جدید ادب جرمنی۔ شمارہ نمبر ۳

حمایت علی شاعر(کراچی)

دیدۂ   نم  ،  دلِ   آشفتہ   بخوں   کی     توہین

شکوۂ   غم  ،  تپش   جذ بِ   دروں  کی    توہین

 دامن   چاک  ،   شعور   غمِ    دل   کی    تحقیر

 پاس   اِدراک،   تقاضائے   جنوں  کی    تو ہین

                دل کو آزادِ رسوما ت کروں یا نہ کروں

کیسی  گھمبیر   اُ داسی   ہے   فضا     پر   طاری

 کتنی   سنسا ن   نظر   آتی   ہے   دنیا    ساری

 ذ ہن  سا کت،  نظر  آوارہ،   سخن   بے  مفہوم

کس  کو  معلوم   یہ  لمحات   ہیں  کتنے   بھاری

           نذر کچھ ا شکوں کی سوغات کروں یا نہ کروں

اب  کہ  یہ  دہر،  بجز  حدِ  نظر  کچھ  بھی  نہیں

اب کہ یہ  زیست،  بجز  دردِ  جگر، کچھ  بھی  نہیں

 اب کہ  ہر  صبح ہے  اک شعلۂ  بے  دو ‘ د  کا   نام

 اب کہ  ہر  شام  بجز  دیدۂ   تر ،  کچھ  بھی  نہیں

         اب بھی میں دل کی مدارا ت کر وں یا نہ کروں