دل جس ﷺ سے زندہ ہے

زمیں کی روئید گی کا سارا فسُوں ہے تجھ سے
مِر ے ور یدوں میں دوڑتی موجِ خوں ہے تجھ سے
ہَوا کی خاموش سرسراہٹ میں نام تیرا
گھنے درختوں کی سبز چھائوں فزوں ہے تجھ سے
تری ہی خاطر ہوئے ہیں دونوں جہان پیدا
زمین خاکستر ی ٗ فلک نیلگوں ہے تجھ سے
شہوں سے اونچے مقام والے غلام تیرے
خرد پہ غالب کمالِ جوشِ جنوں ہے تجھ سے
جہانِ طاہر میں کس نے دیکھا ظہور ایسا
زمانے پر آشکا ر رازِ دروں ہے تجھ سے
بڑھا رہاہے چمک نگاہوں کی ذکر تیرا
خروشِ اندوہ میں دلوں کا سکوں ہے تجھ سے