دل جس ﷺ سے زندہ ہے

ہم کہاں اور کہاں سایہ دامانِ رسولﷺ
یوں کہو،بن ہی گئی بات بہ فیضانِ رسول ﷺ

جزو و کل خالق و مخلوق ثنا خوانِ رسول ﷺ
زندگی ایک فسانہ ہے بہ عنوانِ رسول ﷺ

کون سی خلق نہیں آپ کی ممنونِ کرم
کس پہ احسان نہیں ، سب پہ ہے احسانِ رسولﷺ

اُس کی تقدیر پہ جنت کی بہاریں قرباں
چھوگئی جس کو کہیں نگہت دامانِ رسولﷺ

اِسی محور پہ تو گردش میں ہیں سارے عالم
اللہ اللہ خمِ کا کلِ پہچانِ رسولﷺ

سلطنت چیز ہے کیا اُس کے غلاموں کے لئے
کس بلندی پہ ہیں کیا جانے غلامانِ رسولﷺ

یوں تو کہتے کو کہیں سینکڑوں نعتیں طاہر
کونسی نعت کہی آپ نے شانِ رسولﷺ