دل جس ﷺ سے زندہ ہے

نظام دہر ہونے کو ہے برہم یا رسول اللہﷺ
دگر گوں ہو رہا ہے حالِ عالم یا رسول اللہﷺ

سراسر آپؐ کی ذاتِ مکرم یارسول اللہﷺ
ہے وجہ افتخارِ ذات آدم یارسول اللہﷺ

یہ ترکیب زمین و آسماں سب آپکی خاطر
دو عالم آپکے باعث منظم یارسول اللہﷺ

غضب ہے وابستگانِ در کی قسمت میں
ہے رنج مسلسل پیہم یارسول اللہﷺ

سوائے آپکے کس سے کریں مظلوم فریادیں
نہیں ہے درد دِل کا کوئی محرم یارسول اللہﷺ

ہے جو یا آپکے دامانِ رحمت کے کنارے کا
ٹپکتا ہے جو اشکِ چشم پرنم یارسول اللہﷺ

جبیں فرسار ہیں سارے مسلمان آپ کے در پر
عطا فرمائے ایمانِ محکم یارسول اللہﷺ

مجھے اندیشہ کیا ہستی کے آلام و مصائب کا
کہ ہے میری زباں پر اب تو ہر دم یارسول اللہﷺ

```