جدید ادب جرمنی۔ شمارہ نمبر ۱۰

عبداللہ جاوید(کینڈا))

تہمت ہے مختاری کی

دریا میں رہنا بھی ہے

          بہنا بھی ہے

پل پل کچھ کرنا بھی ہے

         بھرنا بھی ہے

فصلِ غم بونا بھی ہے

        ڈھونا بھی ہے

مرنے سے ڈرنا بھی ہے

         مرنا بھی ہے

۔۔۔۔۔۔۔۔۔۔۔۔۔

بھیگنا بارش میں تھا

بھیگنا ۔۔۔۔۔

بارش میں تھا

لیکن

گذشتہ رات کو

آسماں سے عشق برسا

اور ہم

بھیگے بہت۔۔۔!

۔۔۔۔۔۔۔۔۔۔۔۔۔

ہوا میں اُڑتی ہوئی وہ لڑکی

ہوا میں اُڑتی ہوئی وہ لڑکی

ملی تو دل نے

ہوا کو روکا

          ہوا رُکی بھی

ہوا رُکی بھی

مگر وہ لڑکی

          ہوا میں تحلیل ہو گئی