شالا رب سائیں غلطیاں معاف کرے کئیں پیار اچ فرق ڈسینڈین
تُوں وی معاف کریں میں مجرم نُوں کُج پیا اِچ بھار چوینڈین
میں اِس تکلیف توں وَاقف ہاں کیویں نکھڑ کے ڈین گذرینڈین
مجبوریاں آڈھاؔ ڈاڈیاں ہن کڈاں جانٹر کے وطن چھوڑینڈین
آڈھا خان
جہیڑا وی مینوں آ کے ملیا غم دا مارا ملیا اے
مینوں اپنٹریں قسمت والا عجب ستارا ملیا اے
اس کیتے میں گل چا لایا ارماناں دے قاتل نوں
وچ بازار دے نیواں ہو کے بہوں دکھیارا ملیا اے
کس کس دا میں درد ونڈاواں جہیڑا سجنٹر وی ملیا اے
بُجھیا بُجھیا تَھکیا تَھکیا ہارا ہارا مِلیا اے
میں کہ جانٹراں ساقی تینوں ہوسی پنج دریاواں دا
تیڈے ہتھوں جدوں وی ملیا پانٹریں کھارا ملیا اے
ثابت ہوندا پیش کریندا کھویا تینوں سانول وے
دل ملیا تے او وی مینوں پارا پارا ملیا اے
میں ازماواں ظرف اپنٹرے نوں توں اپنٹرے ارمان مٹا
تینوں ظلم دی عادت مینوں تخت دا یارا ملیا اے
جی کردا اے اج میں کھیڈاں پِنڈ دے نکڑے بالاں نال
بچپن دا اَج مینوں وی ہک یار پیارا ملیا اے
جیونٹر نالوں موت وی مینوں اج پئی چنگی لگدی اے
لاش مینڈی نوں سجنڑاں دے مونڈھاں دا سہارا ملیا اے
ڈر لگدا اِے وَت فاروقؔ نہ ہو جاواں دیوانہ میں
وَت ہک نرگسی اَکھ والے دا شوخ اشارہ ملیا اے
