دل جس ﷺ سے زندہ ہے

ہاتھ سے رکھ دے قلم، گر جذبِ ایمان نہیں
نعت گوئی اہلِ ثروت کی ثنا خوانی نہیں
یہ دیارِ علم کا طر زِ جہاں بانی نہیں
یا رواجِ تاج و اورنگ ِ سلیمانی نہیں
ذاتِ انساں کے ہر گوشے نے پائی ہے مراد
گر جھکی ہے ان کے در پر ، عقل دیوانی نہیں
سیرِ جنت سے فزوں اس دشت کی راہوں کی دُھول
اے مسافر ! تو نے اپنی قدر پہچان نہیں
صیقلِ آئینہِ جاں ہے تیرے کو چے کی خاک
جانِ طیبہ ! تیرے حیرانوں پہ حیرانی نہیں
بامِ سدرہ کے مکیں کو ہے مِرے قسمت پہ رشک
اس کے حصے میں تیرے چوکھٹ کی دربانی نہیں
مالک کوثر ﷺ ہمارے حال پر بھی اک نظر
عصرِ نو کے دشت میں کوسو ں تلک پانی نہیں
کون ڈھانپے گا ترے دامانِ رحمت کے سوا
ہم وہ عریاں ہیں ، جنہیں احساس عریانی نہیں
کیسے دکھ دوں کھینچ کر تصویر ِ حالِ دل جلیل
میرے ہاتھو ں میں قلم ہے ، خامہ مانی نہیں