رُتتاں آئیاں چیت بہار دِیاں کوئی خبراں دیوے یار دِیاں
پُھل بور درختاں چائیا اے ہر شے تے جوبن آیا اے
پئیاں کنکاں سٹے نی سار دِیاں کوئی خبراں دیوے یار دِیاں
کجھ کچیاں کجھ اَد پکیاں نی بیراں نال اِے بیراں لگیاں نی
پئیاں بالڑیاں وٹے ماریاں کوئی خبراں دیوے یار دِیاں
توتاں دیاں لغراں پُٹیاں نے میڈے من وچ پیڑاں اُٹھیاں نے
کڈاں سُن سی رب بیمار دِیاں کوئی خبراں دیوے یار دِیاں
پُھل پیلے پیلے سریوں دے اے سادھوں میڈی پریوں دے
سب خاطراں ہن دل دار دِیاں کوئی خبراں دیوے یار دِیاں
ڈیہہ نکلے کھاتے ویندیاں دے میڈے نال دی سب سینگیاں دے
مینوں تک تک بولیاں مار دِیاں کوئی خبراں یوے یار دِیاں
فاروق وچھوڑے دُور ہوون پئیاں دُکھ دیاں مارن کُرلاونڑ
جیویں زخمی کونجاں ڈار دِیاں کوئی خبراں دیوے یار دِیاں
