ہم دل سے ہارے ہیں

ﺍﻗﺮﺍﺭ ﮔﺌﮯ، ﺍﻧﮑﺎﺭ ﮔﺌﮯ، ﮨﻢ ﮨﺎﺭ ﮔﺌﮯ
ﺟﯿﻨﮯ ﮐﮯ ﺳﺐ ﺍٓﺛﺎﺭ ﮔﺌﮯ، ﮨﻢ ﮨﺎﺭ ﮔﺌﮯ
ﮐﭽﮫ ﯾﺎﺩﯾﮟ ﺍﺱ ﮐﯽ ﺳﯿﺞ ﺳﻤﻨﺪﺭ ﮈﻭﺏ ﮔﺌﯿﮟ
ﮐﭽﮫ ﺳﭙﻨﮯ ﺍﭘﻨﮯ ﺭﮦ ﺍﺱ ﭘﺎﺭ ﮔﺌﮯ ﮨﻢ ﮨﺎﺭ ﮔﺌﮯ
ﺍﮎ ﻋﻤﺮ ﺭﮨﮯ ﮨﯿﮟ ﺟﯿﺖ ﺳﮯ ﺑﮯ ﭘﺮﻭﺍ ﻟﯿﮑﻦ
ﺟﺐ ﺟﯿﺘﻨﺎ ﭼﺎﮨﺎ ﺟﯿﻮﻥ ﻭﺍﺭ ﮔﺌﮯ ﮨﻢ ﮨﺎﺭ ﮔﺌﮯ
ﻭﮦ ﺍﺑﮭﯽ ﺗﮏ ﺣﯿﺮﺕ ﺯﺩﮦ ﭘﺮﯾﺸﺎﻥ ﺍﻭﺭ ﮔﻢ ﺻﻢ ﺗﮭﮯ۔ ﻭﮦ ﺟﺲ ﻟﮍﮐﯽ ﮐﻮ ﮐﺒﮭﯽ ﮐﺴﯽ ﺧﺎﻃﺮ ﻣﯿﮟ ﻧﮩﯿﮟ ﻻﺋﮯ ﺗﮭﮯ، ﺟﺴﮯ ﮨﻤﯿﺸﮧ ﮈﺍﻧﭧ ﮐﺮ ﮐﻢ ﻋﻘﻞ ، ﻧﺎﺩﺍﻥ ﻟﮍﮐﯽ ﺳﻤﺠﮭﺘﮯ ﺭﮨﮯ ﺗﮭﮯ ، ﻭﮦ ﮨﯽ ﺍﻥ ﮐﯽ ﺷﮑﺴﺖ ﮐﺎ ﺑﺎﻋﺚ ﺑﻨﺘﯽ ﺟﺎ ﺭﮨﯽ ﺗﮭﯽ ، ﺍﻭﺭ ﻭﮦ ﺑﮭﯽ ﺑﺮﯼ ﻃﺮﺡ ﺣﯿﺮﺕ ﺯﺩﮦ ﺗﮭﮯ ۔ ﺍﺑﮭﯽ ﺗﮏ ﮔﻢ ﺻﻢ ﺗﮭﮯ ، ﺳﻤﺠﮫ ﻧﮩﯿﮟ ﭘﺎ ﺭﮨﮯ ﺗﮭﮯ ، ﺟﻮ ﺣﻔﺎﻇﺘﯽ ﺑﻞ ﺑﺎﻧﺪﮬﺘﮯ ﺍٓ ﺭﮨﮯ ﺗﮭﮯ، ﻭﮦ ﺍﯾﮏ ﺩﻡ ﮐﯿﻮﮞ ﭨﻮﭨﺘﮯ ﺟﺎ ﺭﮨﮯ ﮨﯿﮟ۔۔ ﺍﻥ ﺩﯾﮑﮭﯽ ﺧﻮﺍﮨﺸﯿﮟ ، ﺟﺬﺑﻮﮞ ﮐﺎ ﻣﻨﮧ ﺯﻭﺭ ﺭﯾﻼ ﺍﻥ ﺣﻔﺎﻇﺘﯽ ﺑﻨﺪﮬﻮﮞ ﺍﻭﺭ ﺗﺨﺘﻮﮞ ﮐﯽ ﭘﺮﻭﺍ ﮐﯿﮯ ﺑﻐﯿﺮ ﺍﺏ ﺳﺐ ﮐﭽﮫ ﺑﮩﺎ ﻟﮯ ﺟﺎﻧﺎ ﭼﺎﮦ ﺭﮨﺎ ﺗﮭﺎ ۔ ﮐﯿﻮﮞ۔۔ﻭﮦ ﺍﯾﮏ ﺩﻡ ﺍﭼﺎﻧﮏ ﮐﻤﺰﻭﺭ ﭘﮍﺗﮯ ﺟﺎ ﺭﮨﮯ ﮨﯿﮟ۔۔ ﺟﺬﺑﮯ ﺍﺱ ﻗﺪﺭ ﻣﻨﮧ ﺯﻭﺭ ﺗﮭﮯ ، ﯾﺎ ﺣﻔﺎﻇﺘﯽ ﺍﻗﺪﺍﻣﺎﺕ ﺑﮯ ﺣﯿﺜﯿﺖ ﺗﮭﮯ ، ﻭﮦ ﺍﺑﮭﯽ ﺗﮏ ﺣﯿﺮﺕ ﺯﺩﮦ ﺗﮭﮯ۔ ﻭﮦ ﺳﭻ ﻣﭻ ﮨﺎﺭ ﺭﮨﮯ ﺗﮭﮯ ، ﯾﺎ ﺍﺑﮭﯽ ﮐﻮﺋﯽ ﻣﻮﻗﻊ ﺑﺎﻗﯽ ﺗﮭﺎ۔ ﮔﺰﺭﮮ ﻟﻤﺤﻮﮞ ﮐﺎ ﺣﺴﺎﺏ ﮐﺮﺗﮯ ﻭﮦ ﺧﻮﺩ ﺳﮯ ﺑﮭﯽ ﺑﮯ ﭘﺮﻭﺍ ﮨﻮ ﺭﮨﮯ ﺗﮭﮯ۔
ﮐﻞ ﺷﮩﻼ ﮐﯽ ﺭﺳﻢ ﻣﻨﮕﻨﯽ ﺗﮭﯽ ، ﺍﺱ ﻭﻗﺖ ﺳﺐ ﺍِﺩﮬﺮ ﮔﺌﮯ ﺗﮭﮯ ﻣﮕﺮ ﻭﮦ ﺑﮩﺖ ﭼﺎﮨﻨﮯ ﮐﮯ ﺑﺎﻭﺟﻮﺩ ﺍِﺩﮬﺮ ﻧﮩﯿﮟ ﺟﺎ ﺳﮑﮯ ﺗﮭﮯ ، ﺍِﺩﮬﺮ ﻭﮦ ﺗﮭﯽ ﺍﻥ ﮐﯽ ﺷﮑﺴﺖ ﮐﺎ ﺳﺎﻣﺎﻥ۔۔ ﺟﺴﮯ ﺍﻧﮩﻮﮞ ﻧﮯ ﺑﺎﺭ ﮨﺎ ﺭُﻻﯾﺎ ﺗﮭﺎ ، ﺍﻭﺭ ﺧﻮﺏ ﺭُﻻﯾﺎ ﺗﮭﺎ ، ﺟﺴﮯ ﺍﭘﻨﮯ ﻟﻔﻈﻮﮞ ﺟﻤﻠﻮﮞ ، ﻃﻨﺰ ﮐﮯ ﻧﺸﺘﺮﻭﮞ ﺳﮯ ﺑﺎﺭ ﮨﺎ ﮔﮭﺎﺋﻞ ﮐﯿﺎ ﺗﮭﺎ ، ﺟﻮ ﮨﺮ ﺑﺎﺭ ﺍﻥ ﮐﮯ ﮨﺎﺗﮭﻮﮞ ﺑﺮﯼ ﻃﺮﺡ ﺗﺨﺘﮧ ﻣﺸﻖ ﺑﻨﺘﯽ ﺗﮭﯽ ، ﮨﺘﮏ ﮐﮯ ﺳﺎﺗﮫ ﺫﻟﺖ ﮐﺎ ﺍﺣﺴﺎﺱ ﺍُﭨﮭﺎﺗﯽ ﺗﮭﯽ۔ ﺍﭘﻨﮯ ﺍﻧﺪﺭ ﮐﮯ ﮐﺴﯽ ﮨﺎﺭ ﺟﺎﻧﮯ ﻭﺍﻟﮯ ﺧﺪﺷﮯ ﮐﮯ ﺳﺮ ﺍُﺑﮭﺎﺭﻧﮯ ﺳﮯ ﭘﮩﻠﮯ ﮨﯽ ﻭﮦ ﺍﺳﮯ ﺑﮯ ﻋﺰﺕ ﮐﺮ ﮐﮯ ﺭﮐﮫ ﺩﯾﺘﮯ ﺗﮭﮯ ، ﺍﻭﺭ ﭘﮭﺮ ﺑﮭﯽ ﺩﻝ ﻣﻄﻤﺌﻦ ﻧﮧ ﮨﻮ ﭘﺎﺗﺎ ﺗﮭﺎ ، ﮨﺎﺭ ﺗﻮ ﺟﯿﺴﮯ ﻧﺼﯿﺐ ﻣﯿﮟ ﻟﮑﮭﯽ ﺟﺎ ﭼﮑﯽ ﺗﮭﯽ ، ﻭﮦ ﺍﺱ ﮐﮯ ﻣﻘﺪﺭ ﻣﯿﮟ ﻟﮑﮭﯽ ﺟﺎ ﭼﮑﯽ ﺗﮭﯽ ، ﻭﮦ ﺍﻥ ﮐﯽ ﺑﻦ ﭼﮑﯽ ﺗﮭﯽ ، ﻭﮦ ﺍﻥ ﮐﯽ ﺯﻧﺪﮔﯽ ﻣﯿﮟ ﺍﭘﻨﺎ ﻧﺎﻡ ﻣﻨﻮﺍ ﭼﮑﯽ ﺗﮭﯽ ، ﭘﮭﺮ ﺑﮭﯽ ﻭﮦ ﺍﺳﮯ ﭨﮭﮑﺮﺍ ﺩﯾﺘﮯ ﺗﮭﮯ ۔ ﮨﺮ ﺑﺎﺭ ﺩﮬﺘﮑﺎﺭ ﺩﯾﺘﮯ ﺗﮭﮯ ، ﺍﻭﺭ ﮨﺮ ﺑﺎﺭ ﺩﮬﺘﮑﺎﺭ ﺩﯾﻨﮯ ﮐﮯ ﺑﻌﺪ ﺧﻮﺩ ﺑﮭﯽ ﺗﮑﻠﯿﻒ ﺳﮯ ﺩﻭ ﭼﺎﺭ ﮨﻮ ﺟﺎﺗﮯ ﺗﮭﮯ ﮐﮧ ﺍﻥ ﮐﯽ ﻃﺒﯿﻌﺖ ﮐﺎ ﺭﻧﮓ ﻧﮧ ﺗﮭﺎ۔
ﻭﺭﯾﺸﮧ ﻋﺒﺪﺍﻟﻠﮧ ﺍﻥ ﮐﯽ ﺯﻧﺪﮔﯽ ﻣﯿﮟ ﺍٓﻧﮯ ﻭﺍﻟﯽ ﭘﮩﻠﯽ ﻟﮍﮐﯽ ﺗﮭﯽ ، ﺟﻮ ﺻﺮﻑ ﺍﻥ ﮐﯽ ﺗﺎﯾﺎﺯﺍﺩ ﮨﯽ ﻧﮩﯿﮟ ، ﻣﺤﺒﺖ ﺑﮭﯽ ﺗﮭﯽ ، ﺍﻭﺭ ﭘﮭﺮ ﻭﮦ ﺍﻥ ﮐﯽ ﺯﻧﺪﮔﯽ ﻣﯿﮟ ﺍﯾﮏ ﺧﺎﺹ ﺭﺷﺘﮯ ﺳﮯ ﺩﺍﺧﻞ ﺑﮭﯽ ﮨﻮ ﮔﺌﯽ ۔ ﻟﯿﮑﻦ ﺍﺱ ﮐﯽ ﺯﻧﺪﮔﯽ ﻧﮯ ﻭﻓﺎ ﻧﮧ ﮐﯽ ، ﺗﯿﻦ ﺳﺎﻝ ﮐﮯ ﻣﺨﺘﺼﺮ ﻭﻗﻔﮯ ﻣﯿﮟ ﺍﻥ ﮐﯽ ﺯﻧﺪﮔﯽ ﻣﯿﮟ ﮔﻞ ﻭ ﮔﻠﺰﺍﺭ ﮐﮯ ﺑﺎﻏﺎﺕ ﺍٓﺑﺎﺩ ﮐﺮﻧﮯ ﮐﮯ ﺑﻌﺪ ﺑﮯ ﺍٓﺑﺎﺩ ﺑﮭﯽ ﮐﺮ ﮔﺌﯽ۔ ﻭﺭﯾﺸﮧ ﮐﮯ ﺑﻌﺪ ﻭﮦ ﭨﻮﭦ ﮐﺮ ﺑﮑﮭﺮﮮ ﺗﮭﮯ ، ﻭﻗﺖ ﺳﺐ ﺳﮯ ﺑﮍﺍ ﻣﺮﮨﻢ ﮨﮯ، ﻓﻮﺯﺍﻥ ﮐﻮ ﻋﯿﺸﮧ ﻧﮯ ﺳﻨﺒﮭﺎﻝ ﻟﯿﺎ ﺍﻭﺭ ﻭﮦ ﺍﭘﻨﯽ ﺫﺍﺕ ﻣﯿﮟ ﮔﻢ ﮨﻮﺗﮯ ﭼﻠﮯ ﮔﺌﮯ ، ﮔﮭﺮ ﻭﺍﻟﻮﮞ ﺳﮯ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﺷﺎﺩﯼ ﮐﺎ ﺍِﺻﺮﺍﺭ ﺑﮍﮬﺎ ﺗﻮ ﺍﻧﮩﻮﮞ ﻧﮯ ﭼﭗ ﺍﻭﮌﮪ ﻟﯽ۔ ﻭﺭﯾﺸﮧ ﮐﮯ ﺑﻌﺪ ﺍﻥ ﮐﺎ ﺩﻝ ﻣﺮﺩﮦ ﺳﺎ ﮨﻮ ﮔﯿﺎ ﺗﮭﺎ ، ﭘﮭﺮ ﺍﺻﺮﺍﺭ ﺑﮍﮬﺎ ﺗﻮ ﺍﻧﮩﻮﮞ ﻧﮯ ﻓﻮﺯﺍﻥ ﮐﺎ ﺑﮩﺎﻧﮧ ﮐﺮ ﮐﮯ ﭨﺎﻟﻨﺎ ﺷﺮﻭﻉ ﮐﺮ ﺩﯾﺎ ۔ ﻭﻗﺖ ﺭﮐﻨﮯ ﮐﺎ ﻧﺎﻡ ﺗﻮ ﻧﮩﯿﮟ۔۔ ﮨﺮ ﺯﺧﻢ ﮐﺎ ﻋﻼﺝ ﻣﻤﮑﻦ ﮨﮯ ﺍﻭﺭ ﻗﺪﺭﺕ ﻧﮯ ﺍﻥ ﮐﮯ ﺳﺎﻣﻨﮯ ﻋﯿﺸﮧ ﻭﺍﺟﺪ ﮐﻮ ﻻ ﮐﮭﮍﺍ ﮐﯿﺎ، ﺟﻮ ﮨﻮ ﺑﮩﻮ ﻭﺭﯾﺸﮧ ﮐﯽ ﮐﺎﭘﯽ ﺗﮭﯽ ۔ ﺷﮑﻞ ﻭ ﺻﻮﺭﺕ ﺳﮯ ﻟﮯ ﮐﺮ ﻋﺎﺩﺍﺕ ﻭ ﺍﻃﻮﺍﺭ ﻣﯿﮟ ﺑﮭﯽ ﺍﺱ ﺟﯿﺴﯽ، ﻭﮦ ﺳﺎﺭﮮ ﺧﺎﻧﺪﺍﻥ ﮐﯽ ﮨﺮ ﺩﻟﻌﺰﯾﺰ ﺍﻭﺭ ﻣﺤﺒﻮﺏ ﻟﮍﮐﯽ ﺗﮭﯽ۔ ﻣﮕﺮ ﺑﺎﭖ ﮐﯽ ﻃﺮﻑ ﺳﮯ ﺑﮯ ﺍﻋﺘﻨﺎﺋﯽ ﮐﺎ ﺷﮑﺎﺭ۔۔ﻭﺍﺟﺪ ﺻﺎﺣﺐ ﺍﺱ ﮐﺎ ﮨﺮ ﻟﺤﺎﻅ ﺳﮯ ﺧﯿﺎﻝ ﺭﮐﮭﺘﮯ ﺗﮭﮯ ﻣﮕﺮ ﺍﻭﻻﺩ ﮐﻮ ﺟﻮ ﺧﺼﻮﺻﯽ ﺗﻮﺟﮧ ﻭﺍﻟﺪﯾﻦ ﺳﮯ ﻣﻠﺘﯽ ﮨﮯ ، ﻭﮦ ﺩﯾﻨﮯ ﺳﮯ ﺭﮦ ﮔﺌﮯ ﺗﮭﮯ۔ ﺍﺱ ﺑﺎﺕ ﮐﺎ ﺍﺣﺴﺎﺱ ﺳﺐ ﮐﻮ ﺗﮭﺎ ، ﺍﻭﺭ ﺳﺒﮭﯽ ﺍﺱ ﮐﺎ ﺧﺎﺹ ﺧﯿﺎﻝ ﺭﮐﮭﺘﮯ ﺗﮭﮯ ، ﻭﮦ ﭘﮍﮬﻨﮯ ﮐﯽ ﺷﻮﻗﯿﻦ ﺗﮭﯽ ، ﺳﻮ ﮨﺮ ﮐﺴﯽ ﻧﮯ ﺍﺱ ﮐﯽ ﭘﮍﮬﺎﺋﯽ ﮐﺎ ﺧﺎﺹ ﺧﯿﺎﻝ ﺭﮐﮭﺎ ﺗﮭﺎ ، ﻭﮦ ﻓﻮﺯﺍﻥ ﮐﮯ ﻣﻌﺎﻣﻠﮯ ﻣﯿﮟ ﺣﺪ ﺳﮯ ﺯﯾﺎﺩﮦ ﺣﺴﺎﺱ ﺍﻭﺭ ﭨﭽﯽ ﺗﮭﯽ ﺗﻮ ﺳﺐ ﻧﮯ ﺍﺳﮯ ﻓﻮﺯﺍﻥ ﮐﯽ ﺫﺍﺕ ﻣﯿﮞﮕﻢ ﮨﻮﻧﮯ ﺳﮯ ﻧﮩﯿﮟ ﺭﻭﮐﺎ ﺗﮭﺎ۔ ﺍﻭﺭ ﺷﺎﯾﺪ ﯾﮩﯿﮟ ﺳﮯ ﻏﻠﻄﯽ ﮐﯽ ﺍﺑﺘﺪﺍﺀ ﮨﻮﺋﯽ ﺗﮭﯽ ، ﺍﻭﺭ ﺟﺐ ﺷﮩﺒﺎﺯ ﺣﯿﺪﺭ ﮐﻮ ﻏﻠﻄﯽ ﮐﯽ ﺳﻨﮕﯿﻨﯽ ﮐﺎ ﺍﺣﺴﺎﺱ ﮨﻮﺍ ، ﻭﻗﺖ ﺑﮩﺖ ﮔﺰﺭ ﭼﮑﺎ ﺗﮭﺎ ، ﻋﯿﺸﮧ ﻭﺍﺟﺪ ﮐﮯ ﺩﻝ ﻭ ﺩﻣﺎﻍ ﻣﯿﮟ ﺍﯾﮏ ﻭﺍﺿﺢ ﺗﺸﺒﯿﮧ ﺍُﺗﺮ ﺍٓﺋﯽ ﺗﮭﯽ ، ﺍﻭﺭ ﺟﺐ ﺍﻧﮩﯿﮞﺎﭘﻨﮯ ﺷﮏ ﮐﮯ ﯾﻘﯿﻦ ﮨﻮﻧﮯ ﭘﺮ ﻣﮩﺮ ﺛﺒﺖ ﮨﻮﺋﯽ ﺗﻮ ﺍﻧﮩﻮﮞ ﻧﮯ ﺣﻔﺎﻇﺘﯽ ﺍﻗﺪﺍﻣﺎﺕ ﮐﺮﻧﮯ ﺷﺮﻭﻉ ﮐﺮ ﺩﯾﮯ ﺗﮭﮯ ۔ ﻭﮦ ﺍﺱ ﻧﻨﮭﯽ ﺳﯽ ﻟﮍﮐﯽ ﺳﮯ ﮈﺭ ﮔﺌﮯ ﺗﮭﮯ ، ﺟﺲ ﮐﯽ ﮔﮩﺮﯼ ﺍٓﻧﮑﮭﻮﮞ ﮐﮯ ﺳﻤﻨﺪﺭ ﻣﯿﮟ ﺍﻥ ﮐﯽ ﺷﮑﺴﺖ ﮐﺎ ﺳﺎﻣﺎﻥ ﮐﺮﻧﮯ ﮐﮯ ﻟﯿﮯ ﮐﺎﻓﯽ ﮨﻮ ﺳﮑﺘﮯ ﺗﮭﮯ ۔ ﺍﻧﮩﯿﮟ ﻟﮕﺘﺎ ﺗﮭﺎ ﮐﮧ ﺟﺴﮯ ﻭﮦ ﺍﻥ ﮐﯽ ﺫﺍﺕ ﮐﮯ ﮔﺮﺩ ﮐﮭﮍﯼ ﺑﻠﻨﺪ ﻭ ﺑﺎﻻ ﻓﺼﯿﻠﻮﮞ ﮐﻮ ﮈﮬﺎﻧﮯ ﮐﮯ ﭼﮑﺮ ﻣﯿﮟ ﮨﮯ ﺍﻭﺭ ﮨﺮ ﺑﺎﺭ ﺍﺱ ﺳﮯ ﺳﺎﻣﻨﮯ ﮐﮯ ﺑﻌﺪ ﻭﮦ ﺍﭘﻨﮯ ﮔﺮﺩ ﻣﻮﺟﻮﺩ ﻓﺼﯿﻠﻮﮞ ﮐﻮ ﻣﺰﯾﺪ ﺑﻠﻨﺪ ﮐﺮ ﻟﯿﺘﮯ ﺗﮭﮯ ، ﻭﮦ ﭘﺘﮭﺮ ﻧﮩﯿﮟ ﺗﮭﮯ ﻣﮕﺮ ﺧﻮﺩ ﮐﻮ ﭘﺘﮭﺮ ﺑﻨﺎﻧﮯ ﭘﺮ ﻣﺠﺒﻮﺭ ﺗﮭﮯ۔ ﻭﮦ ﺑﮯ ﺣﺲ ﻧﮩﯿﮟ ﺗﮭﮯ ، ﻣﮕﺮ ﺍﭘﻨﯽ ﺑﮯ ﺣﺴﯽ ﮐﺎ ﻣﻈﺎﮨﺮﮦ ﮐﺮﻧﮯ ﻣﯿﮟ ﮨﯽ ﺍﻧﮩﯿﮟ ﻋﯿﺸﮧ ﻭﺍﺟﺪ ﮐﯽ ﺑﮭﻼﺋﯽ ﺩﮐﮭﺎﺋﯽ ﺩﮮ ﺭﮨﯽ ﺗﮭﯽ ، ﺍﯾﺴﮯ ﻣﯿﮟ ﻓﻮﺯﺍﻥ ﮐﺎ ﺍﺱ ﺳﮯ ﺣﺪ ﺳﮯ ﺯﯾﺎﺩﮦ ﻟﮕﺎﺋﻮ ، ﻭﮦ ﺟﺘﻨﯽ ﺑﮭﯽ ﮐﻮﺷﺶ ﮐﺮﺗﮯ ﮐﮧ ﻓﻮﺯﺍﻥ ﮐﯽ ﺗﻮﺟﮧ ﺍﺱ ﮐﯽ ﺫﺍﺕ ﺳﮯ ﮨﭧ ﮐﺮ ﺍﭘﻨﯽ ﻃﺮﻑ ﻣﺒﺬﻭﻝ ﮐﺮﻭﺍﻟﯿﮟ ، ﺍﻧﮩﯿﮟ ﺍﺱ ﻗﺪﺭ ﻧﺎﮐﺎﻣﯽ ﮐﺎ ﺳﺎﻣﻨﺎ ﮐﺮﻧﺎ ﭘﮍﺗﺎ ﺗﮭﺎ ۔ ﺍﻭﺭ ﻭﮦ ﺍﯾﮏ ﻣﺎﮦ ﺟﻮ ﺍﻧﮩﻮﮞ ﻧﮯ ﺍﻧﮑﺸﺎﻑ ﮐﮯ ﺑﻌﺪ ﻓﻮﺯﺍﻥ ﮐﻮ ﺍﭘﻨﯽ ﻃﺮﻑ ﻣﻠﺘﻔﺖ ﮐﺮﻧﮯ ﻣﯿﮟ ﮔﺰﺍﺭﺍ ﺗﮭﺎ ، ﻭﮦ ﺍﯾﮏ ﻣﺎﮦ ﺑﮭﯽ ﺑﯿﮑﺎﺭ ﮔﯿﺎ ، ﺍﻧﮩﯿﮟ ﺍﺱ ﺭﺍﺕ ﺍﭘﻨﯽ ﺣﻤﺎﻗﺖ ﮐﺎ ﺷﺪﯾﺪ ﺍﺣﺴﺎﺱ ﮨﻮﺍ ﺟﺐ ﺍﻧﮩﻮﮞ ﻧﮯ ﺑﮩﻼ ﭘﮭﺴﻼ ﮐﺮ ﻓﻮﺯﺍﻥ ﮐﻮ ﺍﭘﻨﮯ ﭘﺎﺱ ﺳﻼﻧﮯ ﭘﺮ ﺭﺍﺿﯽ ﮐﺮ ﻟﯿﺎ ﺗﮭﺎ ، ﻣﮕﺮ ﺍٓﺩﮬﯽ ﺭﺍﺕ ﮐﻮ ﺍُﭨﮭﻨﮯ ﮐﮯ ﺑﻌﺪ ﻓﻮﺯﺍﻥ ﮐﺎ ﺭﻭﻧﺎ ﺩﮬﻮﻧﺎ ، ﻭﮦ ﺳﺨﺖ ﺍﺫﯾﺖ ﺳﮯ ﺩﻭ ﭼﺎﺭ ﮨﻮ ﮔﺌﮯ ﺗﮭﮯ۔ ﻭﮦ ﺍﯾﮏ ﻣﺎﮦ ﮐﺎ ﻋﺮﺻﮧ ﺟﻮ ﺍﻧﮩﻮﮞ ﻧﮯ ﻓﻮﺯﺍﻥ ﮐﮯ ﻟﯿﮯ ﮨﺮ ﮐﺎﻡ ﮐﻮ ﭘﺲ ﭘﺸﺖ ﮈﺍﻝ ﮐﺮ ﮔﺰﺍﺭﺍ ﺗﮭﺎ ، ﻋﯿﺸﮧ ﮐﮯ ﺳﺎﺗﮫ ﮔﺰﺍﺭﮮ ﭼﮫ ﺳﺎﻟﻮﮞ ﮐﯽ ﺗﺮﺑﯿﺖ ﻭ ﻋﺎﺩﺕ ﮐﻮ ﺑﺪﻟﻨﮯ ﮐﮯ ﻟﯿﮯ ﮐﭽﮫ ﺑﮭﯽ ﻧﮧ ﺗﮭﺎ ۔ ﻭﮦ ﻟﮍﮐﯽ ﻓﻮﺯﺍﻥ ﮐﯽ ﺻﻮﺭﺕ ﻣﯿﮟ ﺍﻥ ﮐﯽ ﺳﺐ ﺳﮯ ﺑﮍﯼ ﺷﮑﺴﺖ ﺑﻦ ﮐﺮ ﺳﺎﻣﻨﮯ ﺍٓﺋﯽ ﺗﮭﯽ ، ﻭﮦ ﺗﻠﻤﻼ ﮐﺮ ﺭﮦ ﮔﺌﮯ ﺗﮭﮯ ، ﺍﺱ ﺗﺼﻮﺭ ﺳﮯ ﮨﯽ ﺍﻥ ﮐﺎ ﺑﯿﭩﺎ ﮨﯽ ﺍﻥ ﮐﮯ ﻗﺎﺑﻮ ﻣﯿﮟ ﻧﮩﯿﮟ ﺍٓ ﺭﮨﺎ ۔۔ ﺍﻭﺭ ﺍﺳﯽ ﺭﺍﺕ ﺍﺱ ﮐﮯ ﮐﻤﺮﮮ ﺗﮏ ﺟﺎﺗﮯ ﮨﻮﺋﮯ ﻓﻮﺯﺍﻥ ﮐﻮ ﺍﺱ ﮐﮯ ﺑﺎﺯﻭ ﺋﻮﮞ ﻣﯿﮟ ﺩﯾﺘﮯ ﮨﻮﺋﮯ ، ﺍﺳﮯ ﺗﻠﺨﯽ ﺳﮯ ﺩﯾﮑﮭﺘﮯ ﮨﻮﺋﮯ ﻏﺼﮯ ﺳﮯ ﺍﺱ ﭘﺮ ﺍﭘﻨﮯ ﺑﺎ ﺧﺒﺮ ﮨﻮﻧﮯ ﮐﺎ ﺍﻇﮩﺎﺭ ﮐﺮﺗﮯ ﮨﻮﺋﮯ ﺍﻧﮩﯿﮟ ﮨﺮ ﻟﻤﺤﮯ ﺍﭘﻨﮯ ﮨﺎﺭ ﺟﺎﻧﮯ ﮐﺎ ﺩﮬﮍﮐﺎ ﻟﮕﺎ ﺗﮭﺎ ، ﺍﻭﺭ ﺍﺱ ﺩﮬﮍﮐﮯ ﻧﮯ ﺍﻧﮩﯿﮟ ﻣﺰﯾﺪ ﺗﻠﺦ ﮐﺮ ﺩﯾﺎ ﺗﮭﺎ ، ﺍﻭﺭ ﺍﮔﻠﯽ ﺻﺒﺢ ﺟﺐ ﻭﮦ ﺍﻥ ﮐﮯ ﺳﺎﻣﻨﮯ ﮐﮭﺎﻧﮯ ﮐﯽ ﭨﺮﮮ ﻟﮯ ﮐﺮ ﺍٓﺋﯽ ﺗﮭﯽ ، ﻭﮦ ﭘﮭﺮ ﺍﺱ ﺧﻮﻑ ﺳﮯ ﺟﮑﮍﺗﮯ ﭼﻠﮯ ﮔﺌﮯ ﺗﮭﮯ ﮐﮧ ﯾﮧ ﻟﮍﮐﯽ ﺑﺎﻗﺎﻋﺪﮦ ﺍﻥ ﮐﯽ ﺷﮑﺴﺖ ﮐﺎ ﺍﮨﺘﻤﺎﻡ ﮐﺮﻧﮯ ﺳﺎﻣﻨﮯ ﺍٓ ﭼﮑﯽ ﮨﮯ ، ﺗﺐ ﺍﻧﮩﻮﮞ ﻧﮯ ﺍﻧﺪﺭ ﮐﯽ ﺗﻠﻤﻼﮨﭧ ، ﺧﻮﻑ ، ﮨﺎﺭ ﺟﺎﻧﮯ ﮐﮯ ﮈﺭ ﮐﻮ ﺍﭘﻨﮯ ﻏﺼﮯ ، ﺍﭘﻨﯽ ﺗﻨﺪ ﻣﺰﺍﺟﯽ ﻣﯿﮟ ﻟﭙﯿﭧ ﮐﺮ ﺍﺱ ﻟﮍﮐﯽ ﮐﻮ ﺑﺮﯼ ﻃﺮﺡ ﻧﻔﺮﺕ ﮐﺎ ﺍﻇﮩﺎﺭ ﮐﺮﺗﮯ ﺩﮬﺘﮑﺎﺭ ﺩﯾﺎ ﺗﮭﺎ ، ﮐﭽﮫ ﻋﯿﺸﮧ ﻭﺍﺟﺪ ﮐﮯ ﺑﮭﺮ ﭘﻮﺭ ﺻﺎﻑ ﺍﻇﮩﺎﺭ ﻧﮯ ﺍﺱ ﮐﮯ ﺍﻧﺪﺭ ﺍٓﺗﺶ ﻓﺸﺎﮞ ﮐﻮ ﮔﻮﯾﺎ ﺑﺎﺭﻭﺩ ﺩﮐﮭﺎ ﺩﯾﺎ ﺗﮭﺎ ، ﻭﮦ ﺧﻮﺩ ﺑﮭﯽ ﻧﮩﯿﮟ ﺟﺎﻧﺘﮯ ﺗﮭﮯ ﮐﮧ ﻭﮦ ﮐﯿﺎ ﮐﮩﮧ ﺭﮨﮯ ﮨﯿﮟ ﻣﮕﺮ ﺧﻮﺩ ﮐﻮ ﮐﭽﮫ ﺑﮭﯽ ﺗﻠﺦ ﻧﻔﺮﺕ ﺍﻧﮕﯿﺰ ﮐﮩﻨﮯ ﺳﮯ ﺑﺎﺯ ﺑﮭﯽ ﻧﮩﯿﮟ ﺭﮐﮫ ﺳﮑﺘﮯ ﺗﮭﮯ۔ ﺍﻭﺭ ﺗﺐ ﺗﻮ ﺣﺪ ﮨﯽ ﮨﻮ ﮔﺌﯽ ﺗﮭﯽ ﺟﺐ ﺍﻧﮩﻮﮞ ﻧﮯ ﻋﯿﺸﮧ ﮐﮯ ﻣﻨﮧ ﭘﺮ ﺍﭘﻨﺎ ﮨﺎﺗﮫ ﺍُﭨﮭﺘﺎ ﺩﯾﮑﮭﺎ ﺗﮭﺎ ۔
’’ ﭘﻠﯿﺰ ﺷﮩﺒﺎﺯ۔۔ﻣﯿﺮﮮ ﺳﺎﺗﮫ ﯾﻮﮞ ﭘﯿﺶ ﻧﮩﯿﮟ ﺍٓﺋﯿﮟ۔۔ ﻣﺠﮭﮯ ﺍﺗﻨﯽ ﻧﻔﺮﺕ ﺳﮯ ﻣﺖ ﺩﮬﺘﮑﺎﺭﯾﮟ ، ﻣﯿﮟ ﺍٓﭖ ﮐﻮ ﮐﺐ ﻣﺠﺒﻮﺭ ﮐﺮ ﺭﮨﯽ ﮨﻮﮞ ﮐﮧ ﻣﯿﺮﯼ ﻣﺤﺒﺖ ﻗﺒﻮﻝ ﮐﺮﯾﮟ، ﮐﻢ ﺍﺯ ﮐﻢ ﻓﻮﺯﺍﻥ ﮐﮯ ﻟﯿﮯ ﺗﻮ ﺍﭘﻨﯽ ﺯﻧﺪﮔﯽ ﻣﯿﮟ ﺍﺗﻨﯽ ﺟﮕﮧ ﺩﮮ ﺩﯾﮟ۔۔ ﻗﺴﻢ ﺳﮯ ﺳﺎﺭﮮ ﺯﻧﺪﮔﯽ ﮐﭽﮫ ﻧﮩﯿﮟ ﻣﺎﻧﮕﻮﮞ ﮔﯽ۔۔ﻣﮕﺮ ﺍٓﭖ ﮐﯽ ﻧﻔﺮﺕ ﻧﮩﯿﮟ ﺳﮩﮧ ﺳﮑﺘﯽ ۔۔ ﭘﻠﯿﺰ ﺷﮩﺒﺎﺯ۔۔ ‘‘ ﻭﮦ ﺍﺱ ﮐﺎ ﻧﺎﻡ ﻟﮯ ﮐﺮ ﺍﻧﮩﯿﮟ ﭘﮑﺎﺭ ﺭﮨﯽ ﺗﮭﯽ ، ﺟﺲ ﻟﮍﮐﯽ ﮐﻮ ﺍﻧﮩﻮﮞ ﻧﮯ ﮨﻤﯿﺸﮧ ﺍﭘﻨﯽ ﺑﮭﺘﯿﺠﯽ ﮐﮯ ﺭﻭﭖ ﻣﯿﮟ ﺩﯾﮑﮭﺎ ﺗﮭﺎ ، ﺍﺱ ﮐﮯ ﻣﻨﮧ ﺳﮯ ﯾﮧ ﺍﻇﮩﺎﺭ ، ﯾﮧ ﺍﻟﺘﺠﺎ ﮐﯿﺴﮯ ﺑﺮﺩﺍﺷﺖ ﮐﺮ ﻟﯿﺘﮯ ۔ ﻭﮦ ﺑﺮﯼ ﻃﺮﺡ ﺭﻭ ﺭﮨﯽ ﺗﮭﯽ ، ﺳﺴﮏ ﺭﮨﯽ ﺗﮭﯽ ، ﻭﮦ ﮐﻤﺮﮮ ﺳﮯ ﻧﮑﻞ ﮔﺌﮯ ﺗﮭﮯ ﺍﻭﺭ ﭘﮭﺮ ﻭﮦ ﺳﺎﺭﺍ ﺩﻥ ﺍﻧﮩﻮﮞ ﻧﮯ ﺑﮩﺖ ﺍﺫﯾﺖ ﻣﯿﮟ ﮔﺰﺍﺭﺍ ﺗﮭﺎ ، ﺍﺱ ﻟﮍﮐﯽ ﮐﮯ ﺍٓﻧﺴﻮ ﺍﻥ ﮐﮯ ﭘﺎﺋﻮﮞ ﮐﯽ ﺯﻧﺠﯿﺮ ﺑﻨﻨﮯ ﮐﻮ ﺑﮯ ﺗﺎﺏ ﺗﮭﮯ، ﺍﺱ ﮐﯽ ﺳﺴﮑﯿﺎﮞ ﺍﻥ ﮐﮯ ﺩﻝ ﺳﮯ ﮔﺮﺩ ﺑﻠﻨﺪ ﻭ ﺑﺎﻻ ﻓﺼﯿﻠﻮﮞ ﮐﻮ ﮈﮬﺎﻧﮯ ﮐﮯ ﺩﺭﭘﮯ ﺗﮭﯿﮟ ﺍﻭﺭ ﺍﺱ ﮐﺎ ﮨﺮ ﺍﻧﺪﺍﺯ ﺍﻥ ﮐﻮ ﮔﮭﺎﺋﻞ ﮐﺮﻧﮯ ﮐﻮ ﮐﺎﻓﯽ ﺗﮭﺎ ۔ ﻭﮦ ﺳﺎﺭﺍ ﺩﻥ ﺑﮩﺖ ﻣﻀﻄﺮﺏ ﺭﮨﮯ ﺗﮭﮯ ، ﺭﺍﺕ ﮐﻮ ﻟﯿﭧ ﺍٓﺋﮯ ﺗﮭﮯ ، ﺍﮔﻠﮯ ﺩﻥ ﺟﺐ ﺍﺱ ﮐﻮ ﮨﻮﺵ ﻭ ﺣﻮﺍﺱ ﺳﮯ ﺑﯿﮕﺎﻧﮧ ﺑﺨﺎﺭ ﻣﯿﮟ ﭘﮭﻨﮑﺘﺎ ﺩﯾﮑﮭﺎ ﺗﻮ ﻭﮦ ﺳﺐ ﮐﭽﮫ ﺑﮭﻮﻝ ﺑﮭﺎﻝ ﮔﺌﮯ ﺗﮭﮯ ۔ ﮨﺎﺳﭙﭩﻞ ﻣﯿﮟ ﺍﭘﻨﮯ ﺑﺎﭖ ﮐﮯ ﺳﺎﺗﮫ ﺧﻮﺍﺭ ﮨﻮﺋﮯ ، ﮈﺍﮐﭩﺮﻭﮞ ﮐﮯ ﭘﯿﭽﮭﮯ ﺑﮭﺎﮔﺘﮯ ﺍﻧﮩﯿﮟ ﺍﯾﮏ ﺩﻡ ﺍﺣﺴﺎﺱ ﮨﻮﺍ ﺗﮭﺎ ﮐﮧ ﯾﮧ ﻟﮍﮐﯽ ﺍﺗﻨﯽ ﮐﻤﺰﻭﺭ ﻧﮩﯿﮟ ﺟﺘﻨﯽ ﻭﮦ ﺳﻤﺠﮫ ﺭﮨﮯ ﮨﯿﮟ ، ﻭﮦ ﻟﮍﮐﯽ ﺗﻮ ﺍﻥ ﮐﯽ ﺷﮑﺴﺖ ﮐﺎ ﭘﻮﺭﺍ ﺍﮨﺘﻤﺎﻡ ﮐﯿﮯ ﮨﻮﺋﮯ ﺗﮭﯽ ، ﺑﺨﺎﺭ ﺳﮯ ﻭﮦ ﻧﭽﮍ ﮐﺮ ﺭﮦ ﮔﺌﯽ ﺗﮭﯽ ، ﮨﻮﺵ ﻣﯿﮟ ﺍٓﻧﮯ ﮐﮯ ﺑﻌﺪ ﻭﮦ ﺍﻥ ﮐﯽ ﻃﺮﻑ ﺩﯾﮑﮭﻨﮯ ﺳﮯ ﺍﺟﺘﻨﺎﺏ ﮐﺮ ﺭﮨﯽ ﺗﮭﯽ ، ﺗﻮ ﻭﮦ ﺧﻮﺩ ﺑﮭﯽ ﺍﺱ ﮐﺎ ﺳﺎﻣﻨﺎ ﮐﺮﻧﮯ ﺳﮯ ﺑﭻ ﺭﮨﮯ ﺗﮭﮯ ، ﻭﮦ ﺭﺍﺕ ﺍﻧﮩﻮﮞ ﻧﮯ ﺍﭘﻨﮯ ﮔﮭﺮ ﺍﭘﻨﮯ ﮐﻤﺮﮮ ﻣﯿﮟ ﻓﻮﺯﺍﻥ ﮐﮯ ﺳﺎﺗﮫ ﮔﺰﺍﺭﯼ ﺗﮭﯽ ۔ ﺍﻭﺭ ﭘﮭﺮ ﺍﺱ ﻟﮍﮐﯽ ﮐﺎ ﮨﺮ ﺭﻭّﯾﮧ ، ﮨﺮ ﺍﻧﺪﺍﺯ ﯾﺎﺩ ﮐﺮﺗﮯ ﺍﻧﮩﯿﮟ ﻧﺪﺍﻣﺖ ﮐﺎ ﺍﺣﺴﺎﺱ ﮨﻮﺗﺎ ﺟﺎ ﺭﮨﺎ ﺗﮭﺎ ، ﮐﻢ ﺍﺯ ﮐﻢ ﺍﻧﮩﯿﮟ ﺍﺱ ﮐﮯ ﺳﺎﺗﮫ ﺍﺱ ﻗﺪﺭ ﺳﺨﺘﯽ ﺳﮯ ﭘﯿﺶ ﻧﮩﯿﮟ ﺍٓﻧﺎ ﭼﺎﮨﯿﮯ ﺗﮭﺎ ، ﮔﻮﯾﺎ ﺍﻥ ﮐﮯ ﺍﻧﺪﺭ ﮐﺎ ﺍﻧﺴﺎﻥ ﻣﻮﻡ ﮨﻮ ﺭﮨﺎ ﺗﮭﺎ ۔
ﻋﯿﺸﮧ ﮨﺎﺳﭙﭩﻞ ﺳﮯ ﺍٓﻧﮯ ﮐﮯ ﺑﻌﺪ ﺍﭘﻨﮯ ﺑﺎﭖ ﮐﮯ ﭘﺎﺱ ﭼﻠﯽ ﮔﺌﯽ ﺗﮭﯽ ، ﻭﮦ ﮐﺒﮭﯽ ﻭﺍﺟﺪ ﺻﺎﺣﺐ ﮐﮯ ﮨﺎﮞ ﺍﯾﮏ ﺩﻥ ﺳﮯ ﺯﯾﺎﺩﮦ ﻧﮩﯿﮟ ﺭﮨﯽ ﺗﮭﯽ ، ﺍﺳﮯ ﭼﺎﺭ ﺩﻥ ﮨﻮ ﮔﺌﮯ ﺗﮭﮯ ﻭﮨﺎﮞ ﮔﺌﮯ ﮨﻮﺋﮯ ، ﻓﻮﺯﺍﻥ ﺍﺱ ﮐﮯ ﺑﻐﯿﺮ ﺑﮍﺍ ﺗﻨﮓ ﮐﺮ ﺭﮨﺎ ﺗﮭﺎ ، ﺍﻧﮩﻮﮞ ﻧﮯ ﻗﯿﻮﻡ ﮐﻮ ﺍﺳﮯ ﻟﯿﻨﮯ ﮐﻮ ﺑﮭﯿﺠﺎ ﺗﮭﺎ ، ﻣﮕﺮ ﻭﮦ ﻧﮩﯿﮟ ﺍٓﺋﯽ ﺗﮭﯽ ، ﺍﻧﮩﯿﮟ ﺧﻮﺵ ﮨﻮﻧﺎ ﭼﺎﮨﯿﮯ ﺗﮭﺎ ﮐﮧ ﻭﮦ ﺍﻥ ﮐﮯ ﮐﮩﻨﮯ ﮐﮯ ﻣﻄﺎﺑﻖ ﺍﻥ ﮐﮯ ﺑﯿﭩﮯ ﮐﯽ ﺯﻧﺪﮔﯽ ﻣﯿﮟ ﻣﻌﺎﻣﻼﺕ ﺳﮯ ﺩﻭﺭ ﮨﻮ ﺭﮨﯽ ﮨﮯ، ﻣﮕﺮ ﻣﺘﻔﮑﺮ ﮨﻮ ﮔﺌﮯ ﺗﮭﮯ ۔ ﺩﻭ ﺩﻥ ﺗﮏ ﻓﻮﺯﺍﻥ ﮐﯽ ﻃﺒﯿﻌﺖ ﺧﺮﺍﺏ ﮨﻮ ﮔﺌﯽ ﺗﮭﯽ ﻣﺠﺒﻮﺭﺍً ﺍﻧﮩﯿﮟ ﺧﻮﺩ ﺟﺎﻧﺎ ﭘﮍ ﺍ ﺗﮭﺎ ، ﻭﮦ ﺍٓ ﮔﺌﯽ ﺗﮭﯽ ، ﺍﻧﮩﻮﮞ ﻧﮯ ﺍﺳﮯ ﺳﺨﺘﯽ ﮐﮯ ﺳﺎﺗﮫ ﺑﺎﻭﺭ ﮐﺮﻭﺍ ﺩﯾﺎ ﺗﮭﺎ ﮐﮧ ﻭﮦ ﺍﺳﮯ ﺻﺮﻑ ﺍﻭﺭ ﺻﺮﻑ ﻓﻮﺯﺍﻥ ﮐﯽ ﻭﺟﮧ ﺳﮯ ﺍﮨﻤﯿﺖ ﺩﯾﻨﮯ ﭘﺮ ﻣﺠﺒﻮﺭ ﮨﮯ۔ ﻭﮦ ﺭﻭ ﺩﯼ ﺗﮭﯽ ، ﺍﻭﺭ ﮔﮭﺮ ﺍٓ ﮐﺮ ﺍﺱ ﻧﮯ ﻓﻮﺯﺍﻥ ﮐﻮ ﺳﻤﯿﭧ ﻟﯿﺎ ﺗﮭﺎ ، ﺍﮔﻠﮯ ﮨﯽ ﺩﻥ ﻭﮦ ﺑﮭﻼ ﭼﻨﮕﺎ ﮨﻮ ﮔﯿﺎ ﺗﮭﺎ ، ﺍﻥ ﮐﮯ ﺍﻧﺪﺭ ﺍٓﻧﺪﮬﯿﺎﮞ ﺳﯽ ﭼﻠﻨﺎ ﺷﺮﻭﻉ ﮨﻮ ﮔﺌﯽ ﺗﮭﯿﮟ۔ ﺍﻭﺭ ﺍﻧﮩﯽ ﺩﻧﻮﮞ ﺍﺱ ﮐﮯ ﺍﻧﺪﺭ ﻋﯿﺸﮧ ﻭﺍﺟﺪ ﮐﻮ ﭘﺲ ﻣﻨﻈﺮ ﺳﮯ ﻏﺎﺋﺐ ﮐﺮ ﺩﯾﻨﮯ ﮐﯽ ﺗﺤﺮﯾﮏ ﺍﯾﺴﯽ ﺍُﺑﮭﺮﯼ ﮐﮧ ﻭﮦ ﺟﺎﻭﯾﺪ ﺻﺎﺣﺐ ﮐﮯ ﮨﺎﮞ ﭼﻠﮯ ﮔﺌﮯ ، ﻭﮦ ﺍﻥ ﮐﮯ ﻭﺍﻟﺪ ﺍﻭﺭ ﺗﺎﯾﺎ ﺍﺑﺎ ﮐﮯ ﺩﯾﺮﯾﻨﮧ ﺩﻭﺳﺖ ﺗﮭﮯ ، ﺍﻧﮩﻮﮞ ﻧﮯ ﺍﻧﮩﯿﮟ ﺍﭘﻨﮯ ﺑﯿﭩﮯ ﻣﺤﺴﻦ ﺟﺎﻭﯾﺪ ﮐﮯ ﻟﯿﮯ ﮐﻮﺋﯽ ﺍﭼﮭﺎ ﺳﺎ ﺭﺷﺘﮧ ﺩﮐﮭﺎﻧﮯ ﮐﯽ ﺑﺎﺕ ﮐﯽ ﺗﮭﯽ ، ﻭﮨﺎﮞ ﺟﺎ ﮐﺮ ﻋﯿﺸﮧ ﺳﮯ ﺑﺎﺭ ﮨﺎ ﻣﻞ ﭼﮑﮯ ﺗﮭﮯ ، ﺑﮩﺖ ﺧﻮﺵ ﮨﻮﺋﮯ ﺍﻭﺭ ﭘﮭﺮ ﯾﮧ ﺳﻠﺴﻠﮧ ﭼﻞ ﻧﮑﻼ ۔۔ ﺍﻥ ﮐﺎ ﻣﻘﺼﺪ ﻋﯿﺸﮧ ﮐﻮ ﺟﻠﺪ ﺍﺯ ﺟﻠﺪ ﺍﭘﻨﯽ ﺍﻭﺭ ﻓﻮﺯﺍﻥ ﮐﯽ ﺯﻧﺪﮔﯽ ﺳﮯ ﺩﻭﺭ ﮐﺮﻧﺎ ﺗﮭﺎ ، ﻭﮦ ﺍﺱ ﻣﯿﮟ ﺑﮩﺖ ﺣﺪ ﺗﮏ ﮐﺎﻣﯿﺎﺏ ﺑﮭﯽ ﺗﮭﮯ، ﺍﮔﺮ ﻋﯿﺸﮧ ﻭﺍﺟﺪ ﺧﻮﺩ ﺟﺎ ﮐﺮ ﻣﺤﺴﻦ ﺟﺎﻭﯾﺪ ﮐﻮ ﺍﻧﮑﺎﺭ ﻧﮧ ﮐﺮ ﺩﯾﺘﯽ ، ﺍﻧﮩﻮﮞ ﻧﮯ ﻣﺤﺴﻦ ﺟﺎﻭﯾﺪ ﮐﮯ ﺍٓﻓﺲ ﮐﮯ ﺑﺎﮨﺮ ﮐﮭﮍﮮ ﮨﻮ ﮐﺮ ﻋﯿﺸﮧ ﺟﺎﻭﯾﺪ ﮐﮯ ﺍﻧﮑﺎﺭ ﮐﻮ ﺳﻨﺎ ﺗﮭﺎ ، ﺟﯽ ﭼﺎﮦ ﺭﮨﺎ ﺗﮭﺎ ﮐﮧ ﺍﯾﮏ ﻟﻤﺤﮧ ﺿﺎﺋﻊ ﮐﯿﮯ ﺑﻐﯿﺮ ﺍﺱ ﻟﮍﮐﯽ ﮐﺎ ﭼﮩﺮﮦ ﺳﺮﺥ ﮐﺮ ﺩﯾﮟ ، ﻭﮦ ﮐﻮﻥ ﮨﻮﺗﯽ ﺗﮭﯽ ﺍﻥ ﮐﮯ ﮨﺮ ﻋﻤﻞ ﮐﻮ ﻧﺎﮐﺎﻡ ﺑﻨﺎ ﻧﮯ ﻭﺍﻟﯽ ۔۔ ﻭﮦ ﺑﮩﺖ ﻣﺸﮑﻞ ﺳﮯ ﺧﻮﺩ ﭘﺮ ﻗﺎﺑﻮ ﮐﺮ ﭘﺎﺋﮯ ﺗﮭﮯ ، ﺍﺱ ﻧﮯ ﺻﺮﻑ ﻣﺤﺴﻦ ﺟﺎﻭﯾﺪ ﮐﮯ ﺭﺷﺘﮯ ﺳﮯ ﮨﯽ ﺍﻧﮑﺎﺭ ﻧﮩﯿﮟ ﮐﯿﺎ ﺗﮭﺎ ﺑﻠﮑﮧ ﺍﮔﻼ ﺍٓﻧﮯ ﻭﺍﻻ ﺭﺷﺘﮯ ﺑﮭﯽ ﺍﺱ ﮐﮯ ﻟﯿﮯ ﭘﺮﯾﺸﺎﻧﯽ ﮐﺎ ﺑﺎﻋﺚ ﺑﻦ ﭼﮑﺎ ﺗﮭﺎ ۔ ﺍﻭﺭ ﺍﺱ ﺭﺍﺕ ﻭﮦ ﭘﮭﺮ ﺍﻥ ﮐﮯ ﺳﺎﻣﻨﮯ ﮐﮭﮍﯼ ﺗﮭﯽ ، ﺟﺲ ﻃﺮﺡ ﻭﮦ ﺍﻧﮑﺎﺭ ﮐﺮ ﺭﮨﯽ ﺗﮭﯽ ، ﺟﺲ ﻃﺮﺡ ﻭﮦ ﺍﭘﻨﯽ ﻣﺤﺒﺖ ﮐﻮ ﭘﯿﺶ ﮐﺮ ﺭﮨﯽ ﺗﮭﯽ ، ﻭﮦ ﮨﮑﺎّ ﺑﮑﺎّ ﺭﮦ ﮔﺌﮯ ﺗﮭﮯ، ﺍﻥ ﮐﺎ ﺧﯿﺎﻝ ﺗﮭﺎ ﮐﮧ ﺍﻥ ﮐﮯ ﺭﻭﯾّﮯ ﺳﮯ ﺩﻟﺒﺮﺩﺍﺷﺘﮧ ﮨﻮ ﮐﺮ ﻭﮦ ﮐﭽﮫ ﻧﮧ ﮐﭽﮫ ﻋﻘﻞ ﮐﺎ ﺩﺍﻣﻦ ﺿﺮﻭﺭ ﺗﮭﺎﻣﮯ ﮔﯽ ﻣﮕﺮ ﺍﻟﭩﺎ ﮨﻮ ﺭﮨﺎ ﺗﮭﺎ ، ﺍﻥ ﮐﮯ ﮨﺮ ﻋﻤﻞ ﮐﺎ ﺭﺩ ﻋﻤﻞ ﺍﻧﺘﮩﺎﺋﯽ ﺷﺪﯾﺪ ﺗﮭﺎ، ﻭﮦ ﺍﯾﮏ ﺩﻓﻌﮧ ﭘﮭﺮ ﺧﻮﺩ ﭘﺮ ﻗﺎﺑﻮ ﻧﮧ ﮐﺮ ﭘﺎﺋﮯ ﺗﮭﮯ ۔ ﻏﺼﮯ ﺳﮯ ﺍﺱ ﮐﯽ ﮐﭽﮫ ﮐﮭﺎ ﻟﯿﻨﮯ ﮐﯽ ﺩﮬﻤﮑﯽ ﭘﺮ ﺍﺷﺘﻌﺎﻝ ﻣﯿﮟ ﺍٓ ﮐﺮ ﮐﻤﺮﮮ ﺳﮯ ﻧﮑﺎﻝ ﺩﯾﺎ ﺗﮭﺎ ۔ ﻭﮦ ﺭﻭﺗﮯ ﮨﻮﺋﮯ ﺩﺭﻭﺍﺯﮦ ﭘﯿﭧ ﺭﮨﯽ ﺗﮭﯽ ، ﺍﻧﮩﯿﮟ ﭘﮑﺎﺭ ﺭﮨﯽ ﺗﮭﯽ ، ﻣﯿﮟ ﻣﺮ ﺟﺎﺋﻮﮞ ﮔﯽ ۔۔ ﺍﺱ ﮐﯽ ﺍٓﻭﺍﺯ ﺳﮯ ﺑﮭﯽ ﻟﮓ ﺭﮨﺎ ﺗﮭﺎ ﻣﮕﺮ ﺍﻧﮩﻮﮞ ﻧﮯ ﺧﻮﺩ ﮐﻮ ﭘﺘﮭﺮ ﺑﻨﺎ ﻟﯿﺎ ، ﺍﻥ ﮐﯽ ﺫﺭﺍ ﺳﯽ ﻧﺮﻣﯽ ﺑﮭﯽ ﺍﻥ ﮐﮯ ﺍﭘﻨﮯ ﻟﯿﮯ ﻧﻘﺼﺎﻥ ﺩﮦ ﺗﮭﯽ۔
ﺍﮔﻠﮯ ﺩﻥ ﺍﻥ ﮐﺎ ﺧﯿﺎﻝ ﺗﮭﺎ ﮐﮧ ﻭﮦ ﺗﺎﯾﺎ ﺟﺎﻥ ﺳﮯ ﺍﺱ ﺭﺷﺘﮯ ﮐﻮ ﻓﺎﺋﻨﻞ ﮐﺮ ﻟﯿﻨﮯ ﮐﯽ ﺑﺎﺕ ﮐﺮﯾﮞﮕﮯ ، ﺟﺎﻧﭻ ﭘﮍﺗﺎﻝ ﻭﮦ ﮐﺮ ﭼﮑﮯ ﺗﮭﮯ ، ﺭﺷﺘﮧ ﮨﺮ ﻟﺤﺎﻅ ﺳﮯ ﻣﻨﺎﺳﺐ ﺗﮭﺎ ، ﻣﮕﺮ ﻭﮦ ﻭﻗﺖ ﻧﮧ ﻣﻠﻨﮯ ﭘﺮ ﺑﺎﺕ ﻧﮧ ﮐﺮ ﺳﮑﮯ ، ﺭﺍﺕ ﻟﯿﭧ ﺍٓﺋﮯ ﺗﮭﮯ ، ﺳﺐ ﺳﻮ ﭼﮑﮯ ﺗﮭﮯ ، ﺍﻣﯽ ﻧﮯ ﮨﯽ ﮐﮭﺎﻧﺎ ﻻ ﮐﺮ ﺩﯾﺎ ﺗﮭﺎ ، ﺍﺑﮭﯽ ﮐﮭﺎﻧﺎ ﮐﮭﺎ ﮐﺮ ﻓﺎﺭﻍ ﮨﯽ ﮨﻮﺋﮯ ﺗﮭﮯ ﮐﮧ ﺍﻣﯽ ﻧﮯ ﻭﮦ ﺑﺎﺕ ﺷﺮﻭﻉ ﮐﺮ ﺩﯼ ﺗﮭﯽ ﺟﺲ ﻧﮯ ﺍﻥ ﮐﻮ ﺑﺪ ﺣﻮﺍﺱ ﮐﺮ ﺩﯾﺎ ﺗﮭﺎ ۔ ﺍﯾﮏ ﻟﻤﺤﮯ ﮐﻮ ﯾﻮﮞ ﻣﺤﺴﻮﺱ ﮨﻮﺍ ﮐﮧ ﻗﺪﻣﻮﮞ ﺗﻠﮯ ﺳﮯ ﺯﻣﯿﻦ ﺳﺮﮎ ﭼﮑﯽ ﮨﮯ ، ﻭﮦ ﺍﻣﯽ ﮐﯽ ﺗﺠﻮﯾﺰ ﭘﺮ ﺑﺮﮨﻢ ﮨﻮﺋﮯ ﺗﮭﮯ ، ﮨﺰﺍﺭ ﮨﺎ ﺍﻋﺘﺮﺍﺿﺎﺕ ﮐﯿﮯ ﺗﮭﮯ، ﮨﺮ ﻣﻤﮑﻦ ﺑﭽﻨﮯ ﮐﯽ ﮐﻮﺷﺶ ﮐﯽ ﺗﮭﯽ ﻣﮕﺮ ﺍﺱ ﺑﺎﺭ ﺍﻣﯽ ﺑﮭﯽ ﻟﮕﺘﺎ ﺗﮭﺎ ﮐﮧ ﭘﻮﺭﯼ ﺗﯿﺎﺭﯼ ﮐﮯ ﺳﺎﺗﮫ ﺍٓﺋﯽ ﺗﮭﯿﮟ ، ﻭﮦ ﺍﭘﻨﺎ ﻓﯿﺼﻠﮧ ﺳﻨﺎ ﮐﺮ ﺟﺎ ﭼﮑﯽ ﺗﮭﯿﮟ ﺍﻭﺭ ﺍﻥ ﮐﺎ ﻏﺼﮯ ﺳﮯ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ ، ﺍﮔﻠﯽ ﺻﺒﺢ ﺍﻧﮩﻮﮞ ﻧﮯ ﻋﯿﺸﮧ ﮐﮯ ﮐﻤﺮﮮ ﻣﯿﮟ ﺟﺎ ﮐﺮ ﺍﭘﻨﺎ ﺳﺎﺭﺍ ﻏﺼﮯ ﻧﮑﺎﻻ ﺗﮭﺎ ، ﻭﮦ ﭘﮭﺮ ﺭﻭ ﺩﯼ ﺗﮭﯽ ، ﻭﮦ ﮨﺮ ﺑﺎﺭ ﺍﺳﮯ ﺑﺮﯼ ﻃﺮﺡ ﺭﻻ ﺩﯾﺘﮯ ﺗﮭﮯ ۔ ۔ ﺍﻭﺭ ﭘﮭﺮ ﺍﺱ ﮐﮯ ﭘﮭُﻮﭦ ﭘﮭُﻮﭦ ﮐﺮ ﺭﻭﻧﮯ ﭘﺮ ﻣﺰﯾﺪ ﻏﺼﮧ ﺍٓﻧﮯ ﻟﮕﺘﺎ ﺗﮭﺎ ۔
ﻭﮦ ﻭﺿﻮ ﮐﺮ ﮐﮯ ﻓﺎﺭﻍ ﮨﻮﺋﯽ ﺗﮭﯽ ، ﺻﺒﺢ ﮐﮯ ﻭﻗﺖ ﺍﭘﻨﮯ ﮔﯿﻠﮯ ﭼﮩﺮﮮ ﺳﻤﯿﺖ ﻭﮦ ﺍﻭﺱ ﺳﮯ ﮈﮬﮑﺎ ﮐﻮﺋﯽ ﮔﯿﻼ ﮔﻼﺏ ﮨﯽ ﻣﺤﺴﻮﺱ ﮨﻮﺋﯽ ﺗﮭﯽ ، ﺍﯾﮏ ﺩﻓﻌﮧ ﭘﮭﺮ ﺍﻥ ﮐﺎ ﺩﻝ ﺍﻥ ﮐﮯ ﺳﺎﻣﻨﮯ ﮈﭦ ﮔﯿﺎ ﺗﮭﺎ ﻣﮕﺮ ﺍﻧﮩﻮﮞ ﻧﮯ ﺩﻝ ﮐﻮ ﮈﺍﻧﭧ ﮐﺮ ﻋﻘﻞ ﮐﺎ ﺩﺍﻣﻦ ﻧﮩﯿﮟ ﭼﮭﻮﮌﺍ ﺗﮭﺎ، ﺍﺳﮯ ﺳﺨﺖ ﺳﺴﺖ ﺳﻨﺎ ﮐﺮ ﺍٓ ﮔﺌﮯ ﺗﮭﮯ۔ ﺍﻭﺭ ﭘﮭﺮ ﺍﻥ ﮐﮯ ﺑﮯ ﭘﻨﺎﮦ ﺍﺧﺘﻼﻑ ﮐﮯ ﺑﺎﻭﺟﻮﺩ ﯾﮧ ﺭﺷﺘﮧ ﻃﮯ ﭘﺎ ﮔﯿﺎ ﺗﮭﺎ ، ﺍﺑﻮ ﻧﮯ ﺍﻥ ﺳﮯ ﺍﺗﻨﮯ ﺳﻠﺠﮭﮯ ﮨﻮﺋﮯ ﺍﻧﺪﺍﺯ ﻣﯿﮟ ﺑﺎﺕ ﮐﯽ ﺗﮭﯽ ﮐﮧ ﻭﮦ ﺑﮩﺖ ﺧﻮﺍﮨﺶ ﮐﮯ ﺑﺎﻭﺟﻮﺩ ﺍﻧﮑﺎﺭ ﻧﮧ ﮐﺮ ﭘﺎﺋﮯ ﺗﮭﮯ ، ﺍﻭﺭ ﭘﮭﺮ ﺗﻠﻤﻼ ﮐﺮ ﺭﮦ ﮔﺌﮯ ﺗﮭﮯ۔
ﺍﻥ ﮐﮯ ﻭﺍﻟﺪﯾﻦ ﺗﻮ ﺟﯿﺴﮯ ﻣﻨﺘﻈﺮ ﮨﯽ ﺗﮭﮯ، ﻓﻮﺭﺍً ﻧﮑﺎﺡ ﮐﯽ ﺗﻘﺮﯾﺐ ﻣﻨﻌﻘﺪ ﮐﺮ ﮐﮯ ﯾﮧ ﺭﺷﺘﮧ ﮨﻤﯿﺸﮧ ﮐﮯ ﻟﯿﮯ ﻣﻀﺒﻮﻁ ﮐﺮ ﻟﯿﺎ ﺗﮭﺎ ، ﺍﺳﭩﯿﺞ ﭘﺮ ﺑﯿﭩﮭﯽ ﻋﯿﺸﮧ ﻭﺍﺟﺪ ﺟﻮ ﮐﮧ ﺍﺏ ﻋﯿﺸﮧ ﺷﮩﺒﺎﺯ ﺣﯿﺪﺭ ﺑﻦ ﭼﮑﯽ ﺗﮭﯽ ، ﻋﺮﻭﺳﯽ ﻟﺒﺎﺱ ﻣﯿﮟ ﺑﮯ ﭘﻨﺎﮦ ﺣﺴﯿﻦ ﻟﮓ ﺭﮨﯽ ﺗﮭﯽ ، ﺍﺩﮬﺮ ﺍُﺩﮬﺮ ﺑﮭﭩﮑﺘﮯ ﺍﻥ ﮐﯽ ﻧﮕﺎﮦ ﺑﺎﺭ ﮨﺎ ﺍﺱ ﮐﮯ ﭼﮩﺮﮮ ﭘﺮ ﭼﭙﮏ ﮔﺌﯽ ﺗﮭﯽ ، ﻭﮦ ﺍﭘﻨﮯ ﺍٓﭖ ﮐﻮ ﮨﺮ ﺑﺎﺭ ﮈﺍﻧﭧ ﺩﯾﺘﮯ ﺗﮭﮯ ، ﻣﮕﺮ ﺍﺳﮯ ﺩﯾﮑﮭﻨﮯ ﺳﮯ ﺑﺎﺯ ﻧﮩﯿﮟ ﺍٓﺗﮯ ﺗﮭﮯ ۔ ﻭﮦ ﺍﺗﻨﯽ ﺣﺴﯿﻦ ﻟﮓ ﺭﮨﯽ ﺗﮭﯽ ﮐﮧ ﺍﻧﮩﯿﮟ ﺍﭘﻨﮯ ﺍﻭﭘﺮ ﺳﮯ ﺍﺧﺘﯿﺎﺭ ﺍُﭨﮭﺘﺎ ﻣﺤﺴﻮﺱ ﮨﻮﺍ ﺗﮭﺎ ۔ ﺍﺱ ﻭﻗﺖ ﻋﯿﺸﮧ ﺍﻧﮩﯿﮟ ﺑﺎﻟﮑﻞ ﻭﺭﯾﺸﮧ ﮐﯽ ﻃﺮﺡ ﮨﯽ ﻟﮕﯽ ، ﻭﮨﯽ ﺭﺧﺴﺎﺭ ، ﻭﮨﯽ ﻧﯿﻦ ﻧﻘﺶ ، ﻭﮨﯽ ﻗﺪ ﻭ ﻗﺎﻣﺖ ۔۔ ﻭﮦ ﺟﻮ ﺻﺒﺢ ﻣﮩﻮﺵ ﻗﯿﻮﻡ ﮐﮯ ﮐﻤﺮﮮ ﺳﮯ ﮔﺰﺭﺗﮯ ﮨﻮﺋﮯ ﺍﻥ ﮐﯽ ﺑﺎﺗﯿﮟ ﺳﻦ ﮐﺮ ﺧﻔﺎ ﺗﮭﮯ، ﺑﺲ ﻣﻮﻗﻊ ﮐﯽ ﺗﻼﺵ ﻣﯿﮟ ﺗﮭﮯ ﮐﮧ ﻭﮦ ﻋﯿﺸﮧ ﮐﻮ ﺍﺱ ﺳﻠﺴﻠﮯ ﻣﯿﮟ ﺑﺎﺯ ﭘﺮﺱ ﮐﺮﯾﮟ۔۔ ﺍﻧﮩﻮﮞ ﻧﮯ ﻣﮩﻮﺵ ﺳﮯ ﻋﯿﺸﮧ ﺳﮯ ﮐﻮﺋﯽ ﺑﺎﺕ ﮐﺮﻧﮯ ﮐﻮ ﮐﮩﺎ ﺗﮭﺎ ، ﻣﮩﻮﺵ ﻧﮯ ﺍﻧﮩﯿﮟ ﺗﻨﮓ ﮐﺮﻧﺎ ﭼﺎﮨﺎ ﺗﮭﺎ ﻣﮕﺮ ﺍﻧﮩﻮﮞ ﻧﮯ ﺳﺨﺘﯽ ﺳﮯ ﭨﻮﮎ ﺩﯾﺎ ﺗﻮ ﻭﮦ ﺑﮭﯽ ﺳﻨﺠﯿﺪﮦ ﮨﻮ ﮔﺌﯽ ﺍﻭﺭ ﻋﯿﺸﮧ ﺳﮯ ﻣﻠﻨﮯ ﮐﺎ ﺍﮨﺘﻤﺎﻡ ﮐﺮ ﺩﯾﺎ ﺗﮭﺎ ، ﻭﮦ ﺍﺱ ﮐﮯ ﮐﻤﺮﮮ ﻣﯿﮟ ﺍٓﺋﮯ ﺗﻮ ﻭﮦ ﺍٓﻧﮑﮭﯿﮟ ﺑﻨﺪ ﮐﯿﮯ ﻧﯿﻢ ﺩﺭﺍﺯ ﺳﯽ ﺗﮭﯽ ، ﺍﺱ ﮐﻮ ﺩﯾﮑﮫ ﮐﺮ ﺍﻥ ﮐﮯ ﺍﻧﺪﺭ ﻭﮨﯽ ﮐﯿﻔﯿﺖ ﺍُﺑﮭﺮﯼ ﺗﮭﯽ، ﺟﻮ ﮐﭽﮫ ﺩﯾﺮ ﭘﮩﻠﮯ ﺍﻥ ﮐﮯ ﺍﻧﺪﺭ ﺗﻼﻃﻢ ﺑﺮﭘﺎ ﮐﺮ ﭼﮑﯽ ﺗﮭﯽ ۔ ﻭﮦ ﺍﻥ ﻟﻤﺤﻮﮞ ﻣﯿﮟ ﺑﮍﯼ ﻣﺸﮑﻞ ﺳﮯ ﺧﻮﺩ ﭘﺮ ﻗﺎﺑﻮ ﮐﺮ ﭘﺎﺋﮯ ﺗﮭﮯ ، ﺍﻧﮩﻮﮞ ﻧﮯ ﻓﻮﺭﺍً ﻣﮩﻮﺵ ﮐﯽ ﺑﺎﺕ ﻭﺍﻻ ﮐﮭﺎﺗﺎ ﮐﮭﻮﻝ ﻟﯿﺎ ﺗﮭﺎ ، ﺍﻭﺭ ﺗﺒﮭﯽ ﺍﻧﮩﯿﮟ ﻋﻠﻢ ﮨﻮﺍ ﮐﮧ ﯾﮧ ﺳﺎﺭﯼ ﺳﺎﺯﺵ ﻣﮩﻮﺵ ﮐﯽ ﮨﮯ ، ﻭﮦ ﮐﭽﮫ ﻧﮩﯿﮟ ﮐﮩﮧ ﺳﮑﮯ ﺗﮭﮯ، ﺍﯾﮏ ﺩﻓﻌﮧ ﭘﮭﺮ ﺍﺳﮯ ﻏﺼﮯ ﺳﮯ ﺑﺮﯼ ﻃﺮﺡ ﺳﻨﺎ ﮐﺮ ﻭﮦ ﭼﻠﮯ ﮔﺌﮯ ﺗﮭﮯ ۔ ﺍﻭﺭ ﭘﮭﺮ ﺍﻥ ﮐﯽ ﺯﻧﺪﮔﯽ ﮐﺎ ﺍﮎ ﻧﯿﺎ ﺑﺎﺏ ﮐﮭﻼ ﺗﮫ
ﮨﺮ ﺑﺎﺕ ، ﮨﺮ ﻣﻌﺎﻣﻠﮯ ﻣﯿﮟ ﻋﯿﺸﮧ ﻭﺍﺟﺪ ﺍﻥ ﮐﮯ ﺳﺎﻣﻨﮯ ﮨﻮﺗﯽ ﺗﮭﯽ ، ﺍﺱ ﺩﻥ ﺍﺱ ﮐﻮ ﯾﻮﻧﯿﻮﺭﺳﭩﯽ ﻣﯿﮟ ﮈﺭﺍﭖ ﮐﺮﺗﮯ ﮨﻮﺋﮯ ﺍﻧﮩﯿﮟ ﺑﻈﺎﮨﺮ ﺍﻣﯽ ﭘﺮ ﻏﺼﮧ ﺗﮭﺎ ، ﻧﺎﺭﺍﺿﮕﯽ ﺗﮭﯽ ، ﺍﻧﮩﻮﮞ ﻧﮯ ﺟﺲ ﻃﺮﺡ ﺍﺱ ﮐﮯ ﺍﻋﺘﺮﺍﺿﺎﺕ ﮐﻮ ﺧﺎﻃﺮ ﻣﯿﮟ ﻻﺋﮯ ﺑﻐﯿﺮ ﯾﮑﻄﺮﻓﮧ ﻓﯿﺼﻠﮧ ﮐﺮﺗﮯ ﻧﮑﺎﺡ ﮐﺮﻭﺍﯾﺎ ﺗﮭﺎ ﻭﮦ ﺍﻥ ﺳﮯ ﻧﺎﺭﺍﺽ ﮨﯽ ﺗﮭﮯ ، ﻭﮦ ﺍﻥ ﮐﯽ ﻧﺎﺭﺍﺿﮕﯽ ﺳﮯ ﺍﭼﮭﯽ ﻃﺮﺡ ﺑﺎﺧﺒﺮ ﺗﮭﯿﮟ ، ﺍﺳﯽ ﻟﯿﮯ ﺍﻧﮩﻮﮞ ﻧﮯ ﻋﯿﺸﮧ ﮐﻮ ﺍﻥ ﮐﮯ ﺳﺎﺗﮫ ﻟﮯ ﺟﺎﻧﮯ ﭘﺮ ﮐﯿﺎ ﺗﮭﺎ۔ﺷﺎﭘﻨﮓ ﮐﮯ ﺩﻭﺭﺍﻥ ﺍﺱ ﻧﮯ ﮐﭽﮫ ﺑﮭﯽ ﻧﮩﯿﮟ ﻟﯿﺎ ﺗﮭﺎ ، ﻓﻮﺯﺍﻥ ﺍﻧﮩﯿﮟ ﺍﻣﯽ ﮐﯽ ﺑﺎﺕ ﭘﺮ ﺍﯾﮏ ﺩﻡ ﻏﺼﮧ ﺍٓﯾﺎ ﺗﮭﺎ ، ﻭﮦ ﺍﺱ ﻃﺮﺡ ﮐﯿﺎ ﺛﺎﺑﺖ ﮐﺮﻭﺍﻧﺎ ﭼﺎﮨﺘﯽ ﮨﯿﮟ، ﯾﻌﻨﯽ ﮐﮧ ﻭﮦ ﺍﺗﻨﺎ ﮐﻤﺰﻭﺭ ﮨﮯ ﮐﮧ ﺟﺲ ﺑﺎﺕ ﮐﻮ ﻭﮦ ﺍﺏ ﺗﮏ ’’ ﺍﻧﮑﺎﺭﯼ ‘‘ ﮨﮯ ، ﻋﯿﺸﮧ ﮐﮯ ﭼﻨﺪ ﭘﻞ ﮐﮯ ﺳﺎﺗﮫ ﺳﮯ ﻭﮦ ’’ ﮨﺎﮞ ‘‘ ﮨﻮ ﺟﺎﻧﮯ ﮐﯿﺎﺍﻧﮩﯿﮟ ﺍﻣﯽ ﮐﯽ ﺳﻮﭺ ﭘﺮ ﻏﺼﮧ ﺗﮭﺎ ، ﺍﻭﺭ ﯾﮧ ﻏﺼﮧ ﺍﻧﮩﻮﮞ ﻧﮯ ﺳﺎﺭﺍ ﻋﯿﺸﮧ ﭘﺮ ﺍُﺗﺎﺭﺍ ﺗﮭﺎ ، ﻭﮦ ﺍﯾﮏ ﺭﻭﺯ ﭘﮭﺮ ﺍﺳﮯ ﺭﻭﻧﮯ ﭘﺮ ﻣﺠﺒﻮﺭ ﮐﺮ ﮔﺌﮯ ﺗﮭﮯ ، ﻭﮦ ﺭﻭ ﺭﮨﯽ ﺗﮭﯽ ، ﺍﻧﮩﯿﮟ ﺗﮑﻠﯿﻒ ﭘﮩﻨﭻ ﺭﮨﯽ ﺗﮭﯽ ، ﻭﮦ ﻧﺠﺎﻧﮯ ﺍﺗﻨﮯ ﮐﻤﺰﻭﺭ ﮨﻮﺗﮯ ﭼﻠﮯ ﮔﺌﮯ ﺗﮭﮯ ﮐﮧ ﺍﺏ ﯾﮧ ﻟﮍﮐﯽ ﺍﻧﮩﯿﮟ ﺍﭘﻨﮯ ﻭﺟﻮﺩ ﮐﺎ ﺍﺣﺴﺎﺱ ﺑﺮﯼ ﻃﺮﺡ ﺩﻻ ﺭﮨﯽ ﺗﮭﯽ ، ﺍﻭﺭ ﺟﺲ ﻃﺮﺡ ﮔﺎﮌﯼ ﺳﮯ ﻧﮑﻠﻨﮯ ﮐﮯ ﺑﻌﺪ ﺍﻥ ﮐﮯ ﭘﺎﺱ ﮔﺌﯽ ﺗﮭﯽ ﻭﮦ ﺣﯿﺮﺕ ﺯﺩﮦ ﺭﮦ ﮔﺌﮯ ﺗﮭﮯ ۔ ﻭﮦ ﮐﺘﻨﮯ ﺩﻧﻮﮞ ﺗﮏ ﺧﻮﺩ ﮐﻮ ﺍﭘﻨﮯ ﺍﺱ ﺑﺮﮮ ﺭﻭّﯾﮯ ﭘﺮ ﻣﻼﻝ ﮐﺎ ﺷﮑﺎﺭ ﮨﻮﻧﮯ ﺳﮯ ﻧﮩﯿﮟ ﺭﻭﮎ ﭘﺎ ﺭﮨﮯ ﺗﮭﮯ، ﭘﮭﺮ ﻭﮦ ﺷﮩﻼ ﮐﯽ ﻣﻨﮕﻨﯽ ﮐﯽ ﻭﺟﮧ ﺳﮯ ﺍﯾﮏ ﮈﯾﮍﮪ ﮨﻔﺘﮧ ﭘﮩﻠﮯ ﮨﯽ ﻭﺍﺟﺪ ﺻﺎﺣﺐ ﮐﮯ ﮨﺎﮞ ﺟﺎ ﺑﯿﭩﮭﯽ ﺗﮭﯽ ، ﻓﻮﺯﺍﻥ ﺑﮭﯽ ﺍﺱ ﮐﮯ ﺳﺎﺗﮫ ﮨﯽ ﮔﯿﺎ ﺗﮭﺎ ۔ ﺍﺱ ﺩﻭﺭﺍﻥ ﺍﻧﮩﯿﮟ ﺑﮍﯼ ﺷﺪﺕ ﺳﮯ ﺩﻭﻧﻮﮞ ﮐﯽ ﮐﻤﯽ ﻣﺤﺴﻮﺱ ﮨﻮﺋﯽ ﺗﮭﯽ ، ﺍﺱ ﻧﮯ ﺍﻧﮩﯿﮟ ﭘﺘﮭﺮ ﮐﮩﺎ ﺗﮭﺎ ، ﺍﻭﺭ ﭘﺘﮭﺮ ﭘﮕﮭﻞ ﺭﮨﺎ ﺗﮭﺎ ، ﻭﮦ ﺧﻮﺩ ﺑﮭﯽ ﺣﯿﺮﺕ ﺯﺩﮦ ﺗﮭﮯ ، ﺟﺲ ﺷﮑﺴﺖ ﺳﮯ ﻭﮦ ﮈﺭﺗﮯ ﺗﮭﮯ ﻭﮦ ﺍﻥ ﮐﺎ ﻣﻘﺪﺭ ﺑﻨﻨﮯ ﮐﻮ ﺑﺲ ﭼﻨﺪ ﻗﺪﻡ ﮐﮯ ﻓﺎﺻﻠﮯ ﭘﺮ ﺗﮭﯽ ۔ ﻭﮦ ﮨﺎﺭ ﺭﮨﮯ ﺗﮭﮯ ، ﺍﻧﮩﯿﮟ ﺍﻧﺪﺍﺯﮦ ﮨﻮ ﺭﮨﺎ ﺗﮭﺎ ۔ ﺟﺲ ﺍﻧﺎ ﮐﮯ ﺳﺎﻣﻨﮯ ﻭﮦ ﮔﮭﭩﻨﮯ ﭨﯿﮑﻨﮯ ﭘﺮ ﻣﺠﺒﻮﺭ ﻧﮧ ﺗﮭﮯ ، ﻭﮦ ﺍﻧﮩﯿﮟ ﻣﺠﺒﻮﺭ ﮐﺮ ﺭﮨﯽ ﺗﮭﯽ ۔ ﻭﮦ ﻓﻮﺯﺍﻥ ﮐﻮ ﭼﮭﻮﮌﻧﮯ ﻭﺍﺟﺪ ﺻﺎﺣﺐ ﮐﮯ ﮨﺎﮞ ﮔﺌﮯ ﺗﮭﮯ ۔ ﻭﮦ ﺍﺗﻔﺎﻕ ﺳﮯ ﺍﺱ ﺩﻥ ﺟﻠﺪﯼ ﮔﮭﺮ ﺍٓ ﮔﺌﮯ ﺗﮭﮯ، ﺷﮩﻼ ﺍﻧﮩﯿﮟ ﺑﺎﺯﺍﺭ ﻟﮯ ﺟﺎﻧﮯ ﮐﺎ ﮐﮩﮧ ﺭﮨﯽ ﺗﮭﯽ ، ﻭﮦ ﻓﺎﺭﻍ ﮨﯽ ﺗﮭﮯ ، ﺳﻮ ﻣﺎﻥ ﮔﺌﮯ ﺗﮭﮯ ، ﺭﺍﺳﺘﮯ ﻣﯿﮟ ﮨﯽ ﺷﮩﻼ ﺍﺳﮯ ﻋﯿﺸﮧ ﮐﻮ ﺑﮭﯽ ﯾﻮﻧﯿﻮﺭﺳﭩﯽ ﺳﮯ ﭘِﮏ ﮐﺮﻧﮯ ﮐﺎ ﮐﮩﺎ ﺗﮭﺎ ۔ ﻭﮦ ﺣﯿﺮﺍﻥ ﺗﻮ ﮨﻮﺋﮯ ﺗﮭﮯ ﻣﮕﺮ ﺍﻇﮩﺎﺭ ﻧﮧ ﮐﯿﺎ۔۔ ﺍﻧﮩﯿﮟ ﻭﮨﺎﮞ ﮐﭽﮫ ﺩﯾﺮ ﺍﻧﺘﻈﺎﺭ ﮐﺮﻧﺎ ﭘﮍﺍ ﺗﮭﺎ ، ﺍﻭﺭ ﭘﮭﺮ ﻭﮦ ﺍٓ ﮔﺌﯽ ﺗﮭﯽ ، ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮫ ﮐﺮ ﻭﮦ ﺣﯿﺮﺕ ﺯﺩﮦ ﺗﮭﯽ ، ﻭﮦ ﺍﭼﮭﯽ ﻃﺮﺡ ﺍﺱ ﮐﯽ ﺣﯿﺮﺕ ﭘﮍﮪ ﺭﮨﮯ ﺗﮭﮯ ۔ ﺍﻧﮩﻮﮞ ﻧﮯ ﺳﻼﻡ ﮐﯿﺎﺗﻮ ﻭﮦ ﺻﺮﻑ ﺣﯿﺮﺕ ﺳﮯ ﺳﺮ ﮨﻼ ﮐﺮ ﺭﮦ ﮔﺌﯽ ﺗﮭﯽ ۔ ﻭﮦ ﺍﻥ ﮐﮯ ﭘﮩﻠﻮ ﻣﯿﮟ ﺗﮭﯽ ، ﻻ ﺗﻌﻠﻘﯽ ﮐﺎ ﺍﻇﮩﺎﺭ ﮐﺮﺗﯽ ﮨﻮﺋﯽ ﻣﮕﺮ ﻻ ﺗﻌﻠﻖ ﻧﮩﯿﮟ ﺗﮭﯽ۔ ﺳﺎﺋﯿﮉﻣﺮﺭ ﺳﮯ ﺍﺱ ﮐﮯ ﭼﮩﺮﮮ ﮐﯽ ﺗﮑﺎﻥ ﻭﮦ ﺻﺮﻑ ﭘﮍﮪ ﺳﮑﺘﮯ ﺗﮭﮯ ، ﻓﻮﺯﺍﻥ ﺍﺱ ﮐﮯ ﭘﺎﺱ ﺍٓﮔﮯ ﺍٓ ﮔﯿﺎ ﺗﮭﺎ ۔ ﺍﺱ ﺳﮯ ﺑﺎﺗﯿﮟ ﮐﺮ ﺭﮨﺎ ﺗﮭﺎ ، ﺗﺒﮭﯽ ﺍﺱ ﮐﯽ ﺑﺎﺕ ﭘﺮ ﺍﺱ ﻧﮯ ﮈﺍﻧﭧ ﺩﯾﺎ ﺗﻮ ﺍﻧﮩﻮﮞ ﻧﮯ ﺑﻐﻮﺭ ﺩﯾﮑﮭﺎ ﺗﻮ ﻭﮦ ﻓﻮﺯﺍﻥ ﮐﯽ ﺑﺎﺕ ﭘﺮ ﺧﻔﺖ ﮐﺎ ﺷﮑﺎﺭ ﺗﮭﯽ ۔ ﺍﻥ ﮐﮯ ﺍﻧﺪﺭ ﺍﯾﮏ ﻋﺠﯿﺐ ﺳﯽ ﮐﯿﻔﯿﺖ ﻧﮯ ﺳﺮ ﺍُﺑﮭﺎﺭﺍ ﺗﮭﺎ۔ ﺑﮍﯼ ﺧﻮﺑﺼﻮﺭﺕ ﻟﮓ ﺭﮨﯽ ﺗﮭﯽ ، ﻭﮦ ﺧﻮﺩ ﺑﮭﯽ ﺣﯿﺮﺍﻥ ﺗﮭﮯ۔
ﮐﯽ ﺷﺎﭘﻨﮓ ﻣﯿﮟ ﺍﺱ ﻧﮯ ﺍﻥ ﮐﯽ ﻣﺪﺩ ﮐﯽ ﺗﮭﯽ، ﺷﮩﻼ ﺍﻭﺭ ﻓﻮﺯﺍﻥ ﺍﺳﮯ ﮐﭽﮫ ﻧﮧ ﮐﭽﮫ ﻟﯿﻨﮯ ﮐﻮ ﮐﮩﮧ ﺭﮨﮯ ﺗﮭﮯ ﻣﮕﺮ ﻭﮦ ﺍﻧﮑﺎﺭ ﮐﺮ ﮔﺌﯽ ﺗﮭﯽ ﺍﻭﺭ ﺗﺒﮭﯽ ﻭﮦ ﺍﻥ ﮐﻮ ﺟﯿﻮﻟﺮﯼ ﻭﺍﻟﯽ ﺩﮐﺎﻥ ﭘﺮ ﭼﮭﻮﮌ ﮐﺮ ﭼﻠﮯ ﮔﺌﮯ ﺗﮭﮯ ، ﮐﭽﮫ ﺍﭘﻨﮯ ﻟﯿﮯ ﺍﻭﺭ ﮐﭽﮫ ﺍﺱ ﮐﮯ ﻟﯿﮯ ﺷﺎﭘﻨﮓ ﮐﯽ ﺗﮭﯽ ۔ ﺍﻭﺭ ﭘﮩﻠﯽ ﺑﺎﺭ ﻭﮦ ﻣﻄﻤﺌﻦ ﺗﮭﮯ، ﭘﮩﻠﯽ ﺑﺎﺭ ﺍﻥ ﮐﺎ ﺭﻭّﯾﮧ ﻣﺜﺒﺖ ﺗﮭﺎ ، ﺍﻭﺭ ﭘﮩﻠﯽ ﺑﺎﺭ ﺍﭘﻨﯽ ﺷﮑﺴﺖ ﮐﮯ ﺧﻮﻑ ﺳﮯ ﺍﻥ ﮐﮯ ﺍﻧﺪﺭ ﻏﺼﮯ ﮐﮯ ﻃﻮﻓﺎﻥ ﻧﮯ ﺳﺮ ﻧﮩﯿﮟ ﺍُﺑﮭﺎﺭﺍ ﺗﮭﺎ ، ﺍﻭﺭ ﭘﮩﻠﯽ ﺑﺎﺭ ﺍﻥ ﮐﻮ ﺍﭘﻨﯽ ﯾﮧ ﮐﯿﻔﯿﺖ ﺍﭼﮭﯽ ﻧﮩﯿﮟ ﻟﮓ ﺭﮨﯽ ﺗﮭﯽ ، ﺍﻧﮩﯿﮟ ﻋﯿﺸﮧ ﺍﭼﮭﯽ ﻟﮓ ﺭﮨﯽ ﺗﮭﯽ ، ﻓﻮﺯﺍﻥ ﮐﺎ ﻋﯿﺸﮧ ﮐﮯ ﻟﯿﮯ ﯾﮧ ﻟﮕﺎﺋﻮ ﺍﭼﮭﺎ ﻟﮓ ﺭﮨﺎ ﺗﮭﺎ ۔ﻭﮦ ﺗﮭﮏ ﮔﺌﯽ ﺗﮭﯽ ، ﻭﮦ ﻣﺤﺴﻮﺱ ﮐﺮ ﺭﮨﮯ ﺗﮭﮯ ، ﻭﮦ ﺧﻮﺩ ﺑﮭﯽ ﺗﮭﮑﻦ ﻣﺤﺴﻮﺱ ﮐﺮ ﺭﮨﮯ ﺗﮭﮯ ، ﻭﮦ ﺑﮭﻮﮐﯽ ﺗﮭﯽ ، ﺍﻧﮩﯿﮟ ﺍﺣﺴﺎﺱ ﮨﻮ ﺭﮨﺎ ﺗﮭﺎ ، ﺍﺳﯽ ﻟﯿﮯ ﻭﮦ ﺍﻥ ﺗﯿﻨﻮﮞ ﮐﻮ ﺍﺱ ﺭﯾﺴﭩﻮﺭﻧﭧ ﻣﯿﮟ ﻟﮯ ﺍٓﺋﮯ ﺗﮭﮯ ۔ ﺍﺱ ﻧﮯ ﺍﻥ ﮐﮯ ﺳﺎﺗﮫ ﺍٓﻧﮯ ﭘﺮ ﮐﻮﺋﯽ ﺍﻋﺘﺮﺍﺽ ﻧﮩﯿﮟ ﮐﯿﺎ ﺗﮭﺎ ۔ ﻭﮦ ﺧﻮﺵ ﮨﻮ ﺭﮨﮯ ﺗﮭﮯ ، ﺟﺲ ﻃﺮﺡ ﺍﺱ ﻋﯿﺸﮧ ﮐﺎ ﻻﺗﻌﻠﻘﯽ ﮐﺎ ﺭﻭّﯾﮧ ﺗﮭﺎ ، ﻭﮦ ﺍﺱ ﮐﯽ ﻃﺮﻑ ﺳﮯ ﮐﭽﮫ ﺧﻮﻓﺰﺩﮦ ﺗﮭﮯ ﻣﮕﺮ ﺍﻥ ﮐﯽ ﺧﻮﺷﯽ ﺍﺱ ﻭﻗﺖ ﻣﻠﯿﺎ ﻣﯿﭧ ﮨﻮﺋﯽ ﺗﮭﯽ ﺟﺐ ﭨﯿﺒﻞ ﭘﺮ ﮐﺌﯽ ﮈﺷﺰ ﮐﯽ ﻣﻮﺟﻮﺩﮔﯽ ﮐﮯ ﺑﺎﻭﺟﻮﺩ ﺍﺱ ﻧﮯ ﺻﺮﻑ ﭘﺎﻧﯽ ﮐﺎ ﮔﻼﺱ ﻟﯿﺎ ﺗﮭﺎ ، ﻭﮦ ﮐﻦ ﺍﻧﮑﮭﯿﻮﮞ ﺳﮯ ﺍﺳﮯ ﺩﯾﮑﮭﺘﮯ ﺭﮨﮯ ﺗﮭﮯ ، ﺷﮩﻼ ﺍﻭﺭ ﻓﻮﺯﺍﻥ ﺍﺳﮯ ﺑﺎﺭ ﺑﺎﺭ ﮐﭽﮫ ﻧﮧ ﮐﭽﮫ ﻟﯿﻨﮯ ﭼﮑﮭﻨﮯ ﮐﺎ ﺍﺻﺮﺍﺭ ﮐﺮ ﺭﮨﮯ ﺗﮭﮯ ، ﻣﮕﺮ ﻭﮦ ﮨﺮ ﺑﺎﺭ ﺳﮩﻮﻟﺖ ﺳﮯ ﺍﻧﮑﺎﺭ ﮐﺮ ﺭﮨﯽ ﺗﮭﯽ ۔
’’ ﭘﻠﯿﺰ ﻧﮩﯿﮟ۔۔ﺍﺱ ﻭﻗﺖ ﺑﺎﻟﮑﻞ ﺑﮭﯽ ﮔﻨﺠﺎﺋﺶ ﻧﮩﯿﮟ ۔۔ ﺻﺒﺢ ﻣﻌﻤﻮﻟﯽ ﺳﺎ ﻧﺎﺷﺘﮧ ﮐﯿﺎ ﺗﮭﺎ ، ﺗﻮ ﮐﯿﻨﭩﯿﻦ ﺳﮯ ﺟﯽ ﺑﮭﺮ ﮐﺮ ﮐﮭﺎﯾﺎ ﺗﮭﺎ ۔۔ ﺍﯾﮏ ﺑﺮﮔﺮ ﺩﻭ ﺳﻤﻮﺳﮯ ﺍﻭﺭ ﭼﺎﺋﮯ ﭘﯽ ﺗﮭﯽ۔۔ ‘‘ ﺍﺱ ﮐﮯ ﭼﮩﺮﮮ ﺳﮯ ﺑﮭﻮﮐﺎ ﮨﻮﻧﮯ ﮐﮯ ﺍٓﺛﺎﺭ ﺻﺎﻑ ﭘﮍﮬﮯ ﺟﺎ ﺳﮑﺘﮯ ﺗﮭﮯ، ﺷﮩﺒﺎﺯ ﺧﺎﻣﻮﺵ ﮨﻮ ﮔﺌﮯ ﺗﮭﮯ ، ﺍﻥ ﮐﺎ ﺩﻝ ﺑﺠﮫ ﮔﯿﺎ ﺗﮭﺎ ۔
ﯾﻮﻧﯿﻮﺭﺳﭩﯽ ﮈﺭﺍﭖ ﮐﺮ ﺩﯾﻨﮯ ﻭﺍﻟﮯ ﺩﻥ ﺳﮯ ﻟﮯ ﮐﺮ ﺍﺏ ﺗﮏ ﺍﺱ ﮐﺎ ﺭﻭّﯾﮧ ﺍﯾﺴﺎ ﮨﯽ ﺗﮭﺎ ، ﻭﮦ ﺟﻮ ﺍﻥ ﮐﻮ ﺩﯾﮑﮫ ﮐﺮ ﺻﺮﻑ ﺭﻭ ﺩﯾﺘﯽ ﺗﮭﯽ ، ﺫﺭﺍ ﺳﯽ ﺳﺨﺘﯽ ﭘﺮ ﻓﻮﺭﺍً ﺍٓﻧﮑﮭﯿﮟ ﺑﮭﺮ ﺍٓﺗﯽ ﺗﮭﯽ ، ﺍﻥ ﮐﮯ ﺧﻮﻑ ﺳﮯ ﻭﮦ ﮨﺮ ﻭﻗﺖ ﺧﺎﺋﻒ ﺭﮨﺘﯽ ﺗﮭﯽ ، ﯾﮑﺴﺮ ﺑﺪﻝ ﺭﮨﯽ ﺗﮭﯽ ، ﻭﮦ ﺍﻥ ﺳﮯ ﻻﺗﻌﻠﻘﯽ ﮐﺎ ﺍﻇﮩﺎﺭ ﮐﺮ ﺭﮨﯽ ﺗﮭﯽ ۔ ﺍﻥ ﮐﯽ ﻃﺮﻑ ﺩﯾﮑﮫ ﻧﮩﯿﮟ ﺭﮨﯽ ﺗﮭﯽ ، ﺍﻭﺭ ﺳﺐ ﺳﮯ ﺑﮍﮪ ﮐﺮ ﺍﻥ ﮐﺎ ﻣﻨﮕﻮﺍﯾﺎ ﮔﯿﺎ ﮐﮭﺎﻧﺎ ﻧﮩﯿﮟ ﮐﮭﺎ ﺭﮨﯽ ﺗﮭﯽ، ﺍﻧﮩﯿﮟ ﺍﺫﯾﺖ ﮨﻮ ﺭﮨﯽ ﺗﮭﯽ ، ﻣﮕﺮ ﭼﭗ ﺗﮭﮯ، ﺍﺳﮯ ﮐﭽﮫ ﻧﮩﯿﮟ ﮐﮩﮧ ﺳﮑﺘﮯ ﺗﮭﮯ ﮐﮧ ﯾﮧ ﺳﺐ ﺍﻥ ﮐﺎ ﺍﭘﻨﺎ ﺑﻮﯾﺎ ﺳﺎﻣﻨﮯ ﺍٓ ﺭﮨﺎ ﺗﮭﺎ ۔ ﻭﺍﭘﺴﯽ ﭘﺮ ﺟﺐ ﻓﻮﺯﺍﻥ ﮐﻮ ﺍﺱ ﮐﮯ ﮐﻤﺮﮮ ﻣﯿﮟ ﻟﭩﺎﻧﮯ ﮐﮯ ﺑﻌﺪ ﺍﻧﮩﻮﮞ ﻧﮯ ﻓﻮﺯﺍﻥ ﮐﮯ ﺳﺎﻣﺎﻥ ﮐﮯ ﺳﺎﺗﮫ ﺍﺱ ﮐﮯ ﻟﯿﮯ ﺧﺮﯾﺪﯼ ﮔﺌﯽ ﭼﯿﺰﻭﮞ ﮐﺎ ﺷﺎﭘﺮ ﺍﺱ ﮐﮯ ﺳﺎﻣﻨﮯ ﮐﯿﺎ ﺗﮭﺎ ، ﻭﮦ ﮐﺘﻨﯽ ﺣﯿﺮﺍﻥ ﮨﻮﺋﯽ ﺗﮭﯽ ، ﺍﻭﺭ ﺍﮔﻠﮯ ﮨﯽ ﻟﻤﺤﮯ ﻭﮦ ﻃﻨﺰ ﭘﺮ ﺍُﺗﺮ ﺍٓﺋﯽ ﺗﮭﯽ ، ﺍﻧﮩﻮﮞ ﻧﮯ ﭘﮩﻠﯽ ﺩﻓﻌﮧ ﺍﺱ ﮐﮯ ﻟﯿﮯ ﺑﮩﺖ ﺧﻠﻮﺹ ﺳﮯ ﮐﻮﺋﯽ ﭼﯿﺰ ﺧﺮﯾﺪﯼ ﺗﮭﯽ ﺍﻭﺭ ﺍﺱ ﻧﮯ ﺍﺳﮯ ﺧﯿﺮﺍﺕ ﮐﺎ ﻧﺎﻡ ﺩﯾﺎ ﺗﮭﺎ ۔ ﻭﮦ ﺍﺱ ﮐﮯ ﻟﻔﻆ ﭘﺮ ﺍﯾﮏ ﺩﻡ ﻃﯿﺶ ﻣﯿﮟ ﺍٓﺋﮯ ﺗﮭﮯ ، ﻭﮦ ﺍﻭﺭ ﺑﮭﯽ ﻧﺠﺎﻧﮯ ﮐﯿﺎ ﮐﯿﺎ ﺑﮑﻮﺍﺱ ﮐﺮ ﺭﮨﯽ ﺗﮭﯽ ، ﻏﺼﮯ ﺳﮯ ﻭﮦ ﺷﺎﭘﺮ ﻭﮨﯿﮟ ﺑﺴﺘﺮ ﭘﺮ ﭘﮭﯿﻨﮏ ﮐﺮ ﺍٓ ﮔﺌﮯ ﺗﮭﮯ ۔ ﺍﻭﺭ ﻭﮦ ﺑﮭﯽ ﭘﯿﭽﮭﮯ ﭼﻠﯽ ﺍٓﺋﯽ ﺗﮭﯽ ، ﻭﮦ ﮔﺎﮌﯼ ﺍﺳﭩﺎﺭﭦ ﮐﺮ ﺭﮨﮯ ﺗﮭﮯ ﺟﺐ ﻭﮦ ﮐﮭﮍﮐﯽ ﻣﯿﮟ ﺟﮭﮏ ﮐﺮ ﮐﮩﻨﮯ ﻟﮕﯽ ﺗﮭﯽ۔
’’ ﻣﺠﮭﮯ ﺍﺱ ﺧﯿﺮﺍﺕ ﮐﯽ ﻗﻄﻌﯽ ﺿﺮﻭﺭﺕ ﻧﮩﯿﮟ ﮨﮯ۔۔ ﻣﯿﺮﮮ ﭘﺎﺱ ﺍﻟﻠﮧ ﮐﺎ ﺩﯾﺎ ﮨﻮﺍ ﺑﮩﺖ ﮐﭽﮫ ﮨﮯ۔۔ ﻧﮧ ﮨﯽ ﻣﺠﮭﮯ ﺍٓﭖ ﮐﯽ ﺍﺱ ﻧﺎﻡ ﻧﮩﺎﺩ ﻧﻔﺮﺕ ﮐﯽ ﺿﺮﻭﺭﺕ ﮨﮯ، ﺟﺲ ﮐﺎ ﺍٓﭖ ﺭﺍﮒ ﺍﻻﭘﺘﮯ ﺭﮨﺘﮯ ﮨﯿﮟ۔۔ ﺍﮔﺮ ﻣﯿﮟ ﺍٓﭖ ﮐﻮ ﺍﺗﻨﯽ ﮨﯽ ﺑﺮﯼ ، ﻧﺎ ﻗﺎﺑﻞ ﻗﺒﻮﻝ ﻟﮕﺘﯽ ﮨﻮﮞ ﺗﻮ ﻣﺠﮭﮯ ﻣﯿﺮﯼ ﺫﺍﺕ ﮐﻮ ﺗﺴﻠﯿﻢ ﮐﺮﺗﮯ ﮨﻮﺋﮯ ﻣﯿﺮﯼ ﺑﺮﺍﺋﯿﻮﮞ ﮐﺎ ﺫﮐﺮ ﮐﺮﯾﮟ۔۔ ﻣﯿﮞﺎُﻑ ﺑﮭﯽ ﮐﺮ ﮔﺌﯽ ﺗﻮ ﮐﮩﯿﮯ ﮔﺎ۔۔ ﻣﮕﺮ ﺍﺱ ﺑﮯ ﻭﺟﮧ ﮐﺎ ﭨﮭﮑﺮﺍﺋﮯ ﺟﺎﻧﺎ ﺑﺮﺩﺍﺷﺖ ﻧﮩﯿﮟ ﮔﺮﻭﮞ ﮔﯽ۔۔ ﺍﭘﻨﮯ ﺟﺬﺑﻮﮞ ﺳﮯ ﮨﺎﺭ ﮐﺮ ﺍٓﭖ ﮐﺎ ﻧﺎﻡ ﺍﭘﻨﮯ ﻣﻘﺪﺭ ﻣﯿﮟ ﻟﮑﮭﻮﺍﯾﺎ ﮨﮯ ﺗﻮ ﺍﺱ ﺧﯿﺮﺍﺕ ﺳﮯ ﺑﮍﮪ ﮐﺮ ﺣﻖ ﻃﻠﺐ ﮐﺮﻧﮯ ﮐﺎ ﺣﻖ ﺭﮐﮭﺘﯽ ﮨﻮﮞ ، ﺍﮔﺮ ﮐﭽﮫ ﺩﯾﻨﺎ ﮨﯽ ﮨﮯ ﺗﻮ ﻣﺠﮭﮯ ﻣﯿﺮﯼ ﻭﮦ ﻋﺰﺕ ﺩﮮ ﺩﯾﺠﺌﮯ ﺟﻮ ﺑﯿﻮﯼ ﮨﻮﻧﮯ ﮐﮯ ﻧﺎﻃﮯ ﺍٓﭖ ﭘﺮ ﻓﺮﺽ ﮨﮯ۔۔ﯾﮧ ﺧﯿﺮﺍﺕ ﻧﮩﯿﮟ۔۔ ‘‘ ﻭﮦ ﺣﯿﺮﺕ ﺳﮯ ﮔﻨﮓ ﺭﮦ ﮔﺌﮯ ﺗﮭﮯ ، ﺑﺎﻟﮑﻞ ﺣﻮﺍﺱ ﺑﺎﺧﺘﮧ ، ﮔﻢ ﺻﻢ ۔۔ ﺍﻭﺭ ﯾﮧ ﺳﮑﺘﮧ ﺍﺑﮭﯽ ﺗﮏ ﺑﺮﻗﺮﺍﺭ ﺗﮭﺎ ۔ ﺍﺱ ﻭﻗﺖ ﮔﮭﺮ ﻣﯿﮟ ﺻﺮﻑ ﺍﻥ ﮐﮯ ﻋﻼﻭﮦ ﮐﻮﺋﯽ ﺑﮭﯽ ﻧﮧ ﺗﮭﺎ ، ﺳﺐ ﻭﺍﺟﺪ ﮐﮯ ﮨﺎﮞ ﮔﺌﮯ ﮨﻮﺋﮯ ﺗﮭﮯ ، ﺍﻭﺭ ﺍﻧﮩﯿﮟ ﺭﮦ ﺭﮦ ﮐﺮ ﻭﮦ ﯾﺎﺩ ﺍٓ ﺭﮨﯽ ﺗﮭﯽ ، ﺟﻨﮩﯿﮟ ﮨﺎﺭ ﺟﺎﻧﮯ ﮐﮯ ﺧﻮﻑ ﺳﮯ ﺍﻧﮩﻮﮞ ﻧﮯ ﮐﺒﮭﯽ ﺍﻧﺴﺎﻥ ﮨﯽ ﻧﮧ ﺳﻤﺠﮭﺎ ﺟﺎﺗﺎ ، ﺟﺴﮯ ﺫﻟﯿﻞ ﮐﺮﻧﮯ ﮐﺎ ﮐﻮﺋﯽ ﻟﻤﺤﮧ ﮨﺎﺗﮫ ﺳﮯ ﻧﮩﯿﮟ ﺟﺎﻧﮯ ﺩﯾﺎ ﺗﮭﺎ۔ ﺟﺴﮯ ﮨﺮ ﻟﻤﺤﮧ ﮨﺮ ﭘﻞ ﺍﭘﻨﯽ ﻧﻔﺮﺕ ﺳﮯ ﺳﻠﮕﺎﺗﮯ ﺭﮨﮯ ﺗﮭﮯ ﺍﻭﺭ ﺍٓﺝ ﺍﮔﺮ ﻭﮦ ﺍﻥ ﮐﮯ ﺳﺎﻣﻨﮯ ﺑﺠﺎﺋﮯ ﺭﻭﻧﮯ ﺩﮬﻮﻧﮯ ﮐﮯ ﭘﻮﺭﯼ ﻋﺰﺕ ﻭ ﻭﻗﺎﺭ ﮐﮯ ﺳﺎﻣﻨﮯ ﺍٓ ﮐﮭﮍﯼ ﮨﻮﺋﯽ ﺗﮭﯽ ﺗﻮ ﻭﮦ ﺣﯿﺮﺍﻥ ﺭﮦ ﮔﺌﮯ ﺗﮭﮯ ، ﺍﺱ ﮐﺎ ﯾﮧ ﺭﻭﭖ ﺍﻥ ﮐﻮ ﭼﺎﺭﻭﮞ ﺷﺎﻧﮯ ﺳﮯ ﭼﺖ ﮐﺮ ﺩﯾﻨﮯ ﮐﻮ ﮐﺎﻓﯽ ﺗﮭﺎ۔
ﺍﻗﺮﺍﺭ ﮔﺌﮯ ، ﺍﻧﮑﺎﺭ ﮔﺌﮯ ، ﮨﻢ ﮨﺎﺭ ﮔﺌﮯ
ﺍﮎ ﻋﻤﺮ ﺭﮨﮯ ﮨﯿﮟ ﺟﯿﺖ ﺳﮯ ﺑﮯ ﭘﺮﻭﺍ ﻟﯿﮑﻦ
ﺟﺐ ﺟﯿﺘﻨﺎ ﭼﺎﮨﺎ ﺟﯿﻮﻥ ﻭﺍﺭ ﮔﺌﮯ ﮨﻢ ﮨﺎﺭ ﮔﺌﮯ
ﻭﮦ ﻟﺐ ﺑﮭﯿﻨﭻ ﮐﺮ ﺭﮦ ﮔﺌﮯ ، ﺍﻧﮩﯿﮟ ﺍٓﺝ ﺍﭘﻨﯽ ﯾﮧ ﻣﮑﻤﻞ ﮨﺎﺭ ﺑﺮﯼ ﻧﮩﯿﮟ ﻟﮓ ﺭﮨﯽ ﺗﮭﯽ ، ﻧﮧ ﮨﯽ ﺍﺱ ﮨﺎﺭ ﮐﮯ ﺍﻋﺘﺮﺍﻑ ﻧﮯ ﺍﻥ ﮐﮯ ﺍﻧﺪﺭ ﺗﻼﻃﻢ ﺑﺮﭘﺎ ﮐﯿﺎ ﺗﮭﺎ ، ﻭﮦ ﺍﮎ ﻣﯿﭩﮭﯽ ﺳﯽ ﮐﺴﮏ ﻣﺤﺴﻮﺱ ﮐﺮ ﺭﮨﮯ ﺗﮭﮯ ، ﺍﯾﮏ ﺩﮬﯿﻤﯽ ﺳﻠﮕﺘﯽ ﺍٓﮒ ﺟﻮ ﺍﻧﮩﯿﮟ ﺣﯿﺎﺕ ﺑﺨﺶ ﺫﺍﺋﻘﮯ ﺳﮯ ﻣﺘﻌﺎﺭﻑ ﮐﺮﻭﺍ ﺭﮨﯽ ﺗﮭﯽ ۔ ﺍﻧﮩﻮﮞﻨﮯ ﺍﭘﻨﮯ ﺑﺴﺘﺮ ﮐﯽ ﺳﺎﺋﯿﮉ ﭨﯿﺒﻞ ﺳﮯ ﺍﻟﺒﻢ ﻧﮑﺎﻝ ﻟﯿﺎ۔ ﯾﮧ ﻧﮑﺎﺡ ﮐﮯ ﺩﻥ ﮐﯽ ﺗﺼﺎﻭﯾﺮ ﺗﮭﯿﮟ ﺟﻮ ﻣﮩﻮﺵ ﺑﮭﺎﺑﯽ ﻧﮯ ﺍﻥ ﮐﻮ ﺗﮭﻤﺎﺋﯽ ﺗﮭﯿﮟ ، ﺍﻧﮩﻮﮞ ﻧﮯ ﻏﺼﮯ ﺳﮯ ﺑﻐﯿﺮﺩﯾﮑﮭﮯ ﺍﻧﺪﺭ ﮈﺍﻝ ﺩﯼ ﺗﮭﯿﮟ ﻣﮕﺮ ﺍﺏ ﺍﻥ ﺗﺼﻮﯾﺮﻭﮞ ﮐﻮ ﺩﯾﮑﮭﻨﮯ ﮐﻮ ﺩﻝ ﻣﭽﻞ ﺭﮨﺎ ﺗﮭﺎ ۔ ﮨﺮ ﺗﺼﻮﯾﺮ ﻣﯿﮟ ﺍﺱ ﮐﺎ ﺭﻭﭖ ﻧﺮﺍﻻ ﺗﮭﺎ ، ﻋﺮﻭﺳﯽ ﻟﺒﺎﺱ ﻭ ﻣﯿﮏ ﺍﭖ ﻣﯿﮟ ﺑﮭﺎﺭﯼ ﺟﯿﻮﻟﺮﯼ ﺳﻤﯿﺖ ﻭﮦ ﺍﭼﮭﯽ ﺧﺎﺻﯽ ﺩﻟﺮﺑﺎ ﺳﯽ ﻟﮓ ﺭﮨﯽ ﺗﮭﯽ ۔ ﮨﺮ ﺗﺼﻮﯾﺮ ﮐﻮ ﺑﻐﻮﺭ ﺩﯾﮑﮭﻨﮯ ﮐﮯ ﺑﻌﺪ ﺍﻥ ﮐﮯ ﮨﻮﻧﭩﻮﮞ ﮐﯽ ﻣﺴﮑﺮﺍﮨﭧ ﮔﮩﺮﯼ ﮨﻮﺗﯽ ﺟﺎ ﺭﮨﯽ ﺗﮭﯽ ۔
’’ ﺍﮔﺮ ﮐﭽﮫ ﺩﯾﻨﺎ ﮨﯽ ﮨﮯ ﺗﻮ ﻣﺠﮭﮯ ﻣﯿﺮﯼ ﻭﮦ ﻋﺰﺕ ﺩﯾﺠﺌﮯ ﺟﻮ ﺑﯿﻮﯼ ﮨﻮﻧﮯ ﮐﮯ ﻧﺎﻃﮯ ﺍٓﭖ ﭘﺮ ﻓﺮﺽ ﮨﮯ ۔۔ ﯾﮧ ﺧﯿﺮﺍﺕ ﻧﮩﯿﮟ۔۔ ‘‘ ﺍﭘﻨﯽ ﺗﻤﺎﻡ ﺗﺮ ﻧﺎ ﺗﻌﻠﻘﯽ ﮐﮯ ﺑﺎﻭﺟﻮﺩ ﻭﮦ ﺍﭘﻨﮯ ﺩﻝ ﮐﯽ ﺑﺎﺕ ﮐﮩﻨﮯ ﺳﮯ ﺑﺎﺯ ﻧﮩﯿﮟ ﺍٓﺋﯽ ﺗﮭﯽ ۔ ﺍﻥ ﮐﮯ ﺍﻧﺪﺭ ﺍﮎ ﻧﺸﮧ ﺳﺎ ﺍُﺗﺮﻧﮯ ﻟﮕﺎ۔
ﮐﻢ ﻋﻤﺮ ﻟﮍﮐﯽ ﮐﯽ ﻣﺤﺒﺖ ﮐﺎ ﻭﺍﺣﺪ ﺣﻘﺪﺍﺭ ﮨﻮﻧﺎ ﺟﻮ ﭘﻮﺭﯼ ﺟﯽ ﺟﺎﻥ ﺳﮯ ﺍﻥ ﭘﺮ ﻣﺮﺗﯽ ﮨﻮ۔ ﺍﺱ ﮐﺎ ﻧﺸﮧ ﺑﮭﯽ ﻋﺠﯿﺐ ﮨﻮﺗﺎ ﮨﮯ، ﺍﻧﮩﯿﮟ ﺍﺣﺴﺎﺱ ﮨﻮ ﺭﮨﺎ ﺗﮭﺎ ۔ ﺗﺼﻮﯾﺮﻭﮞ ﮐﻮ ﺳﺎﺋﯿﮉ ﭘﺮ ﺭﮐﮭﺘﮯ ﻭﮦ ﮨﻨﺲ ﺩﯾﮯ ﺗﮭﮯ ، ﺍٓﺝ ﺑﮩﺖ ﻋﺮﺻﮯ ﺑﻌﺪ ﻭﮦ ﺩﻝ ﺳﮯ ﮐﮭﻠﮑﮭﻼ ﮐﺮ ﮨﻨﺴﮯ ﺗﮭﮯ ،ﻭﺭﻧﮧ ﺧﻮﺩ ﮐﻮ ﺗﻮ ﺑﻘﻮﻝ ﻋﯿﺸﮧ ﮐﮯ ﻧﺎﻡ ﻧﮩﺎﺩ ﻧﻔﺮﺕ ﮐﯽ ﺯﺩ ﻣﯿﮟ ﺭﮐﮫ ﮐﺮ ﺑﮭﻮﻝ ﮔﺌﮯ ﺗﮭﮯ۔
’’ ﻣﯿﮟ ﺍٓﭖ ﺳﮯ ﺑﮩﺖ ﻣﺤﺒﺖ ﮐﺮﺗﯽ ﮨﻮﮞ۔۔ ﻣﯿﮟ ﺍٓﭖ ﮐﮯ ﺑﻐﯿﺮ ﻣﺮ ﺟﺎﺋﻮﮞ ﮔﯽ۔۔ ﭘﻠﯿﺰ ﻣﺠﮭﮯ ﯾﻮﮞ ﺑﺮﯼ ﻃﺮﺡ ﻧﻔﺮﺕ ﺳﮯ ﻣﺖ ﺩﮬﺘﮑﺎﺭﯾﮟ۔۔ ‘‘ ﮐﺒﮭﯽ ﮐﺎ ﮐﮩﺎ ﺭﻭﺗﯽ ﺑﻠﮑﺘﯽ ﺳﺴﮑﺘﯽ ﺍٓﻭﺍﺯ ﻣﯿﮟ ﯾﮧ ﺟﻤﻠﮧ ﺍﻥ ﮐﮯ ﺍﻧﺪﺭ ﺍﮎ ﺍٓﮒ ﻟﮕﺎ ﮔﯿﺎ ﺗﮭﺎ ۔ ﺍﻧﮩﯿﮟ ﺍﺣﺴﺎﺱ ﮨﻮﺍ ﮐﮧ ﻭﮦ ﺍﺱ ﮐﻢ ﻋﻤﺮ ﺩﯾﻮﺍﻧﯽ ﻟﮍﮐﯽ ﺳﮯ ﮐﺘﻨﯽ ﺯﯾﺎﺩﺗﯿﺎﮞ ﮐﺮ ﭼﮑﮯ ﮨﯿﮟ۔ ﮐﺴﯽ ﺧﯿﺎﻝ ﺳﮯ ﭼﻮﻧﮏ ﮐﺮ ﺍﻧﮩﻮﮞ ﻧﮯ ﻭﺍﺟﺪ ﺻﺎﺣﺐ ﮐﮯ ﮔﮭﺮ ﮐﮯ ﻧﻤﺒﺮ ﻣﻼﺋﮯ ، ﮐﺎﻝ ﺭﯾﺴﯿﻮ ﮐﺮﻧﮯ ﻭﺍﻟﯽ ﻭﺍﺟﺪ ﺻﺎﺣﺐ ﮐﯽ ﺑﯿﮕﻢ ﺗﮭﯿﮟ ، ﺳﻼﻡ ﺩﻋﺎ ﮐﮯ ﺑﻌﺪ ﺍﻧﮩﻮﮞ ﻧﮯ ﻓﻮﺯﺍﻥ ﺳﮯ ﺑﺎﺕ ﮐﺮﻭﺍﻧﮯ ﮐﻮ ﮐﮩﺎ ﺗﮭﺎ ۔
’’ ﺍﻟﺴﻼﻡ ﻋﻠﯿﮑﻢ ﺑﺎﺑﺎ۔۔ ‘‘ ﻭﮦ ﻓﻮﺭﺍً ﺑﺎﺕ ﮐﺮ ﺭﮨﺎ ﺗﮭﺎ ، ﻭﮦ ﻣﺴﮑﺮﺍ ﺩﯾﮯ۔
’’ ﻭﻋﻠﯿﮑﻢ ﺍﻟﺴﻼﻡ ۔۔ ﮐﯿﺴﮯ ﮨﻮ۔۔ ﻣﺎﻣﺎ ﮐﯿﺴﯽ ﮨﯿﮟ۔۔؟ ‘‘
’’ ﭨﮭﯿﮏ ﮨﻮﮞ۔۔ ﻣﺎﻣﺎ ﺷﮩﻼ ﺍٓﭘﯽ ﮐﻮ ﻣﮩﻨﺪﯼ ﻟﮕﺎ ﺭﮨﯽ ﮨﯿﮟ۔۔ ‘‘
’’ ﺗﻢ ﺳﻮﺋﮯ ﻧﮩﯿﮟ۔۔ ﺍﺗﻨﯽ ﺭﺍﺕ ﮨﻮ ﮔﺌﯽ ﮨﮯ۔۔ ‘‘ ﺍﻧﮩﻮﮞ ﻧﮯ ﭨﺎﺋﻢ ﺩﯾﮑﮭﺎ ، ﮔﯿﺎﺭﮦ ﺑﺞ ﺭﮨﮯ ﺗﮭﮯ۔
’’ ﻣﯿﮟ ﺳﻮ ﮔﯿﺎ ﺗﮭﺎ ، ﯾﮩﺎﮞ ﺍﺗﻨﺎ ﺷﻮﺭ ﮨﮯ۔۔ ﺍٓﻧﮑﮫ ﮐﮭﻞ ﮔﺌﯽ ﺗﮭﯽ۔۔ ﭘﺎﭘﺎ ﺍٓﭖ ﮐﯿﻮﮞ ﻧﮩﯿﮟ ﺍٓﺋﮯ ۔ ﯾﮩﺎﮞ ﺳﺐ ﮨﯿﮟ۔۔ ﺑﮩﺖ ﻣﺰﮦ ﺍٓ ﺭﮨﺎ ﮨﮯ۔۔ ‘‘
’’ ﻣﯿﮟ ﮐﻞ ﺍٓﺋﻮﮞ ﮔﺎ۔۔ﺍٓﭖ ﺍﭘﻨﯽ ﻣﺎﻣﺎ ﺳﮯ ﺑﺎﺕ ﮐﺮﻭﺍﺋﯿﮟ۔۔ ‘‘
’’ ﺍﭼﮭﺎ ﭘﺎﭘﺎ۔۔ ‘‘
ﺗﮭﻮﮌﯼ ﺩﯾﺮ ﺑﻌﺪ ﻋﯿﺸﮧ ﮐﯽ ﺍٓﻭﺍﺯ ﺳﻨﺎﺋﯽ ﺩﯼ۔
’’ ﮨﯿﻠﻮ۔۔ ‘‘
’’ ﻋﯿﺸﮧ۔۔ ‘‘ ﻭﮦ ﺭﮎ ﮔﺌﮯ، ﺫﮨﻦ ﺑﺎﻟﮑﻞ ﺧﺎﻟﯽ ﮨﻮ ﮔﯿﺎ ۔
’’ ﺟﯽ ﻓﺮﻣﺎﺋﯿﮯ۔۔ ﮐﯿﺴﮯ ﺯﺣﻤﺖ ﮐﯽ۔۔ ‘‘ ﺍﺗﻨﮯ ﻋﺮﺻﮯ ﻣﯿﮟ ﻭﮦ ﺍﻥ ﭘﺮ ﻃﻨﺰ ﮐﺮﻧﺎ ﺿﺮﻭﺭ ﺳﯿﮑﮫ ﭼﮑﯽ ﺗﮭﯽ ، ﺍﻧﮩﻮﮞ ﻧﮯ ﺍﯾﮏ ﮔﮩﺮﺍ ﺳﺎﻧﺲ ﻟﯿﺎ۔
’’ ﺗﻤﮩﺎﺭﺍ ﺍﯾﻢ ﺍﯾﺲ ﺳﯽ ﻣﮑﻤﻞ ﮨﻮﻧﮯ ﻣﯿﮟ ﮐﺘﻨﮯ ﻣﺎﮦ ﺑﺎﻗﯽ ﮨﯿﮟ۔۔ ‘‘ ﺳﻨﺠﯿﺪﮔﯽ ﺳﮯ ﭘﻮﭼﮭﻨﮯ ﭘﺮ ﺩﻭﺳﺮﯼ ﻃﺮﻑ ﻣﻮﺟﻮﺩ ﻋﯿﺸﮧ ﺣﯿﺮﺍﻥ ﮨﻮﺋﯽ ۔ ﯾﮩﺎﮞ ﺑﮭﻼ ﺍﯾﻢ ﺍﯾﺲ ﺳﯽ ﮐﺎ ﮐﯿﺎ ﺫﮐﺮ ۔۔ ﻭﮦ ﺑﮭﯽ ﺍﺱ ﻭﻗﺖ ۔۔
’’ ﺟﯽ۔۔؟ ‘‘
’’ ﺟﯽ ﮨﺎﮞ۔۔ ﮐﺘﻨﮯ ﻣﺎﮦ ﺑﺎﻗﯽ ﮨﯿﮟ۔۔؟ ‘‘ ﺍﻧﮩﻮﮞ ﻧﮯ ﺩﻭﺑﺎﺭﮦ ﺩﮨﺮﺍﯾﺎ۔
’’ ﺗﯿﻦ ﻣﺎﮦ ﺑﻌﺪ ﺍﯾﮕﺰﺍﻡ ﮨﻮ ﺭﮨﮯ ﮨﯿﮟ۔۔ ﮐﯿﻮﮞ ﺧﯿﺮﯾﺖ ۔۔؟ ‘‘ ﻋﯿﺸﮧ ﺣﯿﺮﺍﻥ ﺗﮭﯽ ﮐﮧ ﺭﺍﺕ ﮐﮯ ﺍﺱ ﭘﮩﺮ ﺍﺳﮯ ﺍﺱ ﮐﮯ ﺍﯾﻢ ﺍﯾﺲ ﺳﯽ ﺳﮯ ﮐﯿﺎ ﺩﻟﭽﺴﭙﯽ ﮨﻮﻧﮯ ﻟﮕﯽ ﮐﮧ ﯾﻮﮞ ﮐﺎﻝ ﮐﺮ ﮐﮯ ﭘﻮﭼﮭﺎ ﺟﺎ ﺭﮨﺎ ﺗﮭﺎ۔
’’ ﻣﯿﮟ ﺑﮭﯽ ﺣﺴﺎﺏ ﻟﮕﺎ ﺭﮨﺎ ﺗﮭﺎ ﮐﮧ ﺗﯿﻦ ﭼﺎﺭ ﻣﺎﮦ ﻣﺠﮭﮯ ﺗﻤﮩﯿﮟ ﺑﯿﻮﯼ ﮐﮯ ﻧﺎﻃﮯ ﻋﺰﺕ ﺩﯾﻨﮯ ﻣﯿﮟ ﮐﺘﻨﺎ ﺗﮑﻠﯿﻒ ﺩﮦ ﺍﻧﺘﻈﺎﺭ ﮐﺮﻧﺎ ﮨﻮ ﮔﺎ ﮐﮧ ﺗﻤﮩﯿﮟ ﺑﮭﯽ ﺩﯼ ﮔﺌﯽ ﻋﺰﺕ ﺧﯿﺮﺍﺕ ﻧﮧ ﻟﮕﮯ۔ ‘‘
’’ ﺟﯽ۔۔؟ ‘‘ ﺍﺏ ﺗﻮ ﻋﯿﺸﮧ ﮐﮯ ﺣﻘﯿﻘﺘﺎً ﻃﻮﻃﮯ ﺍُﮌﮮ ﺗﮭﮯ، ﮐﭽﮫ ﺑﮭﯽ ﺳﻤﺠﮫ ﻧﮧ ﭘﺎﺋﯽ ﺗﮭﯽ ۔ﯾﮧ ﺷﺨﺺ ﺍﺱ ﭘﺮ ﺍﯾﺴﺎ ﻣﮩﺮﺑﺎﻥ ﮨﯽ ﮐﺐ ﺗﮭﺎ ﮐﮧ ﻭﮦ ﺍﻋﺘﺒﺎﺭ ﮐﺮﺗﯽ۔
’’ ﻭﯾﺴﮯ ﺗﻤﮩﯿﮟ ﻣﺠﮫ ﺗﮏ ﭘﮩﻨﭽﻨﮯ ﮐﮯ ﻟﯿﮯ ﻓﻮﺯﺍﻥ ﮐﻮ ﻗﺎﺑﻮ ﮐﺮﻧﮯ ﻣﯿﮟ ﻣﺸﮑﻞ ﺗﻮ ﺑﮍﯼ ﮨﻮﺋﯽ ﮨﻮ ﮔﯽ۔۔ ‘‘ ﻭﮦ ﻣﺰﯾﺪ ﮐﮩﮧ ﺭﮨﮯ ﺗﮭﮯ ، ﺩﻭﺳﺮﯼ ﻃﺮﻑ ﻋﯿﺸﮧ ﮐﻮ ﺗﻮ ﮔﻮﯾﺎ ﭘﺘﻨﮕﮯ ﻟﮕﮯ ﺗﮭﮯ۔
’’ ﺩﻣﺎﻍ ﭨﮭﯿﮏ ﮨﮯ ﺍٓﭖ ﮐﺎ۔۔ ﻓﻮﺯﺍﻥ ﮐﮯ ﺳﻠﺴﻠﮯ ﻣﯿﮟ ﺍٓﭖ ﻣﯿﺮﮮ ﺟﺬﺑﺎﺕ ﮐﯽ ﺗﻮﮨﯿﻦ ﮐﺮ ﺭﮨﮯ ﮨﯿﮟ۔۔ ‘‘ ﻭﮦ ﮐﻠﺲ ﮐﺮ ﺭﮦ ﮔﺌﯽ ، ﺷﮩﺒﺎﺯ ﻧﮯ ﺍﭘﻨﯽ ﻣﺴﮑﺮﺍﮨﭧ ﺩﺑﺎﺋﯽ۔
’’ ﺗﻢ ﻧﮯ ﺑﮭﯽ ﺗﻮ ﻣﯿﺮﯼ ﮐﯽ ﮔﺌﯽ ﺷﺎﭘﻨﮓ ﮐﯽ ﭼﯿﺰﯾﮟ ﻗﺒﻮﻝ ﻧﮧ ﮐﺮ ﮐﮯ ﮐﯽ ﮨﮯ۔۔ ﻭﮦ ﮐﺲ ﺯﻣﺮﮮ ﻣﯿﮟ ﺍٓﺗﯽ ﮨﮯ ‘‘ ﻭﮦ ﺍﺳﮯ ﺻﺮﻑ ﺳﺘﺎﻧﮯ ﮐﮯ ﻣﻮﮈﻣﯿﮟ ﺗﮭﮯ ، ﺩﻭﺳﺮﯼ ﻃﺮﻑ ﻋﯿﺸﮧ ﻭﺍﻗﻌﯽ ﺑﺮﮨﻢ ﮨﻮ ﮔﺌﯽ۔
’’ ﺍﻭﺭ ﺟﻮ ﺍٓﭖ ﻣﯿﺮﮮ ﺳﺎﺗﮫ ﺍﯾﮏ ﻋﺮﺻﮧ ﺳﮯ ﮐﺮﺗﮯ ﺍٓ ﺭﮨﮯ ﮨﯿﮟ، ﻭﮦ ﮐﺲ ﮐﮭﺎﺗﮯ ﻣﯿﮟ ﮈﺍﻟﯿﮟ ﮔﮯ۔۔ ‘‘ ﻭﮦ ﭼﭩﺦ ﮨﯽ ﺗﻮ ﮔﺌﯽ ﺗﮭﯽ ، ﻭﮦ ﮨﻨﺲ ﺩﯾﮯ۔
’’ ﻣﯿﮟ ﺗﻮ ﺍﯾﺴﺎ ﮨﯽ ﮨﻮﮞ۔۔ ﻣﻨﻊ ﮐﯿﺎ ﺗﮭﺎ ﺗﻤﮩﯿﮟ۔۔ ﺍﺏ ﺑﮭﮕﺘﻮ ﺑﮭﯽ۔۔ ﺍﭘﻨﮯ ﺳﮯ ﺑﮍﯼ ﻋﻤﺮ ﮐﮯ ﺷﺨﺺ ﺳﮯ ﺩﻝ ﻟﮕﺎﺋﻮ ﮔﯽ ﺗﻮ ﯾﮩﯽ ﺣﺎﻝ ﮨﻮ ﮔﺎ۔۔ ‘‘
’’ ﺍٓﭖ ﮐﻮ ﻣﯿﺮﮮ ﺍﺣﺴﺎﺳﺎﺕ ﮐﺎ ﭘﺘﮧ ﮨﮯ ، ﺍﺳﯽ ﻟﯿﮯ ﺍٓﭖ ﻣﺠﮭﮯ ﺩﻝ ﻟﮕﺎﻧﮯ ﮐﯽ ﺳﺰﺍ ﺩﮮ ﺭﮨﮯ ﮨﯿﮟ۔۔ ﻣﯿﺮﯼ ﻗﺴﻤﺖ ۔۔ ﺳﺮ ﭘﮭﻮﮌﻧﮯ ﮐﻮ ﺑﮭﯽ ﻣﺠﮭﮯ ﺍٓﭖ ﺟﯿﺴﺎ ﭘﺘﮭﺮ ﻣﻼ ﺗﮭﺎ۔۔ ﻣﮕﺮ ﮐﺐ ﺗﮏ ۔۔ ﮐﺴﯽ ﻧﮧ ﮐﺴﯽ ﺩﻥ ﺍٓﭖ ﮐﻮ ﺍﭘﻨﯽ ﻏﻠﻄﯽ ﮐﺎ ﺍﺣﺴﺎﺱ ﺗﻮ ﮨﻮ ﮔﺎ۔۔ ‘‘ ﺍﮔﻠﮯ ﮨﯽ ﻟﻤﺤﮯ ﺣﺴﺎﺳﯿﺖ ﮐﺎ ﺷﮑﺎﺭ ﮨﻮﺗﮯ ﺍﺱ ﮐﯽ ﺍٓﻭﺍﺯ ﺭﻧﺪﮪ ﮔﺌﯽ ۔
’’ ﻣﯿﮟ ﺍٓﭖ ﺳﮯ ﺟﺘﻨﺎ ﺑﮭﯽ ﺑﺮﺍ ﺳﻠﻮﮎ ﮐﺮ ﻟﻮﮞ، ﺍٓﭖ ﮐﮯ ﺑﺮﺍﺑﺮ ﻧﮩﯿﮟ ﮨﻮ ﺳﮑﺘﯽ۔۔ ﺍٓﭖ ﺗﻮ ۔۔ ‘‘ ﻭﮦ ﻭﺍﻗﻌﯽ ﺭﻭ ﺩﯼ۔ ﺷﮩﺒﺎﺯ ﮐﺎ ﺍﯾﺴﺎ ﮐﻮﺋﯽ ﺍﺭﺍﺩﮦ ﻧﮧ ﺗﮭﺎ ، ﮐﻢ ﺍﺯ ﮐﻢ ﺍﺏ ﺗﻮ ﺭﻻﻧﮯ ﮐﮯ ﻣﻮﮈ ﻣﯿﮟ ﻧﮧ ﺗﮭﮯ ، ﺻﺮﻑ ﺳﺘﺎﻧﺎ ﻣﻘﺼﺪ ﺗﮭﺎ ۔
’’ ﻣﺠﮭﮯ ﻣﯿﺮﯼ ﺑﺎﺗﻮﮞ ﮐﮯ ﻃﻌﻨﮯ ﺩﮮ ﻟﯿﮟ ۔۔ ﺍﻟﻠﮧ ﮐﺮﮮ ﺍٓﭖ ﺑﮭﯽ۔۔ ‘‘ ﻭﮦ ﮐﭽﮫ ﮐﮩﺘﮯ ﮐﮩﺘﮯ ﺭﮎ ﮔﺌﯽ ، ﺍﯾﮏ ﺩﻡ ﻓﻮﻥ ﺑﻨﺪ ﮐﺮ ﺩﯾﺎ ﺗﮭﺎ ۔ ﺷﮩﺒﺎﺯ ﺣﯿﺪﺭ ﮐﻮ ﺗﺎﺳﻒ ﻧﮯ ﺍٓ ﮔﮭﯿﺮﺍ ، ﻣﮕﺮ ﺍﮔﻠﮯ ﮨﯽ ﻟﻤﺤﮯ ﭘﮭﺮ ﮐﭽﮫ ﺳﻮﭺ ﮐﺮ ﻣﻄﻤﺌﻦ ﮨﻮ ﮔﺌﮯ۔
X X X