ایویں نہ لکیراں اُتے مار توں لکیر وے ایہو جیا رنگ بھر بولے تصویر سے
چہرے نوں جمال ڈے جلال ڈے مصورا سُتے ہوئے جذبے اُچھال ڈے مصورا
اَبرو کمان ہوونڑ اکھاں ہونڑ تیر وے ایہو جیا رنگ بھر ایہو جیا رنگ بھر
زُلفاں دے وچ کوئی ایہو جیا پیچ ڈے اُونے پونے ظالماں دا سب کجھ ویچ ڈے
حق توں نہ خالی راوے دیس دا اسیر وے ایہو جیا رنگ بھر ایہو جیا رنگ بھر
لِٹ کالے والاں چھیڑے رُخسار نوں چار چن لگ جان تیڈے شاہکار نوں
لُٹ لے توں ظالماں دی ساری جاگیر وے ایہو جیا رنگ بھر ایہو جیا رنگ بھر
مُکھڑے تے ایہو جہا تل دا نشان ڈے جند سودائیاں دی جے جاندی اے جان دے
گل ایہو منگدے نے پیار دے فقیر وے ایہو جیا رنگ بھر ایہو جیا رنگ بھر
نشے دار اکھاں وچ ڈورے دے گلاب دے آپے ٹٹ جان گے پیالے اے شراب دے
ہتھ پیا جوڑے ہائے مہخانے والا پیر وے ایہو جیا رنگ بھر ایہو جیا رنگ بھر
بُلیاں دے نمے نمے ہاسرے بکھیر ڈے گان پئے پجاری گیت سجری سویر دے
لانڑ پے تھیکڑیاں دے جاندے راہگیر وے ایہو جیا رنگ بھر ایہو جیا رنگ بھر
میڈے کولوں پچھ لے فن تے صفائی وے پلکاں نوں رنگ ذرا گوڑ ا سُر مائی وے
کجرے دی کھچ ذرا نکی جئی لکیر وے ایہو جیا رنگ بھر ایہو جیا رنگ بھر
ہر اِک اَنگ نوں توں اُوپرا خیال ڈے لوکی بُھل جان قصے سوھنی مہنوال ڈے
قبراں دے وچ سوچے سسی نالے ہیر وے ایہو جیا رنگ بھر ایہو جیا رنگ بھر
کُھلے ڈُلے ڈتتے فاروق نے خیال وے ہُن تاں مصو را توں برش سنبھال وے
ہوسی پئی دِلاں دی آپے تفصیر وے ایہو جیا رنگ بھر ایہو جیا رنگ بھر
