منیر ارمان نسیمی
بیٹھے بٹھائے تنہائی میں تیری لگن جو لاگے
تیرے بارے میں سوچوں تو تن میں سہرن جاگے
تو میراکون لاگے، تو میرا کون لاگے؟
تیرے درس کی پیاسی سجنا، موہے گنگا جل نہیں ہے پینا
اب تو آ جا او نرموہی، میرا مشکل ہو گیا ہے جینا
میرے من مندر میں بس کر دور کیوں مجھ سے بھاگے
تو میراکون لاگے، تو میرا کون لاگے؟
بچّے کھیلیں گُڑیوں سے، میں تیری یا د سے کھیلوں
گھر آنگن، چکّی چولہا اور روٹی چاول سے بولوں
میں بھی کتنی پاگل ہوں سجنا، مجھے سب میں تو ہی لاگے
تو میراکون لاگے، تو میرا کون لاگے؟
موہے جب بھی ہچکی آئی، من خوشی سے پھولا نہ سمائے
تو نے مجھ کو یا د کیا ہے، سوچ کے میری انکھ بھر آئے
کیا تیرا من بھی او سجنا، میری چاہت مانگے
تو میراکون لاگے، تو میرا کون لاگے؟
