کنڈیاں تے ٹُر کے آئے تیڈے کول پیر و وانڑنے
اَگے تیڈی مرضی ڈھولن توں جانڑیں یا نہ جانڑیں
اساں تیڈے کول راہندے توں ساڈے کول رہندا
ساڈے وس دے کولوں باہر بہوں دُور دا ہے پینڈا
اساں اس زمین دے واسی تیڈے چن تے ہن ٹھکانے
کنڈیاں تے ٹُر کے آئے کنڈیاں تے ٹُر کے آئے
تینوں مرض کہڑا ڈسیے جد سڑ گیا نصیبا
ساڈا سینہ زخمی زخمی توں ویکھ لے طبیبا
کجھ پھٹ آ ساڈے تازے کُجھ پھٹ نے بہوں پرانے
کنڈیاں تے ٹُر کے آئے کنڈیاں تے ٹُر کے آئے
ساڈے نال زندگی نے کیتے عجب تماشے
ساڈے دل دا چین لٹیا اساں ٹُردے پھردے لاش اے
ساڈا بھار کس نے چاونڑاں ساڈے درد کس ونڈونے
کنڈیاں تے ٹُر کے آئے کنڈیاں تے ٹُر کے آئے
تینوں مانڑ ہے حُسن دا اج ہے تے کل نہ ہوسی
اساں ہاں فقیر تیڈے کل ساڈی لوڑ پوسی
ہک جئے اے ڈی نہ راہندے ہک جئے نہ اے زمانے
کنڈیاں تے ٹُر کے آئے کنڈیاں تے ٹُر کے آئے
ہر گل تیڈی منیسوں جا دشت ڈیرہ لیسوں
تیڈا حکم ہووے ماہی تیڈا شہر چھوڑ وئیسوں
اساں پیار دے مسافر عاجز تے بہوں نمانڑیں
کنڈیاں تے ٹُر کے آئے کنڈیاں تے ٹُر کے آئے
اِی ہو ہا تواہڈی خوائش او پوری کر گیا ہے
خوشیاں مناؤ سجنوں فاروقؔ مر گیا ہے
ہُن کیوں اے رونا پایا تساں لاش دے سرہانے
کنڈیاں تے ٹُر کے آئے کنڈیاں تے ٹُر کے آئے
