اِے تے میں وی جانٹر دا شراب تے حرام اِے جدوں دِی میں پیناں وَاں کجھ دُکھاں توں آرام اِے
اَپنڑے خیالاں اِچ ڈُبیا میں رہنا وَاں چندرے جہاں کولوں وَکھ ہو کے بہنا وَاں
ہوکیاں دِی صبح اِے تے ہنجواں دِی شام اِے اِے تے میں وِی جانٹردا شراب تے حرام اِے
رَات دِے اَندھیرے وِچ پھلیکے بڑے پیندے نے ہولی ہولی جھونکے وِی تے ناں اُوندا لیندے نے
اِنج لگے جیویں اُونے گھلیا پیغام ہے اِے تے میں وِی جانٹردا شراب تے حرام اِے
ڈولدے نے ہنجوں جدوں نشہ بہتا چڑھدا اِے سوچاں والی اَگھ وچ انگ اَنگ سڑدا اے
آندا جاندا دُکھ مینوں کر دَا سلام اِے اِے تے میں وِی جانٹردا شراب تے حرام اِے
گُھٹ گُھٹ کر کے تے شیشے وِچ پاواں میں خاباں وِچ رُسے ہوئے ڈھول نوں مناواں میں
جدوں آوے یاد ہتھوں ڈِگ پیندا جام اِے اِے تے میں وِی جانٹردا شراب تے حرام اِے
کہندے نے شراب بُری لوگ وی تے بُرے نے عاشقاں لئی عشق د ِے اِے روگ وی تے بُرے نے
ساڈے لئی اِعجازؔ ہویا اُو وِی بدنام اِے اِے تے میں وِی جانٹردا شراب تے حرام اِے
