جدید ادب جرمنی۔ شمارہ نمبر ۴

اکرام تبسم (لاہور)

اگر قاتل اماں دینے لگا ہے

تو سمجھو دوریاں دینے لگا ہے

اچھالی تھی زمیں نے کس کی پگڑی

گواہی آسماں دینے لگا ہے

مصلے بچھ گئے ہیں پانیوں پر

تلاطم بھی اذاں دینے لگا ہے

سکوت شہر کا دل کس نے توڑا

چوراہے پربیاں دینے لگا ہے

محبت پھر رہی ہے منہ چھپاتی

کسی پر کوئی جاں دینے لگا ہے

صداقت رو رہی ہے منہ چھپا ئے

کہ اک جھوٹا زباں دینے لگا ہے

تبسمؔ زندگی کی خیر مانگو

دعا سارا جہاں دینے لگا ہے