻥ ﻣﯿﮟ ﺳﮯ ﮐﺴﯽ ﻧﮯ ﺑﮭﯽ ﯾﮧ ﺭﺷﺘﮧ ﺧﺘﻢ ﻧﮧ ﮐﯿﺎ ﺗﻮ ﭘﮭﺮ ﻗﺘﻞ ﻋﻤﺪ ﮐﮯ ﮐﯿﺲ ﻣﯿﮟ ﺗﮭﺮﻭ ﺁﺅﭦ ﭘﮭﺎﻧﺴﯽ ﮐﮯ ﭘﮭﻨﺪﮮ ﭘﺮ ﻟﭩﮑﻮﺍﺩﻭﮞ ﮔﺎ۔ ﭘﮭﺮ ﻧﮧ ﮐﮩﯿﮯ ﮔﺎ ﮐﮧ ﻋﺒﺪﺍﻟﺒﺎﺭﯼ ﻧﮯ ﮐﭽﮫ ﺑﺘﺎﯾﺎ ﻧﮩﯿﮟ۔ ﺭﺍﺑﯿﻞ ﺍﮔﺮ ﻣﯿﺮﯼ ﻧﮧ ﮨﻮﺋﯽ ﺗﻮ ﮐﺴﯽ ﮐﯽ ﺑﮭﯽ ﻧﮩﯿﮟ ﺑﻨﻨﮯ ﺩﻭﮞ ﮔﺎ … ﺁﺋﻨﺪﮦ ﺧﯿﺎﻝ ﺭﮐﮭﯿﮯ ﮔﺎ۔ ‘‘ ﺟﺲ ﻃﺮﺡ ﻭﮦ ﺩﻧﺪﻧﺎﺗﺎ ﮨﻮﺍ ﺁﯾﺎ ﺗﮭﺎ ﺍﺳﯽ ﻃﺮﺡ ﭼﻼ ﺑﮭﯽ ﮔﯿﺎ ﺗﮭﺎ ‘ ﯾﻮﮞ ﺟﯿﺴﮯ ﺩﻧﯿﺎ ﺍﺱ ﮐﯽ ﭨﮭﻮﮐﺮﻭﮞ ﮐﯽ ﺯﺩ ﻣﯿﮟ ﮨﻮ۔ ﺳﺠﺎﺩ ﻋﻠﯽ ﺻﺎﺣﺐ ﺑﮯ ﺩﻡ ﮨﻮﮐﺮ ﺧﺎﻟﯽ ﺩﺭﻭﺍﺯﮮ ﮐﻮ ﺗﮑﺘﮯ ﺭﮦ ﮔﺌﮯ۔
ﻭﮦ ﺍﭘﻨﮯ ﮐﻤﺮﮮ ﻣﯿﮟ ﺯﺍﮨﺪﮦ ﺑﯿﮕﻢ ﮐﯽ ﮔﻮﺩ ﻣﯿﮟ ﺳﺮ ﺭﮐﮭﮯ ﻣﺴﻠﺴﻞ ﺭﻭ ﺭﮨﯽ ﺗﮭﯽ۔
’’ ﺑﺲ ‘ ﺻﺒﺮﻭ ﮐﺮﻭ ﺭﺍﺑﯿﻞ ﺑﯿﭩﯽ ‘‘! ﺍﻧﮩﻮﮞ ﻧﮯ ﺍﺱ ﮐﮯ ﺳﺮ ﭘﺮ ﮨﺎﺗﮫ ﺭﮐﮭﺎ ﺗﮭﺎ۔ ’’ ﺗﻢ ﮨﯽ ﺑﺘﺎﺅ ﮐﯿﺎ ﮐﺮﻭﮞ ﻣﯿﮟ۔ ﻭﮦ ﻣﯿﺮﺍ ﮨﯽ ﺑﯿﭩﺎ ﮨﮯ ‘ ﻣﯿﺮﮮ ﮨﯽ ﺷﮑﻢ ﻣﯿﮟ ﺍﺱ ﮐﮯ ﯾﮧ ﮨﺎﺗﮫ ﮈﮬﻠﮯ ﮨﯿﮟ ﺟﻮ ﺁﺝ ﮐﻢ ﺯﻭﺭﻭﮞ ﺍﻭﺭ ﻣﻈﻠﻮﻣﻮﮞ ﭘﺮ ﻇﻠﻢ ﻭ ﺳﺘﻢ ﺭﻭﺍ ﺭﮐﮭﮯ ﮨﻮﺋﮯ ﮨﯿﮟ۔ ﮐﺘﻨﯽ ﻣﻈﻠﻮﻡ ﺍﻭﺭ ﺑﮯ ﺑﺲ ﮨﻮﮞ ﻣﯿﮟ۔ ﺍﺳﮯ ﮐﻮﺋﯽ ﺑﺪﺩﻋﺎ ﺑﮭﯽ ﻧﮩﯿﮟ ﺩﮮ ﺳﮑﺘﯽ۔ ﺁﺧﺮ ﮐﻮ ﻣﯿﺮﮮ ﺧﻮﻥ ﺳﮯ ﺳﯿﻨﭽﺎ ﮨﻮﺍ ﭘﻮﺩﺍ ﮨﮯ ﺟﻮ ﺁﺝ ﺍﺱ ﻗﺎﺑﻞ ﮨﻮﮔﯿﺎ ﮨﮯ ﮐﮧ ﻟﻮﮔﻮﮞ ﮐﻮ ﭨﮭﻮﮐﺮﻭﮞ ﮐﯽ ﺯﺩ ﻣﯿﮟ ﺭﮐﮭﮯ ﮨﻮﺋﮯ ﮨﮯ۔ ‘‘
’’ ﺑﺲ ﺑﮍﯼ ﺍﻣﯽ ! ﻣﯿﮟ ﻧﮯ ﮐﺒﮭﯽ ﺍﻧﮩﯿﮟ ﮐﭽﮫ ﻧﮩﯿﮟ ﮐﮩﺎ ‘ ﺁﺝ ﺗﻮ ﺣﺪ ﮨﻮﮔﺌﯽ۔ ﺳﺮﻋﺎﻡ ﺳﺐ ﮐﮯ ﺳﺎﻣﻨﮯ ﻣﯿﺮﺍ ﺑﺎﺯﻭ ﭘﮑﮍﺍ ﺗﮭﺎ ‘ ﺫﻟﺖ ﺳﮯ ﻣﺮﺟﺎﻧﮯ ﮐﻮ ﺟﯽ ﭼﺎﮦ ﺭﮨﺎ ﮨﮯ ﻣﯿﺮﺍ۔ ‘‘ ﺍﺳﮯ ﺍﺑﮭﯽ ﺗﮏ ﯾﮧ ﻏﻢ ﮨﯽ ﻧﮩﯿﮟ ﺑﮭﻮﻝ ﺭﮨﺎ ﺗﮭﺎ ‘ ﺩﻭﺳﺮﺍ ﻏﻢ ﮐﯿﺎ ﺧﺎﮎ ﻣﻨﺎﺗﯽ۔ ﺍﻧﮩﻮﮞ ﻧﮯ ﭼﮩﺮﮦ ﺻﺎﻑ ﮐﯿﺎ ‘ ﺑﮭﺎﺑﯽ ﺑﮭﯽ ﻣﻮﺟﻮﺩ ﺗﮭﯿﮟ۔
’’ ﮐﯿﺎ ﭘﺘﮧ ﺗﮭﺎ ﮐﮧ ﺟﺲ ﺑﯿﭩﮯ ﮐﻮ ﺑﮍﮮ ﻧﺎﺯ ﻭ ﻧﻌﻢ ﺳﮯ ﺩﻭﺩﮪ ﻣﮑﮭﻦ ﮐﮭﻼﮐﺮ ﺍﭘﻨﺎ ﺧﻮﻥ ﭘﻼﮐﺮ ﭘﺎﻝ ﺭﮨﯽ ﮨﻮﮞ ﻭﮦ ﺍﯾﺴﺎ ﮨﻮﮔﺎ۔ ‘‘ ﺍﻧﮩﻮﮞ ﻧﮯ ﺍﺳﮯ ﺑﺎﺯﻭﺅﮞ ﻣﯿﮟ ﻟﮯ ﮐﺮ ﭼﮩﺮﮦ ﭼﻮﻣﺎ ﺗﮭﺎ۔
’’ ﺑﺲ ﭼﭗ ﮨﻮﺟﺎﺅ … ﺁﻧﮯ ﺩﻭ ﺍﺱ ﻧﺎﻣﺮﺍﺩ ﮐﻮ ‘ ﭘﻮﭼﮭﻮﮞ ﮔﯽ ﮐﺲ ﮔﻨﺎﮦ ﮐﯽ ﺳﺰﺍ ﮨﮯ ﻭﮦ۔ ﮐﯿﺎ ﺟﺮﻡ ﮐﯿﺎ ﮨﮯ ﻣﯿﮟ ﻧﮯ … ﺁﺧﺮ ﺟﺎﻥ ﮐﯿﻮﮞ ﻧﮩﯿﮟ ﭼﮭﻮﮌ ﺩﯾﺘﺎ ﮨﻤﺎﺭﯼ۔ ﭘﮩﻠﮯ ﮨﯽ ﮨﻢ ﺍﺱ ﮐﯽ ﯾﮧ ﺣﺮﮐﺘﯿﮟ ﺩﯾﮑﮫ ﮐﺮ ﻣﺮﮔﺌﮯ ﮨﯿﮟ … ﻋﺰﺕ ‘ ﺁﺑﺮﻭ ‘ ﺷﺮﺍﻓﺖ ﺳﺐ ﻣﭩﯽ ﻣﯿﮟ ﺭﻝ ﮔﺌﯽ ﮨﮯ۔ ﺑﺮﺳﻮﮞ ﮐﯽ ﮐﻤﺎﺋﯽ ﻧﯿﮏ ﻧﺎﻣﯽ ﺧﺎﮎ ﮨﻮﮔﺌﯽ ﮨﮯ۔ ﺍﻭﺭ ﮐﯿﺎ ﭼﺎﮨﺘﺎ ﮨﮯ ‘ ﮐﯿﻮﮞ ﻧﮩﯿﮟ ﮨﻤﯿﮟ ﮨﻤﺎﺭﮮ ﺣﺎﻟﻮﮞ ﭘﺮ ﭼﮭﻮﮌ ﺩﯾﺘﺎ۔ ‘‘ ﺭﺍﺑﯿﻞ ﺍﻥ ﺳﮯ ﮨﭧ ﮐﺮ ﮔﮭﭩﻨﻮﮞ ﮐﮯ ﮔﺮﺩ ﺑﺎﺯﻭ ﻟﭙﯿﭧ ﮐﺮ ﺑﯿﭩﮭﯽ ﺭﮨﯽ۔
’’ ﺍﯾﮏ ﮨﻤﺎﺭﺍ ﮔﮭﺮﺍﻧﮧ ﺗﮭﺎ ‘ ﻟﻮﮒ ﻣﺜﺎﻟﯿﮟ ﺩﯾﺘﮯ ﺗﮭﮯ ﺍﻭﺭ ﺍﺏ ﯾﮩﯽ ﮨﻤﺎﺭﺍ ﮔﮭﺮﺍﻧﮧ ﮨﮯ ﮐﮧ ﺭﮨﯽ ﺳﮩﯽ ﻋﺰﺕ ﺑﮭﯽ ﻣﭩﯽ ﻣﯿﮟ ﻣﻞ ﮔﺌﯽ ﮨﮯ۔ ﺍﻭﺭ ﻧﮧ ﺟﺎﻧﮯ ﻋﺒﺪﺍﻟﺒﺎﺭﯼ ﮐﯿﺎ ﮐﺮﻭﺍﺋﮯ ﮔﺎ ‘‘… ﻭﮦ ﺭﻭ ﺭﮨﯽ ﺗﮭﯿﮟ ‘ ﺑﮭﺎﺑﯽ ﻧﮯ ﺁﮔﮯ ﺑﮍﮪ ﮐﺮ ﺍﻧﮩﯿﮟ ﮐﻨﺪﮬﻮﮞ ﺳﮯ ﺗﮭﺎﻡ ﻟﯿﺎ۔
’’ ﻣﯿﮟ ﺗﻮ ﻓﻮﺭﺍً ﺁﮔﺌﯽ ﺗﮭﯽ۔ ﺑﮍﮮ ﺍﺑﻮ ﺳﮯ ﮨﯽ ﻣﻨﮧ ﻣﺎﺭﯼ ﮐﺮﺗﮯ ﺭﮨﮯ ﮨﯿﮟ۔ ﺟﺐ ﺩﻭﺑﺎﺭﮦ ﺁﻓﺲ ﻣﯿﮟ ﮔﺌﯽ ﺗﻮ ﺑﮍﮮ ﺍﺑﻮ ﺳﺨﺖ ﺗﮑﻠﯿﻒ ﻣﯿﮟ ﺗﮭﮯ۔ ‘‘
’’ ﺑﺲ ﺑﯿﭩﯽ ! ﺍﭘﻨﮯ ﮨﯽ ﻧﺼﯿﺐ ﺧﺮﺍﺏ ﺗﮭﮯ ﮐﺲ ﺳﮯ ﺷﮑﻮﮦ ﮐﺮﯾﮟ۔ ﺑﺮﯼ ﺻﺤﺒﺖ ﺍﻧﺴﺎﻥ ﮐﻮ ﮐﯿﺎ ﺑﻨﺎﺩﯾﺘﯽ ﮨﮯ … ﺳﺐ ﺩﯾﮑﮫ ﺭﮨﮯ ﮨﯿﮟ ‘ ﺍﭘﻨﯽ ﻃﺮﻑ ﺳﮯ ﺗﻮ ﭘﻮﺭﯼ ﮐﻮﺷﺶ ﮐﯽ ﺗﮭﯽ۔ ‘‘ ﺍﻧﮩﻮﮞ ﻧﮯ ﺍﯾﮏ ﺳﺮﺩ ﺁﮦ ﮐﮭﯿﻨﭽﯽ ﺗﻮ ﺭﺍﺑﯿﻞ ﭼﭗ ﮨﻮﮔﺌﯽ۔ ﺍﺏ ﮐﮩﻨﮯ ﺳﻨﻨﮯ ﮐﻮ ﺑﭽﺎ ﺑﮭﯽ ﮐﯿﺎ ﺗﮭﺎ۔
’’ ﺁﭖ ﯾﮧ ﺍﻧﮕﻮﭨﮭﯽ ﻭﺍﭘﺲ ﮐﺮﺩﯾﮟ … ﻣﯿﮟ ﻧﮩﯿﮟ ﭼﺎﮨﺘﯽ ﮐﻮﺋﯽ ﺑﮯ ﮔﻨﺎﮦ ﻣﯿﺮﯼ ﻭﺟﮧ ﺳﮯ ﻣﺎﺭﺍ ﺟﺎﺋﮯ۔ ﺯﯾﺎﺩﮦ ﺳﮯ ﺯﯾﺎﺩﮦ ﻟﻮﮒ ﯾﮩﯽ ﮐﮩﯿﮟ ﮔﮯ ﻧﺎﮞ ﮐﮧ ﯾﮧ ﻣﻨﮕﻨﯽ ﺑﮭﯽ ﭨﻮﭦ ﮔﺌﯽ۔ ﻣﺠﮭﮯ ﻗﻄﻌﯽ ﭘﺮﻭﺍ ﻧﮩﯿﮟ ‘ ﺑﺲ ﺍﺏ ﺍﺱ ﻗﺼﮯ ﮐﻮ ﺧﺘﻢ ﮐﺮﯾﮟ۔ ﺩﻧﯿﺎ ﻣﯿﮟ ﮨﺰﺍﺭﻭﮞ ﺍﯾﺴﯽ ﻟﮍﮐﯿﺎﮞ ﮨﯿﮟ ﺟﻦ ﮐﯽ ﺷﺎﺩﯾﺎﮞ ﻧﮩﯿﮟ ﮨﻮﺗﯿﮟ ‘ ﺍﻥ ﮐﯽ ﺑﮭﯽ ﺯﻧﺪﮔﯽ ﮔﺰﺭ ﺟﺎﺗﯽ ﮨﮯ ‘ ﻣﯿﺮﯼ ﺑﮭﯽ ﮔﺰﺭ ﺟﺎﺋﮯ ﮔﯽ۔ ﺁﭖ ﭘﺮ ﺑﻮﺟﮫ ﻧﮩﯿﮟ ﺑﻨﻮﮞ ﮔﯽ ‘ ﺍﮔﺮ ﺯﯾﺎﺩﮦ ﺑﺎﺕ ﺑﮕﮍﯼ ﺗﻮ ﺩﺍﻧﺶ ﺑﮭﺎﺋﯽ ﮐﮯ ﭘﺎﺱ ﺳﻌﻮﺩﯾﮧ ﭼﻠﯽ ﺟﺎﺅﮞ ﮔﯽ۔ ﮐﺘﻨﯽ ﻣﺮﺗﺒﮧ ﻭﮦ ﺑﻼﭼﮑﮯ ﮨﯿﮟ۔ ‘‘ ﺍﺱ ﻧﮯ ﺍﭘﻨﮯ ﮨﺎﺗﮫ ﺳﮯ ﺍﻧﮕﻮﭨﮭﯽ ﺍﺗﺎﺭ ﮐﺮ ﺍﻣﯽ ﮐﯽ ﮔﻮﺩ ﻣﯿﮟ ﺭﮐﮫ ﺩﯼ۔ ﻭﮦ ﺍﻧﮕﻮﭨﮭﯽ ﺩﯾﮑﮫ ﮐﺮ ﻣﺰﯾﺪ ﺭﻭﻧﮯ ﻟﮕﯿﮟ ﺍﻭﺭ ﺭﺍﺑﯿﻞ ﻣﺰﯾﺪ ﮐﭽﮫ ﮐﮩﮯ ﺑﻐﯿﺮ ﺑﺎﮨﺮ ﻧﮑﻞ ﮔﺌﯽ۔
ﺳﻮﺍﺋﮯ ﻋﺒﺪﺍﻟﺒﺎﺭﯼ ﮐﮯ ﺭﺍﺕ ﮐﻮ ﺍﺱ ﻭﻗﺖ ﺳﺐ ﮨﯽ ﮔﮭﺮ ﭘﺮ ﺗﮭﮯ۔ ﺑﺎﺑﺎ ﮐﻤﺮﮮ ﻣﯿﮟ ﺗﮭﮯ ‘ ﺑﻠﮉﭘﺮﯾﺸﺮ ﺍﺑﮭﯽ ﺑﮭﯽ ﻧﺎﺭﻣﻞ ﻧﮩﯿﮟ ﺗﮭﺎ۔ ﻓﺮﻗﺎﻥ ﺑﮭﺎﺋﯽ ﺍﻥ ﮐﮯ ﭘﺎﺱ ﮨﯽ ﺗﮭﮯ۔ ﺭﻣﺸﺎ ﺍﻭﺭ ﻓﮩﺪ ﺩﻭﻧﻮﮞ ﺳﻮﭼﮑﮯ ﺗﮭﮯ۔ ﻣﺴﻠﺴﻞ ﺭﻭﻧﮯ ﺳﮯ ﺳﺮ ﺑﮭﺎﺭﯼ ﮨﻮﺭﮨﺎ ﺗﮭﺎ ‘ ﻭﮦ ﮐﭽﻦ ﻣﯿﮟ ﺁﮔﺌﯽ۔ ﺳﺨﺖ ﺑﮭﻮﮎ ﻟﮓ ﺭﮨﯽ ﺗﮭﯽ ‘ ﭘﯿﭧ ﺳﮯ ﮐﯿﺴﯽ ﺩﺷﻤﻨﯽ۔ ﭼﺎﻭﻝ ﮈﺍﻝ ﮐﺮ ﮐﮭﺎﻧﮯ ﻟﮕﯽ ‘ ﮐﮭﺎﺗﮯ ﮨﻮﺋﮯ ﺑﮭﯽ ﻣﺴﻠﺴﻞ ﺫﮨﻨﯽ ﺭﻭ ﺑﮭﭩﮑﯽ ﮨﻮﺋﯽ ﺗﮭﯽ۔ ﮐﺴﯽ ﺑﮭﯽ ﺧﯿﺎﻝ ﭘﺮ ﮔﺮﻓﺖ ﻧﮩﯿﮟ ﺭﮨﯽ ﺗﮭﯽ۔ ﭼﺎﺋﮯ ﺑﻨﺎﺭﮨﯽ ﺗﮭﯽ ﺟﺐ ﻋﺒﺪﺍﻟﺒﺎﺭﯼ ﮐﯽ ﺟﯿﭗ ﮐﺎ ﮨﺎﺭﻥ ﺳﻨﺎﺋﯽ ﺩﯾﺎ۔ ﺁﺝ ﭘﮭﺮ ﻭﮦ ﺗﯿﻦ ﺭﺍﺗﯿﮟ ﺑﺎﮨﺮ ﮔﺰﺍﺭ ﮐﺮ ﮔﮭﺮ ﺁﯾﺎ ﺗﮭﺎ۔ ﻭﮦ ﺗﻠﺨﯽ ﮐﮯ ﮔﮭﻮﻧﭧ ﺑﮭﺮﺗﯽ ﭼﺎﺋﮯ ﮐﯽ ﻃﺮﻑ ﻣﺘﻮﺟﮧ ﺭﮨﯽ۔
ﻋﺒﺪﺍﻟﺒﺎﺭﯼ ﺍﯾﮏ ﺩﻡ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺪﺭ ﺩﺍﺧﻞ ﮨﻮﺍ ﺗﮭﺎ۔ ﺍﺑﮭﯽ ﺑﮭﯽ ﻓﻞ ﯾﻮﻧﯽ ﻓﺎﺭﻡ ﻣﯿﮟ ﺗﮭﺎ۔ ﻋﺒﺪﺍﻟﺒﺎﺭﯼ ﮐﻮ ﺩﯾﮑﮭﺘﮯ ﮨﯽ ﺑﮍﯼ ﺍﻣﯽ ﻧﮯ ﭼﮩﺮﮦ ﻣﻮﮌ ﻟﯿﺎ ﺗﮭﺎ۔ ﺑﮭﺎﺑﯽ ﺳﺮﺟﮭﮑﺎ ﮔﺌﯽ ﺗﮭﯿﮟ ﺍﻭﺭ ﻭﮦ ﺍﺱ ﮐﮯ ﯾﻮﮞ ﺩﻧﺪﻧﺎﺗﮯ ﺍﻧﺪﺍﺯ ﻣﯿﮟ ﮐﻤﺮﮮ ﻣﯿﮟ ﺩﺍﺧﻞ ﮨﻮﻧﮯ ﭘﺮ ﮔﮭﻮﺭﻧﮯ ﻟﮕﯽ ﺗﮭﯿﮟ۔
