جدید ادب جرمنی۔ شمارہ نمبر ۱۳

احمد صغیر صدیقی

اِس چہرۂ گل رنگ کو

آنکھوں میں بسا لوں

اِس زلفِ گرہ گیر کو افسانہ در افسانہ بنا دوں

شانوں پہ بچھا لوں

اِن ریشمی ہونٹوں پہ دھروں ہونٹ گزرجانے کی خاطر

مرجانے کی خاطر

واروں قدِ رعنا پہ دل و جاں

سروساماں

نکلوں کسی چاہت میں نہ آنے کے لیے میں

پاؤں تجھے اس طور کہ اپنے کو گنوا دوں

اب اور کوئی دُھن نہیں

بس ایک ہی دُھن ہے

موقع جو ملے مجھ کو

تجھے، تجھ سے چرا لوں!