کیویں بُھل جاواں تیڈا پیار ماہی اَتے مٹھیاں مٹھیاں باتاں
کیویں بُھل جانواں لُک لُک ملنڑا پوہ ماہ دیاں ٹھنڈیاں راتاں
کٹھے بارش دے وچ بجھدے ساں کیوں بُھل جانواں برساتاں
تیڈا ڈِگنا فداؔ دِی جُھولی وِچ کیویں بُھل جانواں جذباتاں
اَج تک پیار دِی کہانی مینوں یاد اِے چھلے نال مندری وَٹانی مینوں یاد اِے
جہیڑی چٹھی لکھی سی تُوں پہلی پہلی واری نی اَج وی او لگدی اِے جان نالوں پیاری نی
اِک اِک حرف زبانی مینوں یاد اِے اَج تک پیار دِی کہانی مینوں یاد اِے
گرمی دِے دِن سَن ٹالیاں دِی چھاں نی جتھے بہہ کے کیتی سی توں پہلی وَاری ہاں نی
ڈتا سی رومال توں نشانی مینوں یاد اِے اَج تک پیار دِی کہانی مینوں یاد اِے
میرا سی معمول تیری گلی وچوں لنگھڑاں بُوہے کول آ کے تیرے ہولی ہولی کھنگھڑاں
سُٹیا سی کوٹھے توں پانی مینوں یاد اِے اَج تک پیار دِی ہانی مینوں یاد اِے
فداؔ ساڈی اِک دِن قسمت ہر گئی دُکھاں دی ہنیری سانوں کلا کلا کر گئی
وچھوڑے والی رات مر جانڑی مینوں یاد اِے اَج تک پیار دِی کہانی مینوں یاد اِے
