اَجاں کمسن ہیں تیڈا تیر نظر دا ہے اج وی انج مشہور اِے
جیویں پختہ کار شکاری نوں ہوندا فن تے خاص عبور اِے
جداں عین شباب دِی رُت آسی تے مشتاقؔ نوں خوف ضرور اِے
تیڈا گھر بنڑ مقتل گاہ ویسی پے نِت مرسن مجبور اِے
کی سوچ کے تے ماہی تیں نشانڑا جُھٹیا اِک پانڑی ڈلیا تے ڈوجھا گھڑا تڑٹیا
ڈر لگدا اے مینوں گھروں مار پووے گی کتھے گھڑا گیا پوری تفتیش ہووے گی
اِسے خوف کو لوں ہُن میڈا خون سُکیا اِک پانڑی ڈُلیا تے ڈوجھا گھڑا تڑٹیا
اَج پیار والے ماہی تیں بھید کھولے وے میڈی جندری تے پہ گے ناویں ناویں رولے وے
اَج سینگھیناں دِے وِچ ایہو شور اُٹھیا اِک پانڑی ڈُلیا تے ڈوجھا گھڑا تڑٹیا
پھسی دُکھاں وچ جند اَتے جان میڈی وے کے آکھاں تینوں چُپ اِے زَبان میڈی وے
تیری نکی جئی شوخی مینوں مار سُٹیا اِک پانڑی ڈُلیا تے ڈوجھا گھڑا تڑٹیا
کیرا منہ گِن کے میں کُھوہ تے آواں گی کیویں ڈس ماہی تیڈا میں دیدار پاواں گی
دِل سوچ سمندراں دِے وچ ڈبُیا اِک پانڑی ڈُلیا تے ڈوجھا گھڑا تڑٹیا
میڈی زِندگی تے پایا تیں عذاب ڈھو لنڑا اِس گل دَا میں منگدی حساب ڈھولنڑا
کیں دے آکھے لگ تیں اِے سواد لٹیا اِک پانڑی ڈُلیا تے ڈوجھا گھڑا تڑٹیا
کھیڈ ٹُر دِی تیں آپ وَنجائی سونٹریاں ہنڑ ڈے نہ فاروق توں صفائی سوہنڑیاں
تیں آپ میڈے پیار دَا چاہ گلا گھٹیا اِک پانڑی ڈُلیا تے ڈوجھا گھڑا تڑٹیا
