پہلے آپ رقیب دی پس کر کے ساڈے ساڑن کان او بھائیں بنٹر گے
ایڈی جرات رقیباں تائیں کیتی میڈے یار جو اُس دئیاں بھائیں بنٹر گے
دِیوے گھر دے گھر نوں ساڑ دتا اوہ مجرم آپ نیائیں بنٹر گے
ہتھیں اپنے مار کے آڈھے نوں وَت قاتل میت دے سائیں بنٹر گے
ڈھاندے سنبھلدے اُٹھیندے وے رہے آں مردے وی رہے ہاں تے جیندے وی رہے آں
ایہہ جگ لٹیرا تُساں ایہہ نہ سوچوں اِک واری نہیں اساں کہیں وار لوکو
سجنڑاں دے ہتھوں لُٹیندے وی رے آں مردے وی رہے ہاں تے جیندے وی رہے آں
دل دی او نیت نوں پہچاندا اے منگو نہ صفائی ایہہ رب جانڑدا اے
رَج رَج گہنگار تینڈے وی رے ہاں مردے وی رہے ہاں تے جیندے وی رہے آں
رج کے نہ تُوں ساقی پلائی اسے کم دے وچ ساری عمر لنگھائی
پلیندے وی رے آں تے پیندے وی رے مردے وی رہے ہاں تے جیندے وی رہے آں
محبت دا فاروقؔ پرچار کیتا اسے گل آساکوں گناہنگار کیتا
بے جرم تھانے سڈیندے وی رے آں مردے وی رہے ہاں تے جیندے وی رہے آں
