اِک چھوڑ گہیوں تو چن ماہی دوجا رُس گیا کُل زمانہ
میں پاگل ہاں میکوں لوک آہدہن سودائی تے دیوانہ
تُوں مالک مینڈی زندگی دا مینڈی جان تینڈا نذرانہ
منظورؔ ہے سر توں پیراں تک تیڈا عاشق تے پروانہ
کیویں گذری زندگانی یاد ہے پیار دی ساری کہانی یاد ہے
واسطہ من گل نہ پچھلی پھول وے میں سُنڑیدا ہاں توں بہہ ونج کول وے
کہیڑی بیتی سب زبانی یاد ہے پیار دی ساری کہانی یاد ہے
او میڈا دریا دی منٹر تے بھانڑواں وعدہ کر کے تیڈا وت نہ آونڑاں
تیڈی اِک اِک مہربانی یاد ہے پیار دی ساری کہانی یاد ہے
او تیڈا خیرے صلے رُس پوونڑاں دِل نے کملا ہونڑاں تے روونٹراں
اپنڑیں ہنجواں دی روانی یاد ہے پیار دی ساری کہانی یاد ہے
تیڈے جھوٹے ہاسیاں تے بُھل گئے تیڈے کوُچے وچ اے ڈوھویں رُل گے
دِل تے نالے جند نمانڑیں یاد ہے پیار دی ساری کہانی یاد ہے
اے کرم ہَن یاد سب احباب دے بن بدھے نے آ کے ہُنٹر سیلاب دے
ٹپ گیا جد سر تو پانڑیں یاد ہے پیار دی ساری کہانی یاد ہے
سب گے فاروقؔ میکوں چھوڑ وے نال میڈے کِس نبھائی توڑ وے
دِلربا سب یار جانی یاد ہے پیار دی ساری کہانی یاد ہے
