جدید ادب جرمنی۔ شمارہ نمبر ۴

تسلسل

**رُومیؔ،شامیؔ،جگنوؔ

میری بیٹی کی

لے آتے ہیں خوشبو

**

گانی  والے  طوطے

شہریؔ اور سونوؔ

دونوں  میرے پوتے

**پوتوں کے آنے سے

ملتا ہوں اپنے

دادا کے زمانے سے

**ماہاؔ  مِری  پوتی  ہے

روتے ہوئے ہنستی

ہنستے ہوئے روتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

**اک   پوتی  اور  آئی

بی بی علیشاؔ ،جو

 سونوؔکی ہے ماں جائی

**ہنسنے ہیں کہ رونے ہیں

بچوں کے بچے

سب میرے کھلونے ہیں

**سب ہی مجھے پیارے ہیں

پوتے، نواسے سب

دل کے سی پارے ہیں

**جیون کا تسلسل ہے

دہراتا خود کو

یوں وقت مسلسل ہے